MƐ̀KÌKÌÌ MƐ ƁƐKƐ̀NÌ-FÌTOM 5:32 - Bafia Nouveau Testament

³² Tì rì ɓɛ̀wusìnɛ̀ɗ ɓɛ ɓi ɓìɓan ɓiǹ lɛ, rì ɓìsi, rì Kìtɛntɛ̀ɛ̀n ki Nghay ki Bɛ̀ll àa ǹɗomiì ɓumɓɛ ɓɛɛ̀ kìki nyi mɛ̀wog.

MƐ̀KÌKÌÌ MƐ ƁƐKƐ̀NÌ-FÌTOM 5:32 ပူးပေါင်းရင်းမြစ်များ

ZYAŊ 7:39

Kìɓan ki Nghay ànɛ ɓumɓɛ ɓɛ gherɛɛ nyi ɓɛ ghɛɛ̀sɛ̀ngà kìterì kɛɛ̀ki à kpaakpààghà lɔɔ. Ɓisuulɛ cààmɛ̀n kiǹ ki ɓaghà di ɓɛ ka rom yi ɓi Nghay, rì tì lɛ Yeesus à ɓaghà di à ka teɗ ɓi rìkem ɗìì.

MƐ̀KÌKÌÌ MƐ ƁƐKƐ̀NÌ-FÌTOM 1:8

Kìɓan kifog ɓì ɓiì terì ìtèɗ wudɛŋ di Kìtɛntɛ̀ɛ̀n ki Nghay ki yuuyì ɓi mìni, fɔɔnnɛ ɓì rì ɓiì ɓaà ɓɛ̀wusìnɛ̀ɗ ɓɛm à tumɛ̀n a Yorisalɛm, à kpaŋ ɓi ziì Zyude bimiɗ, rì a Samari, à kɛ̀n kì kpaŋì a ɓɛ̀yɔ̀ŋyɔ̀ŋ ɓɛ zi.

MƐ̀KÌKÌÌ MƐ ƁƐKƐ̀NÌ-FÌTOM 10:44

Yɛ̀ɛ Pyɛɛri à ɓaghà di a ka tòtog a ŋwɔm fɔlɔɔ, nni Kìtɛntɛ̀ɛ̀n ki Nghay ki sɛngày ki ɗiŋì ɓi ɓum ɓɛ̀cèm ɓɛ ɓɛ wowòkà ɓìtòkì ɓii ɓiǹ.

MƐ̀KÌKÌÌ MƐ ƁƐKƐ̀NÌ-FÌTOM 13:31

Fɔɔnnɛ à rèsɛ̀ngà bàlì ì mɛ̀ru lɛɛ̀gwey a ɓumɓɛ à pɛ̀sɛ̀ngày rì ɓɔ a Galile ɓɛ ɓɔg a Yorisalɛm ǹɗaŋ, ɓɔ yɛɛ ti ɓɛ̀wusìnɛ̀ɗ ɓɛ ɓɛɛ̀ tɛɛtɛɛ̀zì ɓumɓɛ a Isirayɛl kìɓan kii.

MƐ̀KÌKÌÌ MƐ ƁƐKƐ̀NÌ-FÌTOM 15:28

Lɛ rì ɓìsiì ɓɔmìɗ rì Kìtɛntɛ̀ɛ̀n ki Nghay, tìi nghɛɛ lɛ, tyɛ̀ ki tɛ̀gsi ti mìni ǹtɛ̀g wudɛŋ, i ki cee ɓi lɛ ɓìdɔ̀gsɛna ɓì ɓi ghɛ̀ɛ̀sɛɛ kì ɓèŋi, ɓi ɓi ri lɛ:

MƐ̀KÌKÌÌ MƐ ƁƐKƐ̀NÌ-FÌTOM 2:32

Yeesus ànɛ̀n nnɛ Bɛ̀ll àa ǹghèmzii, ɓìsiìcèm tì rì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 2:4

Ɓɛ̀sɛ̀ɛ̀ ɓɛ̀cèm ɓɛ ɓa min ɓɛronɛn ri Kìtɛntɛ̀ɛ̀n ki Nghay, ɓɛ ki tòtog ɓitòkì ɓidɛŋ lɔŋ yɛ̀ɛ Nghay à fafàghà ɓɔ ìtèɗ wu lɛ ɓɛɛ totòg.

MƐ̀KÌKÌÌ MƐ ƁƐKƐ̀NÌ-FÌTOM 5:29

Nni Pyɛɛri rì ɓɛ̀kɛ̀nì-fìtom ɓɛ ɓakà lɛ: Bɛ̀ll nnɛ mum à ghɛ̀ɛ̀sɛɛ kì kìi mɛwog, à cee ɓum.

RÒMƐŊ 8:16

Ǹghay à Bɛ̀ll nyimiɗ a ti à sììràg kì rèsii ǹghay wìs lɛ, tì rì ɓɔn ɓɛ Bɛ̀ll.

2 KƆ̀RƐ̀ŊTYƐŊ 13:1

Gɛ̀n i kìraa ìnɛ n-yu a lɔ̀ŋkin yɛ̀ɛ ri lɛ; paàzì bimiɗ, à rì ɓiì pègsɛɛ di ɓɛ̀wusìnɛ̀ɗ ɓɛɓɛɛ̀ nsoò lɛ ɓɛraa, ɓɛ mɛ kpaa.

1 PYƐƐRI 1:12

Bɛ̀ll à rèsìghà ɓɔ lɛ kìɓan ki ɓɛ kpaakpààghà kiǹ ki ɓaghà ɓi ɓisu waa wu ɓɔmiɗ, ki ɓaghà lɔŋ ɓisu win, rì tì lɛ ɓɔɔ ɓaghà lɔŋ ɓɛ̀kìì-ɓìsay ɓɛ ɓi ɓìɓan ɓiǹ. Ɓigomìnɛ, ɓumɓɛ ɓɛ kpaaghà mìni Syeesyee à Ɓɔlɛ rì Kìtɛntɛ̀ɛ̀n ki Nghay ki ɓɛ romgày aɗyoo, ɓɛ wogsìghà mìni ɓìɓan ɓiǹ, nsoò ɓum ɓɛ titom ɓɔmiɗ, ɓɛ ri rì zày ìnɛ lɛ di ɓaa ghɛɛ ɓyɔ̀.