MƐ̀KÌKÌÌ MƐ ƁƐKƐ̀NÌ-FÌTOM 5:12 - Bafia Nouveau Testament

¹² Ɓɛ̀kɛ̀nì-fìtom ɓɛ kikìghà dàm, rì ɓɛ̀koŋnyoo ɓɛ ɓiɓan lɛɛ̀gwey ɓi kìlɔ̀ŋ. Ɓɛ̀gherɛ̀n ɓɛ ǹti ɓɛ rɛlàg ǹɗaŋ ɓi tuùtuu ànɛ ɓisuunaa wu naà-Bɛ̀ll wu Salomɔŋ.

MƐ̀KÌKÌÌ MƐ ƁƐKƐ̀NÌ-FÌTOM 5:12 ပူးပေါင်းရင်းမြစ်များ

MARIKUS 16:20

Fɔɔnnɛ ɓɛ̀yilàg ɓɛ kɛngà kì kakalii Syeesyee à Ɓɔlɛ jàŋbimiɗ. Kan Yeesus à ɓaghà rì ɓɔ ɓi kìsay kiǹ, à ki sìisiìràg Syeesyee à Ɓɔlɛ ànɛ ɓɛ kpaakpààghà rì dàm yi ɓiɓan yi ɓɛ kikìghà.

ZYAŊ 10:23

Nni Yeesus à kɛ̀ɛ̀kɛ̀ɛ̀ghà ɓi naà-Bɛ̀ll ɓi tuùtuu anɛ ɓɛ nɗegì lɛ, tuùtuu a Salomɔŋ.

ZYAŊ 4:48

Nni Yeesus à kpaaghà nyi lɛ: Mìnii ri lɔŋ lɛ, i ɓì ghɛɛ ɓi dàm yi ɓiɓan, rì ɓɛ̀koŋnyoo ɓɛ ɓiɓan, kɛ̀ ɓi gherɛn.

MƐ̀KÌKÌÌ MƐ ƁƐKƐ̀NÌ-FÌTOM 1:14

Ɓɛ ǹti ɓɛ taŋzàg ɓɔɔ̀cèm lɔŋ nɗem wùfog lɛ ɓɛɛ ɓɔŋzag Bɛ̀ll, ǹɗaŋ ri ɓɛ̀yiɓ, rì Marii à jɛɛ Yeesus, rì ɓɛ̀geni ɓɛ Yeesus.

MƐ̀KÌKÌÌ MƐ ƁƐKƐ̀NÌ-FÌTOM 14:3

Pol ɓɛɛ̀ Ɓarinaɓas ɓɛ finɛ̀ngà a Ikonyɔm lɛɛ̀gwey, ɓɛ ɓaghà rì coo ǹtyweeyi ri Kan ɓi ɓìɓan ɓi ɓɛ kpaakpààghà, fɔɔnnɛ à fafàghà ɓɔ ìtèɗ wulɛ, ɓɛɛ, kiki lɛ rì dàm, rì ɓɛ̀koŋnyoo ɓɛ ɓiɓan, à kì fɔlɔɔ lɛ a siìrag ɓìɓan ɓi ɓɛ kpaakpààghà ɓi komkòm geesɛ̀n yìì.

MƐ̀KÌKÌÌ MƐ ƁƐKƐ̀NÌ-FÌTOM 16:18

Ɓàlì ì mɛ̀ru ì ghaghìghà lɛɛ̀gwey ŋwutyàà giɓ anɛ̀n à kɛ̀nkɛ̀n lɔŋ asu à kpaakpàà fɔlɔɔ. Fɔɔnnɛ bim ì ɓaghà lɛ ì mɛ naasag Pol, à lɔ̀ɔ̀ghrɛ̀n à kpaa kìɓeɓtàg ki nghay ki ki ɓaghà ɓi giɓ anɛ̀n lɛ: Ɓi ɗii ɗi Yeesus Kiris, ǹtɔɔgh wɔ̀ lɛ, u pɛsɛn ɓi giɓ ànɛ. Nni kìɓeɓtàg ki nghay ki ghàskà kì pɛ̀sɛɛ ɓi gom yɔ̀miɗ inɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 19:11

