MƐ̀KÌKÌÌ MƐ ƁƐKƐ̀NÌ-FÌTOM 4:36 - Bafia Nouveau Testament

³⁶ Yoosɛɓ ànɛ à ɓaghà ɓi boo ì ɓum ì Levi ìnɛ ɓi ban ìnɛ lɛ Siipirɛ, nyi nnɛ ɓɛ̀kɛ̀nì-fìtom ɓɛ nkpɔgì lɛ Ɓarinaɓas, yɛɛ lɔɔ lɛ ŋwaà-mɛ̀fegsɛn,

MƐ̀KÌKÌÌ MƐ ƁƐKƐ̀NÌ-FÌTOM 4:36 ပူးပေါင်းရင်းမြစ်များ

MARIKUS 3:17

rì Zyag, man à Zeɓede ɓɛɛ Zyaŋ à geni, ɓɛ Yeesus a ǹkpɔgii lɛ: Bwanɛrigɛs, yɛɛ lɔɔ lɛ, ɓɔn ɓɛ baàbàn;

MƐ̀KÌKÌÌ MƐ ƁƐKƐ̀NÌ-FÌTOM 11:30

Yɛ̀ɛ ɓɛ kighà fɔlɔɔ, nni ɓɛ romgà min Sol ɓɛɛ̀ Ɓarinaɓas rì ɓyom ɓìn lɛ, ɓɛɛ kɛǹ ɓyɔ kì faà rì ɓɛ̀sɛ̀ɛ̀mɛn ɓɛ a Zyude.

MƐ̀KÌKÌÌ MƐ ƁƐKƐ̀NÌ-FÌTOM 12:25

Yɛ̀ɛ ɓɛ̀ Ɓarinaɓas ɓɛɛ̀ Sol ɓɛ lègsìghà fìtom fi ɓɛ kɛngà a Yorisalɛm, nni ɓɛ sugtìghà; ɓɛ ɓasɛ̀n yì ɗì Zyaŋ ànɛ ɓɛ nkpɔgì lɛ Marikus.

MƐ̀KÌKÌÌ MƐ ƁƐKƐ̀NÌ-FÌTOM 13:1

Ɓi kìseŋi ki a Aŋtyos, ɓɛ̀kpaŋzì-ɓìɓan ɗì ɓyoo ɓɛrèsàg sùkurù ɓɛ ɓaghà wɔɔ. Ɓɛ ɓaghà lɛ: rì Ɓarinaɓas rì Simeyɔŋ ànɛ à ɓatìghà ɗii lɛ ŋwaà-ǹfin, rì Lusyus ànɛ a Sirɛn rì Manaɛŋ ànɛ ɓɛ tɔɔsɛ̀ngà rì gɔmìnà ànɛ lɛ Eroodɛ, rì Sol.

MƐ̀KÌKÌÌ MƐ ƁƐKƐ̀NÌ-FÌTOM 13:15

Yɛ̀ɛ ɓɛ lègsìghà ki ɓàli kaàtà à Bɛ̀ll, ɓi kaàtà à ɓìdɔ̀gsɛna ɓi Moyis rì ɓi à ɓɛ̀kpaŋzì-ɓìɓan, nni ɓɛ̀làmì naà-bɔ̀ŋzɛ̀n ɓɛ romgà mum lɛ a kali ɓɛ̀-Pol lɛ: Bɔɔsoŋ! ì ɓì rì rì deɓ yidɛŋ yi ɓì rì lɛ ɓì fa ɓum, tòòghrɛɛna ɓigominɛ.

MƐ̀KÌKÌÌ MƐ ƁƐKƐ̀NÌ-FÌTOM 13:2

Ŋwos adɛŋ ànɛ ɓɛ ɓaghà ɓi rìɓɔgsì ɗi ɗii ɗi Kan, ɓɛ ki cèli ɓiɗilàg ɓi ŋwos àncèm ànɛn, Kìtɛntɛ̀ɛ̀n ki Nghay ki kpaaghà ɓɔ lɛ! Pisiina mɛ̀ ɓum ɓɛ lɛ rì Ɓarinaɓas, rì Sol, lɛ ɓɛɛ ki kìsay ki ǹɗegìghà ɓɔ lɛ ɓɛɛ ki.

