MƐ̀KÌKÌÌ MƐ ƁƐKƐ̀NÌ-FÌTOM 9:13 - Bafia Nouveau Testament

¹³ Ananyas à ɓàg lɛ: Kan, m̀mɛ wog di ɓum lɛɛ̀gwey ɓɛɛ sɛsɛg rigɛn ɗi ŋwaànɛ̀n àa nkìi ɓɛ̀gherɛ̀n ɓɛ a Yorisalɛm.

MƐ̀KÌKÌÌ MƐ ƁƐKƐ̀NÌ-FÌTOM 9:13 ပူးပေါင်းရင်းမြစ်များ

MATYOO 10:16

Nni mɛ̀ ǹɗomi lɔŋ mini yɛ̀ɛ ɓɔni jɔ̀ɔ̀ ɓi nyìinyìm à ɓìmonɗo, fɔɔnnɛ ɓaana rì ɗyomzɛ̀n yɛ̀ɛ nyoo, ɓì ki ɓa ri mɛ̀rem mɛ tɛ̀tɛ̀rɛ̀ɛ̀ yɛ̀ɛ ɓɛ̀kuùkuù.

MƐ̀KÌKÌÌ MƐ ƁƐKƐ̀NÌ-FÌTOM 22:4

Ǹɗùùɗùùsìghà ɓumɓɛ ɓɛ nɔɔ̀nɔ̀ɔ̀tìghà bee ì Kan, wɛ̀y à kpaŋ yɛ̀ɛ ǹwowòlà ɓɛ̀ro ɓɛdɛŋ, ǹki ɓanɓan lɛ, rì ɓɛ̀yiɓ rì ɓɛ̀baŋì ǹfogì ɓɔ ɓi ɓìsɔŋ, ǹki pìki ɓɔ ɓi naà-zày.

MƐ̀KÌKÌÌ MƐ ƁƐKƐ̀NÌ-FÌTOM 8:3

Wɔ̀lɛ, ɓi ɓɛg ànɛ yɛ̀ɛ Sol nyii kɛnkɛ̀ngà lɔŋ asu à tɔtɔ̀ɓ ɓɛ̀gherɛ̀n; à ɗiɗìŋìghà ɓi ɓɛ̀naa, di a Kpaakpàŋzìì lɛ, rì ɓɛ̀yiɓ ɗì ɓɛ̀baŋì ɓi-tèɗ à ki foŋfoŋ ɓɔ ɓi naà-zày.

MƐ̀KÌKÌÌ MƐ ƁƐKƐ̀NÌ-FÌTOM 9:1

Yɛ̀ɛ sol à ɓaghà di à kaka rì coo ǹɗem wu rìgɛn wulɛ, a cuùcùùsì ɓɛ̀gherɛ̀n ɓɛ Kan, nni à kɛ̀ngà kì ghɛɛ̀ ǹkɔ̀mɛ̀n ɓɛ̀pìrɛɛtìrɛ̀ àgwey,

MƐ̀KÌKÌÌ MƐ ƁƐKƐ̀NÌ-FÌTOM 9:21

Ɓum ɓɛ̀cèm ɓɛ ɓɛ wowòkà di a kpaakpaa fɔlɔɔ, ɓɛ Kuuràkà, ɓɛ tɔtɔ̀g lɛ: Àa ŋwaànɛ yɛɛ ǹ-yeèyèèsì ɓum ɓɛ̀cèm ɓɛ ɓɛɛ kpɔŋkpɔŋ ɗii ɗi Yeesus a Yorisalɛm? Àncèm aà n-yuyuu yì ɓi fɛ rì fèg ànɛ lɛ, a ɓangi bɔ, a fogi ɓɔ ɓi ɓìsɔŋ, di a kɛǹ ɗì ɓɔ a ɓɛ̀pìrɛɛtìrɛ̀ ɓɛgwey?

MƐ̀KÌKÌÌ MƐ ƁƐKƐ̀NÌ-FÌTOM 9:32

Pyɛɛri à rerènìghà kìlɔŋ kìcèm, nni nwos adɛŋ, à sɛngà a Lida lɛ a ghɛn ɓɛ̀gherɛ̀n ɓɛ ɓɛ ɓaghà wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 9:41

Pyɛɛri à ɓan nyi ɓi càg, à pɛ̀sì nyi mɛ̀rɛy. À regìì min lɛ, rì ɓɛ̀gherɛ̀n rì mɛ̀kpɔɓ, à rèsì ɓɔ nyi, ɓɛ ghɛn lɛ à ti cem.

RÒMƐŊ 1:7

nni mìni ɓɛ̀sɛ̀ɛ̀ ɓɛ̀cèm ɓɛ Bɛ̀ll à keesii yɛ̀ɛ mɛ̀nɔ̀ɓɔ̀, ɓɛ bì rì a Rom, mìniì ɓɛ à reŋìghà lɛ ɓi ɓa ɓum ɓii, Bɛ̀ll à Seŋì wìs ɓɛɛ̀ Kan Yeesus, ɓɛɛ fa mìni lɛ rì geesɛ̀n rì fyòoog.

RÒMƐŊ 15:31

Di fɔɔnnɛ nghɛɓ ɓumɓɛ ɓɛ yin ɓɛ kìristɛn a Zyude, rì tì lɛ ɓɛ̀gherɛ̀n ɓɛɛ ghaɓ gɛɓsɛ̀n ìnɛ ǹɗì ɓiì kɛ̀ɛ ri yɔ̀ a Yorisalɛm rì kìnyàà.

