MƐ̀KÌKÌÌ MƐ ƁƐKƐ̀NÌ-FÌTOM 3:26 - Bafia Nouveau Testament

²⁶ Mìni yɛɛ ri ɓumɓɛ asu ɓɛ Bɛ̀ll à ɓɔ̀ngà ǹkìì-kìsay wiì ɓisu waa, à rom yì nyi, lɛ a maŋ̀ mìni, di a ki lɛ mum bimiɗ ànɛ ɓi mìni a càɗ ɓìɓeɓtàg ɓii ɓi mɛkìkìì.

MƐ̀KÌKÌÌ MƐ ƁƐKƐ̀NÌ-FÌTOM 3:26 ပူးပေါင်းရင်းမြစ်များ

MATYOO 1:21

À ɓiì yalì man à baŋì, ù ki ròò nyi ɗii lɛ Yeesus, lɛ nnyɛɛ ɓiì kòri kìlɔ̀ŋ kii ɓi ɓìɓe ɓyaa.

MATYOO 15:24

Yeesus à ɓàg lɛ: A ɓɔni jɔ̀ɔ̀ ɓɛ Isirayɛl ɓɛ ɓɛ ɗimgà ɓɔ rì ɓɔ, nnɛ ɓɛ romgày mɛ̀.

LUKAS 24:47

Fɔlɔɔ nnɛ à tumɛ̀n a Yorisalɛm, à kpaŋ ɓi ɓìlɔ̀ŋ ɓìcèm ɓɛ ri ɓiì kpaakpaa kiɓan ki lɛ ɓum ɓɛɛ lɔɔ̀ghrɛn mɛ̀rem di Bɛ̀ll a cenɛn ɓìɓe ɓyaa ɓi ɗii ɗìì.

ZYAŊ 4:22

Lɛ mìniì ɓɔɔɓɔgsì com ki ɓì yii ɓi, ɓìsiì ɓɔɔɓɔgsì com ki tì yii, lɛ gòri ì ɓum ì pɛ̀sɛɛ yì a Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 1:8

Kìɓan kifog ɓì ɓiì terì ìtèɗ wudɛŋ di Kìtɛntɛ̀ɛ̀n ki Nghay ki yuuyì ɓi mìni, fɔɔnnɛ ɓì rì ɓiì ɓaà ɓɛ̀wusìnɛ̀ɗ ɓɛm à tumɛ̀n a Yorisalɛm, à kpaŋ ɓi ziì Zyude bimiɗ, rì a Samari, à kɛ̀n kì kpaŋì a ɓɛ̀yɔ̀ŋyɔ̀ŋ ɓɛ zi.

MƐ̀KÌKÌÌ MƐ ƁƐKƐ̀NÌ-FÌTOM 13:26

Ɓɔɔsoŋ̀! Mìni dòò yi Abiraham rì mìni ɓum ɓɛ zɛy ɓɛ ɓì ti ɓì risàg Bɛ̀ll, ɓɔlɛ à cɛɓ ànɛ, à rì ɓisu wis ɓɛsɛ̀ɛ̀ ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 2:24

Wɔ̀lɛ Bɛ̀ll àa ǹghèmzii nyi, à fùmì nyi bɛn yi riwù, lɛ ki n-yin lɛ ki kilɛ̀n lɛ, rìwu ɗyɛɛ ghaatɛn yì rì nyi.

MƐ̀KÌKÌÌ MƐ ƁƐKƐ̀NÌ-FÌTOM 2:32

Yeesus ànɛ̀n nnɛ Bɛ̀ll àa ǹghèmzii, ɓìsiìcèm tì rì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 26:20

Wɔ̀lɛ ǹka lokà kìkalii ɓumɓɛ a Damas ɓìɓan ɓi Bɛ̀ll, ǹkalì girig ɓumɓɛ a Yorisalɛm rì ɓɛ ɓi zi ì Zyude bimiɗ, à kpagì lɛ rì ɓumɓɛ ɓi ɓìlɔ̀ŋ ɓizɛy miì; ǹkpaakpààghà ɓɔ lɛ, ɓɛɛ lɔɔ̀ghrɛn mɛ̀rem, ɓɛɛ gherɛn Bɛ̀ll ɓɛ ki kì ɓiɓan ɓi ɓyɛɛ resi lɛ, cɛɓ kaa ki ti kìlɔ̀gtɛn.

MƐ̀KÌKÌÌ MƐ ƁƐKƐ̀NÌ-FÌTOM 3:13

Bɛ̀ll à Abiraham, Bɛ̀ll à Isag, Bɛ̀ll à Yakɔɓ, Bɛ̀ll à ɓɛ̀seŋi ɓis yɛɛ faa ǹkìì-kìsay wiì ànɛ lɛ Yeesus rìkem. Yeesus ànɛn nnɛ ɓìi nkàɓi, ɓi ki roòzɛn nyi ɓi mis mɛ Pilat ànɛ àa m̀mɛɛ̀ kì lɛ di àa càri nyi.

