KÒLÒSYƐŊ 1:18 - Bafia Nouveau Testament

¹⁸ Nnyɛɛ ri nto wu ɓi nyoo ìnɛ ì rì lɛ kìseŋi kii; nnyɛɛ ri rìtumɛ̀n, à ki ɓa ti man à ǹtonto ànɛ à lokà kìghèmɓɛɛ a ɓìloŋ lɛ di a ɓa beèbɛ̀y ɓi ɓìɓan ɓìcèm.

KÒLÒSYƐŊ 1:18 ပူးပေါင်းရင်းမြစ်များ

MATYOO 23:8

Wɔ̀lɛ mìnii ghɛɛ̀sɛɛ ɓi ki gherɛɛ lɛ, ɓɛɛ rereŋi mìni lɛ ɓɛ̀rèsàg ɓisuulɛ, ɓì rì lɔŋ ri ǹɗèsàg bog, miniìcèm ɓì ki ɓa ti ɓi rìgeni.

MATYOO 28:18

Fɔɔnnɛ Yeesus à tyòŋdɛ̀ngày, à kpaa ɓɔ lɛ: Ɓaa fa mɛ ìtèɗ wucèm lɛ rì ɓi ɗyoo ɓiɗùm, rì ɓi ziinɛ.

ZYAŊ 1:1

A rìtumɛ̀n, Jɛ̀ɛ̀ ì ɓaghà, nni Jɛ̀ɛ̀ ì ɓaghà ɓɛɛ̀ Bɛ̀ll, Jɛ̀ɛ̀ ì ki ɓaghà Bɛ̀ll.

ZYAŊ 1:16

Ɓìsiìcèm tì mɛ teɗ ɓɛmààgh ɓɛ ɓi rìɓa ɗii ɗi à rì ǹɗonɛn, à saàsàgtàg ɓìsi geesɛ̀n.

ZYAŊ 1:27

Mɛ̀ ǹwuɓsɛɛ gì ɓi nkoŋ wulɛ ǹfùmì ǹɗig wii wu gòò.

MƐ̀KÌKÌÌ MƐ ƁƐKƐ̀NÌ-FÌTOM 26:23

ɓyɛɛ ri lɛ: Kiris à ghɛ̀ɛ̀sɛ̀ngà kìwiì, à ki ɓa ŋwaà ǹtonto ànɛ a ghemɓɛn yì a ɓìloŋ, à lòm kìtɛɛtɛn ɓi kìlɔ̀ŋ kis rì ɓi ɓìlɔ̀ŋ ɓimbog lɛ ɓyɛɛ yi lɛ ɓi ri ɓiì ɓaà rì cɛɓ.

RÒMƐŊ 8:29

Ɓisuulɛ ɓumɓɛ Bɛ̀ll à lokà kì ɓɔ̀ni, à ɓaghà girig di à mɛ ren abɛ̀y lɛ ɓɛ ɓiì ɓaà ɓi kìpisɛn ki Man wiì, lɛ di Man wiì a ɓa man à ǹtonto ɓi kìtuu ki ɓɛgeni.

1 KƆ̀RƐ̀ŊTYƐŊ 11:3

Nni nsoò fɔlɔɔ, kɛɛ̀ kɔ̀nkɔn mɛ lɛ di ɓyàa yii kìɓan ki: Kiris à rì rìfòm ɗi baŋì bimiɗ, baŋì ì ɓa rìfòm ɗi giɓ, Bɛ̀ll à ki ɓa rifòm ɗi Kiris.

1 KƆ̀RƐ̀ŊTYƐŊ 12:27

Ɓì rì nyoo ì Kiris, mum ǹcèm ànɛ ɓi mìni à rì kìkàɓ kii lɛ rì mum, à ɓa ɓi rìɓa ɗii.

1 KƆ̀RƐ̀ŊTYƐŊ 15:25

Lɛ ki ghɛɛ̀sɛɛ lɛ a lami à kpaŋ yɛ̀ɛ à rì ɓiì foŋì ɓɛ̀bènàbena ɓii ɓɛ̀cèm a mɛ̀kòò mii zi

EFÈZYƐŊ 1:10

Kìɓan kiǹ, Bɛ̀ll à ɓiì ràtɛɛ kɔ kì kìi, di cààmɛ̀n ki mɛ ghɛ̀ɛ̀sɛ̀n; à taŋzɛ̀n ɓyom ɓìcèm ɓi ɓi ri aɗyoo, rì ɓi ɓi ziinɛ lɛ ɓyɛɛ ɓa rìfòm ɗifog lɛ Kiris.