RÒMƐŊ 16:15

Ɓì tɔkì Filoloogɛ, rì Zyuli, rì Neree ɓɛɛ̀ geni à giɓ, rì Olɛmpas, rì ɓɛ̀gherɛ̀n ɓɛ̀cèm ɓɛ ɓɛ ri ǹɗaŋ ri ɓɔ.

RÒMƐŊ 16:2

Ghàɓina nyi ɓi ɗii ɗi Kan lèg ànɛ yɛ̀ɛ ɓɛ̀gherɛ̀n ɓɛ ghɛɛ̀sɛɛ kì kìlaagh, ɓì ki ghɛɛghɛɓsì nyi ɓi ɓìɓan ɓìcèm ɓi à rì lɛ à ɓa rì zày ìnɛ lɛ ɓi ghɛɓsi nyi miì, ɓisuulɛ, nyimiɗ a mɛ ghɛɓsi ɓum lɛɛ̀gwey, nsoò mɛ̀ɛmiɗ anɛ.

1 KƆ̀RƐ̀ŊTYƐŊ 1:2

Tì kàni kìseŋi ki Bɛ̀ll ki ki ri a Kɔrɛŋt, rì ɓumɓɛ ɓɛ ri ɓɛ̀tɛnɛn ɓi Yeesus Kiris ɓi ɗùm ɓɔ yɛɛ ri ɓɛ̀reŋiyɛn lɛ ɓɛɛ ɓa ɓɛ̀gherɛ̀n, rì ɓum ɓɛ̀cèm ɓɛ ɓɛɛ̀ rereŋi ɗii ɗi Kan wìs Yeesus Kiris ɓaa soo rì fe, lɛ Yeesus à rì Kan wàà, nyi tì Kan wìs.

1 KƆ̀RƐ̀ŊTYƐŊ 14:33

Ɓisuulɛ Bɛ̀ll à yin Bɛ̀ll à kìɓùùsì, à rì lɔŋ Bɛ̀ll à fyòoog. Lɔŋ yɛ̀ɛ ki ti ki ɓalàg ɓi mɛ̀taŋzɛn mɛ ɓɛgherɛ̀n Bɛ̀ll mɛ̀cèm

1 KƆ̀RƐ̀ŊTYƐŊ 16:1

Ɓi kìɓan ki ki seesee syɔ̀ɔ̀ à ɓyom ɓisuu ɓɛgherɛ̀n ɓɛ a Yorisalɛm mìnii kìina girig yɛ̀ɛ ǹtɔkà ɓìseŋi ɓi Kiris ɓi a Galasi.

1 KƆ̀RƐ̀ŊTYƐŊ 6:5

Ǹkpaa kìɓan kiǹ lɛ ɓi wog ǹtoòrìɗ. Fɔlɔɔ a rèsii yɛɛ lɔɔ lɛ mum à ɗyomzɛ̀n à yin ɓi nyìinyìm wìn nsoò bog, ànɛ à rì rì ìtèɗ wulɛ à pègsɛ̀n kìɓan ki ɓɛgeni wa?

EFÈZYƐŊ 1:1

Mɛ̀ Pol, ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, mɛ̀ yɛɛ kani ɓumɓɛ Bɛ̀ll rì ɓɛ̀gherɛ̀n ɓɛ ɓɛ ri ɓɛ̀falɛn ɓi Kiris Yeesus a Efɛɛzɛ.

FÌLÌPYƐŊ 1:1

Ɓìsi ɓɛ̀kìì-ɓìsay ɓɛ Yeesus Kiris lɛ rì Pol, rì Timote, tì kàni ɓum ɓɛ Bɛ̀ll ɓɛ̀ ɓi Yeesus Kiris ɓɛ̀cèm ɓɛ ɓi bàn ì Filiɓ, rì ɓɛ̀kɛ̀ɛ̀sì ɓaa rì ɓɛ̀dyaakìrɛ̀.

FÌLÌPYƐŊ 4:22

Ɓum ɓɛ Bɛ̀ll ɓɛ̀cèm ɓɛ togsii mìni à ɓiisɛ̀n ɓɛ ɓi naa ì Kaaza.

KÒLÒSYƐŊ 1:2

tì kàni ɓɛ̀gherɛ̀n, rì ɓɔɔseŋi ɓis ɓɛ ɓi Kiris ɓɛ ɓɛ ri ɓum ɓɛ ntyweeyi, ɓɛ ɓɛ ri a Kolos. Bɛ̀ll à Seŋi wìs a fa mìni lɛ rì geesɛ̀n, rì fyòoog!

EBIREEGH 13:24

Ɓìtògsàg ɓɛ̀rɛlì asu ɓiǹ, rì ɓɛ̀gherɛ̀n ɓɛ̀cèm; ɓɛ̀roɓɛ a Italii ɓɛ togsaaghi mìni.

ZYUUDƐ 1:3

Mìni ɓum ɓɛm ɓɛ nɗem, mɛ̀ɛ nɗì rì coo zày ìnɛ lɛ di màa kàni mìni kìɓan ki gòri ìnɛ ì seesee ɓìsi ɓɛ̀sɛ̀ɛ̀ ɓɛcèm; mɛ̀ɛ nɗì ǹtiniyɛn lɛ nki fɔlɔɔ lɛ nfegsi mìni lɛ ɓi ɗuù ɓisuu ntyweeyi wu Bɛ̀ll à faghà ɓɛ̀gherɛ̀n gɛ̀mbog ɓi gɛ̀n yicèm.