MƐ̀KÌKÌÌ MƐ ƁƐKƐ̀NÌ-FÌTOM 8:30 - Bafia Nouveau Testament

³⁰ Nni Filiɓ à Cɛ̀ɓtìghà mɛ̀ree, à tanɛ̀n calig kìn, à wog min yɛ̀ɛ muu Etyopii ànɛ̀n à ɓàɓàlà kaàtà à ǹkpaŋzì-ɓìɓan Ezayii. Filiɓ à tɔg nyi lɛ: Tɛɛnɛ, u wowog nya com ki u ɓàɓay kiǹ?

MƐ̀KÌKÌÌ MƐ ƁƐKƐ̀NÌ-FÌTOM 8:30 ပူးပေါင်းရင်းမြစ်များ

MATYOO 13:19

I ŋwaà woogh di ɓɛɛ̀ kakali kìɓan ki kilɔ̀ŋ ki aɗyòò, à rɔ̀ɓ kɛ̀ɛ yi com ki ɓɛɛ̀ kpaakpàà: Ghèghey à mum à yù kì pisii boo ìnɛ ɓaa mìsi ɓi nɗem wu ŋwaànɛ̀n; ŋwaànɛ̀n à rì fɛlɛ yɛ̀ɛ boo ìnɛ ì kpìghà ɓi bee aɗyoo.

MATYOO 13:23

Ŋwaànɛ à ghàɓkà boo ɓi syeesyee à zi à rì ŋwaànɛ à woogh jɛ̀ɛ̀ ì Bɛ̀ll, à ki wog com ki ì kpaa; ŋwaànɛ̀n a ti à wumgì ɓìɗùn fɛlɛ yɛ̀ɛ boo ìnɛ ì kìi lɛ ǹɗyèm wu, wu fa ɓìɗùn mɛ̀tin mɛtaǹ, wumbog ɓìɗùn mɛ̀tin mɛraa, wudɛŋ ɓìɗùn rìtin ɗì ǹtɛ̀ɗ.

MATYOO 13:51

Nni Yeesus à tɔkà ɓɔ lɛ: Ɓì woogh ɓìɓan ɓiǹ ɓìcèm? Ɓɔɔ pɛɛ̀zì nyi lɛ: Ɛ̀ɛ̀ tì woogh.

MATYOO 15:10

Yeesus à reŋìghà gwìy ì ɓum lɛ yɛ̀ɛ yu nyi a nyòò, à kpaa yɔ̀ lɛ:

MATYOO 24:15

Yɛ̀ɛ ɓi ɓiì ghɛɛ̀ di ɓum ɓɛ ti ɓiì kìkii ɓiɓe ɓi ɓi ri koŋnyoo ɓi jàŋ inɛ ì rì kìcèlì yɛɛ Daniyɛl à kpaaghà, ŋwaànɛ a ɓàɓay ɓìɓan ɓi Bɛ̀ll, à ghɛ̀ɛ̀sɛɛ kì kɔ̀rii ɗyomzɛ̀n.

MARIKUS 13:14

Yɛ̀ɛ ɓì ɓiì ghɛɛ̀ di ɓum ɓɛ ti ɓiì kìkii ɓìɓe ɓi ɓi ri koŋnyoo ɓi jàŋ inɛ ki ghɛɛ̀sɛɛ ɓi, ŋwaànɛ a ɓàɓay ɓiɓan ɓi Bɛ̀ll à ghɛ̀ɛ̀sɛɛ kì kɔ̀rii ɗyomzɛ̀n; nni ɓumɓɛ ɓɛ ɓiì ɓaà a Zyude, ɓɛ ghɛɛ̀sɛɛ kì ghɛŋii ɓi dòn aɗyòò.

ZYAŊ 4:34

Yeesus à kpaa ɓɔ lɛ: Ɓìɗilàg ɓyɛm̀ ɓi ri lɛ nki rìkɔ̀n ɗi roànɛ à romgày mɛ̀, ǹki lègsi kisay ki à faghà mɛ̀.

