MƐ̀KÌKÌÌ MƐ ƁƐKƐ̀NÌ-FÌTOM 6:5 - Bafia Nouveau Testament

⁵ Fèg ànɛn à kɔ̀ngà ǹɗaŋ wu ɓɛgherɛ̀n wùcèm nni ɓɛ ɓɔngà min lɛ, rì Ityɛn ànɛ à ɓaghà rì coo righerɛ̀n à ki ɓati ǹɗonɛn ri Kìtɛntɛ̀ɛ̀n ki Nghay, rì Filiɓ, rì Pikɔɔri, rì Nikanɔɔri, rì Timɔŋ, rì Parimenas, rì Nikola ànɛ à ɓaghà a Aŋtyos, à ki lɔ̀ɔ̀ghrɛn à ɗiŋì ɓi rìgherɛ̀n ɗi Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 6:5 ပူးပေါင်းရင်းမြစ်များ

MATYOO 23:15

Nyìighnyìg rì mìni ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ ɓì rì lɛ, fyɛɛ̀fyɛɛ̀ ɓi ŋwɔm ìghèy ɓi ɗùm, ɓisuulɛ ɓi rereni jàŋ lɛ, ri ɓi rìɓày rì ɓi zi ì zɛy lɛ ɓi syoŋ mum ànɛ ɗiŋi ɓi nɗaŋ win nsoò bogtɛ̀n. Nni yɛ̀ɛ ɓi ki syòŋi mum lɔɔ, ɓì kì lɛ ŋwaànɛ̀n a ɓa ŋwaànɛ à ghɛ̀ɛ̀sɛɛ rì ɗuu ɗi fiɗyàɓ fikɔ̀ɔ̀, à cee mìni ɓi kìɓeɓtàg ki ǹɗem.

MƐ̀KÌKÌÌ MƐ ƁƐKƐ̀NÌ-FÌTOM 11:19

Ǹtɔɓ wu ɓɛ tɔtɔ̀ɓkà ɓɛ̀gherɛ̀n ɓi cààmɛ̀n ki ɓɛ wolà Ityɛn, wu kìghà lɛ ɓɛ̀gherɛ̀n ɓɛɛ saàtɛn. Fɔɔnnɛ gàɓ ìdɛŋ ì kɛ̀ngà a Fenisii, rì ɓi kìrìŋ ki riɓày ki lɛ Siipirɛ, rì a Aŋtyos, kìɓan kifog, lɔŋ Ɓɛ̀yudɛ̀n ɓɔ rì ɓɔ ɓɛɛ̀ɓɛ ɓɛ kpaakpààghà jɛ̀ɛ̀ ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 11:20

Nni gàɓ ì ɓɛ̀gherɛ̀n ìdɛŋ ìnɛ ì ɓaghà lɛ, rì ɓumɓɛ a Siipirɛ, rì ɓumɓɛ a Sirɛn, ɓɛ kɛngà a Aŋtyos, ɓɔɔ totòkà girig rì ɓumɓɛ ɓɛ ɓaghà Gìrɛg, ɓɛ kpaakpaa ɓɔ Syeesyee à Ɓɔlɛ à Kan Yeesus.

MƐ̀KÌKÌÌ MƐ ƁƐKƐ̀NÌ-FÌTOM 11:22

Yɛ̀ɛ ɓumɓɛ ɓi kìseŋi ki a Yorisalɛm ɓɛ wokà gom ì kìɓan kiǹ, fɔɔnnɛ ɓɛ romgà Ɓarinaɓas a Aŋtyos.

MƐ̀KÌKÌÌ MƐ ƁƐKƐ̀NÌ-FÌTOM 11:24

Ɓi saaɗ, Ɓarinaɓas à ɓaghà syeesyee à mum, ǹɗonɛn ɗi Kìtɛntɛ̀ɛ̀n ki Nghay, à ki gherɛn Bɛ̀ll lɛɛ̀gwey, fɔɔnnɛ ɓàlì ì ɓum lɛɛ̀gwey ì nɔ̀ɔ̀tìghà Kan.

MƐ̀KÌKÌÌ MƐ ƁƐKƐ̀NÌ-FÌTOM 11:26

Yɛ̀ɛ à tanɛ̀ngà nyi wɔɔ, ɓɛ kɛǹ a Aŋtyos ɓɔɔ̀cèm ɓɛ kɔrì wɔɔ bimiɗ à bèg, ɓɛ sasày bas rì kìseŋi ki wɔɔ, ɓɛ ki rèrèsàkà coo bàlì ì ɓum ɓìɓan ɓi Bɛ̀ll. Nni wɔɔ a Aŋtyos nnɛ ɓɛ tɔmgà kì ròo ɓɛ̀yilàg ɗii ɗi lɛ ɓɛ̀kìristɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 11:27

Ɓi cààmɛ̀n kiǹ, ɓɛ̀kpaŋzì-ɓìɓan ɓɛ pɛsɛ̀ngày a Yorisalɛm, ɓɛ sɛn a Aŋtyos.

MƐ̀KÌKÌÌ MƐ ƁƐKƐ̀NÌ-FÌTOM 13:1

Ɓi kìseŋi ki a Aŋtyos, ɓɛ̀kpaŋzì-ɓìɓan ɗì ɓyoo ɓɛrèsàg sùkurù ɓɛ ɓaghà wɔɔ. Ɓɛ ɓaghà lɛ: rì Ɓarinaɓas rì Simeyɔŋ ànɛ à ɓatìghà ɗii lɛ ŋwaà-ǹfin, rì Lusyus ànɛ a Sirɛn rì Manaɛŋ ànɛ ɓɛ tɔɔsɛ̀ngà rì gɔmìnà ànɛ lɛ Eroodɛ, rì Sol.