MƐ̀KÌKÌÌ MƐ ƁƐKƐ̀NÌ-FÌTOM 13:4

Yɛ̀ɛ Kìtɛntɛ̀ɛ̀n ki Nghay ki romgà Sol ɓɛɛ̀ Ɓarinaɓas fɔlɔɔ, fɔɔnnɛ ɓɛ sɛngà a Silisii, wɔɔnnɛ ɓɛ ɓɔkà kìkɔm lɛ ɓɛɛ kɛǹ a Siipirɛ.

MƐ̀KÌKÌÌ MƐ ƁƐKƐ̀NÌ-FÌTOM 15:12

Fɔɔnnɛ ɓumɓɛ ɓɛ ɓaghà a rìghàdà ɗiǹ ɓɛ maaghà lɛ fyòoog, ɓɛ wowòg yɛ̀ɛ Pol ɓɛɛ̀ Ɓarinaɓas ɓɛ kpaakpààghà lɛ, rì dàm yi ɓiɓan, rì ɓɛ̀koŋnyoo ɓɛ ɓiɓan ɓɛ Bɛ̀ll à kìghà rì ɓɔ ɓi nyìinyìm à ɓum ɓɛ zɛy.

MƐ̀KÌKÌÌ MƐ ƁƐKƐ̀NÌ-FÌTOM 15:2

Fɔɔnnɛ coo kiyoòyòò ki kpighà, dì Pol ɓɛɛ̀ Ɓarinaɓas ɓɛ mɛ teɗ rirèsàg ɗi ɓumɓɛ̀n nyoey, ɓɛ ren min lɛ, rì Pol rì Ɓarinaɓas rì ɓum ɓɛdɛŋ, ɓɛ ghɛɛ̀sɛɛ kì ɓɔɔ̀gh a Yorisalɛm lɛ, ɓɛɛ ghɛn ɓɛ̀kɛ̀nì-fìtom, rì ɓɛ̀sɛ̀ɛ̀mɛn ɓɛ kilɔ̀ŋ lɛ ɓɛɛ fiɓi kìɓan kiǹ.

MƐ̀KÌKÌÌ MƐ ƁƐKƐ̀NÌ-FÌTOM 15:37

Ɓarinaɓas à kɔ̀nkɔ̀ngà lɛ, ɓɛɛ kɛǹ ǹɗaŋ ɗi Zyaŋ ànɛ à ɓaghà ɗii lɛ Marikus,

MƐ̀KÌKÌÌ MƐ ƁƐKƐ̀NÌ-FÌTOM 15:39

Ɓɛ nyolɛ̀ngà lɛɛ̀gwey lèg ànɛ lɛ, ɓɛ syɔngà kì ghasɛɛ, lɛ rì mum à ròŋì bee yiì, fɔɔnnɛ Ɓarinaɓas ɓɛɛ̀ Marikus ɓɛ ɓɔkà kìkɔm, ɓɛ kɛǹ a Siipirɛ.

MƐ̀KÌKÌÌ MƐ ƁƐKƐ̀NÌ-FÌTOM 21:16

Ɓɛ̀gherɛ̀n ɓɛdɛŋ ɓɛ a Sezare ɓɛ tì kɛ̀ɛ̀zɛ̀ngà rì ɓɔ, ɓɛ kɛngà ɓìsi kì foŋì yɛ̀ɛ Nazɔŋ, ŋwaànɛ a Siipirɛ, kìbog ki ɓi ɓɛ̀gherɛ̀n ɓɛ ǹtonto, lɛ ti kɔri wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 21:3

Yɛ̀ɛ tì ɓaghà di tì ti ɓiì seesee yì kìrìŋ ki riɓày ki lɛ Siipirɛ, tì càdkày kɔ ɓi kìmɛŋ tì nɔ̀ɔ̀tì ɓi ɓɛg ànɛ a Sirii. Tì kɛ̀n kì rɛlii a Tiir, wɔɔnnɛ fìtimà fi ghɛɛ̀sɛ̀ngà kì sɛɛ̀dii mɛtɛ̀g.

