KÒLÒSYƐŊ 1:10 - Bafia Nouveau Testament

¹⁰ Fɔɔnnɛ ghɛɓina cɛɓ ki kɛɛ̀ kɔ̀ngi Kan, ɓì kìkì ɓìɓan ɓi ɓi ri lɛ ɓi puɓsì nyi nɗem cààmɛ̀n kìcèm. Wumina ɓìɗùn ɓi ɓyɛɛ ghɛnɛn ɓi mɛ̀kìkìì mɛ syeesyee mɛ̀kuu mɛ̀kuu, ɓì ki tɔɔtɔɔ ɓi rìyi ɗi ɓì yii Bɛ̀ll.

KÒLÒSYƐŊ 1:10 ပူးပေါင်းရင်းမြစ်များ

ZYAŊ 15:16

Àa mìni yɛɛ ɓɔngà mɛ̀, lɔŋ mɛ̀ yɛɛ ɓɔngà mìni, ǹki rɛ̀si mini lɛ, ɓi kɛǹ, ɓi wum̀ ɓìɗùn, ɓìɗùn ɓin ɓi ki ɓa ɓiɗùn ɓi ɓyɛɛ finɛn, fɔɔnnɛ com kìcèm ki ɓì ɓiì tɔɔ̀gh Tààta rì ɗii ɗyɛ̀m, à rì mìni kɔ ɓiì kìi.

ZYAŊ 15:8

I ɓì wumi ɓìɗùn lɛɛ̀gwey, fɔlɔɔ nnɛ Seŋi wɛ̀m à ɓiì terì rìkem, mìnii ki ɓa ɓɛyilàg ɓɛm.

ZYAŊ 17:3

Cɛɓ ki fiɗyàɓ fikɔ̀ɔ̀ ki ri lɛ, ɓɛɛ yi wɔ̀, lɛ wɔ̀ yɛɛ ri m̀bobog à kɔɔ̀kɔɔ̀ à Bɛ̀ll, ɓɛ ki yi Yeesus Kiris, roànɛ ù romgày.

RÒMƐŊ 1:13

Ɓɔɔsoŋ̀ ǹkɔ̀ni ɓi lɛ ɓi naǹ lɛ, mmɛ ɓeg ɓyààmɛ̀n ɓidɛŋ lɛ n-yu mìni kì ghɛɛ̀ lɛ di kìsay kɛm̀ kɛɛ wum gàɓ ì ɓìɗùn a lɔ̀ŋkin, yɛ̀ɛ ki faghà ɓi ɓìlɔ̀ŋ ɓimbog. Nni à kpaŋ ɓigomìnɛ, bee ì ka ghɛnɛ̀ngà ɓi.

RÒMƐŊ 4:12

À rì tì girig seŋi ɓumɓɛ ɓɛ ri ɓɛ̀kɛ̀rɛn, ɓɛ ɓɛ rɔɓi ɓi lɔŋ lɛ kɛ̀rɛ̀n nyi rì nyi, kìɓan kifog ɓɛ ɓɛɛ̀ nɔ̀ɔnɔɔ̀tì kìfèèghrɛnà ki righerɛ̀n ɗi Abiraham à seŋi wìs a ɓaghà rì ɗyɔ, di à ka kɛrɛn ɓi.

RÒMƐŊ 6:4

Ɓi bàɓtis nnɛ tì ɓòmɓɛ̀ngà ɓi zɔ̀ŋ rì nyi, lɛ ti wu ǹɗaŋ ɗi nyi, di fɔlɔɔ nnɛ ɓìsi girig ti ghɛɓ cɛɓ ki nyɔn fɛlɛ yɛ̀ɛ Kiris à ghèmɓɛ̀ngày a ɓìloŋ ɓi-tèɗ wu rikem ɗi Seŋi.

2 KƆ̀RƐ̀ŊTYƐŊ 2:14

Rìkem ɗyɛɛ ɓa rì Bɛ̀ll ànɛ à ti à kɛ̀ɛ̀sàg ɓìsi cààmɛ̀n kìcèm ɓi rìcee, lɛ Kiris, à ki fa ɓisi kìsay ki sàasaàtìyɛ̀n kìnùbe ki ɓi rìyi ɗi ɓɛ ghɛɛ̀sɛɛ Nyi kì yiì.

