MƐ̀KÌKÌÌ MƐ ƁƐKƐ̀NÌ-FÌTOM 9:16 - Bafia Nouveau Testament

¹⁶ Mɛ̀ɛmiɗ ǹɗì nyi ɓiì rèsii mɛtɔɓ mɛ̀cèm mɛ à ɓiì woògh ɓisu wɛ̀m.

MƐ̀KÌKÌÌ MƐ ƁƐKƐ̀NÌ-FÌTOM 9:16 ပူးပေါင်းရင်းမြစ်များ

MATYOO 24:9

Fɔɔnnɛ ɓɛ ri mìni ɓiì ɓangii, ɓɛ ki lɛ ɓi woòg mɛ̀tɔɓ, ɓɛ weeyì mìni, ɓìlɔ̀ŋ ɓìcèm ɓi ri mìni ɓiì ɓèèzɛɛ ɓisu wɛ̀m.

MATYOO 5:11

Yiina lɛ, ɓì rì rì ɓɛ̀mààgh di ɓum ɓɛɛ̀ sɛɛsɛmgì mìni, ɓɛ tɔtɔ̀ɓ mìni, ɓɛ ki renɗen mini ɓìɓan ɓi nyoo zàɓ yi aɗyoo yìcèm ɓìsu wɛ̀m.

ZYAŊ 15:20

Yitiina jɛ̀ɛ̀ ìnɛ ǹkpaaghà mìni lɛ: Ǹkìì-kìsay a cee ɓi masà wìì. I ɓɛ yeesìghà mɛ̀, ɓɛ ri yeesi girig mìni. I ɓɛ ɓegà ɓìɓan ɓyɛm̀, ɓɛ ɓiì ɓèŋi girig ɓiŋkìn.

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 21:11

Yɛ̀ɛ à yughà ɓìsi kìtanɛɛ a teɗ kànɗa à Pol, à kàgì lɛ rì mɛ̀kòò mii, rì ɓyàg ɓii, à ki kpaa lɛ: Kìtɛntɛ̀ɛ̀n ki Nghay kɛɛ̀ kpaaghi lɛ: Ɓì ghɛɛ? Fɛlɛ nnɛ Ɓɛ̀yudɛ̀n ɓɛ ri ɓiì kàŋi ŋwaànɛ à rì rì kànɗa ànɛ, ɓɛ ki teɗ nyi, ɓɛ fa nyi ɓi ɓyàg ɓi ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 21:13

Nni Pol à ɓàkà ɓɔ lɛ: Cɛ kɛɛ̀ki ɓi ɗiighɗigsì mɛ̀ ǹɗem miì ɗì mɛ̀kɛɛ̀gh? Àa bɛn yɔ̀riyɔ̀ yɛɛ yi m̀ɓoŋɓòŋ, ǹɗì gì m̀pègsɛn lɛ nwu a Yorisalɛm ɓi ɗii ɗi Kan Yeesus.

MƐ̀KÌKÌÌ MƐ ƁƐKƐ̀NÌ-FÌTOM 21:4

Tì kɔrìghà wɔɔ mɛru taàɓɛ̀ɛ̀, lɛ tì tanɛ̀ngà ɓɛ̀gherɛ̀n wɔɔ, Kìtɛntɛ̀ɛ̀n ki Nghay ki tinì bɛ̀gherɛ̀n lɛ ɓɛɛ kpaà Pol lɛ, kɛ̀ɛ ɓɔg a Yorisalɛm.

MƐ̀KÌKÌÌ MƐ ƁƐKƐ̀NÌ-FÌTOM 9:14

Nni ɓi ɗi à rì ɗi fɛ, ɓɛ̀pìrɛɛtìrɛ̀ ɓɛgwey ɓɛ nfaa nyi ìtèɗ wulɛ a ɓangi ɓum ɓɛ̀cèm ɓɛ ɓɛɛ̀ rereŋi ɗii ɗyɔɔ, à ki fogi ɓɔ ɓi ɓìsɔŋ.

