MƐ̀KÌKÌÌ MƐ ƁƐKƐ̀NÌ-FÌTOM 4:30 - Bafia Nouveau Testament

³⁰ Nàmas̀ càg kɔɔ lɛ ɓum ɓɛɛ̀ wɔ̀nwɔn tìroɓ, ɓɛ̀koŋnyoo ri dàm yi ɓiɓan ɓi kiìkìlɛ̀n ɓi ɗii ɗi Yeesus ànɛ àrì ǹkìì-kìsay wɔɔ à ntɛnɛn.

MƐ̀KÌKÌÌ MƐ ƁƐKƐ̀NÌ-FÌTOM 4:30 ပူးပေါင်းရင်းမြစ်များ

ZYAŊ 4:48

Nni Yeesus à kpaaghà nyi lɛ: Mìnii ri lɔŋ lɛ, i ɓì ghɛɛ ɓi dàm yi ɓiɓan, rì ɓɛ̀koŋnyoo ɓɛ ɓiɓan, kɛ̀ ɓi gherɛn.

MƐ̀KÌKÌÌ MƐ ƁƐKƐ̀NÌ-FÌTOM 2:22

Mìni ɓumɓɛ a Isirayɛl, wooghna kìɓan ki nkìki lɛ, nkpaà mìni: Yeesus ànɛ a Nazarɛt àa nɗì ŋwaànɛ Bɛ̀ll àa ǹɗèsii mìni lɛ, nnyɛɛ romgày nyi, ɓi dàm yi ɓiɓan, rì ɓɛ̀koŋnyoo ɓɛ ɓiɓan, rì ɓìrèmzɛnà ɓi à faghà nyi ìtèɗ wulɛ a ki ɓi nyìinyìm wìn lɔŋ yɛ̀ɛ mìniìɓɔmiɗ ɓì yii.

MƐ̀KÌKÌÌ MƐ ƁƐKƐ̀NÌ-FÌTOM 2:43

Ìris wu ɓangà mum ǹcèm ànɛ ɓi ɓɔ, lɛ ɓɛ̀kɛ̀nì-fìtom ɓɛ kikìghà dàm yi ɓiɓan rì ɓɛ̀koŋnyoo ɓɛ ɓiɓan, lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 3:13

Bɛ̀ll à Abiraham, Bɛ̀ll à Isag, Bɛ̀ll à Yakɔɓ, Bɛ̀ll à ɓɛ̀seŋi ɓis yɛɛ faa ǹkìì-kìsay wiì ànɛ lɛ Yeesus rìkem. Yeesus ànɛn nnɛ ɓìi nkàɓi, ɓi ki roòzɛn nyi ɓi mis mɛ Pilat ànɛ àa m̀mɛɛ̀ kì lɛ di àa càri nyi.

MƐ̀KÌKÌÌ MƐ ƁƐKƐ̀NÌ-FÌTOM 3:16

Ǹtyweeyi wu tì rì rì wɔ ɓi ɗii ɗi Yeesus wɛɛ kii lɛ, ɗii ɗìn ɗyɛɛ fa mɛ̀kòò mɛ ŋwaànɛ ɓi yii ànɛ ìtèɗ yɛ̀ɛ ɓi seesèè, fɔɔnnɛ ǹtyweeyi wu ɓi Yeesus wɛɛ kii lɛ, a wɔǹ lɛ kɔɔ̀kɔɔ̀ lɔŋ yɛ̀ɛ ɓi seesee lɔɔ ɓɛsɛ̀ɛ̀ ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 3:6

Pyɛɛri à Kpaa min nyi lɛ: Mɛ̀ n-yin ɗi mɔ̀ɔ̀ni nsoò gol lɔŋ com ki ǹɗì rì kɔ kɛɛ̀ki ǹfaa wɔ̀: Ɓi ɗii ɗi Yeesus Kiris ànɛ a Nazarɛt pɛ̀sɛn aɗyoo u kɛɛ̀ghi!

MƐ̀KÌKÌÌ MƐ ƁƐKƐ̀NÌ-FÌTOM 4:10

ɓì ghɛ̀ɛ̀sɛɛ kì yiì ɓɛ̀sɛ̀ɛ̀ ɓɛ̀cèm, kìlɔ̀ŋ ki Isirayɛl ki yi girig lɛ, ŋwaànɛ à rɛrɛlii mìni asu fɛlɛ lɛ syeesyee ɓi nyoo yìì, lɛ ìtèɗ wu ɗii ɗi Yeesus Kiris ànɛ a Nazarɛt, ànɛ ɓìi nkpani ɓi kɔrɔs aɗyoo, nyi nnɛ Bɛ̀ll àa ǹghèmzii yì a ɓìloŋ.

MƐ̀KÌKÌÌ MƐ ƁƐKƐ̀NÌ-FÌTOM 4:27

Ɓi saaɗ, ɗì Eroodɛ rì Pɔŋs-Pilat ɓɛ mɓasɛɛ rì ɓɛ̀kèn, ri mɛ̀kuu mɛ a Isirayɛl ɓi ban ìnɛ, lɛ ɓɛɛ ɗuù rì Yeesus ànɛ à rì ǹkìì-kìsay wɔɔ̀ à ǹtɛnɛn ànɛ ù rɛsìghà.

MƐ̀KÌKÌÌ MƐ ƁƐKƐ̀NÌ-FÌTOM 5:12

Ɓɛ̀kɛ̀nì-fìtom ɓɛ kikìghà dàm, rì ɓɛ̀koŋnyoo ɓɛ ɓiɓan lɛɛ̀gwey ɓi kìlɔ̀ŋ. Ɓɛ̀gherɛ̀n ɓɛ ǹti ɓɛ rɛlàg ǹɗaŋ ɓi tuùtuu ànɛ ɓisuunaa wu naà-Bɛ̀ll wu Salomɔŋ.

MƐ̀KÌKÌÌ MƐ ƁƐKƐ̀NÌ-FÌTOM 6:8

Ityɛn à ɓaghà ǹɗonɛn lɛ, rì geesɛ̀n, rì ìtèɗ wu Bɛ̀ll, à kìkìghà lɛ, rì ɓɛ̀koŋnyoo ɓɛ ɓiɓan, rì dàm yi ɓiɓan ɓi nyìinyìm à kìlɔ̀ŋ.