MƐ̀KÌKÌÌ MƐ ƁƐKƐ̀NÌ-FÌTOM 3:6 - Bafia Nouveau Testament

⁶ Pyɛɛri à Kpaa min nyi lɛ: Mɛ̀ n-yin ɗi mɔ̀ɔ̀ni nsoò gol lɔŋ com ki ǹɗì rì kɔ kɛɛ̀ki ǹfaa wɔ̀: Ɓi ɗii ɗi Yeesus Kiris ànɛ a Nazarɛt pɛ̀sɛn aɗyoo u kɛɛ̀ghi!

MƐ̀KÌKÌÌ MƐ ƁƐKƐ̀NÌ-FÌTOM 3:6 ပူးပေါင်းရင်းမြစ်များ

MATYOO 10:9

Kɛ̀ ɓi teɗ nsoò gol, nsoò mɔ̀ɔ̀ni lɛ ɓi sɔy ɓi ɓɛ̀ɓàm;

MATYOO 7:22

Ɓum lɛɛ̀gwey ɓɛ ri kpaa gɛ mɛ̀ ɓi ŋ̀wos anɛ̀n lɛ: Kan, Kan àa ɓi ɗii ɗyɔɔ nnɛ tì kpaàkpàŋzìghà ɓìɓan ɓi Bɛ̀ll? Àa rì ɗii ɗyɔɔ nnɛ tì nànàɓkà ɓìɓeɓtàg ɓi mɛghay? Ti kìkìghà ɓi nya dàm yi ɓiɓan lɛɛ̀gwey rì ɗii ɗyɔɔ?

MARIKUS 14:8

Giɓ anɛ à kìi gàɓ ìnɛ ì ghɛ̀ɛ̀sɛɛ rì nyi. À loogh mɛ̀ kì siŋii tirààre ɓi rìɓòm ɗi ɓɛ ri mɛ̀ ɓiì ɓòmi.

MARIKUS 16:17

Dàm yi ɓiɓan yi ɓumɓɛ ɓɛ gherɛɛ ɓɛ ɓiì kìkii, yi ri lɛ: Ɓɛ ri ɓiì nànaɓi ɓiɓeɓtàg ɓi mɛghay rì ɗii ɗyɛ̀m, ɓɛ ki tòtog ɓìkènekènè ɓi ɓitòkì.

ZYAŊ 19:19

Pilat à kàngà girig ɓi kìɓoŋ, ɓɛ ɓaàtì kɔ ɓi kɔrɔs. Mɛ̀kànì mɛǹ mɛ ɓaghà lɛ: Yeesus ànɛ a Naazarɛt, rìfòm ɗi Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 10:38

Ɓì yii lɔŋ yɛ̀ɛ Bɛ̀ll à ɓɔ̀ngà Yeesus ànɛ a Nazarɛt à rom yì nyi Kitɛntɛ̀ɛ̀n ki Nghay kii, à ki fa nyi ìtèɗ wucèm, fɔɔnnɛ Yeesus ànɛ̀n à kɛ̀ɛ̀kɛ̀ɛ̀ghà jàŋ bimiɗ à kìkì ɓum kìrɔɔ, di a wɔ̀ɔwɔɔ̀zì ɓum ɓɛ̀cèm ɓɛ ɓɛ ɓaghà ɓi rìkpàn ɗi Satàn ɓisuulɛ Bɛ̀ll à ɓaghà ɗì nyi.

