MƐ̀KÌKÌÌ MƐ ƁƐKƐ̀NÌ-FÌTOM 9:31 - Bafia Nouveau Testament

³¹ Kìseŋi ki ɓaghà lɛ fyòoog, ɓi zi ì Zyude bimiɗ, a Galile rì a Samari; kìseŋi ki tetèkà ìtèɗ, ki kikì Kan mɛ̀wog, ki ki tèeghteghɛ̀n rì ǹghɛɓsɛn wu Kitɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 9:31 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 12:24

Nsoò fɔlɔɔ, jɛ̀ɛ̀ ì Bɛ̀ll ì kɛ̀ngà asu ì sààsàà.

MƐ̀KÌKÌÌ MƐ ƁƐKƐ̀NÌ-FÌTOM 16:5

Ɓìseŋi ɓi mɛ tetèkà ìtèɗ ɓi rìgherɛ̀n, bàlì ì ɓumɓɛ ɓɛ ɓaghà ɓɛ̀gherɛ̀n ì ɓɔɓɔ̀g m̀ɓɔɓɔghɛn ɓɛŋwos ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 2:47

Ɓɛ mɓɔgsàg Bɛ̀ll, ɓum ɓɛ̀cèm ɓɛ ki keekeèsì ɓɔ, fɔɔnnɛ Kan à tèèghtègsìghà ǹɗaŋ waa ɓɛ ŋwos ɓɛ̀cèm rì ɓum ɓɛ ki kɔngà Bɛ̀ll lɛ a ghɛɓsi.

MƐ̀KÌKÌÌ MƐ ƁƐKƐ̀NÌ-FÌTOM 20:32

Nni ɓi cààmɛ̀n ki, ǹɗeɓsɛɛ mìni rì Bɛ̀ll ǹki reɓsɛnti mìni rì ɓɔlɛ à geesɛ̀n yìì; ɓɔlɛ ànɛ̀n yɛɛ ri lɛ, à kì lɛ ɓi ɓa rì ìtèɗ, à ki fati mini ɓyom ɓi à nyamgà ɓisuu ɓumɓɛ ɓɛ ri ɓɛŋkii.

MƐ̀KÌKÌÌ MƐ ƁƐKƐ̀NÌ-FÌTOM 5:11

Fɔɔnnɛ coo iris wu ɓangà kìseŋi kìcèm rì ɓum ɓɛ̀cèm ɓɛ ɓɛ wokà kìɓan kiǹ.

MƐ̀KÌKÌÌ MƐ ƁƐKƐ̀NÌ-FÌTOM 6:7

Fɔɔnnɛ jɛ̀ɛ̀ ì Bɛ̀ll ì kɛ̀ngà asu di yɛ̀ɛ sààsàà, ɓàlì ì ɓɛ̀gherɛ̀n ì ki ɓɔg lɛɛ̀gwey a Yorisalɛm, kìgwey ki ɓɛpìrɛɛtìrɛ̀ ki ki foŋ ǹtyweeyi ɓi Yeesus.

MƐ̀KÌKÌÌ MƐ ƁƐKƐ̀NÌ-FÌTOM 8:1

Sol à ghɛngà lɛ rìwey di ɓɛ wolà Ityɛn ɗi ɓaghà syeesyee à kìɓan. Ŋwos àǹcèm ànɛn, wɛ̀y wu pɛsɛ̀ngày ɓisuu kiseŋi ki ki ɓaghà a Yorisalɛm, fɔɔnnɛ ɓɛ̀gherɛ̀n ɓɛ̀cèm ɓɛ saàtɛ̀ngà ɓi ɓɔɔ bàn ɓɛ a Zyude, rì ɓɛ a Samari, lɔŋ ɓɛ̀kɛ̀nì-fìtom cɛ̀ncaa ɓɛɛ rɔɓkà a Yorisalɛm.

RÒMƐŊ 14:17

Ɓisuulɛ kìlɔ̀ŋ ki Bɛ̀ll ki yin kiɓan ki riɗi rì rìnɔ, ki ri lɛ rì saaɗ rì fyòoog, rì kìnyàà ɓi Kìtɛntɛ̀ɛ̀n ki Nghay ki ti ki falàg.

RÒMƐŊ 14:19

Fɔlɔɔ nnɛ tì ghɛ̀ɛ̀sɛɛ min kikaà lɛ ti ki ɓìɓan ɓi ɓyɛɛ̀ kìki lɛ fyòoog a ɓa, ɓi ki fa ti ɓisi ɓɛ̀sɛ̀ɛ̀ ɓɛ̀cèm ìtèɗ ɓi rìgherɛ̀n.