2 KƆ̀RƐ̀ŊTYƐŊ 4:6

Ɓisuulɛ Bɛ̀ll ànɛ à kpaaghà lɛ kìtɛɛtɛn kɛɛ lom ɓi birìm, nnyɛɛ lomgà kìtɛɛtɛn ɓi mɛ̀rem mis, lɛ a ki lɛ rìyi ɗi ɓum ɓɛ ri lɛ ɓɛ yi rìkem ɗi Bɛ̀ll ɗi ɗyɛɛ̀ lònlom ɓi-su wu Kiris ɗyɛɛ ghɛnɛ̀n.

2 KƆ̀RƐ̀ŊTYƐŊ 5:9

Kìɓan ki asu ki tì ɓiisɛɛ kì kaakaa ki ri lɛ, ti puɓsi nyi nɗem, tyàa soo kaka ɓi nyoo ìnɛ tì rì ìnɛ rì yɔ̀, tyàa soo ki ghasɛɛ rì yɔ̀.

2 KƆ̀RƐ̀ŊTYƐŊ 9:8

Bɛ̀ll à ki rì rì ìtèɗ wulɛ à roòzì mìni rì ɓɛ̀mààgh mɛ̀kuu mɛ̀cèm ɓi lèg ànɛ lɛ ɓi ɓa cààmɛ̀n kìcèm rì ɓyom ɓi ɓì ghɛ̀ɛ̀sɛɛ kì ɓaà rì ɓyɔ, ɓì ki rɔ̀ɓti ti ri ɓyom lɛɛ̀gwey ɓi ɓì rì lɛ ɓì ghɛɛ̀ghɛ̀ɓsì ɓum miì.

EFÈZYƐŊ 1:17

ǹtɔtɔ̀g Bɛ̀ll à Kan wìs Yeesus Kiris, ànɛ à rì ǹkeŋkèmì wìs a Seŋi lɛ a fa mìni ǹghay à ɗyomzɛ̀n ànɛ a rèsag ɓum ɓìɓan ɓi a rìnyam lɛ a ki lɛ ɓi yi nyi.

EFÈZYƐŊ 2:10

Ɓisuulɛ, tì rì kìsay ki nnyɛɛ salà; à yègà ɓìsi ɓi Yeesus Kiris lɛ, ti ghɛɓ cɛɓ ki ki ri rì mɛ̀kìkìì mɛ syeesyee mɛ Bɛ̀ll à lokà kì pègsɛɛ lɛ ti kilag.

EFÈZYƐŊ 4:1

Fɔɔnnɛ mɛ̀ ànɛ ǹɗì kìmbùŋ lɛ ǹsàsay Kan, ǹkpaa mìni lɛ, ghɛɓina rìkuu ɗi cɛɓ ɗi ɗi ghɛɛ̀sɛɛ rì ǹɗeèghreŋi wu wu kpagà a lɔ̀ŋkin,

EFÈZYƐŊ 4:13

À kɛ̀n kì kpaŋì ɓi jàŋ inɛ rìgherɛ̀n ɗis, rì rìyi ɗi tì yii Man à Bɛ̀ll, ɓyɛɛ ɓa com kìfog di tì mɛ sììrɛn ɓum, tì ghɛ̀ɛ̀sɛ̀n ɗì kɔɔ̀kɔɔ̀ à ǹɗɛli a Kiris.

EFÈZYƐŊ 5:10

Yiina rìghasì ɗi ɓiɓan ɓi ɓyɛɛ̀ rɔɔghi Kan.

EFÈZYƐŊ 5:15

Ɓì konag kì fiɓii righɛghɛ̀ɓ ɗin lɛ syeesyee; kɛ̀ ɓi ghɛghɛɓ yɛ̀ɛ ɓìyèg, ghɛɓina lɔŋ yɛ̀ɛ ɓumɓɛ ɓɛ ri rì ɗyomzɛ̀n.

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

FÌLÌPYƐŊ 1:11

ɓì ki ɓa ɓɛronɛn rì mɛ̀kìkìì mɛ saaɗ mɛ mɛ ti mɛ ghɛnàg a lɔ̀ŋkis lɛ Yeesus Kiris ɓisuu rikem, ɗì rìɓɔgsì ɗi Bɛ̀ll.

FÌLÌPYƐŊ 1:27

Kìɓan kifog, ghɛɓina rìkuu ɗi cɛɓ ɗi ɗi ghɛɛ̀sɛɛ rì Syeesyee a Ɓɔlɛ à Kiris ɓi lèg ànɛ lɛ nsoò màa yùu mìni kì ghɛɛ̀, nsoò lɛ màa rì mìni fìràɓ, ǹghɛ̀ɛ̀sɛɛ kì woògh lɛ ɓum ɓɛɛ̀ kpaakpaa lɛ: Ɓì rì lɔŋ ɓɛsììrɛn, ɓì ɓa ɓɛ̀fèg ɓɛ̀fog, ɓi ki ɗùùɗuu nɗem wùfog ɓisuu ǹtyweeyi wu wu ri ɓi Syeesyee à Ɓɔlɛ.

FÌLÌPYƐŊ 4:18

Mɛ̀ɛ nghɛɛ ɓyom ɓìcèm ɓi ɓìi nɗomiì, fɔɔnnɛ ǹɗì rì ɓyom lɛɛ̀gwey ɓigominɛ ɓi cee gàɓ ìnɛ ì ghɛ̀ɛ̀sɛɛ rì mɛ̀ yɛ̀ɛ m̀mɛ teɗ ɓyom ɓi ɓìi nɗomiì mɛ̀ rì Epafirodit; ɓyom ɓiǹ ɓi ri yɛ̀ɛ tìrààre ti ti rɔɔtɛɛ mɛ̀rùù nsoò lɛ kìtuwe ki ɓɛ funɛɛ ɓisuu Bɛ̀ll, Bɛ̀ll à ghàɓ kɔ ki ki rɔɔ nyi.

KÒLÒSYƐŊ 2:19

Rìkuu ɗi mum ɗìn ɗi yin ɗi ràrɛn ri ǹto wu wu ɓanɓani nyoo bimiɗ, wu ki kì lɛ nyoo ìnɛ̀n yɛ̀ɛ rarag lɛ syeesyee ɓi jàŋ yi ì rì miì ǹwògakɛn ì ki tɔɔtɔɔ kitɔɔ ki Bɛ̀ll a fafa yɔ̀.

KÒLÒSYƐŊ 2:6

Fɔlɔɔ nnɛ yɛ̀ɛ ɓì tekà Yeesus Kiris lɛ Kan wìn, ghɛɓina min cɛɓ ki ɓumɓɛ ɓɛ ri ɓɛ̀ ràrɛn ɗi nyi.

KÒLÒSYƐŊ 3:20

Mìni ɓɔn, kìina ɓɛ̀yalì ɓin mɛwog ɓi ɓìɓan ɓìcèm, ɓisuulɛ kìɓan kiǹ ki ri lɛ syeesyee ɓi mis mɛ Kan.

KÒLÒSYƐŊ 4:5

Ɓaanà rì ɗyomzɛ̀n ɓi rìghɛghɛ̀ɓ ɗin ɗi rì ɓumɓɛ ɓɛ yin ɓɛ̀kìristɛ̀n, kɛ̀ ɓi yogsi cààmɛ̀n ki ɓì rì rì kɔ.

TÈSÀLÒNÌSYƐŊ 2:12

Tì kìghà lɛ tì reɓ mìni, tì fɔɔsì mìni mɛ̀rem, tì ki ɓɔ̀ɔɓɔ̀ŋzì mìni lɛ ɓi ghɛɓ lɔŋ yɛ̀ɛ kɛɛ̀ kɔ̀ngi Bɛ̀ll ànɛ a regi mini lɛ ɓi ɓa rì gàɓ ɓi kìlɔ̀ŋ kii, rì ɓi rìkem ɗii.

TÈSÀLÒNÌSYƐŊ 4:1

Ɓɔɔsoŋ̀, ti siìtɛn kìkpaà lɛ ɓì yilàkà rìkuu ɗi cɛɓ ɗi ɓì ghɛ̀ɛ̀sɛɛ kì ghɛɓì lɛ Bɛ̀ll a wog kìrɔɔ rì mìni, a lɔ̀ŋkis nni cɛɓ kìn kɛɛ̀ki ɓi ghɛghɛ̀ɓ; tì ɓɔ̀ŋzaagh mìni, tì ki yɛ̀gsi mini ɓyàg ɓi ɗii ɗi Kan Yeesus lɛ ɓi teèsi tì nyoo rì rìkuu ɗi cɛɓ ɗìn à cee fɔlɔɔ.

2 TIMOTE 2:4

Sujàà ànɛ àrì ɓi kìsay à kaakàà lɛ a puɓsi ǹkɔ̀mɛ̀n wìì nɗem, ɓìɓan ɓi ɓi cɛɓ ki zɛy ɓi ti ɓyɛ̀ kɛɛ̀ ɓùùsi nyi ǹto.

