MƐ̀KÌKÌÌ MƐ ƁƐKƐ̀NÌ-FÌTOM 9:17 - Bafia Nouveau Testament

¹⁷ Fɔɔnnɛ Ananyas à kɛ̀ngà min wɔɔ; nni yɛɛ̀ à ɗiŋìghà ɓi naa ìnɛ Sol à ɓaghà miì, à saagh nyi ɓyàg ɓi nyoo a ki kpaa nyi lɛ: Geni wɛ̀m Sol, Kan Yeesus ànɛ àa ǹɗèsɛɛ yì wɔ̀ ɓi bee di u yùyuiy fɛ, yɛɛ romiì mɛ̀ a lɔ̀ŋkɔɔ, lɛ mɛ̀ nsaagh wɔ̀ ɓyàg ɓi nyoo di wɔ̀ɔ ghɛnɛn tì, ù ki ɓa nɗonɛn ɗi Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 9:17 ပူးပေါင်းရင်းမြစ်များ

MATYOO 19:13

Nni ɓum ɓɛ yughày Yeesus rì ɓɔɓti ɓɛsàg, lɛ a saagh ɓɔ ɓyàg ɓi nyoo, à ki ɓɔŋzi Bɛ̀ll ɓisu wàà, wɔ̀lɛ ɓɛ̀yilàg ɓii ɓɛ nyɛɛdɛ̀ngà ɓumɓɛ̀n.

MARIKUS 5:23

A ki ɓɔ̀ŋzag nyi, à sììrɛ̀n ɓi bɔ̀ŋzɛ̀n ìnɛn, à kpaakpàà lɛ: Maa ŋwɔɓti wɛ̀m à giɓ a kɔ̀ɔkɔɔ̀sì, nni yu, u saagh nyi ɓyàg ɓi nyoo, di fɔɔnnɛ à wɔǹ, à ki ɓa ti ri cɛɓ.

MARIKUS 6:5

Fɔɔnnɛ à kìghà ɓi dàm wɔɔ nsoò bog, i ki cee ɓi lɛ, gàɓ ì ɓɛ̀roroɓ ìnɛ a wɔ̀ɔ̀zìghà di à saghii ɓɔ ɓyàg ɓi nyòò.

LUKAS 1:41

Lɔŋ yɛ̀ɛ Eliisaɓɛt à wokà ɓìtògsɛ̀n ɓi Marii, man à nyɛ̀ŋɗɛ̀n nyi ɓi ɗùm; Eliisaɓɛt à ɓa ǹɗonɛn ri Kìtɛntɛ̀ɛ̀n ki Nghay.

LUKAS 1:67

Nni Zakarii à seŋi à ɓaghà ǹɗonɛn ri Kìtɛntɛ̀ɛ̀n ki Nghay, à tumɛ̀n rìtòtòg yɛ̀ɛ ǹkpaŋzì-ɓìɓan à kpaa lɛ:

LUKAS 1:76

Nni wɔ̀ man ànɛ, ɓum ɓɛ ri regag wɔ lɛ: Ǹkpaŋzì-ɓìɓan a Bɛ̀ll ànɛ à teŋmɛɛ kɛ̀ɛ̀ vèg, ɓisuulɛ ù ɓiì syòŋi Kan bee, lɛ u log kì pègsɛɛ bee yiì,

LUKAS 15:30

Kìɓan kifog, yɛ̀ɛ man wɔɔ̀ ànɛ̀n àa sughii nyaànɛ à yogsaghiì ìkum wɔɔ ri ɓɛ̀yiɓ, ɓɛ riɓàmɓà, ù teɗ man à sanìnya ànɛ à rì ǹfɔmɛn, ù wey nyi.

LUKAS 15:32

Kìɓan kifog, kaa ghɛ̀ɛ̀sɛɛ lɔŋ lɛ, ti nyaàrɛn, ɓisuulɛ goni ànɛ̀n à wughà nni à sugtii yì ɓi cɛɓ, à ɗimgà, nni tì ghɛɛdii nyi.

LUKAS 2:11

Ɓɔlɛ ànɛ̀n à rì lɛ: ǹghɛɓsì ɓum à yalɛɛ gɛɛ̀nɛ ɓìsu wìn, ɓi bàn ì Davit, nnyɛɛ ri Kiris Kan.

MƐ̀KÌKÌÌ MƐ ƁƐKƐ̀NÌ-FÌTOM 10:36

Fɔɔnnɛ Bɛ̀ll à romgày jɛ̀ɛ̀ a ɓɔn ɓɛ Isirayɛl lɛ ɓɛɛ yi lɛ, fyòoog à rì ɓiì ɓaà ɓi nyìinyìm ànɛ lɛ rì nyi rì ɓum, ɓi jɛ̀m ì Yeesus Kiris ànɛ à rì rìfòm ɗi ɓum ɓɛ̀cèm;

MƐ̀KÌKÌÌ MƐ ƁƐKƐ̀NÌ-FÌTOM 13:3

Fɔɔnnɛ ɓɛ kighà lɛ, ɓaa cèli ɓiɗilàg, ɓɛ ɓɔŋzàg Bɛ̀ll, ɓɛ ki saaghrag ɓɔ ɓyàg ɓi nyoo, ɓɛ càɗ min ɓɔ lɛ ɓɛɛ ghaàgh.

