MƐ̀KÌKÌÌ MƐ ƁƐKƐ̀NÌ-FÌTOM 4:29 - Bafia Nouveau Testament

²⁹ Nni ɓigomìnɛ, Kan, ghɛna yɛɛ̀ ɓɛɛ̀ sàasagɛ̀n ɓìsi, dì u fa ɓɛ̀kìì-ɓìsay ɓɔɔ ìtèɗ wulɛ, ɓɛɛ ghagsi jɛ̀ɛ̀ yɔ̀ɔ̀ rì kìghɛɛsii kicèm.

MƐ̀KÌKÌÌ MƐ ƁƐKƐ̀NÌ-FÌTOM 4:29 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 13:46

Fɔɔnnɛ ɓɛ̀-Pol ɓɛɛ̀ Ɓarinaɓas ɓɛ kpaghà ɓɔ lɛ fwàafwàày lɛ: Ki ǹghɛ̀ɛ̀sɛɛ lɛ, jɛ̀ɛ̀ ì Bɛ̀ll yɛ̀ɛ log kì kpaarɛɛ a lɔ̀ŋkin, nni yɛ̀ɛ ɓì ɓèni yɔ̀ yɛɛ lɔɔ lɛ, ɓì ghɛɛ lɛ cɛɓ ki fìɗyàɓ fikɔ̀ɔ̀ ki ghɛɛ̀sɛɛ ɓi ri mìni, nni ɓìsii tiŋ̀mɛɛ min a ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 14:3

Pol ɓɛɛ̀ Ɓarinaɓas ɓɛ finɛ̀ngà a Ikonyɔm lɛɛ̀gwey, ɓɛ ɓaghà rì coo ǹtyweeyi ri Kan ɓi ɓìɓan ɓi ɓɛ kpaakpààghà, fɔɔnnɛ à fafàghà ɓɔ ìtèɗ wulɛ, ɓɛɛ, kiki lɛ rì dàm, rì ɓɛ̀koŋnyoo ɓɛ ɓiɓan, à kì fɔlɔɔ lɛ a siìrag ɓìɓan ɓi ɓɛ kpaakpààghà ɓi komkòm geesɛ̀n yìì.

MƐ̀KÌKÌÌ MƐ ƁƐKƐ̀NÌ-FÌTOM 19:8

Nni Pol à ɗiŋìghà ɓi naà-bɔ̀ŋzɛ̀n, à tòòghrɛ̀n wɔɔ lɛ tɛntɛ̀ɛ̀n, à kurɛ̀ngà rì ɓɔ ɓɛ̀ŋwii ɓɛraa ɓi ɓìɓan ɓi ɓi seesee kìlɔ̀ŋ ki Bɛ̀ll, à kaakàà bee inɛ a ki lɛ ɓumɓɛ ɓɛ wowòkà ɓìtòkì ɓii, ɓɛɛ gherɛn ɓìɓan ɓi à kpaakpààghà.

MƐ̀KÌKÌÌ MƐ ƁƐKƐ̀NÌ-FÌTOM 26:26

Rìfòm ɗi yii ɓìɓan ɓi fɔɔnnɛ nkakali nyi ɓyɔ lɛ fwàafwàày lɛ ǹkonaagh kì yiì lɛ à còmɛɛ ɓi kiɓan miì nsoò kìfog, ɓyɛ̀ kɛɛ̀ ki ɓa ɓiɓan ɓi ɓi kilɛ̀ngà a rìnyam.

MƐ̀KÌKÌÌ MƐ ƁƐKƐ̀NÌ-FÌTOM 28:31

A lààlàmɓɛ̀n kìlɔ̀ŋ ki Bɛ̀ll, à ki rèresi ɓum ɓìɓan ɓi ɓi seesee Kan Yeesus Kiris lèg bimiɗ ànɛ ki ɓaghà lɛ ki kɔ̀n nyi, kɛ̀ɛ̀ ntɔɓ.

MƐ̀KÌKÌÌ MƐ ƁƐKƐ̀NÌ-FÌTOM 4:13

Ɓumɓɛ ɓɛ yɔɔ̀yɔ̀mzìghà ɓɛ̀-Pyɛɛri, ɓɛ kuuràkà lɛ, ɓɛ ghɛngà lɛ, Pyɛɛri rì Zyaŋ ɓɛɛ̀ ɓàɓag ɓɔ, kɛ̀ɛ̀ ìris ɓi ǹɗem, ɓɛ ghɛɛ̀dì lɛ, ɓɛ ɓaghà ɓum ɓɛ zɛy ɓɛ ɓɛ yighà ɓi sùkurù, ɓɛ yi min lɛ, ɓɛ ɓaghà ɓumɓɛ ɓɛ kɛɛ̀kɛ̀ɛ̀ghà ǹɗaŋ ɗi Yeesus.

