MƐ̀KÌKÌÌ MƐ ƁƐKƐ̀NÌ-FÌTOM 3:22 - Bafia Nouveau Testament

²² Fɔɔnnɛ Moyis à kalìghà lɛ: Kan Bɛ̀ll wìn à romiì gɛ mìni ǹkpaŋzì-ɓìɓan ànɛ à ɓaa gɛ yɛ̀ɛ mɛ̀, à kì ɓa ŋwaànɛ ɓi kìlɔ̀ŋ kin, ɓì ghɛ̀ɛ̀sɛɛ kì woògh com kìcèm ki à kalii gɛ mìni.

MƐ̀KÌKÌÌ MƐ ƁƐKƐ̀NÌ-FÌTOM 3:22 ပူးပေါင်းရင်းမြစ်များ

MATYOO 21:11

Ɓìtuu ɓi ɓum ɓìn ɓi ɓaàg lɛ: Yeesus nnyɛɛ ri; à rì ǹkpaŋzì-ɓìɓan anɛ a Naazarɛt ɓi ziì Galile.

LUKAS 13:33

Kìɓan kifog, ǹghɛ̀ɛ̀sɛɛ lɛ ǹghagsi rìkɛ̀ɛ̀ ɗyɛm̀ à tumɛɛ gɛɛ̀nɛ, à kpaŋ rìduri rì mɛ̀ru mɛɓɛɛ̀, ɓisuulɛ ǹkpaŋzì-ɓìɓan a ghɛ̀ɛ̀sɛɛ ɓi ki wiì jàŋ idɛŋ, lɔŋ a Yorisalɛm.

LUKAS 24:19

Yeesus à tɔg ɓɔ lɛ: Kìɓan aɗi kɛɛ nkìlɛɛ wɔ̀ɔ̀? Fɔɔnnɛ ɓɛ ɓakà nyi lɛ: Kìɓan ki ki nkìi Yeesus ànɛ a Naazarɛt, ànɛ mɛ̀kìkìì mii rì ɓìtòkì ɓii, ɓi nɗèresii lɛ, à rì kìtèetèɗ ki ǹkpaŋzì-ɓìɓan ɓi mis mɛ Bɛ̀ll rì ɓi mis mɛ kilɔ̀ŋ kìcèm.

ZYAŊ 1:17

Ɓisuulɛ, ɓìdɔ̀gsɛna ɓi falɛ̀ngà rì Moyis, geesɛ̀n rì saaɗ ɓi yuiy rì Yeesus Kiris.

ZYAŊ 12:46

Mɛ̀ ǹ-yùghà ɓi ziinɛ fɛlɛ yɛ̀ɛ kìtɛɛtɛn, lɛ mum ǹcèm ànɛ à gherɛɛ mɛ̀ kɛ̀ɛ ɓa ɓi birìm.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

ZYAŊ 8:12

Yeesus à tòòghrɛ̀ngà tì rì ɓɔ à kpaa lɛ: Mɛ̀ ǹɗì kìtɛɛtɛn ki ɓi ziinɛ; ŋwaànɛ à nɔ̀ɔ̀tii mɛ̀, àa kɛ̀ɛ̀ghi ɓi ɓi birìm, à rì lɔŋ ɓiì ɓaà rì kìtɛɛtɛn ki cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 7:37

Lɔŋ Moyis ànɛ̀n yɛɛ kpaaghà ɓɔn ɓɛ Isirayɛl lɛ: Bɛ̀ll à romiì gɛ ŋwaàdɛŋ ànɛ ɓi boo yìn i ɓum, lɛ a ɓa ǹkpaŋzì-ɓìɓan fɛlɛ yɛ̀ɛ mɛ̀.

RÒMƐŊ 8:3

Bɛ̀ll à kìghà com ki ɓìdɔ̀gsɛna ɓi ɓaghà ɓi ri ìtèɗ wulɛ ɓi ki, ɓisuulɛ rìɓa ɗis ɗi ɓi mɛ̀mùù ɗi kighà lɛ ɓyɛ̀ kɛɛ̀ ɓa ri ìtèɗ, à rèsìghà lɛ kìɓe ki ɓeɓtɛɛ ɓi nyoo ì mɛ̀mùù, yɛ̀ɛ à romgày Man wiì à nyimiɗ, Man ànɛ̀n à teɗ nyoo ìnɛ ì rì com kìfog rì nyoo ì ɓɛ̀kìì-kìɓe, lɛ a yu kì pisii kiɓè.

RÒMƐŊ 9:5

Ɓɛ ri dòò yi ɓɛseŋi ɓis ɓɛ ɓɛsɛ̀ɛ̀mɛn, fɔɔnnɛ Kiris, ɓi rìyalɛ̀n ɗii ɗi ɓi mɛ̀mùù, à rì ɓi boo yàà, nyi ànɛ à teŋmɛɛ à cee ɓyom ɓìcèm, à ki ɓa Bɛ̀ll ànɛ a keŋkem fiɗyàɓ fikɔ̀ɔ̀. Ààmɛ̀n.

GÀLAT 4:4

Nni yɛ̀ɛ cààmɛ̀n ki Bɛ̀ll nyimiɗ a fèkà ki ghɛɛ̀sɛ̀ngà, nni à romgày Man wiì, à yalɛ̀n ɓi ɗùm ɗi giɓ, à ghɛɓ ɓi rìlàmì ɗi ɓidɔ̀gsɛna ɓi Ɓɛ̀yudɛ̀n,

EBIREEGH 2:1

Kìɓan kiǹ kɛɛ̀ki tì ghɛ̀ɛ̀sɛɛ kì ɓiisɛɛ ki ɓaà ɓɛ̀ sììrɛn ɓi ɓìɓan ɓi tì wokà di tì kɔ̀ni ɓi lɛ, ti ɗyaŋ.

EBIREEGH 5:9

fɔɔnnɛ à ɓaghà lɛ à mɛ teŋzi nyi ɓi nɗɛli wu kɛ̀ɛ ɓa ti ri kìɓan ki ɓɛ fen a lɔ̀ŋkii, nni à ghalà ǹfaà ɓum ɓɛ̀cèm ɓɛ ɓɛ woogh nyi, gòri ì fiɗyàɓ fikɔ̀ɔ̀,

ÀPÒKÀLIƁSƐ̀ 1:1

Àpòkàliɓsɛ̀ à Yeesus Kiris, ànɛ Bɛ̀ll à faghà nyi lɛ a resi ɓɛ̀kìì-ɓìsay ɓii ɓiɓan ɓi ɓi ghɛɛ̀sɛɛ kì kìlɛɛ di maa cààmɛ̀n à ghaghii, ɓyɛɛ̀ɓi à kìghà lɛ ɓum ɓɛɛ yi, yɛ̀ɛ à romgày mum wiì à fìtom yɛ̀ɛ nkìì-kìsay wiì ànɛ lɛ Zyaŋ,