RÒMƐŊ 15:13

Bɛ̀ll ànɛ à ti à falàg ɓum dyàɓɛn ɓi nɗem a roòzi mìni lɛ rì kìnyàà, rì fyòoog ɓi nɗem lɛ pisa ɓi rìgherɛ̀n, di dyàɓɛn yiǹ yɛ̀ɛ roǹ ì sòsòɓ rì ìtèɗ wu Kitɛntɛ̀ɛ̀n ki Nghày.

RÒMƐŊ 5:5

Fɔlɔɔ nnɛ dyàɓɛn inɛ̀n ì ti yɛ̀ kɛɛ̀ ɓɔ̀ŋ ɓisi ɓisuulɛ Bɛ̀ll à ɗyɛɛghà ǹkɔ̀nɛ̀n wìì ɓi mɛ̀rem mis, rì Kìtɛntɛ̀ɛ̀n ki Nghay ki à faghà ɓìsi.

1 KƆ̀RƐ̀ŊTYƐŊ 14:12

Fɔlɔɔ nnɛ yɛ̀ɛ ɓi kaakaa mɛfaà mɛ Nghay, ɓì ghɛ̀ɛ̀sɛɛ kì kaà lɛ di ɓyàa ɓaa rì mɔ lɛɛ̀gwey wɔ̀lɛ kɛɛ ɓa fɔlɔɔ ɓisuulɛ kìseŋi ki Kiris kɛɛ ɓa rì ìtèɗ.

1 KƆ̀RƐ̀ŊTYƐŊ 14:26

Ɓɔɔsoŋ̀ nni cɛ ɓì ghɛ̀ɛ̀sɛɛ min lɛ ɓì kìlàg? Ki ghɛɛ̀sɛɛ lɛ, cààmɛ̀n ki ɓì taŋzɛɛ, wàànɛ ù rì rì fyem, nsoò lɛ com ki rèsiyɛn, nsoò kìɓan ki Nghay à rèsii wɔ̀, nsoò lɛ u toòghrɛn kìkènekènè ki kitòkì, nsoò lɛ rìtɛɛ̀zì ɗi ɓiɓan ɓi ɓi kparɛɛ ɓi kìkènekènè ki kitòkì kiǹ, ɓìɓan ɓiǹ ɓìcèm ɓi ghɛɛ̀sɛɛ kìfaà ɓɛ̀gherɛ̀n ɓɛ̀cèm ìtèɗ ɓi nghay.

2 KƆ̀RƐ̀ŊTYƐŊ 10:8

Nni nsoò màa cìɓtaagh rìsaàsànɛ̀n ɗi itèɗ wu rilàmì wu Kan à faghà ɓìsi lèg àdɛŋ, lɛ ti ki lɛ rìgherɛ̀n ɗin ɗyɛɛ tɔɔ̀, àa lɛ ti yogsi ɗyɔ, màa wog ɓi ntoòrìɗ.

2 KƆ̀RƐ̀ŊTYƐŊ 12:19

Kaa finɛn yɛ̀ɛ ɓyaà fèfèg lɛ ɓìsiì kpaakpaàsɛ̀n ɓi mis min. Lɔŋ ɓi mis mɛ Bɛ̀ll, ɓi Kiris ɓiɗùm innɛ ti tòtòg, nni ɓìɓan ɓiǹ ɓìcèm ɓi ri ɓisuu kitɔɔ kiǹ ki ɓi Ǹghay, mìni ɓɔɔseŋi ɓɛ̀m ɓɛ nɗem.

2 KƆ̀RƐ̀ŊTYƐŊ 13:10

Kìɓan kiǹ kɛɛ̀ki ǹkàniì mìni fɔlɔɔ, di ǹkakay fìràɓ ɓisuulɛ, yɛ̀ɛ nkpaŋkpaŋ foo, kɛ̀ɛ mɓa ǹtiniyɛn lɛ ǹnyɛn ɗì mìni, ɓi rìlàmì ɗi Kan à faghà mɛ̀ lɛ, nki lɛ ɓi siìrɛn ɓi rìgherɛ̀n, àa lɛ n-yogsi rìgherɛ̀n ɗin.

2 KƆ̀RƐ̀ŊTYƐŊ 7:1

Nni yɛ̀ɛ tì rì rì mɛ̀kàg yɛ̀ɛ mɛǹ, ɓɛ̀geni ɓɛ̀m ɓɛ nɗem, tì ghɛ̀ɛ̀sɛɛ kì kìi lɛ tì ɓa ɓɛ̀tɛnɛn kɛ̀ɛ̀ tìfin ti ɓi nyoo, nsoò ti ɓi ǹghay. Ti tèèsiina nyoo lɛ ti konag kìɓaà ɓɛ̀tɛnɛn rì ìris wu Bɛ̀ll ɓi nɗem.