MƐ̀KÌKÌÌ MƐ ƁƐKƐ̀NÌ-FÌTOM 16:18

Ɓàlì ì mɛ̀ru ì ghaghìghà lɛɛ̀gwey ŋwutyàà giɓ anɛ̀n à kɛ̀nkɛ̀n lɔŋ asu à kpaakpàà fɔlɔɔ. Fɔɔnnɛ bim ì ɓaghà lɛ ì mɛ naasag Pol, à lɔ̀ɔ̀ghrɛ̀n à kpaa kìɓeɓtàg ki nghay ki ki ɓaghà ɓi giɓ anɛ̀n lɛ: Ɓi ɗii ɗi Yeesus Kiris, ǹtɔɔgh wɔ̀ lɛ, u pɛsɛn ɓi giɓ ànɛ. Nni kìɓeɓtàg ki nghay ki ghàskà kì pɛ̀sɛɛ ɓi gom yɔ̀miɗ inɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 2:22

Mìni ɓumɓɛ a Isirayɛl, wooghna kìɓan ki nkìki lɛ, nkpaà mìni: Yeesus ànɛ a Nazarɛt àa nɗì ŋwaànɛ Bɛ̀ll àa ǹɗèsii mìni lɛ, nnyɛɛ romgày nyi, ɓi dàm yi ɓiɓan, rì ɓɛ̀koŋnyoo ɓɛ ɓiɓan, rì ɓìrèmzɛnà ɓi à faghà nyi ìtèɗ wulɛ a ki ɓi nyìinyìm wìn lɔŋ yɛ̀ɛ mìniìɓɔmiɗ ɓì yii.

MƐ̀KÌKÌÌ MƐ ƁƐKƐ̀NÌ-FÌTOM 2:36

Ɓum ɓɛ̀cèm ɓɛ a Isirayɛl ɓɛ ghɛɛ̀sɛɛ kì yiì syeesyee à rìyi lɛ, Bɛ̀ll àa ǹkìi lɛ, Yeesus ànɛ ɓìi nkpani ɓi kɔrɔs aɗyoo a ɓa lɛ nyi Kan wis, nyi Kiris.

MƐ̀KÌKÌÌ MƐ ƁƐKƐ̀NÌ-FÌTOM 3:16

Ǹtyweeyi wu tì rì rì wɔ ɓi ɗii ɗi Yeesus wɛɛ kii lɛ, ɗii ɗìn ɗyɛɛ fa mɛ̀kòò mɛ ŋwaànɛ ɓi yii ànɛ ìtèɗ yɛ̀ɛ ɓi seesèè, fɔɔnnɛ ǹtyweeyi wu ɓi Yeesus wɛɛ kii lɛ, a wɔǹ lɛ kɔɔ̀kɔɔ̀ lɔŋ yɛ̀ɛ ɓi seesee lɔɔ ɓɛsɛ̀ɛ̀ ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 3:5

Ŋwaànɛ̀n à seesèèghà ɓɔ lɛ tɔ̀ntɔ̀n à fèkì nya lɛ ɓɛ ri nyi ɓiì faà com.

MƐ̀KÌKÌÌ MƐ ƁƐKƐ̀NÌ-FÌTOM 3:7

Fɔɔnnɛ à ɓangà ŋwaànɛ̀n ɓi càg ki weèlem à pɛ̀sì nyi mɛ̀rɛy. Lɔŋ ɓi cààmɛ̀n kɔm̀ kiǹ, mɛ̀kòò mii, rì mɛ̀lèŋiɗ mii ɓi ghas kì terì ìtèɗ;

MƐ̀KÌKÌÌ MƐ ƁƐKƐ̀NÌ-FÌTOM 4:10

ɓì ghɛ̀ɛ̀sɛɛ kì yiì ɓɛ̀sɛ̀ɛ̀ ɓɛ̀cèm, kìlɔ̀ŋ ki Isirayɛl ki yi girig lɛ, ŋwaànɛ à rɛrɛlii mìni asu fɛlɛ lɛ syeesyee ɓi nyoo yìì, lɛ ìtèɗ wu ɗii ɗi Yeesus Kiris ànɛ a Nazarɛt, ànɛ ɓìi nkpani ɓi kɔrɔs aɗyoo, nyi nnɛ Bɛ̀ll àa ǹghèmzii yì a ɓìloŋ.

