KÒLÒSYƐŊ 1:12 - Bafia Nouveau Testament

¹² Faana Bɛ̀ll à Seŋi wìs ɓìtògsɛ̀n ɗì kìnyàà; lɛ nnyɛɛ kighà com ki lɛ, ɓi ɓa rì gàɓ ɓi ɓìrɔɔ ɓi ɓi ri ɓì pègsɛn ɓisuu ɓɛgherɛ̀n ɓi kìtɛɛtɛn ɓiɗùm.

KÒLÒSYƐŊ 1:12 ပူးပေါင်းရင်းမြစ်များ

MATYOO 25:34

Fɔɔnnɛ rìfòm ɗi ɓiì kalii ɓɛroɓɛ ɓi weèlem ɓɛ̀n lɛ: Mìni ɓumɓɛ Seŋi wɛ̀m à màgà, yùunay, ɓi teɗ kìlɔ̀ŋ ki ɓɛ pegsɛ̀ngà ɓìsu win, à tumɛ̀n yɛ̀ɛ ɗyoo rì zi ɓi kilɛ̀ngà.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

ZYAŊ 20:17

Yeesus à kpaa nyi lɛ: Kɔ̀ɔ kòm mɛ, ɓisuulɛ ǹka ɓɔg ɓi yɛ̀ɛ Seŋi wɛ̀m; kìɓan kifog kɛ̀na a ɓɛ̀geni ɓɛ̀m, u kpaa ɓɔ lɛ m̀ɓɔɔgh yɛ̀ɛ Seŋi wɛ̀m, nnyɛɛ ri girig Seŋi wìn, yɛ̀ɛ Bɛ̀ll wɛ̀m, ànɛ à rì girig Bɛ̀ll wìn.

ZYAŊ 4:23

Wɔ̀lɛ cààmɛ̀n ki tiì, kiŋcèm ki mɛ ki kpaŋ, ki ɓɛ̀kɔɔ̀kɔɔ̀ ɓɛ ɓɛ̀ɓɔgsì Bɛ̀ll ɓɛ ri ɓiì ɓɔgsii Tààta rì nghay, rì saaɗ. Ɓumɓɛ ɓɛɛ̀ ɓɔɔ̀ɓɔ̀gsì nyi fɔlɔɔ ɓɛɛ̀ɓɛ Tààta a kaakàà.

MƐ̀KÌKÌÌ MƐ ƁƐKƐ̀NÌ-FÌTOM 20:32

Nni ɓi cààmɛ̀n ki, ǹɗeɓsɛɛ mìni rì Bɛ̀ll ǹki reɓsɛnti mìni rì ɓɔlɛ à geesɛ̀n yìì; ɓɔlɛ ànɛ̀n yɛɛ ri lɛ, à kì lɛ ɓi ɓa rì ìtèɗ, à ki fati mini ɓyom ɓi à nyamgà ɓisuu ɓumɓɛ ɓɛ ri ɓɛŋkii.

MƐ̀KÌKÌÌ MƐ ƁƐKƐ̀NÌ-FÌTOM 26:18

di ɓyɛɛ pɛsɛn yì ɓi birìm, ɓyɛɛ yu ɓi kìtɛɛtɛn, ɓi leg yì ɓi rìlàmì ɗi Satàn, ɓi yuiy yɛ̀ɛ Bɛ̀ll, fɔɔnnɛ ɓɛ ri ɓiì kìi lɛ, i ɓɛ mɛ gherɛn mɛ, Bɛ̀ll à cenɛ̀n ɓɔ ɓìbe ɓyaa, à ki fa ɓɔ ìkɔ̀ɔ̀ ɓi ǹɗaŋ wu ɓum ɓii.

RÒMƐŊ 11:17

Wɔ̀lɛ i ɓɛ m̀pisii myaɓ mɛ òlivyee mɛdɛŋ, wàànɛ ù rì (fɛlɛ yɛ̀ɛ) òlìvyee ànɛ à ghɛghɛ̀ɓkà ɓi cog, ù ɓa lɛ ɓɛ yuù wɔ̀ kì ɓaatii ɓi nɗyèm wu òlivyee, jàŋ inɛ myaɓ mɛ ɓɛ nɗengii mɛ ǹɗì, u teteɗ girig gàɓ ì mɛ̀yaa mɛ gàŋ yi òlivyee ànɛ ɓɛ ɓɛlà yɛɛ̀ ronɗom̀ yi.