EFÈZYƐŊ 4:12

À kìghà fɔlɔɔ lɛ di ɓɛ̀gherɛ̀n ɓɛɛ tɔɔ̀ ɓɛ kpaŋ ɓi nɗɛli wu ɓɛ ri lɛ ɓɛ ki kìsay ɓi rìtoŋ ɗi nyoo ì Kiris.

EFÈZYƐŊ 4:16

Lɛ nyi nnɛ nyoo bimiɗ ì ti ì kìlàg lɛ, ì tɔɔ, ì ki toŋɗɛn yɔ̀miɗ ɓi nkɔ̀nɛ̀n ɓi ɗùm lèg ànɛ à ghɛ̀ɛ̀sɛɛ rì ɓìkàɓ ɓi miì ɓìcèm; nyoo ìnɛ̀n ì rì ǹwògakɛn lɛ syeesyee ì ki ɓa nɗàrakɛn lɛ kpeg kpeg rì gòga yìcèm yi ì rì rì yɔ̀.

EFÈZYƐŊ 4:29

Ŋwɔm win wu ghɛɛ̀sɛɛ ɓi ki kpaà kìɓan ki ɓeɓtɛn, wɔ̀lɛ i ki kpaŋi lɛ ɓi toòghrɛn, jɛ̀ɛ̀ yìn i ghɛ̀ɛ̀sɛɛ kì ɓaa jɛ̀ɛ̀ ìnɛ ì rì lɛ ì fa ìtèɗ ɓi rìgherɛ̀n ì ki ɓa ri ǹghɛɓsɛn ɓisuu ɓɛroɓɛ ɓɛ woogh yɔ̀.

EFÈZYƐŊ 5:21

Ɓaana rì mɛ̀wog ɓi nyìinyìm wìn ɓisuu rinìŋ ɗi ɓì ti ɓì nìgì Kiris.

FÌLÌPYƐŊ 2:1

I ǹtyweeyi wu yɛ̀ɛ Kiris wu ki rì lɛ wu fɔɔsì mum ǹɗem, i rìfalɛ̀n ɗi itèɗ ɓi ǹkɔ̀nɛ̀n ɗi ki rì wɔɔ, i rìràrɛ̀n ɗi rì Nghay ɗi ri wɔɔ, i ǹɗem wu nyìighnyìg wu geesɛ̀n wu ri lɛ wu ɓa wɔɔ,

KÒLÒSYƐŊ 1:10

Fɔɔnnɛ ghɛɓina cɛɓ ki kɛɛ̀ kɔ̀ngi Kan, ɓì kìkì ɓìɓan ɓi ɓi ri lɛ ɓi puɓsì nyi nɗem cààmɛ̀n kìcèm. Wumina ɓìɗùn ɓi ɓyɛɛ ghɛnɛn ɓi mɛ̀kìkìì mɛ syeesyee mɛ̀kuu mɛ̀kuu, ɓì ki tɔɔtɔɔ ɓi rìyi ɗi ɓì yii Bɛ̀ll.

TÈSÀLÒNÌSYƐŊ 5:11

Fɔɔnnɛ ɓì ghɛ̀ɛ̀sɛɛ kì faafàlɛ̀n mìniìɓɔmiɗ ìtèɗ, ɓì kì feèfègsɛ̀n mìni rì mìni yɛ̀ɛ ɓì ti ɓiì kìkii.

TIMOTE 1:4

ɓɛ̀ kɛɛ̀ ki mɛ̀ɛ̀tɛn ɓi mɛ̀kànkàn rì rìɓààɓààsì ɗi boo ɗi kɛ̀ɛ̀ sugtag, ɓìɓan ɓiǹ ɓyɛɛ̀ titini ɓum lɛ ɓɛɛ nyoonyòlɛ̀n, ɓyɛ̀ kɛɛ̀ ki ghɛɓsi lɛ fèg à Bɛ̀ll ànɛ lɛ a ghɛɓsi ɓum lɛ rìgherɛ̀n a kɛn asu.

EBIREEGH 4:9

Fɔlɔɔ nnɛ rìfɔɔsɛ̀n ɗi Bɛ̀ll à fɔɔsɛ̀ngà ɓi Saɓàt ɗi ri wɔɔ ɓisuu ɓum ɓɛ Bɛ̀ll.

ZYUUDƐ 1:20

Wɔ̀lɛ mìni ɓum ɓɛm ɓɛ nɗem, faafàlɛɛna mìniìɓɔmiɗ itèɗ ɓi rìgherɛ̀n ɗin ɗi ɗi ri ɗìtɛnɛn lɛ kɔɔ̀kɔɔ̀, ɓì ɓɔ̀ɔ̀ɓɔ̀ŋzì rì ìtèɗ wu Kitɛntɛ̀ɛ̀n ki Nghay.