MƐ̀KÌKÌÌ MƐ ƁƐKƐ̀NÌ-FÌTOM 4:7

Fɔɔnnɛ ɓɛ rɛsìghà ɓɛ̀-Pyɛɛri ɓɛɛ̀ Zyaŋ ɓi nyìinyìm wàà, ɓɛ tɔg ɓɔ lɛ: Ɓi-tèɗ aɗi, ǹsoò lɛ̀ ɓi ɗii ɗì ghɛn innɛ ɓìi nwɔ̀ɔ̀zii ŋwaànɛ̀n?

MƐ̀KÌKÌÌ MƐ ƁƐKƐ̀NÌ-FÌTOM 9:34

Nni Pyɛɛri à kpaaghà ŋwaànɛ̀n lɛ: Enee wɔ̀, Yeesus Kiris à wɔ̀ɔ̀zii wɔ̀, pɛ̀sɛn aɗyoo, u pegsɛn ɓyom ɓilɔ̀ŋ ɓyɔɔ. Fɔɔnnɛ ŋwaànɛ̀n à ghàskà kì pɛ̀sɛɛ aɗyoo.

1 KƆ̀RƐ̀ŊTYƐŊ 4:11

Ɓìsii wowog lɛ rì zày, rì kìnɔli, ɓìsi nyoo zɛy, ɓɛ kukwìy ɓìsi, tì ki rereni zi, à kpaŋ ɓi cààmɛ̀n ki.

2 KƆ̀RƐ̀ŊTYƐŊ 6:10

ɓɛ soo ri ɓeeɓeɓsì ɓìsi mɛ̀rem, ɓìsii ri lɔŋ kinyàà rì kìnyàà cààmɛ̀n kìcèm, ɓɛ seesèè lɛ tì rì ɓɛ̀soghàsogha, ɓìsii kuùkùmzì ɓum lɛɛ̀gwey, tyàa soo seèsèèrɛ̀n lɛ tì yin ɗi com, tì rì lɔŋ ri ɓyom ɓìcèm.

2 KƆ̀RƐ̀ŊTYƐŊ 8:12

Syeesyee à rìkɔ̀n ànɛ lɛ mum a fa ɓɔgsì à ti à rɔɔghì Bɛ̀ll, lɛ Bɛ̀ll à ti à tekì rìfa ɗìn à seesèè com ki mum à rì rì kɔ, àa ki à yin ɗi kɔ.

2 KƆ̀RƐ̀ŊTYƐŊ 8:9

Lɛ ɓì yii nɗem wu geesɛ̀n wu Kan wìs Yeesus Kiris; nyi ànɛ à ɓaghà rì ìkum, à ghaasìghà nyimiɗ soghàsogha lɛ di a kumzi mìni rì kìsoghà kii.

ZYAG 2:5

Mìni ɓɛ̀geni ɓɛ̀m ɓɛ nɗem wooghna! Bɛ̀ll à ɓɔ̀ngà ɓɛ̀soghàsogha ɓɛ ɓi ziinɛ lɛ ɓɛɛ ɓa ɓɛ̀guŋgum ɓi rìgherɛ̀n ɓɛ ki ɓa ri gàɓ ɓi kìlɔ̀ŋ kii ki à kàkà ɓumɓɛ ɓɛ ti ɓɛ keesàg nyi.

1 PYƐƐRI 4:10

Yɛ̀ɛ mum ǹcèm ànɛ ɓi mìni à rì rì rìfa ɗi Bɛ̀ll à faghà nyi, kìina kìsay ri rìfa ɗi Bɛ̀ll à faghà mìni ɓi kìrɔɔ ki ɓum ɓɛmbog fɛlɛ yɛ̀ɛ ɓɛ̀syeesyee ɓɛ ɓum ɓɛ ɓɛɛ̀ kɛ̀ɛkɛɛ̀sì geesɛ̀n ì Bɛ̀ll ìnɛ ì ti ì ghɛnàg bee lɛ bee.