EFÈZYƐŊ 5:23

Ɓisuulɛ, baŋì ì làmii giɓ wiì fɛlɛ yɛ̀ɛ Kiris à làmii kìseŋi kìì; nyimiɗ yɛɛ ti ǹghɛɓsì à kìseŋi ki ki ri nyoo yìì.

KÒLÒSYƐŊ 1:24

Ǹɗì rì kìnyàà ɓi cààmɛ̀n ki, ɓi mɛ̀tɔɓ mɛ nwowog ɓisu win, fɔɔnnɛ com ki kɛɛ̀ kaakaàrɛ̀n ɓi mɛ̀tɔɓ mɛ Kiris, mɛ̀ɛ nɗàaratɛ̀n kɔ kì woògh ɓi nyoo yɛ̀m ɓisuu nyoo yìì ìnɛ ì rì kìseŋi kii.

KÒLÒSYƐŊ 2:19

Rìkuu ɗi mum ɗìn ɗi yin ɗi ràrɛn ri ǹto wu wu ɓanɓani nyoo bimiɗ, wu ki kì lɛ nyoo ìnɛ̀n yɛ̀ɛ rarag lɛ syeesyee ɓi jàŋ yi ì rì miì ǹwògakɛn ì ki tɔɔtɔɔ kitɔɔ ki Bɛ̀ll a fafa yɔ̀.

1 ZYAŊ 1:1

Tì kàni mìni kìɓan ki jɛ̀ɛ̀ ì cɛɓ ìnɛ ì ɓaghà, a rìtumɛ̀n ɗi ɓyom ɓìcèm; tì wokà yɔ̀ di yɛɛ̀ tòtòg, tì ghɛn yɔ̀ ri mis, tì sìŋì yɔ̀, tì ki kòm yɔ̀ ri ɓyàg ɓis.

ÀPÒKÀLIƁSƐ̀ 1:18

Mɛ̀ yɛɛ ri ŋwaà ǹtonto, mɛ̀ tì ŋwaà siitòn, roànɛ à rì cem. Ǹwughà, kìɓan kifog ǹɗì cem fiɗyàɓ fikɔ̀ɔ̀. Ǹwowotii tìɗìɓà ti riwù rì ti a tɛ̀ɛ̀.

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,

ÀPÒKÀLIƁSƐ̀ 1:8

Kan Bɛ̀ll a kpaaghi lɛ: Mɛ̀ yɛɛ ri Alfà, rì Omegà, roànɛ à rì, ànɛ à ɓaghà, ànɛ a yùyuiy, roànɛ à rì rì ìtèɗ wucèm.

ÀPÒKÀLIƁSƐ̀ 11:15

Nni ŋwaà-fìtom a kìtaàɓɛ̀ɛ̀ a rɔgà ɗyam; fɔɔnnɛ ɓyoo jɛ̀ɛ̀ ɓi ɓaghày ɓi ɗyoo ɓi ɗùm, ɓi kpaakpàà lɛ: Kìlàmì ki zi ki cee ɓi ɓyàg ɓi Kan wìs, rì Mèsii wìì. À ɓiì làmii fiɗyàɓ fikɔ̀ɔ̀.

ÀPÒKÀLIƁSƐ̀ 21:6

Nni à kpaghà mɛ̀ lɛ ki leègh. Ǹɗì Alfà rì Òmegà, rìtumɛ̀n ɗì rìsugtɛ̀n. Ŋwaànɛ a wowog kinɔli, nnɛ ǹɗì ɓiì faà ǹsim à mɛ̀nig mɛ cɛɓ zɛy rì zɛy, kɛ̀ɛ kòòsɛn.

ÀPÒKÀLIƁSƐ̀ 22:13

Mɛ̀ yɛɛ ri Alfà rì Òmegà, ŋwaà ǹtonto rì ŋwaà siitòn, rìtumɛ̀n ɗì rìsugtɛ̀n.

ÀPÒKÀLIƁSƐ̀ 3:14

Kàna ŋwaà-fìtom anɛ ɓi Kìseŋi ki a Lawodise lɛ: ŋwaànɛ à rì ɗii lɛ Ààmɛ̀n, ànɛ à rì kɔɔ̀kɔɔ̀ à wusìnɛ̀ɗ à ǹtyweeyi, roànɛ à rì rìtumɛ̀n ɗi ɓyom ɓìcèm ɓi Bɛ̀ll à kìghà a kpaaghi lɛ: