MƐ̀KÌKÌÌ MƐ ƁƐKƐ̀NÌ-FÌTOM 6:9 - Bafia Nouveau Testament

⁹ Fɔɔnnɛ gàɓ ì ɓum ìdɛŋ ìnɛ ɓi naà-bɔ̀ŋzɛ̀n, ìnɛ ì ɓaghà naa ì ɓumɓɛ ɓɛ ka ɓaghà ɓɛ̀kpàn, ɓɛ nyoònyòlɛ̀ngà rì Ityɛn, ɓumɓɛ̀n ɓɛ ɓaghà Ɓɛ̀yudɛ̀n ɓɛ ɓi ɓìlɔ̀ŋ ɓi lɛ: rì Sirɛn rì Alɛgsaŋdirii, rì ɓumɓɛ a Silisii, rì ɓɛ a Azii.

MƐ̀KÌKÌÌ MƐ ƁƐKƐ̀NÌ-FÌTOM 6:9 ပူးပေါင်းရင်းမြစ်များ

MATYOO 10:17

Konaaghna rì ɓum ɓisuulɛ, ɓɛ ri ɓiì kɛ̀ɛ ri mìni ɓi naa yi ɓɛyɔ̀m, ɓɛ ki ɓog mini kìtòn ɓi naa yaa yi bɔ̀ŋzɛ̀n.

MATYOO 23:34

Kìɓan kiǹ kɛɛ̀ki ǹɗì mìni ɓiì romiì lɛ: rì ɓɛ̀kpaŋzì-ɓìɓan, rì ɓum ɓɛ ɗyomzɛ̀n, rì ɓɛ̀yiì-ɓìɓan; ɓì ɓiì kìi lɛ: ɓì wey ɓɛ̀roɓɛ, ɓì ghɛ̀rì ɓɔ ɓi ɓɛ̀kɔrɔs, ɓi ɓog ɓɛ̀ro ɓɛmbog ɓi kìtòn ɓi naa yin yi bɔ̀ŋzɛ̀n, ɓì ki kìki ti ɓɛ̀ro ɓɛmbog ǹtɔɓ lɛ i ɓì pɛ̀sɛɛ ɓi bàn ìnɛ, ɓì cee ɓi ìmbog.

MATYOO 27:32

Yɛ̀ɛ ɓɛ kpaŋkpàŋgày ɓi naa ì gɔmìnà, nni ɓɛ tuusɛ̀ngà rì ŋwaànɛ a Sirɛn ɗii lɛ Simɔn, ɓɛ kaŋ̀ nyi lɛ a tɛg kɔrɔs à Yeesus.

MARIKUS 13:9

Konaaghna rì mìniìɓɔmiɗ lɛ ɓum ɓɛ ri ɓiì kɛ̀ɛ ri mìni ɓi ɓìkpanà ɓi ɓɛyɔ̀m, ɓɛ ki ɓog mini kìtòn ɓi naa yi bɔ̀ŋzɛ̀n. Ɓì ɓiì rɛlii ɓɛyɔ̀m ɓi mis mɛ ɓɛ̀gɔmìnà rì ɓi mis mɛ mɛfòm, ɓisuu kiɓan kɛm̀ lɛ ɓi resi ɓɔ saaɗ ànɛ miì.

LUKAS 21:12

Wɔ̀lɛ di ɓìɓan ɓiǹ ɓìcèm ɓi ka ghɛnɛn ɓi, ɓɛ ri mìni ɓiì ɓangii, ɓɛ ki mìni mɛ̀tɔɓ; ɓɛ ri mìni ɓiì faà rì ɓɛ̀rɛlì-asu ɓɛ ɓi naa yi bɔ̀ŋzɛ̀n lɛ ɓɛɛ yɔm̀ mìni, ɓɛ ki pìg mini ɓi naà-zày; ɓɛ ɓiì kɛ̀ɛ ri mìni a ɓɛ̀làmì rì a ɓɛ̀gɔmìnà ɓisu wɛ̀m.

MƐ̀KÌKÌÌ MƐ ƁƐKƐ̀NÌ-FÌTOM 11:20

Nni gàɓ ì ɓɛ̀gherɛ̀n ìdɛŋ ìnɛ ì ɓaghà lɛ, rì ɓumɓɛ a Siipirɛ, rì ɓumɓɛ a Sirɛn, ɓɛ kɛngà a Aŋtyos, ɓɔɔ totòkà girig rì ɓumɓɛ ɓɛ ɓaghà Gìrɛg, ɓɛ kpaakpaa ɓɔ Syeesyee à Ɓɔlɛ à Kan Yeesus.

MƐ̀KÌKÌÌ MƐ ƁƐKƐ̀NÌ-FÌTOM 13:1

Ɓi kìseŋi ki a Aŋtyos, ɓɛ̀kpaŋzì-ɓìɓan ɗì ɓyoo ɓɛrèsàg sùkurù ɓɛ ɓaghà wɔɔ. Ɓɛ ɓaghà lɛ: rì Ɓarinaɓas rì Simeyɔŋ ànɛ à ɓatìghà ɗii lɛ ŋwaà-ǹfin, rì Lusyus ànɛ a Sirɛn rì Manaɛŋ ànɛ ɓɛ tɔɔsɛ̀ngà rì gɔmìnà ànɛ lɛ Eroodɛ, rì Sol.

MƐ̀KÌKÌÌ MƐ ƁƐKƐ̀NÌ-FÌTOM 13:45

Yɛ̀ɛ Ɓɛ̀yudɛ̀n ɓɛ ghɛngà gɛ ɓum ànɛ̀n, nni ǹɗem wu yàaka wu ɓɔkày ɓɔ, ɓɛ tumɛ̀n rìfeèfèngì ɗi Pol di ɓɛɛ̀ sɛɛsɛ̀mgì nyi.

MƐ̀KÌKÌÌ MƐ ƁƐKƐ̀NÌ-FÌTOM 15:23

Fɔɔnnɛ ɓɛ romgà ɓɔ rì kaàtà ànɛ à ɓaghà ǹkànɛn fɛlɛ̀: Ɓɛ̀geni ɓin ɓɛ lɛ, rì ɓɛ̀kɛ̀nì-fìtom, rì ɓɛ̀sɛ̀ɛ̀mɛn, ɓɛ togsaghiì mìni ɓɛ̀geni ɓaa, ɓɛ ɓì yin Ɓɛ̀yudɛ̀n, ɓɛ ɓì kɔ̀kɔrii a Aŋtyos, rì a Sirii, ri a Silisii.

MƐ̀KÌKÌÌ MƐ ƁƐKƐ̀NÌ-FÌTOM 15:41

Fɔɔnnɛ à fyeeghà a Sirii rì a Silisii di a tèeteèsì ɓɛ̀gherɛ̀n ɓɛ wɔɔ nyoo ɓi rìgherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 16:6

Yɛ̀ɛ Kìtɛntɛ̀ɛ̀n ki Nghay kì rekà ɓɔ lɛ, ɓɛ̀ kɛɛ̀ ghagsi jɛ̀ɛ̀ ì Bɛ̀ll ɓi kìden ki zi ki a Azii fɔɔnnɛ ɓɛ ghaghìghà bàn ì Firizii, rì zi ì Ɓɛ̀gàlat rì mɛ̀kòò.

MƐ̀KÌKÌÌ MƐ ƁƐKƐ̀NÌ-FÌTOM 18:24

Muu Ɓɛ̀yudɛ̀n àdɛŋ ɗii lɛ Apolos, ànɛ à yalɛ̀ngà a Alɛgsaŋdirii, à kpagà a Efɛɛzɛ. Ŋwaànɛ̀n à kìghà lɛ, à yi rìlɛ̀ŋì ɗi ɓitòkì, à ki yi ɓiɓan ɓi ɓi kaàtà à Bɛ̀ll lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 19:10

Kìɓan kiǹ ki finɛ̀ngà bèg yiɓɛɛ̀, kɛɛ kighà lɛ, ɓum ɓɛ̀cèm ɓɛ a Azii, à tumɛ̀n lɛ Ɓɛ̀yudɛ̀n à kpaŋ lɛ Gìrɛg, ɓɛ wokà jɛ̀ɛ̀ ì Kan.

MƐ̀KÌKÌÌ MƐ ƁƐKƐ̀NÌ-FÌTOM 19:26

Nni ɓi seesèè ɓì ki wowog, yɛ̀ɛ ŋwaànɛ lɛ Pol ànɛ à mɛ kì lɛ, à rèsàg, à ki syoŋ̀ ɓum lɛɛ̀gwey, àa fɛ a Efɛɛzɛ nyi rì nyi, ɓaàyiɓi ɓi ziì Azii bimiɗ. À kpaakpàà lɛ, bɛ̀ll yi ɓum ɓɛɛ kii rì ɓyàg ɓyaa, yi yin Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 21:27

Di ɓɛ ti lɛ ɓɛɛ lɔgsi mɛ̀ru taàɓɛ̀ɛ̀ ɓi zòghɛ̀n yàà, nni Ɓɛ̀yudɛ̀n ɓɛ a Azii ɓɛ ghɛngà Pol ɓi naà-Bɛ̀ll, ɓɛ toosàg ɓum ɓɛ kilɔ̀ŋ, ɓɛ ɓan Pol

MƐ̀KÌKÌÌ MƐ ƁƐKƐ̀NÌ-FÌTOM 21:39

Nni à ɓàkà nyi lɛ: Mɛ̀ ǹɗì muu Ɓɛ̀yudɛ̀n ànɛ ɓi bàn ìnɛ a Silisii ìnɛ lɛ Tarisi; ǹɗì ŋwaànɛ ɓi bàn ìnɛ mum à yin lɛ, à còmɛ̀n, kùrùg gherɛn ɓà lɛ ǹtoòghrɛn rì ɓumɓɛ.

MƐ̀KÌKÌÌ MƐ ƁƐKƐ̀NÌ-FÌTOM 22:19

Nni ǹkpaaghà lɛ: Kan, ɓɔmiɗ ɓɛ yii lɛ, mɛ̀ɛ nkɛ̀ngì ɓi naa yi bɔ̀ŋzɛ̀n, di mɓanɓan yi ɓumɓɛ ɓɛ gherɛɛ wɔ̀, m̀pìpìg ɓɔ ɓi naà-zày, ǹki reereɓsì lɛ ɓɛɛ ɓog ɓɔ kìtòn.

MƐ̀KÌKÌÌ MƐ ƁƐKƐ̀NÌ-FÌTOM 22:3

Ǹɗì muu Ɓɛ̀yudɛ̀n, ǹ-yalɛ̀ngà a Tarisi ɓi kìlànà ki zi ki a Silisii. Kìɓan kifog, fɛ ɓi bàn ìnɛ nnɛ ǹtɔɔ, ǹki yilag ɓisyɔ̀ɔ̀ ɓi ɓɛseŋi ɓis yɛ̀ɛ ki ghɛɛ̀sɛɛ, a mɛ̀kòò mɛ Gamalyɛl; m̀ɓaghà girig ǹfalɛn ɗi Bɛ̀ll lɔŋ fɛlɛ yɛ̀ɛ mìni girig ɓì rì ɓɛ̀falɛn ɓɛsɛ̀ɛ̀ ɓɛ̀cèm gɛɛ̀nɛ.

MƐ̀KÌKÌÌ MƐ ƁƐKƐ̀NÌ-FÌTOM 23:34

Nni gɔmìnà à ɓàlà kaàtà ànɛn à tɔg min Pol lɛ: Wɔ̀ɔ̀ rì ŋwaànɛ ɓi tum a zi abe? Ɓɛ resì nyi lɛ, ŋwaànɛ a Silisii yɛɛri.

MƐ̀KÌKÌÌ MƐ ƁƐKƐ̀NÌ-FÌTOM 24:18

Nni fɔɔnnɛ ɓɛ ntanɛɛ mɛ̀ ɓi naà-Bɛ̀ll di ǹti ɓiì lègsii zòghɛ̀n yɛ̀m, nsoò cììba ki ɓum, nsoò kìyoòyòò, com ɗì com ki n-yìn.

MƐ̀KÌKÌÌ MƐ ƁƐKƐ̀NÌ-FÌTOM 26:11

Mɛ̀ɛ nti m̀pɔnɔsàg ɓɔ ɓi naa yi bɔ̀ŋzɛ̀n yìcèm, ǹkàŋkaŋ ɓɔ lɛ, ɓɛɛ càɗ rìgherɛ̀n ɗyaa; bim yɛm̀ ìnɛ rì ɓɔ ì tèghɛ̀ngà lèg ànɛ lɛ, mɛ̀ɛ nti ǹkɛ̀ngàg ɓɔ ki ɓangii nsoò ɓi bàn yi tiràɓ.

MƐ̀KÌKÌÌ MƐ ƁƐKƐ̀NÌ-FÌTOM 6:10

Wɔ̀lɛ ɓɛ ɓaghà ɓi lɛ, ɓɛ yagsàg Ityɛn ɓi nyoey, ɓisuulɛ, nyii totòkà rì ɗyomzɛ̀n ɗi Kitɛntɛ̀ɛ̀n ki Nghay ki fafàghà nyi.

1 KƆ̀RƐ̀ŊTYƐŊ 1:20

Nni ŋwaà ɗyomzɛ̀n im̀be? Ǹɗèsàg ɓìdɔ̀gsɛna im̀be? Nni ǹkìì-nyoey anɛ ɓi ziinɛ à rì fe? Bɛ̀ll à rèsìghà lɛ ɗyomzɛ̀n ɗi ɓumɓɛ ɓi ziinɛ ɗi ri kìyèg.

GÀLAT 1:21

Ajɛ̀m ìnɛn, ǹkɛ̀ngà ɓi bàn yidɛŋ yi a Sirii, rì yi a Silisii.