MƐ̀KÌKÌÌ MƐ ƁƐKƐ̀NÌ-FÌTOM 3:15

Ɓìi kìi lɛ ɓɛɛ wey ŋwaànɛ à làmii cɛɓ, nyi nnɛ Bɛ̀ll àa ǹghèmzii yì a ɓìloŋ; tìrì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 3:20

Fɔlɔɔ nnɛ Kan à rì ɓiì romìì ɓyààmɛ̀n ɓi rifɔɔsɛ̀n yɛ̀ɛ à rì mìni ɓiì romìì ǹghɛɓsì-ɓum, ànɛ à pègsɛ̀ngà ɓisu wìn. Nnyɛɛ rì Yeesus Kiris.

MƐ̀KÌKÌÌ MƐ ƁƐKƐ̀NÌ-FÌTOM 3:22

Fɔɔnnɛ Moyis à kalìghà lɛ: Kan Bɛ̀ll wìn à romiì gɛ mìni ǹkpaŋzì-ɓìɓan ànɛ à ɓaa gɛ yɛ̀ɛ mɛ̀, à kì ɓa ŋwaànɛ ɓi kìlɔ̀ŋ kin, ɓì ghɛ̀ɛ̀sɛɛ kì woògh com kìcèm ki à kalii gɛ mìni.

MƐ̀KÌKÌÌ MƐ ƁƐKƐ̀NÌ-FÌTOM 3:25

Mìni yɛɛ ri ɓɔn ɓɛ ɓɛkpaŋzì-ɓìɓan, ɓì ki ɓa ti ɓɔn ɓɛ ɓi ɓee ìnɛ Bɛ̀ll à rengà rì ɓɛ̀seŋi ɓìn, yɛ̀ɛ à kalìghà Abiraham lɛ: M̀màŋi gɛ naa yi ɓum yìcèm yi ɓi ziinɛ ɓi jɛ̀m ì dòò yɔɔ.

RÒMƐŊ 1:16

Ɓisuulɛ, ǹ-yin lɛ ǹwog ǹtoòrìɗ ɓi rìghagsì ɗi Syeesyee à Ɓɔlɛ, lɛ à rì ìtèɗ wu Bɛ̀ll wu wɛɛ̀ ghɛɛghɛɓsì ɓum ɓɛ̀cèm ɓɛ ɓɛ gherɛɛ, à tumɛ̀n lɛ Ɓɛ̀yudɛ̀n à kpaŋ lɛ ɓumɓɛ ɓɛ yin Ɓɛ̀yudɛ̀n.

RÒMƐŊ 15:29

Ǹ-yii lɛ, yɛ̀ɛ ǹɗi yù a lɔ̀ŋkin, ǹɗi yuiy rì ɓɛ̀mààgh ɓɛ̀cèm ɓɛ yɛ̀ɛ Kiris.

RÒMƐŊ 15:8

Mɛ̀ ǹkalii mìni lɛ Kiris à ti ǹkìì-kìsay a Ɓɛ̀yudɛ̀n lɛ a resi lɛ Bɛ̀ll a roozag mɛkàg mii, à ki sììrag mɛkàg mɛ à faghà ɓɛ̀seŋi ɓaa ɓɛ ɓɛsɛ̀ɛ̀.

EFÈZYƐŊ 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris, ànɛ à màgà ɓìsi ɓi rìɓa ɗis ɗi tì rì ɓɛ̀ ràrɛn ɗi Kiris, yɛ̀ɛ à faghà ɓìsi ɓɛ̀mààgh ɓɛ nghay ɓɛ̀cèm ɓi ɗyoo ɓi ɗùm.

1 PYƐƐRI 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris; ɓi coo kipuɓì ǹɗem kii, à faghà ɓìsi cɛɓ ki nyɔn yɛ̀ɛ à ghèmzìghày Yeesus Kiris a ɓìloŋ; fɔlɔɔ a fa ɓìsi dyàɓɛn inɛ ì rì cem rì ǹtyweeyi,

1 PYƐƐRI 3:9

Kɛ̀ ɓi rɔ̀ŋ kiɓe ri kìɓe, nsoò lɛ ɓi pɛɛ̀zi fìsɛm ri fìsɛm, lɔŋ com ki ɓì ghɛɛ̀sɛɛ kìkiì ki ri lɛ ɓi maŋ̀maŋ ɓum, lɛ kìɓan ki Bɛ̀ll à reŋìghà mìni miì kɛɛ̀kìn, lɛ ɓi teɗ mɛ̀wus mɛ ɓɛmààgh.

ZYUUDƐ 1:24

Roànɛ à rì rì ìtèɗ wulɛ à ɓèŋ mìni lɛ kɛ̀ ɓi kɛ̀ɓtɛn fiɓàg, à ki kì lɛ ɓi kpaŋ ɓi rìkem ɗii lɛ sɛɛghisɛɛghi kɛ̀ɛ̀ bɛ̀lɛn, ɓi kìnyàà ɓi ɗùm,