MƐ̀KÌKÌÌ MƐ ƁƐKƐ̀NÌ-FÌTOM 4:27 - Bafia Nouveau Testament

²⁷ Ɓi saaɗ, ɗì Eroodɛ rì Pɔŋs-Pilat ɓɛ mɓasɛɛ rì ɓɛ̀kèn, ri mɛ̀kuu mɛ a Isirayɛl ɓi ban ìnɛ, lɛ ɓɛɛ ɗuù rì Yeesus ànɛ à rì ǹkìì-kìsay wɔɔ̀ à ǹtɛnɛn ànɛ ù rɛsìghà.

MƐ̀KÌKÌÌ MƐ ƁƐKƐ̀NÌ-FÌTOM 4:27 ပူးပေါင်းရင်းမြစ်များ

MATYOO 14:1

Ɓi cààmɛ̀n kiǹ, Eroodɛ ànɛ à ɓaghà gɔmìnà a Galile à wokà di ɓɛɛ ɓùŋɓuŋ Yeesus, à ki kpaa ɓɛ̀kìì-ɓìsay ɓii lɛ:

MATYOO 14:3

Lɛ Eroodɛ à reɓsìghà lɛ ɓɛɛ ɓaǹ Zyaŋ ɓɛ kaŋ̀ bɛn ri mɛ̀sɛ̀ŋi ɓɛ pìg ɓi naà-zày ɓisuu kiɓan ki Eroɗyaadɛ à gili Filiɓ à gèni wìì.

MATYOO 14:6

Wɔ̀lɛ, ɓi kìsɔ̀g ki gòn i rìyalɛ̀n ɗi Eroodɛ, gɔ̀n ì Eroɗyaadɛ ì ɗyengà rìdɛlì ɓi mis mɛ ɓumɓɛ à reŋɗɛ̀ngà ɓi kìsɔ̀g kiǹ, ki rɔɔ Eroodɛ

MATYOO 21:28

Mìnii ghɛɛ kìɓan ki là? Lɛ, ŋwaàdɛŋ yɛɛ ɓaghà rì ɓɛ̀dɛlì ɓii ɓɛɓɛɛ̀, nni à reŋìghà roàntonto, à kpaa nyi lɛ: Man, kɛ̀na mɛ̀ kìsay a dɛm gɛɛ̀nɛ.

MATYOO 23:37

Yorisalɛm! Yorisalɛm! wàànɛ u kìki lɛ: Ù cuùcùùsì ɓɛ̀kpaŋzì-ɓìɓan, ù ki roorogì ɓumɓɛ ɓɛ romiì a lɔ̀ŋkɔɔ gɔ̀g, m̀mɛ kaa bee inɛ ǹtaŋzɛn ɓɔn ɓɔɔ, fɛlɛ yɛ̀ɛ jɛɛ à zag a taŋzag ɓɔn a mɛ̀keɓ mii-zi, bɔ̀ɓ, lɛ bɔ̀ɓ wɔ̀lɛ kɛ̀ kɛɛ̀ kɔ̀n mini fɔlɔɔ.

MATYOO 27:2

Ɓɛ ɓaghà lɛ, ɓɛ mɛ kàŋ nyi bɛn, ɓɛ kɛǹ ɗì nyi yɛ̀ɛ gɔmìnà ànɛ lɛ Pilat.

MARIKUS 10:33

À kpaa ɓɔ lɛ: Ɓi ɗi tì rɛrɛrii ɗi, tì ɓɔɔgh yɛɛ lɛ a Yorisalɛm, wɔɔnnɛ ɓɛ ɓiì kàɓi Man à mum ɓi ɓyàg ɓi ɓɛpìrɛɛtìrɛ̀ ɓɛgwey rì ɓi ɓyàg ɓi ɓɛ̀rèsàg-ɓìdɔ̀gsɛna; ɓumɓɛ̀n ɓɛ ren lɛ ɓɛɛ wey nyi, ɓɛ ki ceesi nyi rì ɓumɓɛ ɓɛ yii ɓi Bɛ̀ll.

MARIKUS 15:31

Ɓɛ̀pìrɛɛtìrɛ̀ ɓɛgwey girig rì ɓɛ̀rèsàg-ɓìdɔ̀gsɛna ɓɛ wɔwɔ̀là nyi wɔɔ ɓɔ rì ɓɔ, ɓɛ kpaakpàà lɛ: Àa ǹghɛɛghɛ̀ɓsì ɓum ɓɛdɛŋ, wɔ̀lɛ kɛ̀ɛ ɓa rì bee inɛ lɛ a ghɛɓsi nyimiɗ.

LUKAS 1:35

Ŋwaàfìtom a pɛ̀ɛ̀zì nyi lɛ: Kìtɛntɛ̀ɛ̀n ki Nghay ki rì ɓiì yùu a lɔ̀ŋkɔɔ, fɔlɔɔ nnɛ ìteɗ wu Bɛ̀ll ànɛ à teŋmɛɛ kɛ̀ɛ̀ vèg wu rì wɔ̀ ɓiì ɓyɔɔ. Fɔlɔɔ nnɛ ɓɛ ri regi kìtɛntɛ̀ɛ̀n ki Man ki ù ɓiì yalì lɛ: Man à Bɛ̀ll.

LUKAS 22:63

Ɓumɓɛ ɓɛ ɓeŋɓèŋgà Yeesus ɓɛ feèfèngàkà nyi di ɓɛɛ̀ ɓooɓokì nyi.

LUKAS 23:1

Nni ɓɛ ruɓkà ɓɛ̀sɛ̀ɛ̀ ɓɛ̀cèm lɛ bùɓ, ɓɛ kɛǹ rì Yeesus yɛ̀ɛ Pilat.