RÒMƐŊ 15:27

Lɛ ɓɔmiɗ ɓɔ yɛɛ reǹgà kìɓan kiǹ, ki ki ghɛ̀ɛ̀sɛn fɔlɔɔ lɛ, i ɓumɓɛ ɓɛ yin Ɓɛ̀yudɛ̀n ɓɛ ti rì gàɓ ɓi ɓìrɔɔ ɓi ɓi nghay ɓi ɓi ɓaghà ɓisuu Ɓɛ̀yudɛ̀n, ɓɛ ghɛɛ̀sɛɛ girig ɓɔ kì ghɛɓsii cààmɛ̀n ki ɓɛ ri rì mɛ̀tɔɓ mɛ kisoghà.

RÒMƐŊ 8:17

I tì rì ɓɔn ɓii, tì rì girig rì gàɓ ɓi ɓìrɔɔ ɓi Bɛ̀ll, à kàkà ɓum ɓii; tì ki rì ɓɛ̀roɓɛ ɓɛ ri ɓiì kàɓɓɛɛ ɓirɔɔ ɓìn rì Kiris, lɛ, i ti wowog mɛtɔɓ ǹɗaŋ ɗi nyi, tì ɓiì ɓaà girig rì gàɓ ɓi rìkem ɗìì.

RÒMƐŊ 9:23

A kɔ̀ngà girig lɛ a resi lèg ànɛ yɛ̀ɛ rìkem ɗii ɗi teghɛɛ ɓi san ànɛ a ɓɛ̀roɓɛ à ti à wokì nyìighnyìg, ɓɛɛ̀ɓɛ à lokà kì pègsɛɛ abɛ̀y lɛ ɓɛ ɓiì terì rìkem ɗìì.

1 KƆ̀RƐ̀ŊTYƐŊ 8:6

nsoò fɔlɔɔ, ɓi ɓɛg ànɛ a lɔ̀ŋkis, Bɛ̀ll à rì lɔŋ bog, nnyɛɛ ri Seŋi ànɛ à kìghà ɓyom ɓìcèm, ɓisu wii nnɛ ɓìsiì ghɛghɛ̀ɓ. Fɔɔnnɛ Kan à rì girig bog lɛ Yeesus Kiris, ànɛ à ti à kìlàg lɛ ɓyom ɓìcèm ɓyɛɛ ɓa, ɓìsii ki ghɛghɛɓ lɛ nyi.

1 KƆ̀RƐ̀ŊTYƐŊ 9:23

Nkìki ɓìɓan ɓiǹ ɓìcèm ɓisuu Syeesyee à Ɓɔlɛ, lɛ di mɓa miì rì gàɓ.

2 KƆ̀RƐ̀ŊTYƐŊ 11:14

Kìɓan kiǹ ki yin kiɓan ki kuurakɛn ɓisuulɛ Satàn nyimiɗ a rèsag fɛlɛ yɛ̀ɛ ŋwaà-fìtom a ǹlònlomɛn kitɛɛtɛn.

2 KƆ̀RƐ̀ŊTYƐŊ 5:5

Bɛ̀ll nyimiɗ yɛɛ pegsɛ̀ngà lɛ ɓìsii ri ɓiì lɔ̀ɔ̀ghrɛɛ ɓi rìkuu ɗi rilɔ̀ɔ̀ghrɛ̀n ɗiǹ, fɔlɔɔ nnɛ à faghà ɓìsi Ǹghay wìì ɓi sìg à kìrèmzɛnà ki kɛɛ resi lɛ, à ɓèŋɓeŋi ɓìrɔɔ ɓidɛŋ ɓisu wis.

EFÈZYƐŊ 1:11

Ɓi rìɓa ɗis ɗi tì rì ɓi Kiris, tì mɛ teɗ gàɓ yìs i cɛɓ lɛ Bɛ̀ll à lokà ɓìsi kì ɓɔ̀ni lɔŋ yɛ̀ɛ rìyitì ɗii ɗi ɓaghà. Bɛ̀ll a kìlag ɓiɓan lɔŋ yɛ̀ɛ ǹɗem wii wu kɔnì.

EFÈZYƐŊ 1:18

À lòm mìni kìtɛɛtɛn ɓi mɛ̀rem, lɛ ɓi yi rìkuu ɗi dyàɓɛn ɗi à reŋìghà mìni lɛ ɓi ɓa rì ɗyɔ, ɓì ki yi lèg ànɛ yɛ̀ɛ ɓyom ɓi syeesyee ɓi à nyamgà ɓisuu ɓɛgherɛ̀n ɓi ri ɓì tèghɛn.

