MƐ̀KÌKÌÌ MƐ ƁƐKƐ̀NÌ-FÌTOM 9:36 - Bafia Nouveau Testament

³⁶ Giɓ adɛŋ yɛɛ ɓaghà ǹgherɛ̀n a Zyope ɗii lɛ Taɓita yɛɛ lɔɔ lɛ Dorikas; à kìkìghà kìrɔɔ lɛɛ̀gwey à ki ghɛɛghɛɓsì ɓum ɓɛ nyìighnyìg.

MƐ̀KÌKÌÌ MƐ ƁƐKƐ̀NÌ-FÌTOM 9:36 ပူးပေါင်းရင်းမြစ်များ

MATYOO 25:17

Roànɛ ɓɛ faghà tìraŋ̀ tiɓɛɛ̀, à kì girig dùne, à fɔ̀ɔ̀dì tidɛŋ tiɓɛɛ̀.

ZYAŊ 15:5

Mɛ̀ ǹɗì ǹɗyèm, mìnii ri myaɓ. Nni ŋwaànɛ à rì ǹɗàrɛn ri mɛ̀ yɛ̀ɛ mɛ̀ ǹɗì ǹɗàrɛn ri nyi, à ɓiì wumì ɓìɗùn lɛɛ̀gwey; lɛ ɓì yin lɛ ɓì kì com kɛ̀ɛ̀ mɛ̀.

ZYAŊ 15:8

I ɓì wumi ɓìɗùn lɛɛ̀gwey, fɔlɔɔ nnɛ Seŋi wɛ̀m à ɓiì terì rìkem, mìnii ki ɓa ɓɛyilàg ɓɛm.

MƐ̀KÌKÌÌ MƐ ƁƐKƐ̀NÌ-FÌTOM 10:23

Nni Pyɛɛri à kpaaghà ɓɔ lɛ ɓɛɛ ɗiŋi ɓi naa, à reɓ ɓɔ jàŋ inɛ ɓɛɛ lày; ɓi duri tana nnɛ ɓɛ pɛsɛ̀ngà ǹɗaŋ rì ɓumɓɛ̀n, ɓɛ kɛǹ. Ɓɛ̀gèni ɓii ɓɛ righerɛ̀n ɓɛdɛŋ ɓɛ a Zyope ɓɛ kɛǹgà nyi kì foŋì.

MƐ̀KÌKÌÌ MƐ ƁƐKƐ̀NÌ-FÌTOM 10:31

Kɔrinɛy Bɛ̀ll àa nwoogh bɔ̀ŋzɛ̀n yɔ̀ɔ̀, à ki yiti gɛ ɓyom ànɛ ù ti ù fafà ɓum ɓɛ nyìighnyìg.

MƐ̀KÌKÌÌ MƐ ƁƐKƐ̀NÌ-FÌTOM 10:8

fɔɔnnɛ à kpaaghà ɓɔ kìɓan kicèm ki ki ghaghìghà à ki rom min ɓɔ a Zyope.

MƐ̀KÌKÌÌ MƐ ƁƐKƐ̀NÌ-FÌTOM 11:13

Kɔrinɛy à tumɛ̀n ɓìsi rìkpaa yɛ̀ɛ à ghɛngà di ŋwaà-fìtom a Bɛ̀ll à yùu a mɛɛ mii, à kpaa nyi lɛ: Rom ɓum a Zyope, lɛ ɓɛɛ reŋiì Simɔn ànɛ ɓɛ ti ɓɛ kpɔgì lɛ Pyɛɛri

MƐ̀KÌKÌÌ MƐ ƁƐKƐ̀NÌ-FÌTOM 11:5

Yɛ̀ɛ mɛ̀ɛ ǹɗì ɓi bàn ì Zyope di nkìki bɔ̀ŋzɛ̀n, nni ki nkìi mɛ̀ yɛ̀ɛ ɓìdɛ̀ndɛm lɛ: ǹghɛɛ rìkuu ɗi coo sànjà kì sugakɛn ɓi mɛ̀keɓ mɛ kinìn aɗyoo, ki yuyùy mɛ̀ a nyòò.

MƐ̀KÌKÌÌ MƐ ƁƐKƐ̀NÌ-FÌTOM 9:38

Yɛ̀ɛ ɓɛ̀gherɛ̀n ɓɛ a Zyope ɓɛ wokà lɛ Pyɛɛri à rì a Lida, Lida ànɛn à ràɓsɛ̀ngà ɓi loò rì Zyope, nni ɓɛ romgà ɓum ɓɛɓɛɛ̀ lɛ ɓɛɛ kɛǹ kì kpaà Pyɛɛri lɛ: Kùrùg yuis̀ a lɔ̀ŋkis, kɔ̀ɔ̀ lɛ̀mziì.

MƐ̀KÌKÌÌ MƐ ƁƐKƐ̀NÌ-FÌTOM 9:42

Bàn ì Zyope bimiɗ ì wokà kìɓan kiǹ, ɓum lɛɛ̀gwey ɓɛ ki gherɛn Kan.