MƐ̀KÌKÌÌ MƐ ƁƐKƐ̀NÌ-FÌTOM 9:6

Pɛ̀sɛn aɗyoo, u ɗiŋi ɓi bàn, wɔɔnnɛ ɓɛ ri wɔ̀ ɓiì kpaà com ki ù ghɛ̀ɛ̀sɛɛ kì kìi.

2 KƆ̀RƐ̀ŊTYƐŊ 6:4

Wɔ̀lɛ ɓi ɓìɓan ɓìcèm, ɓìsiì rèresi kɔm̀ lɛ tì rì ɓɛ̀kìì-ɓìsay ɓɛ Bɛ̀ll, ɓi coo rinìɗ ɗi nɗem ɗi tì rì rì ɗyɔ ɓi rìkɛŋ, rì ɓi cɛɓ ki nyìinyìg rì ɓi ɓìɓan ɓi ɓyɛɛ̀ falag iris,

TÈSÀLÒNÌSYƐŊ 3:3

lɛ di mum kɛ̀ɛ càrɛn lɛ mɛ̀fèèghrɛn mɛ mɛ ri ɓigomìnɛ mɛɛ ɓigti nyi, ɓisuulɛ mìniìɓɔmiɗ ɓì yii lɛ mɛ̀fèèghrɛn mɛǹ mɛ ɓaghà mɛ̀pègsɛn ɓisu wis.

2 TIMOTE 1:12

Ɓisu wìn miì nnɛ nwowog mɛtɔɓ yɛ̀ɛ mɛ, wɔ̀lɛ ki faa ɓi mɛ ntoòrìɗ ɓisuulɛ ǹ-yii roànɛ ǹgherɛ̀ngà; ǹɗem wɛ̀m wùcèm wu yii saaɗ wu ki gherɛn lɛ à rì rì ìtèɗ wulɛ à ɓèŋ com ki à tɛfɛ̀ngà rì mɛ̀, à kpaŋ ŋwos anɛ̀n.

2 TIMOTE 3:11

ù yii lɛ rì ǹ-yeesɛ̀n ànɛ ntuutulɛ̀n rì nyi, rì mɛ̀tɔɓ mɛ ǹwowoogh; rìkuu ɗi ntɔɓ aɗi ɗyɛɛ̀ɗi ǹɗɔ̀ɓi lɛ ǹghɛɛ ɓi a Aŋtyos rì Ikonyɔm rì a Listirɛ? Rìkuu ɗi ǹ-yeesɛ̀n aɗi ɗyɛɛ̀ɗi ǹɗɔ̀ɓi lɛ ǹtulɛɛ ɓi ri ɗyɔ, ǹki sìisiìrì nɗem? Wɔ̀lɛ Kan à ghɛɓsìghà mɛ̀ ɓi mɛ̀tɔɓ mɛ̀n mɛ̀cèm.

1 PYƐƐRI 4:14

I ɓɛɛ̀ sɛɛsɛmgì mìni lɛ ɗii ɗi Kiris, di ɓì rì ɓɛ̀mààghmaagh ɓisuulɛ Ǹghay à rìkem, Ǹghay à Bɛ̀ll à rì ɓi mìni.

ÀPÒKÀLIƁSƐ̀ 1:9

Mɛ̀ zyaŋ ànɛ ǹɗì geni wìn, ǹɗì rì gàɓ lɛ rì ɓi mɛ̀tɔɓ, rì ɓi kìlɔ̀ŋ ki Bɛ̀ll rì ɓi rìsììrɛ̀n ɗi ɓi Yeesus, m̀ɓaghà ɓi kìrìŋ ki riɓày ki lɛ Patmos ɓisuu righagsì ɗi jɛ̀ɛ̀ ì Bɛ̀ll, ǹki tɛɛ̀zi saaɗ ànɛ ɓi kìɓan ki Yeesus.