MƐ̀KÌKÌÌ MƐ ƁƐKƐ̀NÌ-FÌTOM 4:31 - Bafia Nouveau Testament

³¹ Yɛ̀ɛ ɓɛ legsìghà bɔ̀ŋzɛ̀n yàà inɛ̀n, mɛɛ mɛ ɓɛ ɓaghà wɔɔ ɓɛtaŋzɛn mɛ nyɛŋɗɛ̀ngà, fɔɔnnɛ ɓɛ̀sɛ̀ɛ̀ ɓɛ̀cèm ɓɛ rongà rì Kìtɛntɛ̀ɛ̀n ki Nghay, ɓɛ ki ghaaghagsì Ɓɔlɛ à Bɛ̀ll rì ntyweeyi ɓi ǹɗem.

MƐ̀KÌKÌÌ MƐ ƁƐKƐ̀NÌ-FÌTOM 4:31 ပူးပေါင်းရင်းမြစ်များ

MATYOO 21:22

Com kìcèm ki ɓì ɓiì tɔɔ̀gh rì rìgherɛ̀n ɓi bɔ̀ŋzɛ̀n, ɓi ɓiì ɓaà rì kɔ.

ZYAŊ 14:12

Ǹkalii mìni saaɗ à rìkpaa lɛ, ŋwaànɛ à gherɛɛ mɛ̀, à ɓiì kìi girig ɓìɓan ɓi mɛ̀ɛ nkìkì, à ki kì kɔm̀ ɓìɓan ɓi ɓi cee ɓiǹ ɓisuulɛ ǹkɛ̀ɛ yɛ̀ɛ Tààta.

ZYAŊ 15:16

Àa mìni yɛɛ ɓɔngà mɛ̀, lɔŋ mɛ̀ yɛɛ ɓɔngà mìni, ǹki rɛ̀si mini lɛ, ɓi kɛǹ, ɓi wum̀ ɓìɗùn, ɓìɗùn ɓin ɓi ki ɓa ɓiɗùn ɓi ɓyɛɛ finɛn, fɔɔnnɛ com kìcèm ki ɓì ɓiì tɔɔ̀gh Tààta rì ɗii ɗyɛ̀m, à rì mìni kɔ ɓiì kìi.

ZYAŊ 15:7

I ɓì rì a lɔ̀ŋkɛm̀, ɓiɓan ɓyɛm̀ ɓi ɓa rì ìkɔ̀ɔ̀ ɓi mìni, tɔɔghna com kìcèm ki ɓì kɔ̀ni, ɓɛ ri mìni kɔ ɓiì faà.

MƐ̀KÌKÌÌ MƐ ƁƐKƐ̀NÌ-FÌTOM 14:3

Pol ɓɛɛ̀ Ɓarinaɓas ɓɛ finɛ̀ngà a Ikonyɔm lɛɛ̀gwey, ɓɛ ɓaghà rì coo ǹtyweeyi ri Kan ɓi ɓìɓan ɓi ɓɛ kpaakpààghà, fɔɔnnɛ à fafàghà ɓɔ ìtèɗ wulɛ, ɓɛɛ, kiki lɛ rì dàm, rì ɓɛ̀koŋnyoo ɓɛ ɓiɓan, à kì fɔlɔɔ lɛ a siìrag ɓìɓan ɓi ɓɛ kpaakpààghà ɓi komkòm geesɛ̀n yìì.

MƐ̀KÌKÌÌ MƐ ƁƐKƐ̀NÌ-FÌTOM 2:1

Ŋwosi Pàŋtèkot, ɓɛ̀gherɛ̀n ɓɛ̀cèm ɓɛ ɓaghà ɓɛ̀ taŋzɛn jàŋbog.

MƐ̀KÌKÌÌ MƐ ƁƐKƐ̀NÌ-FÌTOM 2:2

Nni ɓɛ sigmɛ̀ngà lɛ, gom ì rìì aɗyoo, ì ɓa yɛ̀ɛ gom ì coo bɛ̀ɓ ki kɛɛ̀ fɛɛfɛɓsì, ki yu kì ronì naa ìnɛ ɓɛ ɓaghà miì.

MƐ̀KÌKÌÌ MƐ ƁƐKƐ̀NÌ-FÌTOM 2:4

Ɓɛ̀sɛ̀ɛ̀ ɓɛ̀cèm ɓɛ ɓa min ɓɛronɛn ri Kìtɛntɛ̀ɛ̀n ki Nghay, ɓɛ ki tòtog ɓitòkì ɓidɛŋ lɔŋ yɛ̀ɛ Nghay à fafàghà ɓɔ ìtèɗ wu lɛ ɓɛɛ totòg.

MƐ̀KÌKÌÌ MƐ ƁƐKƐ̀NÌ-FÌTOM 4:13

Ɓumɓɛ ɓɛ yɔɔ̀yɔ̀mzìghà ɓɛ̀-Pyɛɛri, ɓɛ kuuràkà lɛ, ɓɛ ghɛngà lɛ, Pyɛɛri rì Zyaŋ ɓɛɛ̀ ɓàɓag ɓɔ, kɛ̀ɛ̀ ìris ɓi ǹɗem, ɓɛ ghɛɛ̀dì lɛ, ɓɛ ɓaghà ɓum ɓɛ zɛy ɓɛ ɓɛ yighà ɓi sùkurù, ɓɛ yi min lɛ, ɓɛ ɓaghà ɓumɓɛ ɓɛ kɛɛ̀kɛ̀ɛ̀ghà ǹɗaŋ ɗi Yeesus.

MƐ̀KÌKÌÌ MƐ ƁƐKƐ̀NÌ-FÌTOM 4:29

Nni ɓigomìnɛ, Kan, ghɛna yɛɛ̀ ɓɛɛ̀ sàasagɛ̀n ɓìsi, dì u fa ɓɛ̀kìì-ɓìsay ɓɔɔ ìtèɗ wulɛ, ɓɛɛ ghagsi jɛ̀ɛ̀ yɔ̀ɔ̀ rì kìghɛɛsii kicèm.

FÌLÌPYƐŊ 1:14

Ntyweeyi wu mɛ yùti ɓɛgeni ɓɛ̀m lɛɛ̀gwey ɓi Kan, lɛ naà-zày ìnɛ ǹkɛ̀ngà; fɔɔnnɛ ɓɛ ti rì kìghɛɛsii ki ki cee lɛ ɓɛɛ ghaàghàgsì jɛ̀ɛ̀ ì Bɛ̀ll kɛ̀ɛ̀ ìris.

FÌLÌPYƐŊ 1:20

Lèg ànɛ ǹɗì rì coo zày, ǹki ɓa ri dyàɓɛn, màa wog ɓi ntoòrìɗ ri com kidɛŋ. Ɓi cààmɛ̀n ki, lɔŋ yɛ̀ɛ ɓi ɓyààmɛ̀n ɓimbog, rì ǹtyweeyi wu wu ri mɛ̀ ɓiì ronì ɓi nɗem, Kiris à ɓiì kemì ɓi nyoo yɛ̀m, màa soo rì cem, màa soo wìì.

ZYAG 1:5

I ŋwaàdɛŋ ànɛ ɓi mìni à kaarɛɛ ɗyomzɛ̀n, a tɔg ɗyɔ rì Bɛ̀ll ànɛ à ti à falàg ɓum ɓɛ̀cèm ɗyomzɛ̀n zɛy rì zɛy, rì syeesyee à nɗem, fɔɔnnɛ àrì nyi ɗyɔ ɓiì faà;