MƐ̀KÌKÌÌ MƐ ƁƐKƐ̀NÌ-FÌTOM 27:4

Yɛ̀ɛ tì pɛ̀sɛ̀ngà foo, nni tì narighà bèn ì rìɓày ìnɛ a Siipirɛ, ɓisuulɛ, bɛ̀ɓ ì ɓaghày ɓìsi asu, ì fɛɛ̀fɛ̀ɓsìì ɓìsi ɓi nyòò.

MƐ̀KÌKÌÌ MƐ ƁƐKƐ̀NÌ-FÌTOM 9:27

Fɔɔnnɛ Ɓarinaɓas à tekà Sol à kɛ̀n ɗì nyi a ɓɛ̀kɛ̀nì-fìtom, à kpaa ɓɔ yɛ̀ɛ Sol à ghɛngà Kan ɓi bee ìnɛ a Damas rì yɛ̀ɛ Kan à tòòghrɛ̀ngà ɗì nyi, nni à kpaatìghà ɓɔ rìkuu ɗi ǹtyweeyi ɗi Sol àa ǹɗì rì ɗyɔ a Damas di a kakali ɓum ɗii ɗi Yeesus.

1 KƆ̀RƐ̀ŊTYƐŊ 14:3

Kɔm̀ lɛ ŋwaànɛ a kpaakpaŋzì ɓìɓan ɓi Bɛ̀ll a tòtog ri ɓum, à fafà ɓɔ ìtèɗ ɓi rìgherɛ̀n, à feèghfègsì ɓɔ, à ki fɔɔfɔɔ̀sì ɓɔ mɛ̀rem.

1 KƆ̀RƐ̀ŊTYƐŊ 9:6

Gìn lɔŋ rì mɛ̀ rì Ɓarinaɓas ɓìsi cɛ̀ncis yɛɛ ghɛɛ̀sɛɛ kìsaayii lɛ ti tanɛn rì ɓìɗilàg!

GÀLAT 2:1

Ajɛ̀m ì bèg ǹtɛ̀ɗ rì yinin, m̀ɓɔgtìghà a Yorisalɛm ɓɛɛ̀ Ɓarinaɓas, ǹteɗ girig Tit lɛ ti kɛǹ rì nyi.

GÀLAT 2:13

Nni ɓɛ̀gherɛ̀n ɓɛmbog ɓɛ ɓɛ ɓaghà Ɓɛ̀yudɛ̀n ɓɛ nɔɔ̀tìghà ìkòò wu Pyɛɛri wiǹ, à kpaŋ yɛ̀ɛ ɓɛ syogà girig Ɓarinaɓas, ɓi mɛ̀ghèy mɛ ɓɛ kikìghà mɛǹ.

GÀLAT 2:9

Fɔɔnnɛ ɓɛ gherɛ̀ngà lɛ Bɛ̀ll à kìghà mɛ̀ geesɛ̀n; ɓɛ̀-Zyag, rì Sefas rì Zyaŋ ɓɛ ɓɛ ɓaghà fɛlɛ yɛ̀ɛ ɓɛ̀ǹtɔn ɓaa, ɓɛ tukàkà ɓìsi ɓyàg lɛ rì mɛ̀ rì Ɓarinaɓas, lɛ ɓɛɛ resi lɛ, tì rì ɓɛ̀ɓùtɛn ɗi ɓɔ; fɔɔnnɛ ɓìsii ghɛɛ̀sɛ̀ngà kì kɛ̀ɛ a ɓumɓɛ ɓɛ yin Ɓɛ̀yudɛ̀n, ɓɔɔ kɛǹ a Ɓɛ̀yudɛ̀n.

KÒLÒSYƐŊ 4:10

Aristarikɛ ànɛ à rì ɓi naà-zày rì mɛ̀ à tògsii yì mìni, nsoò Marikus ànɛ ɓɛ ri ɓɔn rì ɓɔn ɓɛɛ̀ Ɓarinaɓas. Marikus ànɛ̀n innɛ tì mɛ kpaa mini lɛ i à yùu foo a lɔ̀ŋkin, ɓì ghàɓ nyi lɛ syeesyee.