MƐ̀KÌKÌÌ MƐ ƁƐKƐ̀NÌ-FÌTOM 4:21

Fɔɔnnɛ ɓɛ̀yɔ̀mzì-ɓɔ, ɓɛ sagɛ̀ngà tì ɓɔ, ɓɛ ki caɗ min ɓɔ, di ɓɛ mɛ rɔɓ ɓɛ̀ kɛɛ̀ yi yɛ̀ɛ ɓɛɛ pɔnɔ̀si ɓɔ ɓisuulɛ, kìlɔ̀ŋ kìcèm ki keèkèmzìghà Bɛ̀ll ɓisuu dàm ì kìɓan inɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 4:31

Yɛ̀ɛ ɓɛ legsìghà bɔ̀ŋzɛ̀n yàà inɛ̀n, mɛɛ mɛ ɓɛ ɓaghà wɔɔ ɓɛtaŋzɛn mɛ nyɛŋɗɛ̀ngà, fɔɔnnɛ ɓɛ̀sɛ̀ɛ̀ ɓɛ̀cèm ɓɛ rongà rì Kìtɛntɛ̀ɛ̀n ki Nghay, ɓɛ ki ghaaghagsì Ɓɔlɛ à Bɛ̀ll rì ntyweeyi ɓi ǹɗem.

MƐ̀KÌKÌÌ MƐ ƁƐKƐ̀NÌ-FÌTOM 9:27

Fɔɔnnɛ Ɓarinaɓas à tekà Sol à kɛ̀n ɗì nyi a ɓɛ̀kɛ̀nì-fìtom, à kpaa ɓɔ yɛ̀ɛ Sol à ghɛngà Kan ɓi bee ìnɛ a Damas rì yɛ̀ɛ Kan à tòòghrɛ̀ngà ɗì nyi, nni à kpaatìghà ɓɔ rìkuu ɗi ǹtyweeyi ɗi Sol àa ǹɗì rì ɗyɔ a Damas di a kakali ɓum ɗii ɗi Yeesus.

MƐ̀KÌKÌÌ MƐ ƁƐKƐ̀NÌ-FÌTOM 9:28

À tumɛ̀n ɓi cààmɛ̀n kiǹ innɛ Sol à ɓasɛ̀ngà rì ɓɔ, ɓɛ kikì lɛ, ɓɛ ɓɔg, ɓɛ sɛn ǹɗaŋ di ɓɛɛ̀ rèresi ɓum ɗii ɗi Kan rì ǹtyweeyi ɓi nɗem.

1 KƆ̀RƐ̀ŊTYƐŊ 14:13

Kìɓan kiǹ kɛɛ̀ki ŋwaànɛ a tòtog kikènekènè ki kitòkì, à ghɛ̀ɛ̀sɛɛ kì ɓɔ̀ŋzaagh Bɛ̀ll lɛ, a yi rìghagsì ɗi ɓum com ki a kpaakpàà ɓi kìtòkì kiǹ.

2 KƆ̀RƐ̀ŊTYƐŊ 3:12

Yɛ̀ɛ tì rì rì rìkuu ɗi dyàɓɛn ɗiǹ ɓi nɗem nnɛ ti rì rì coo ntyweeyi.

FÌLÌPYƐŊ 1:14

Ntyweeyi wu mɛ yùti ɓɛgeni ɓɛ̀m lɛɛ̀gwey ɓi Kan, lɛ naà-zày ìnɛ ǹkɛ̀ngà; fɔɔnnɛ ɓɛ ti rì kìghɛɛsii ki ki cee lɛ ɓɛɛ ghaàghàgsì jɛ̀ɛ̀ ì Bɛ̀ll kɛ̀ɛ̀ ìris.

TÈSÀLÒNÌSYƐŊ 2:2

Di tì ka kpaŋ ɓi a lɔ̀ŋkin, tì ghɛngà mɛ̀tɔɓ, ɓum ɓɛ ki yeesi ɓisi a Filiɓ lɔŋ yɛ̀ɛ ɓì yii, wɔ̀lɛ Bɛ̀ll à faghà ɓìsi ìtèɗ wulɛ ti ghagsi mìni Syeesyee à Ɓɔlɛ wìì nsoò yɛ̀ɛ ki ɓaghà bimiɗ à wɛ̀y.

2 TIMOTE 4:17

Lɔŋ Kan yɛɛ ǹɗì mɛ̀ jàŋbog, à ki fa mɛ ìtèɗ, lɛ nghagsi jɛ̀ɛ̀ ì Bɛ̀ll lɛ kɔɔ̀kɔɔ̀, yɛ̀ɛ woòghrɛn ɓi mɛ̀ree mɛ ɓum ɓɛ̀cèm ɓɛ ɓɛ yin Ɓɛ̀yudɛ̀n fɔɔnnɛ ɓɛ nɗùnɛɛ mɛ̀ ɓi ŋwɔm wu kimonɗo.