MƐ̀KÌKÌÌ MƐ ƁƐKƐ̀NÌ-FÌTOM 7:58 - Bafia Nouveau Testament

⁵⁸ Ɓɛ kɛǹ ɗì nyi fìràɓ ɗi bàn, ɓɛ tumɛ̀n nyi rìrogì ɗi gɔ̀g lɛ ɓɛɛ wey nyi. Ɓɛ̀wusìnɛ̀ɗ ɓɛ ɓi kìɓan kiǹ ɓɛ reɓsɛ̀ngà ɓìlàà ɓyaa ri dɛlìì mum ìdɛŋ ɗii lɛ Sol.

MƐ̀KÌKÌÌ MƐ ƁƐKƐ̀NÌ-FÌTOM 7:58 ပူးပေါင်းရင်းမြစ်များ

LUKAS 4:29

Nni ɓɛ pɛsɛ̀ngà ɓɛ kpaŋzì nyi ɓi bàn, ɓɛ kɛ̀n ɗì nyi ɓi bèn ì dòn lɛ bàn yàà inɛn ì ɓaghà ǹtoŋɛn ɓi dòn aɗyoo lɛ di ɓɛɛ tyɔg nyi wɔɔ, a kɛǹ kìkpìi azi

MƐ̀KÌKÌÌ MƐ ƁƐKƐ̀NÌ-FÌTOM 22:20

Yɛ̀ɛ ɓɛ wowɔlà wusìnɛ̀ɗ wɔ̀ɔ̀ ànɛ lɛ Ityɛn mɛɛ̀miɗ m̀ɓaghà wɔɔ, mɛ̀ m̀ɓaghà girig ɓijɛ̀m ì ɓɛ̀roɓɛ ɓɛ wolà nyi ɓɛ̀n, mɛ̀ yɛɛ ki ɓèŋɓèŋgà ɓìlàà ɓyaa.

MƐ̀KÌKÌÌ MƐ ƁƐKƐ̀NÌ-FÌTOM 22:23

Yɛ̀ɛ ɓɛ syansyàngà fɔlɔɔ di ɓɛɛ̀ màmag ɓilàà ɓyaa, ɓɛ raràɓ kùrùɓu ɓɛ pampàm aɗyòò.

MƐ̀KÌKÌÌ MƐ ƁƐKƐ̀NÌ-FÌTOM 22:4

Ǹɗùùɗùùsìghà ɓumɓɛ ɓɛ nɔɔ̀nɔ̀ɔ̀tìghà bee ì Kan, wɛ̀y à kpaŋ yɛ̀ɛ ǹwowòlà ɓɛ̀ro ɓɛdɛŋ, ǹki ɓanɓan lɛ, rì ɓɛ̀yiɓ rì ɓɛ̀baŋì ǹfogì ɓɔ ɓi ɓìsɔŋ, ǹki pìki ɓɔ ɓi naà-zày.

MƐ̀KÌKÌÌ MƐ ƁƐKƐ̀NÌ-FÌTOM 26:10

Kìsay kiǹ kɛɛ̀ki ǹkìghà a Yorisalɛm lɛ mɛ̀ɛmiɗ m̀pìkà ɓɛ̀gherɛ̀n lɛɛ̀gwey ɓi naà-zày rì ìtèɗ wu ɓɛ̀pìrɛɛtìrɛ̀ ɓɛgwey ɓɛ faghà mɛ̀. Mɛ̀ɛ nki ti m̀ɓɛmdàg fèg wàà di ki kpaŋi lɛ ɓɛɛ wey ɓɛ̀gherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 6:11

Fɔɔnnɛ ɓɛ lakìyà ɓum lɛ ɓɛɛ kpaà lɛ: Tìi nwoogh di Ityɛn a feefengì Moyis, à feèfèngì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 6:13

Ɓɛ kɛɛ̀dì wɔɔ ri ɓɛ̀wusìnɛ̀ɗ ɓɛdɛŋ ɓɛ ɓɛ pwaapwààghà Ityɛn ɓìɓan ɓi nyoo di ɓɛɛ kpaakpaa lɛ: Ŋwaànɛ à rì lɔŋ cààmɛ̀n kìcèm ɓi rìfen ɗi naà-Bɛ̀ll, rì ɓìdɔ̀gsɛna ɓi Moyis.

MƐ̀KÌKÌÌ MƐ ƁƐKƐ̀NÌ-FÌTOM 7:57

Fɔɔnnɛ ɓɔɔ̀cèm ɓɛ kuùghà jɛ̀ɛ̀ aɗyoo, ɓɛ simgì ɓyàg ɓi mɛ̀reè, ɓɛ suùrɛ̀n Ityɛn ɓi nyoo.

MƐ̀KÌKÌÌ MƐ ƁƐKƐ̀NÌ-FÌTOM 8:1

Sol à ghɛngà lɛ rìwey di ɓɛ wolà Ityɛn ɗi ɓaghà syeesyee à kìɓan. Ŋwos àǹcèm ànɛn, wɛ̀y wu pɛsɛ̀ngày ɓisuu kiseŋi ki ki ɓaghà a Yorisalɛm, fɔɔnnɛ ɓɛ̀gherɛ̀n ɓɛ̀cèm ɓɛ saàtɛ̀ngà ɓi ɓɔɔ bàn ɓɛ a Zyude, rì ɓɛ a Samari, lɔŋ ɓɛ̀kɛ̀nì-fìtom cɛ̀ncaa ɓɛɛ rɔɓkà a Yorisalɛm.