Fɔɔnnɛ Bɛ̀ll à faghà Pol ìtèɗ wulɛ a kiki dàm yi ɓiɓan yi kuurakɛn,

MƐ̀KÌKÌÌ MƐ ƁƐKƐ̀NÌ-FÌTOM 2:46

Cààmɛ̀n kìcèm ɓɛ ǹti ɓɛ taŋzàg ɓi naà-Bɛ̀ll ŋwos bimiɗ, ɓɛ ɗiɗì ɓìɗilàg ɓyaa ǹɗaŋ ɓi naa yaa ɓɛ ɗiɗì ɓyɔ rì kìnyàà, rì ǹɗem wu risɛɛ̀dɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 28:9

Ajɛ̀m ìnɛn nnɛ ɓɛ̀roroɓ ɓɛdɛŋ ɓɛ ɓi kìrìŋ ki riɓày ɓɛ yughày, à wɔ̀ɔ̀zì girig ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 3:11

Yɛ̀ɛ Ŋwaàncèm ànɛn à nɔ̀ɔ̀nɔ̀ɔ̀tɛ̀ngà ɓɛ̀-Pyɛɛri ɓɛɛ̀ Zyaŋ, nni ki yeesìghà ɓum rìwog ɓɛ ghɛŋmɛ̀n ɓɔ a nyoo ɓi tuùtuu anɛ ɓɛ nɗegì lɛ tuùtuu à Salomɔŋ.

MƐ̀KÌKÌÌ MƐ ƁƐKƐ̀NÌ-FÌTOM 4:30

Nàmas̀ càg kɔɔ lɛ ɓum ɓɛɛ̀ wɔ̀nwɔn tìroɓ, ɓɛ̀koŋnyoo ri dàm yi ɓiɓan ɓi kiìkìlɛ̀n ɓi ɗii ɗi Yeesus ànɛ àrì ǹkìì-kìsay wɔɔ à ntɛnɛn.

MƐ̀KÌKÌÌ MƐ ƁƐKƐ̀NÌ-FÌTOM 9:33

Fɔɔnnɛ à tanɛ̀ngà ŋwaàdɛŋ wɔɔ ɗii lɛ Enee ǹnɔ̀nɔŋiyɛn ɓi kon. Ki ɓaghà di ki ti bèg taàraa yɛ̀ɛ ŋwaànɛ̀n à kpìghà ɓi zi, lɛ à ɓaghà ǹwɔ̀ɔ̀ghrɛn.

MƐ̀KÌKÌÌ MƐ ƁƐKƐ̀NÌ-FÌTOM 9:40

Nni Pyɛɛri à kpaŋzìghà min ɓum ɓɛ̀cèm ɓidan, à ɓag mɛ̀ɗu ɓi zi, à ɓɔ̀ŋzàg Bɛ̀ll, ajɛ̀m ìnɛn à lɔ̀ɔ̀ghrɛ̀n min ɓi ɓɛg à kìloŋ à kpaa lɛ: Taɓita wɔ̀, pɛ̀sɛn aɗyoo! Nni à ŋwàɗkà min mis à ghɛn Pyɛɛri, à pɛ̀sɛ̀n kìkɔ̀ɔ̀kɔ̀ɔ̀.

RÒMƐŊ 15:19

rì ìtèɗ wu dàm rì ɓɛ̀koŋnyoo ɓɛ ɓiɓan, ɓi-tèɗ wu Kitɛntɛ̀ɛ̀n ki Nghay. Fɔɔnnɛ mɛ̀ɛ nghagsii Syeesyee à Ɓɔlɛ à Kiris lɛɛ̀gwey, à tumɛ̀n a Yorisalɛm à kɛ̀n kì kpaŋì a Ilirii.

2 KƆ̀RƐ̀ŊTYƐŊ 12:12

Ɓìɓan ɓi ɓyɛɛ̀ rèresi lɛ ǹɗì ǹkɛ̀nì-fìtom a Yeesus ɓi ghɛnɛ̀ngà ɓi nyìinyìm wìn ɓi rìyi ɗi rinìɗ ɗi nɗem ɓi mɛ̀kuu mɛ mɛfèèghrɛn mɛcèm, rì ɓi ɓìrèmzɛnà ɓi ɓiɓan, rì dàm yi ɓiɓan, rì ɓɛ̀koŋnyoo ɓɛ ɓiɓan.

EBIREEGH 2:4

Bɛ̀ll à ki sìisiìràg rìkalì ɗyaa lɛ rì ɓìrèmzɛnà, rì ɓɛ̀koŋnyoo ɓɛ ɓiɓan rì dàm mɛ̀kuu mɛ̀kuu, rì mɛ̀fafàà mɛ Kitɛntɛ̀ɛ̀n ki Nghay mɛ a kàakàɓsì lɔŋ yɛ̀ɛ ki kɔni nyi.