MƐ̀KÌKÌÌ MƐ ƁƐKƐ̀NÌ-FÌTOM 15:22

Nni fɔɔnnɛ ɓɛ̀kɛ̀nì-fìtom rì ɓɛ̀sɛ̀ɛ̀mɛn rì kìseŋi kìcèm ɓɛ ghɛngà lɛ ɓɛɛ ɓɔǹ ɓum ɓɛɗɛŋ ɓi nyìinyìm wàà, di ɓɛɛ rom ɓɔ nɗaŋ ri Pol ɓɛɛ̀ Ɓarinaɓas a Aŋtyos. Nni ɓɛ ɓɔngà min lɛ, rì Zyuudɛ ànɛ ɓɛ nɗegàg tì lɛ Ɓarisaɓas, rì Silas. Kìɓɛ̀ɛ̀ ki ɓum kìn ki ɓaghà ɓumɓɛ ɓɛ̀geni ɓaa ɓɛ righerɛ̀n ɓɛ keesìghà lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 2:4

Ɓɛ̀sɛ̀ɛ̀ ɓɛ̀cèm ɓɛ ɓa min ɓɛronɛn ri Kìtɛntɛ̀ɛ̀n ki Nghay, ɓɛ ki tòtog ɓitòkì ɓidɛŋ lɔŋ yɛ̀ɛ Nghay à fafàghà ɓɔ ìtèɗ wu lɛ ɓɛɛ totòg.

MƐ̀KÌKÌÌ MƐ ƁƐKƐ̀NÌ-FÌTOM 21:8

Ɓi duri tana nnɛ tì pɛ̀sɛ̀ngà tì kɛ̀n a Sezare, wɔɔnnɛ tì kɛ̀ngà a mɛɛ mɛ Filiɓ ànɛ à ɓaghà ǹkalì-ɓɔlɛ, à ki ɓati kibog ki ɓi ɓum taàɓɛ̀ɛ̀ ɓɛ ɓɛ rɛsìghà a Yorisalɛm; a lɔ̀ŋkii nnɛ tì kɔ̀rìghà.

MƐ̀KÌKÌÌ MƐ ƁƐKƐ̀NÌ-FÌTOM 22:20

Yɛ̀ɛ ɓɛ wowɔlà wusìnɛ̀ɗ wɔ̀ɔ̀ ànɛ lɛ Ityɛn mɛɛ̀miɗ m̀ɓaghà wɔɔ, mɛ̀ m̀ɓaghà girig ɓijɛ̀m ì ɓɛ̀roɓɛ ɓɛ wolà nyi ɓɛ̀n, mɛ̀ yɛɛ ki ɓèŋɓèŋgà ɓìlàà ɓyaa.

MƐ̀KÌKÌÌ MƐ ƁƐKƐ̀NÌ-FÌTOM 6:10

Wɔ̀lɛ ɓɛ ɓaghà ɓi lɛ, ɓɛ yagsàg Ityɛn ɓi nyoey, ɓisuulɛ, nyii totòkà rì ɗyomzɛ̀n ɗi Kitɛntɛ̀ɛ̀n ki Nghay ki fafàghà nyi.

MƐ̀KÌKÌÌ MƐ ƁƐKƐ̀NÌ-FÌTOM 6:3

Fɔɔnnɛ mìni ɓɔɔsoŋ̀, ɓì ghɛ̀ɛ̀sɛɛ kì ɓɔ̀ni ɓum taàɓɛ̀ɛ̀ ɓi nyìinyìm wiǹ, ɓɛ ɓum ɓɛ yii lɛ, ɓɛ rɔɔtaagh ɓìsyɔ̀ɔ̀, ɓɛ ki ɓa ɓɛronɛn ɗì Kìtɛntɛ̀ɛ̀n ki Nghay, rì ɗyomzɛ̀n, ɓɛɛ̀ ɓɛ ti fa kìsay ki rikàɓsì ɗi ɓiɗilàg.

MƐ̀KÌKÌÌ MƐ ƁƐKƐ̀NÌ-FÌTOM 6:8

Ityɛn à ɓaghà ǹɗonɛn lɛ, rì geesɛ̀n, rì ìtèɗ wu Bɛ̀ll, à kìkìghà lɛ, rì ɓɛ̀koŋnyoo ɓɛ ɓiɓan, rì dàm yi ɓiɓan ɓi nyìinyìm à kìlɔ̀ŋ.

MƐ̀KÌKÌÌ MƐ ƁƐKƐ̀NÌ-FÌTOM 7:1

Fɔɔnnɛ ǹkɔmɛ̀n ɓɛ̀pìrɛɛtìrɛ̀ àgwey à tɔkà min lɛ: Ki ri nya saaɗ fɔlɔɔ yɛ̀ɛ ɓɛ kpaa?

ÀPÒKÀLIƁSƐ̀ 2:15

Fɔɔnnɛ ù rì girig foo ri ɓumɓɛ ɓɛ siìrɛɛ ɓi dɔgtɛ̀n ì Nikolayit.

ÀPÒKÀLIƁSƐ̀ 2:6

Nsoò fɔlɔɔ kìɓan ki syeesyee ki ù rì rì kɔ ki ri lɛ, ù ɓèèzɛɛ mɛ̀kìkìì mɛ Nikolayit mɛ mɛ ti mɛ ɓeɓkì girig mɛ̀.