EFÈZYƐŊ 2:18

Ɓisuulɛ, rì ɓìsi, rì ɓɔ, tì rì rì bee i ǹkpaŋɛn yɛ̀ɛ Tààta lɛ nyi rì ǹghɛɓsɛn wu Nghay bog.

EFÈZYƐŊ 3:6

Ɓumɓɛ ɓɛ yin Ɓɛ̀yudɛ̀n ɓɛ ti girig ɗì gàɓ ɓi ɓyom ɓi Bɛ̀ll à nyamgà ɓisuu ɓum ɓii, ɓɛ ɓa ɓìkàɓ ɓi nyoo bog, ɓɛ ki ɓa girig ɓumɓɛ ɓɛ ri ɓi nkàg wu Bɛ̀ll à faghà ɓi Yeesus Kiris lɛ Syeesyee à Ɓɔlɛ,

EFÈZYƐŊ 4:6

Bɛ̀ll bog, nnyɛɛ ri Seŋi ɓum ɓɛ̀cèm, à làmii ɓɛ̀sɛ̀ɛ̀ ɓɛ̀cèm, à kìkì kìsay ɓi ɓum ɓɛ̀cèm, à ki ɓa ɓi ɓɔɔ̀cèm.

EFÈZYƐŊ 5:11

Kɛ̀ ɓi ɓasɛn ri ɓumɓɛ ɓɛɛ̀ kìki ɓiɓan ɓi birìm, ɓi ɓi ghɛɓsii ɓi com. Lɔŋ ɓì ghɛ̀ɛ̀sɛɛ kì kpàkii ɓyɔ ɓi kìtɛɛtɛn;

EFÈZYƐŊ 5:20

Ɓi ɓìɓan ɓìcèm, faana Bɛ̀ll à Seŋi wìs ɓìtògsɛ̀n cààmɛ̀n kìcèm ɓi ɗii ɗi Kan wìs Yeesus Kiris.

EFÈZYƐŊ 5:4

Ki ghɛɛ̀sɛɛ ɓi lɛ ɓi kpaakpaa ɓìɓan ɓi ǹtoòrìɗ, rì ɓìdìmìdimi ɓi ɓiɓan, rì ɓìɓan ɓi ɓiyèg. Ki ghɛɛ̀sɛɛ lɔŋ lɛ ɓi fafa Bɛ̀ll ɓìtògsɛ̀n.

EFÈZYƐŊ 5:8

Ɓisuulɛ ɓì ɓaghà ɓumɓɛ ɓi birìm abɛ̀y, nni ɓigomìnɛ, ɓì ti kìtɛɛtɛn ɓi Kan ɓi ɗùm. Nni ghɛɓina min yɛ̀ɛ ɓɔn ɓɛ ɓi kìtɛɛtɛn.

KÒLÒSYƐŊ 2:2

Nɗùùɗuu fɔlɔɔ ɓisuulɛ mɛ̀rem maa mɛɛ ɓa mɛ̀ronɛn ɗi ìtèɗ, rì tì lɛ ɓɛɛ ɓa ɓɛ̀ràrɛn ɓi nkɔ̀nɛ̀n, ɓɛ ki ɓa ti ɓɛronɛn ɗi kɔɔ̀kɔɔ̀ à ɗyomzɛ̀n, fɔɔnnɛ ɓɛ ri ɓiì yii fèg à Bɛ̀ll ànɛ à rì a rìnyam, yɛɛ lɔɔ lɛ Kiris.

KÒLÒSYƐŊ 3:15

Fyòoog à Kiris ànɛ Bɛ̀ll à reŋìghà mìniìcèm miì lɛ, ɓi ɓa ɓìkàɓ ɓi ɓi nyoo bog, a lami mɛ̀rem min. Ɓì ghɛ̀ɛ̀sɛɛ kì yiì rìfa ɗi ɓìtògsɛ̀n.

KÒLÒSYƐŊ 3:17

Com kìcèm ki ɓì rì lɛ ɓì kpaa, nsoò lɛ ɓì kì, kìina kɔ ɓi ɗii ɗi Kan Yeesus, ɓì fafà Bɛ̀ll à Seŋi wìs ɓìtògsɛ̀n rì ɗii ɗìì.