MƐ̀KÌKÌÌ MƐ ƁƐKƐ̀NÌ-FÌTOM 13:52

Ɓi ɓɛg ànɛ a ɓɛgherɛ̀n ɓɛ a Aŋtyos, ɓɛ roǹgàkà rì kìnyàà ɓi ǹɗem, ɓɛ ki ɓa ti ɓɛ ronɛn ɗi Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 19:6

Fɔɔnnɛ Pol à saghìghà ɓɔ ɓyàg ɓi nyoo, Kìtɛntɛ̀ɛ̀n ki Nghay ki sɛn yì ɓi ɓɔ, ɓɛ tumɛ̀n ɗìtòg ɗi ɓìkènekènè ɓi ɓitòkì di ɓɛɛ̀ kpaakpaa ɓiɓan ɓi Bɛ̀ll à rèrèsìghà ɓɔ lɛ, ɓɛɛ kpaà.

MƐ̀KÌKÌÌ MƐ ƁƐKƐ̀NÌ-FÌTOM 2:4

Ɓɛ̀sɛ̀ɛ̀ ɓɛ̀cèm ɓɛ ɓa min ɓɛronɛn ri Kìtɛntɛ̀ɛ̀n ki Nghay, ɓɛ ki tòtog ɓitòkì ɓidɛŋ lɔŋ yɛ̀ɛ Nghay à fafàghà ɓɔ ìtèɗ wu lɛ ɓɛɛ totòg.

MƐ̀KÌKÌÌ MƐ ƁƐKƐ̀NÌ-FÌTOM 21:20

Nni ɓɛ wokà ɓìɓan ɓiǹ, ɓɛ fa Bɛ̀ll rìkem ɓɛ ki kpaa Pol lɛ: Maasoŋ̀, ù ghɛɛ yɛ̀ɛ bàlì ì ɓɛ̀tɔɔsìm ɓɛ Ɓɛ̀yudɛ̀n ɓɛ mɛ gherɛ̀n wɔ̀lɛ, ɓɛ ki rì lɔŋ ɓɛsììrɛn ɓi ɓìdɔ̀gsɛna ɓis.

MƐ̀KÌKÌÌ MƐ ƁƐKƐ̀NÌ-FÌTOM 26:15

Nni ǹtɔkà nyi lɛ: Kan, wɔ̀ yɛɛ ri ghɛn? Kan à ɓàg mɛ̀ lɛ: Mɛ̀ yɛɛ ri Yeesus ànɛ u yeeyeèsì.

MƐ̀KÌKÌÌ MƐ ƁƐKƐ̀NÌ-FÌTOM 4:31

Yɛ̀ɛ ɓɛ legsìghà bɔ̀ŋzɛ̀n yàà inɛ̀n, mɛɛ mɛ ɓɛ ɓaghà wɔɔ ɓɛtaŋzɛn mɛ nyɛŋɗɛ̀ngà, fɔɔnnɛ ɓɛ̀sɛ̀ɛ̀ ɓɛ̀cèm ɓɛ rongà rì Kìtɛntɛ̀ɛ̀n ki Nghay, ɓɛ ki ghaaghagsì Ɓɔlɛ à Bɛ̀ll rì ntyweeyi ɓi ǹɗem.

MƐ̀KÌKÌÌ MƐ ƁƐKƐ̀NÌ-FÌTOM 6:6

Nni ɓɛ yughày rì ɓumɓɛ kitaàɓɛ̀ɛ̀, ɓɛ resì ɓɛ̀kɛ̀nì-fìtom, ɓɛ̀kɛ̀nì-fìtom, ɓɛ ɓɔŋzàg Bɛ̀ll, ɓɛ ki saaghràg ɓɔ ɓyàg ɓi nyòò.

MƐ̀KÌKÌÌ MƐ ƁƐKƐ̀NÌ-FÌTOM 8:17

Fɔɔnnɛ ɓɛ̀-Pyɛɛri ɓɛɛ̀ Zyaŋ ɓɛ tumɛ̀ngà ɓɔ rìsasààgh ɗi ɓyàg ɓi nyoo, ɓɛ teɗ min Kitɛntɛ̀ɛ̀n ki Nghày.