Kaàtà ànɛ Pol à kàngà TIT 3:1

Yiti ɓɔ lɛ ɓɛɛ ki ɓɛ̀làmì kìlɔ̀ŋ, rì ɓɛ̀gɔmìnà mɛ̀wog; ɓɛ ghɛɛ̀sɛɛ kì kìi com ki ɓɛ̀roɓɛ̀n ɓɛ tɔɔgh ɓɔ lɛ ɓɛɛ ki, ɓɛ ki fɛmɓɛn ɓi rìkì ɗi kiɓan kicèm ki ki ri lɛ syeesyee.

Kaàtà ànɛ Pol à kàngà TIT 3:14

Ki ghɛɛ̀sɛɛ lɛ ɓumɓɛ ɓi nɗaŋ wis ɓɛɛ yilɛn rì rìkìkì ɗi ɓiɓan ɓi syeesyee lɛ kɔɔ̀kɔɔ̀, fɔɔnnɛ ɓɛ ri ɓiì kìkii ɓɛ̀gɛni-ɓiɓan ɓɛ ɓɛ ghɛɛ̀sɛɛ kì kìlɛɛ lɛ fyɛ̀ɗ yɛ̀ɛ ɓɛ̀ kɛɛ̀ rɔ̀ɓ kɛ̀ɛ̀ ɓìɗùn.

EBIREEGH 11:5

Lɛ rìgherɛ̀n nnɛ Enɔg à ɓɔkà yɛ̀ɛ Bɛ̀ll cem, kɛ̀ɛ yi com ki lɛ rìwu; ŋwaàdɛŋ à ghɛɛ̀dìghà ɓi nyi ɓisuulɛ Bɛ̀ll à ɓɔkà rì nyi aɗyoo; di ɓɛ ka ɓɔg ɓi ri nyi aɗyoo, Enɔg à kìghà lɛ Bɛ̀ll a wog kìrɔɔ rì nyi.

EBIREEGH 13:16

Kɛ̀ ɓi ɗimzɛn rikì ɗi kirɔɔ rì rìghɛɛ̀ghɛ̀ɓsɛ̀n ɗi ɓi nyìinyìm wìn, lɛ rìkì ɗiǹ ɗyɛɛ ti ɗi rɔɔghì Bɛ̀ll, ɗi ɓa ɓi bàlì ì ɓyom ɓi ɓì faa nyi.

EBIREEGH 13:21

a fa mìni ìtèɗ wulɛ ɓi kiki ɓìɓan ɓi syeesyee lɛ ɓi roòzi rikɔ̀n ɗii; a ki lɛ, ɓìɓan ɓi ɓyɛɛ̀ rɔɔghi nyi ɓyɛɛ ghɛnɛn ɓi ɓìsi lɛ Yeesus Kiris ànɛ à ghɛ̀ɛ̀sɛɛ ɗì rìkem fìɗyàɓ fikɔ̀ɔ̀ ri fìɗyàɓ fikɔ̀ɔ̀ Ààmɛ̀n.

2 PYƐƐRI 1:8

Ɓisuulɛ i ɓì rì rì ɓìɓan ɓiǹ, nni ɓi ghɛnɛɛ a lɔ̀ŋkin lɛɛ̀gwey, ɓì yin lɛ ɓì rɔ̀ɓ lɛ ɓì kìi ɓi lɛ ɓi ɓa ɓumɓɛ ɓɛɛ̀ sasày ɓɛ ki wumwum ɓiɗùn, ɓi rìyi ɗi ɓì yii Kan wìs Yeesus Kiris.

2 PYƐƐRI 3:18

wɔ̀lɛ tɔɔtɔɔna ɓi geesɛ̀n, rì ɓi rìyi ɗi Yeesus Kiris ànɛ à rì Ǹghɛɓsì-ɓum, nyi yɛɛ ghɛɛ̀sɛɛ rì rìkem à tumɛ̀n gɛɛ̀nɛ à kpaŋ fìɗyàɓ fikɔ̀ɔ̀, Ààmɛ̀n.

1 ZYAŊ 3:22

À ti à falàg ɓìsi com kìcèm ki tì tɔɔgh nyi ɓisuulɛ, tì ti tì ɓègì ɓìdɔ̀gsɛna ɓii, tì ki kìlag ɓiɓan ɓi ɓyɛɛ̀ kɔ̀ngi nyi.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.

3 ZYAŊ 1:6

Ɓɛ nsɛɛgh geesɛ̀n yɔ̀ɔ̀ ɓi nyìinyìm à ɓum ɓi Kìseŋi ki Kiris. Ki ri ɓiì ɓaà lɛ syeesyee di ù pègsɛɛ ɓɔ rìkɛ̀ɛ̀ lèg ànɛ ki ri lɛ ki rɔɔ Bɛ̀ll.