LUKAS 4:18

Nghay à Kan à rì ɓi mɛ̀ ɓisuulɛ à ɓɔngà mɛ̀ à siŋì mɛ̀ mɔ̀ɔ lɛ ǹkakàlì ɓɛ̀yɛɓàyɛɓa Syeesyee à Ɓɔlɛ, à rom mɛ̀ lɛ, nghagsi ɓum ɓɛ naà-zày lɛ: ɓɛ ɓiì kpagii naà-zày; à rom dì mɛ̀ lɛ, ǹkpaà ɓɛ̀ɗyaŋɗyàŋ lɛ ɓɛ ri ɓiì ghɛnɛɛ ti; ɓumɓɛ ɓɛ̀ro ɓum ɓɛɛ̀ kìki mɛtɔɓ m̀pisì ɓɔ ɓi mɛ̀tɔɓ,

LUKAS 9:22

Nni à ɓɔ̀ɓtìghà jɛ̀ɛ̀ lɛ: Ki ghɛɛ̀sɛɛ lɛ Man à mum a wog rìkɛŋ lɛɛ̀gwey; ɓɛ̀sɛ̀ɛ̀mɛn ɓɛ Ɓɛ̀yudɛ̀n rì ɓɛ̀pìrɛɛtìrɛ̀ ɓɛgwey, rì ɓɛ̀rèsàg-ɓìdɔ̀gsɛna ɓɛ rì nyi ɓiì roòzɛɛ, ɓɛ ki wey nyi; kìɓan kifog à ghèmɓɛ̀n ɓi ŋwos a kìraa.

ZYAŊ 1:11

Ì yughà a ɓum ɓii, ɓum ɓii ɓɛ̀ kɛɛ̀ ki ghàɓ yɔ̀;

ZYAŊ 10:36

mìnii kalì roànɛ Bɛ̀ll à ɓɔ̀ngà à rom yì lɛ à sɛɛtii Bɛ̀ll, ɓisuulɛ màa kalii lɛ, ǹɗì Man à Bɛ̀ll?

ZYAŊ 18:28

Nni ɓɛ pɛsɛ̀ngà rì Yeesus yɛ̀ɛ Kayif, ɓɛ kɛǹ ɗì nyi a kìkpanà ki ɓɛyɔ̀m ɗì sariwa lɛ ɓuɓ. Ɓɔmiɗ ɓɛ ɗiŋìghà ɓi ɓi kìkpanà ki ɓɛyɔ̀m kiǹ, lɛ ɓɛ̀ kɛɛ̀ foŋɗɛn ɓɔmiɗ kìsyeg ɓi nyòò, lɛ ɓɛɛ ɗi Paskà.

ZYAŊ 18:29

Fɔɔnnɛ gɔmìnà ànɛ lɛ Pilat à kpagày, à kɛ̀n jàŋ inɛ ɓɛ ɓaghà, à kpaa lɛ: Kìɓan adi kɛɛ̀ki ɓi kpaaghì ɓì ràɗ rì ŋwaànɛ?

ZYAŊ 19:34

Wɔ̀lɛ kìbog ki ɓi ɓɛ̀sujàà ki tuɓkà nyi bèn ɗì rìkɔ̀ŋ, mɛ̀nig rì bwaɓ ɓi ghas kì kpaŋì.

MƐ̀KÌKÌÌ MƐ ƁƐKƐ̀NÌ-FÌTOM 10:38

Ɓì yii lɔŋ yɛ̀ɛ Bɛ̀ll à ɓɔ̀ngà Yeesus ànɛ a Nazarɛt à rom yì nyi Kitɛntɛ̀ɛ̀n ki Nghay kii, à ki fa nyi ìtèɗ wucèm, fɔɔnnɛ Yeesus ànɛ̀n à kɛ̀ɛ̀kɛ̀ɛ̀ghà jàŋ bimiɗ à kìkì ɓum kìrɔɔ, di a wɔ̀ɔwɔɔ̀zì ɓum ɓɛ̀cèm ɓɛ ɓɛ ɓaghà ɓi rìkpàn ɗi Satàn ɓisuulɛ Bɛ̀ll à ɓaghà ɗì nyi.

MƐ̀KÌKÌÌ MƐ ƁƐKƐ̀NÌ-FÌTOM 2:27

Lɛ, wàa rini ɓi ǹghay wɛ̀m a ǹyɔ̀ɛ̀y ìsuùcèm, kɔ̀ɔ ki gherɛn lɛ ǹkìì-kìsay wɔɔ̀ ànɛ àrì ǹtɛnɛn a ɓwɛy ɓi zɔ̀ŋ.

MƐ̀KÌKÌÌ MƐ ƁƐKƐ̀NÌ-FÌTOM 4:30

Nàmas̀ càg kɔɔ lɛ ɓum ɓɛɛ̀ wɔ̀nwɔn tìroɓ, ɓɛ̀koŋnyoo ri dàm yi ɓiɓan ɓi kiìkìlɛ̀n ɓi ɗii ɗi Yeesus ànɛ àrì ǹkìì-kìsay wɔɔ à ntɛnɛn.

EBIREEGH 7:26

Rìkuu ɗi nlàmì-ɓɛ̀pìrɛɛtìrɛ̀ àgwey ɗi ɗi ghɛɛ̀sɛɛ rì ɓìsi ɗyɛɛ ri Yeesus, lɛ à rì ǹtɛnɛn, kɛ̀ɛ̀ tìfin, kɛ̀ɛ̀ rìnàn, ɓɛ ghasìghà nyi rì ɓɛ̀kìì-kìɓe, à ki teŋmɛɛ à cee ɗyoo.