MƐ̀KÌKÌÌ MƐ ƁƐKƐ̀NÌ-FÌTOM 9:18

Lɔŋ ɓi gom yɔ̀miɗ inɛ̀n, ɓyom ɓidɛŋ fɛlɛ yɛ̀ɛ ɓìɓaaɓaa ɓi ɓìzɛn ɓi ɓaaghrɛ̀ngày ɓi mis mɛ Sol, ɓi kpi ɓi zi, à ghɛnɛ̀n tì min, fɔɔnnɛ à pɛ̀sɛ̀ngà aɗyoo, ɓɛ ɓaɓtì nyi.

RÒMƐŊ 15:7

Fɔɔnnɛ ghàaghàɓɓɛɛna mìni rì mìni rì syeesyee à nɗem fɛlɛ yɛ̀ɛ Kiris à ghàɓkà mìni ɓisuu rikem ɗi Bɛ̀ll.

1 KƆ̀RƐ̀ŊTYƐŊ 15:47

Mum à ǹtonto à kìlɛ̀ngà rì zi, fɔɔnnɛ à rì miì ŋwaànɛ ɓi ziinɛ; ŋwaà kìɓɛ̀rɛn nyii rii aɗyoo.

1 KƆ̀RƐ̀ŊTYƐŊ 15:8

Ajɛ̀m ì ɓumɓɛ̀n ɓɛ̀sɛ̀ɛ̀ ɓɛ̀cèm fɔɔnnɛ à rèsɛ̀ngà mɛ̀ girig, mɛ̀ ànɛ ǹɗì yɛ̀ɛ man ànɛ ɓɛ yali ɗyem kìɓwɛɗ,

1 KƆ̀RƐ̀ŊTYƐŊ 9:1

Mɛ̀ɛ nfèki nya lɛ ǹɗì rì ìtèɗ wulɛ ǹkì com ki ǹkɔ̀ni? Nfèki nya lɛ ǹɗì ǹkɛ̀nì-fìtom a Yeesus? Mɛ̀ɛ nti nya lɛ ǹghɛngà Yeesus Kan wìs? Àa mìni yɛɛ ri kìsay kɛm̀ ɓi Kan ɓi ɗùm?

TIMOTE 4:14

Kɔ̀ɔ sɛɛti rifa ɗi Nghay ɗi ù rì ri ɗyɔ, ɗi ù tekà ɓi rìkpaa ɗi ɓɛ̀kpaŋzì-ɓìɓan, ɓɛ kpaaghà, ɓɛ̀sɛ̀ɛ̀mɛn ɓɛ Kiseŋi ɓɛ saghì wɔ̀ ɓyàg ɓi nyòò.

TIMOTE 5:22

Kɔ̀ɔ fyɛ̀ɗmag kisaghii mum ɓyàg ɓi nyoo lɛ duri yàa tani, kɔ̀ɔ ɓɛmdag ɓiɓe ɓi ɓum ɓɛdɛŋ, ɓèŋɗɛn wɛ̀ɛmiɗ ntɛnɛn.

2 TIMOTE 1:6

Kìɓan kiǹ kɛɛ̀ki ǹtɔɔgh wɔ̀ lɛ, u lɔŋ̀zi tì ɗuu ɗi ɓi rìfa ɗi Bɛ̀ll ɗi ù tekà yɛ̀ɛ ǹsaghìghà wɔ̀ ɓyàg ɓi nyòò.

FILEMƆŊ 1:16

kɛ̀ɛ ɓa ti ǹkpàn, kìɓan kifog rìɓa ɗii ɗi cee ɗi ǹkpàn a zɛy, à ɓa maaseŋi wìs a ǹɗem; i à ki ti maaseŋi wɛ̀m à ǹɗem, à rì ɓiì ɓaà girig aŋkɔ̀ɔ̀ à cee fɔlɔɔ, lɛ rì ɓi bee inɛ ɓi mɛ̀mùù rì ɓi ìnɛ ɓi rìgeni ɗi ɓi Kan ɓiɗùm.

EBIREEGH 6:2

à gherɛ̀n Bɛ̀ll, rì mɛ̀rèsàg mɛ mɛ koŋ̀komi bàɓtis mɛ̀kuu mɛ̀kuu, ɗì rìsaàgh ɗi mum ɓyàg ɓi nyoo lɛ ɓɛɛ maŋ̀ nyi, rì rìghèmɓɛ̀n ɗi ɓiloŋ, rì ɓɛ̀yɔ̀m ɓɛ Bɛ̀ll à ri yɔ̀m ɓum gɛ̀n bog ɓi gɛ̀n yicèm.

2 PYƐƐRI 3:15

Terina rìnìɗ ɗi ǹɗem ɗi Kan wìs lɛ ɗi ri ɓi kìrɔɔ kin lɔŋ yɛ̀ɛ geni wìs a nɗem ànɛ lɛ Pol à kàngà girig mìni ɓi ɗyomzɛ̀n ɗi Bɛ̀ll à faghà nyi.