ZYAŊ 5:39

Ɓi fifiɓi mɛkànì mɛ kaàtà à Bɛ̀ll, lɛ ɓi fèfeg lɛ ɓi mɛ̀kànì mɛǹ nnɛ ɓì rì ɓiì ɓaà rì cɛɓ ki fiɗyàɓ fikɔ̀ɔ̀. Mɛ̀kànì mɛǹ mɔ yɛɛ̀ ki rèresi kiɓan kɛm̀.

MƐ̀KÌKÌÌ MƐ ƁƐKƐ̀NÌ-FÌTOM 8:27

Nni Filiɓ à pɛ̀sɛ̀ngà, à ghàs kì kɛ̀ɛ, nni à pìkà mis, à ghɛn ŋwaàdɛŋ nyi asu, ŋwaànɛ̀n à ɓaghà ŋwɛg, nyi tì coo ǹsasàlì à Kaŋɗas giɓ anɛ à ɓaghà rìfòm a Etyopii, nyi tì baŋ-masà à giɓ anɛ̀n. A ɓaghày kìɓɔgsii Bɛ̀ll a Yorisalɛm.

MƐ̀KÌKÌÌ MƐ ƁƐKƐ̀NÌ-FÌTOM 8:29

Fɔɔnnɛ Kìtɛntɛ̀ɛ̀n ki Nghay ki kalìghà Filiɓ lɛ: Pìgha mɛ̀kòò, ù tanɛn calig kinii.

MƐ̀KÌKÌÌ MƐ ƁƐKƐ̀NÌ-FÌTOM 8:31

Nni ŋwaànɛ̀n à pɛ̀ɛ̀zìghà Filiɓ lɛ: Lannɛ ǹɗì lɛ ǹwog com ki mɓàɓày di ɓɛ tɛɛ̀zii ɓi mɛ kɔ? Nni à kpaaghà Filiɓ lɛ a ɓɔg yì ɓi calig, a kɔri nyi ɓi nwɔŋì.

MƐ̀KÌKÌÌ MƐ ƁƐKƐ̀NÌ-FÌTOM 8:5

Fɔɔnnɛ Filiɓ à Sɛngà ɓi bàn ìdɛŋ ìnɛ a Samari à kakàlì ɓumɓɛ wɔɔ kiɓan ki ǹghɛɓsì ɓum.

1 KƆ̀RƐ̀ŊTYƐŊ 14:19

Kìɓan kifog, cààmɛ̀n ki ǹɗì ɓi ntaŋzɛn wu ɓɛgherɛ̀n, ǹti m̀ɓiisàg kì kɔ̀ni lɛ nkpaa jɛ̀ɛ̀ yitaǹ rì ɗyomzɛ̀n ɗyɛm̀, à cee lɛ nkpaa jɛ̀ɛ̀ ɓɛ̀tɔɔsìm ǹtɛ̀ɗ ɓi kìkènekènè ki kitòkì.

EFÈZYƐŊ 5:17

Kìɓan kiǹ kɛɛ̀ki ɓì ghɛ̀ɛ̀sɛɛ ɓi ki ɓaà ɓìdùŋdùŋ ɓi ɓum, ɓì ghɛ̀ɛ̀sɛɛ lɛ ɓi yi cɛ kɛɛ̀ki Kan a kɔ̀nkɔ̀n.

ÀPÒKÀLIƁSƐ̀ 13:18

Cààmɛ̀n ki lɛ mum a womzɛn kɛɛ̀ki, ŋwaànɛ à wom̀zɛɛ, a kaà lɛ à tanɛ̀n bàlì ì nyàm ìnɛn, ɓisuulɛ bàlì ìnɛn ì rì bàlì ì ɗii ɗi mum. Bàlì yìì inɛ̀n ì rì ɓɛ̀hɔnɗɛ̀ɗ taàfog rì mɛ̀tin mɛraa rì taàfog.