EFÈZYƐŊ 2:10

Ɓisuulɛ, tì rì kìsay ki nnyɛɛ salà; à yègà ɓìsi ɓi Yeesus Kiris lɛ, ti ghɛɓ cɛɓ ki ki ri rì mɛ̀kìkìì mɛ syeesyee mɛ Bɛ̀ll à lokà kì pègsɛɛ lɛ ti kilag.

FÌLÌPYƐŊ 1:11

ɓì ki ɓa ɓɛronɛn rì mɛ̀kìkìì mɛ saaɗ mɛ mɛ ti mɛ ghɛnàg a lɔ̀ŋkis lɛ Yeesus Kiris ɓisuu rikem, ɗì rìɓɔgsì ɗi Bɛ̀ll.

KÒLÒSYƐŊ 1:10

Fɔɔnnɛ ghɛɓina cɛɓ ki kɛɛ̀ kɔ̀ngi Kan, ɓì kìkì ɓìɓan ɓi ɓi ri lɛ ɓi puɓsì nyi nɗem cààmɛ̀n kìcèm. Wumina ɓìɗùn ɓi ɓyɛɛ ghɛnɛn ɓi mɛ̀kìkìì mɛ syeesyee mɛ̀kuu mɛ̀kuu, ɓì ki tɔɔtɔɔ ɓi rìyi ɗi ɓì yii Bɛ̀ll.

TÈSÀLÒNÌSYƐŊ 4:10

Ǹkɔ̀nɛ̀n ànɛn innɛ ɓi rèresi rì ɓɛ̀geni ɓin ɓɛ̀cèm ɓɛ ɓɛ ri Masedwan bimiɗ. Ɓɔɔsoŋ̀, ɓisii yɛgsii lɔŋ mini ɓyàg lɛ ɓi kɛɛ̀di beèbɛ̀y rì rìkì ɗiǹ.

TIMOTE 5:10

Ki ghɛɛ̀sɛɛ lɛ a ɓa giɓ anɛ ɓum ɓɛ yii ɓìsyeesyee ɓii ɓi mɛkìkìì, ànɛ à mɛ tɔɔsag ɓɔn, ànɛ àa nghàɓkì ɓɛ̀kèn lɛ syeesyee, à sòòghì ɓɛ̀gherɛ̀n mɛ̀kòò, à ghɛɓsàg ɓum ɓɛ nyìinyìg, à ki kaakaa lɛ a ki ɓìɓan ɓi syeesyee.

Kaàtà ànɛ Pol à kàngà TIT 2:14

ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

Kaàtà ànɛ Pol à kàngà TIT 2:7

Wɛ̀ɛmiɗ ù ɓa kìfèèghrɛnà ɓi rìkì ɗi ɓiɓan ɓi syeesyee, ù rèèrèsàg ɓum dɔgtɛ̀n inɛ ì rì ǹtɛnɛn, ɗì rìmum.

Kaàtà ànɛ Pol à kàngà TIT 3:8

Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀, fɔɔnnɛ nkɔ̀ngi lɛ u siìrɛn ɓi rìkpaakpàà ɗi yɔ̀ di fɔɔnnɛ ɓumɓɛ ɓɛ gherɛ̀ngà Bɛ̀ll ɓɛɛ teèsi nyoo lɛɛ̀gwey, ɗì rìkìkì ɗi ɓiɓan ɓi syeesyee kìɓan kiǹ kɛɛ rɔɔtɛɛ ki ki ɓa ri gɛɓsɛ̀n ɓisuu ɓum.

EBIREEGH 13:21

a fa mìni ìtèɗ wulɛ ɓi kiki ɓìɓan ɓi syeesyee lɛ ɓi roòzi rikɔ̀n ɗii; a ki lɛ, ɓìɓan ɓi ɓyɛɛ̀ rɔɔghi nyi ɓyɛɛ ghɛnɛn ɓi ɓìsi lɛ Yeesus Kiris ànɛ à ghɛ̀ɛ̀sɛɛ ɗì rìkem fìɗyàɓ fikɔ̀ɔ̀ ri fìɗyàɓ fikɔ̀ɔ̀ Ààmɛ̀n.

ZYAG 1:27

Rìgherɛ̀n ɗi ɗi ri ɗìtɛnɛn, ɗi ki ɓa kɛ̀ɛ̀ tìfin ɓi mis mɛ Bɛ̀ll à Seŋi wìs ɗyɛɛ̀ tɔtɔg lɛ mum a kɛngi kì ghɛɛ̀ lɛ rì ɓɔɔ̀zii rì mɛ̀kpɔɓ cààmɛ̀n ki ɓɛ ri rì ǹɗemi-kɛŋɛn, à ki ɓèŋɗɛn lɛ kɛ̀ɛ kì ɓìɓan ɓi tifin ɓi ɓi ziinɛ.