Kaàtà ànɛ Pol à kàngà TIT 2:14

ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

EBIREEGH 12:23

ɓìi nkɛ̀ɛ jàŋbog rì ǹtaŋzɛn wu ɓɔn ɓɛ Bɛ̀ll ɓɛ ǹtonto, ɓɛ mii maa mɛ ri mɛ̀ kànɛn ɓi ɗyoo ɓi ɗùm; ɓìi nkɛɛ̀ jàŋbog rì Bɛ̀ll ànɛ à rì ɓiì yɔ̀mi ɓum ɓɛ̀cèm; ɓìi nkɛ̀ɛ jàŋbog rì mɛ̀ghay mɛ mɛ ri lɛ saaɗ, mɛ mɛ ti lɛ syeesyee, kɛ̀ɛ̀ com ki ɓɛ ri lɛ ɓɛ fen ɓi mɔ.

EBIREEGH 3:1

Nni fɔlɔɔ nnɛ, mìni ɓɛ̀geni ɓɛ̀m ɓɛ ɓi rìgherɛ̀n ɓɛ ɓi rì rì gàɓ ɓi nɗeèghreŋi wu Bɛ̀ll, seeseena Yeesus ànɛ Bɛ̀ll à romgày lɛ a ɓa rìfòm ɗi ɓɛpìrɛɛtìrɛ̀ ɗi ɓi rìgherɛ̀n ɗi ɓìsiì làalam̀ɓɛ̀n.

EBIREEGH 3:14

Lɛ tì rì ɓum ɓɛ ɓɛɛ̀ kɛ̀ɛ̀kɛɛ nɗaŋ ri Kiris, di tì sììrɛɛ lɛ, ti ɓeŋ̀ ǹtyweeyi wu tì ɓaghà rì wɔ a rìtumɛ̀n.

ZYAG 3:9

Rìlemàg ɗyɔmiɗ ɗi tì ti tì kemzàg Kan ànɛ à rì Seŋi wìs ri ɗyɔ, ɗyɛɛ̀ɗi tì ti tì nyɔ̀màg ɓumɓɛ Bɛ̀ll à kìghà ɓi kìpisɛn kii ri ɗyɔ̀.

1 PYƐƐRI 5:1

Ǹtɔɔgh min ɓɛsɛ̀ɛ̀mɛn ɓɛ Kiseŋi ɓɛ ɓɛ ri ɓi nyìinyìm wìn, mɛ̀ ànɛ ǹɗì girig Ǹsɛ̀ɛ̀mɛn a Kìseŋi yɛ̀ɛ ɓɔ, ǹki ɓa ti wusìnɛ̀ɗ ànɛ ɓi mɛ̀tɔɓ mɛ Kiris, mɛ ti rì gàɓ ɓi rìkem ɗi ɗi ghɛɛ̀sɛɛ kì rèsɛɛ,

1 ZYAŊ 1:3

Kìɓan ki tì kìghà lɛ, tì ghɛn tì ki wog kɛɛ̀ki ti ghaaghagsì girig mìni, lɛ di mìni girig, ɓi ɓa ɓɛ̀ràrɛn ri ɓìsi. Nni ɓìsii ri ɓɛ̀ràrɛn lɛ rì Seŋi, rì Yeesus Kiris à Man wiì.

ÀPÒKÀLIƁSƐ̀ 21:23

Bàn ìnɛn ì yin ɓiì tɔtɔgh lɛ ŋwos nsoò lɛ ŋwii ɓyɛɛ kpeŋzi yɔ̀ ɓisuulɛ rìkem ɗi Bɛ̀ll ɗyɛɛ̀ kpeekpeŋzì yɔ̀, Man à jɔ̀ɔ̀ à ki ɓa lamɓà à bàn ìnɛn.

ÀPÒKÀLIƁSƐ̀ 22:14

Mààgh rì ɓɛ̀roɓɛ ɓɛ soò ɓɛ̀kàɓà ɓaa lɛ di ɓɛɛ fa ɓɔ ìtèɗ wulɛ ɓɛɛ ɗi kìte ki cɛɓ, ɓɛ ki ɗiŋi ɓi mɛ̀suunaa mɛ gari lɛ ɓɛɛ kɛǹ ɓi bàn.

ÀPÒKÀLIƁSƐ̀ 22:5

Ìru waa ɓati ɓi, ɓumɓɛ̀n ɓɛ̀ kɛɛ̀ ɓati ri zày ì kìtɛɛtɛn ki lamɓà, nsoò ki ŋwos ɓisuulɛ Kan Bɛ̀ll à rì ɓɔ ɓiì kpeekpeŋzì rì kìtɛɛtɛn kii, fɔɔnnɛ ɓɛ ɓiì làmii fiɗyàɓ fikɔ̀ɔ̀.