MƐ̀KÌKÌÌ MƐ ƁƐKƐ̀NÌ-FÌTOM 3:20 - Bafia Nouveau Testament

²⁰ Fɔlɔɔ nnɛ Kan à rì ɓiì romìì ɓyààmɛ̀n ɓi rifɔɔsɛ̀n yɛ̀ɛ à rì mìni ɓiì romìì ǹghɛɓsì-ɓum, ànɛ à pègsɛ̀ngà ɓisu wìn. Nnyɛɛ rì Yeesus Kiris.

MƐ̀KÌKÌÌ MƐ ƁƐKƐ̀NÌ-FÌTOM 3:20 ပူးပေါင်းရင်းမြစ်များ

MATYOO 16:27

Lɛ Man à mum à ɓiì yùu ɓi rìkem ɗi Seŋi rì ɓum ɓii ɓɛ titom, nni fɔɔnnɛ à ɓiì lèɓi mum ǹcèm lɔŋ yɛ̀ɛ rìkì ɗii ɗi ri.

MATYOO 24:3

Nni à kɔ̀rìghà ɓi dòn ì ɓɛ̀òlìvyee, ɓɛ̀yilàg ɓii ɓɛ yu nyi kìtɔɔ̀gh a dwìɗ lɛ: Kali ɓìsi fin innɛ kìɓan kiǹ ki ɓiì kìlɛɛ, ù ki fa ɓisi kìrèmzɛnà ki ɓi rìsugtìì ɗyɔɔ, rì rìlèg ɗi zi.

MARIKUS 13:26

Fɔɔnnɛ ɓum ɓɛ ghɛɛ gɛ ɗi Man à mum à rìì ɓi ɓìkwìɗ rì coo itèɗ, rì rìgwey.

LUKAS 19:11

Yɛ̀ɛ ɓum ɓɛ wowòkà ɓìtòkì ɓiì ɓiǹ, nni Yeesus à teetìghà ɓɔ dàɗkì ìdɛŋ ɓisuulɛ, à ɓaghà jàŋbog rì Yorisalɛm, rì tì lɛ ɓum ɓɛ fefèkà lɛ kìlɔ̀ŋ ki Bɛ̀ll ki ghɛɛ̀sɛ̀ngà kì kpaŋì ɓi cààmɛ̀n kɔm̀ kiǹ.

LUKAS 21:27

Fɔɔnnɛ ɓɛ ri min ɓiì ghɛɛ̀ Man à mum di à rìì ɓi kìkwìɗ, lɛ rì coo-tèɗ, rì coo rigwey.

MƐ̀KÌKÌÌ MƐ ƁƐKƐ̀NÌ-FÌTOM 17:31

Ɓisuulɛ à rɛsìghà bimiɗ à ŋwos ànɛ à rì ɓiì yɔ̀mi zi bimiɗ miì, lɔŋ yɛ̀ɛ saaɗ a kɔ̀nkɔ̀n; à ɓɔ̀ngà mum ànɛ à rì ɓiì kìi kisay kiǹ, à fa ɓum ɓɛ̀cèm kìrèmzɛnà ki ki resii lɛ, nnyɛɛ ɓɔngà ŋwaàncèm, yɛ̀ɛ à ghèmzìghày nyi a ɓìloŋ.

MƐ̀KÌKÌÌ MƐ ƁƐKƐ̀NÌ-FÌTOM 3:19

Nni lɔ̀ɔ̀ghrɛɛna min mɛrem, ɓi sugtiì yɛ̀ɛ Bɛ̀ll, di fɔɔnnɛ a tiìsi ɓìɓe ɓin.

MƐ̀KÌKÌÌ MƐ ƁƐKƐ̀NÌ-FÌTOM 3:21

Yeesus ànɛ à ka ghɛ̀ɛ̀sɛɛ kì kɔ̀kɔrii aɗyoo, à kpaŋ ɓi cààmɛ̀n ki ɓɛ ri ɓiì pɛ̀ɛ̀zii ki rɛsii ɓyom ɓìcèm ɓi mɛ̀rɛli mɛ ɓyɔ, lɔŋ yɛ̀ɛ Bɛ̀ll à kpaaghà fìɗyàɓ ɓi myɔm mɛ ɓɛkpaŋzì-ɓìɓan ɓii ɓɛ ɓɛ ɓaghà ɓɛ̀ tɛnɛn.

2 TÈSÀLÒNÌSYƐŊ 2:2

kɛ̀ ɓi càrɛn lɛ mum a fyaŋzi mìni kì nyɛ̀ŋi ɓi syeesyee à ǹɗɛli anɛ ɓì rì miì, nsoò lɛ a syaŋdi mìni bwaɓ ɗi rìkuu ɗi ɗyomzɛ̀n ɗidɛŋ ɗi ǹghay wudɛŋ wu ri lɛ wu fa nyi, nsoò rì jɛ̀ɛ̀ ìdɛŋ, nsoò rì kaàtà ànɛ ɓɛ ri lɛ ɓɛ pwaà mìni lɛ ɓìsi yɛɛ kani, ki pisɛ̀n fɛlɛ yɛ̀ɛ ŋwos a Kan à mɛ kpaŋ.

2 TÈSÀLÒNÌSYƐŊ 2:8

Ajɛ̀m ìnɛn innɛ Kìɓeɓtàg ki mum ki ɓiì rèsɛɛ yi, Kan à wey kɔ rì cɔ̀ŋzɛn ki ki kpaŋiì nyi ɓi ŋwɔm, à tììsì kɔ rì kìtɛɛtɛn ki ɓi rìsugtìì ɗii.

EBIREEGH 9:28

fɔlɔɔ nnɛ Kiris ànɛ à falɛ̀ngà nyimiɗ gɛ̀n bog ɓi gɛ̀n yicèm lɛ a tɛg ɓìɓe ɓi ɓum lɛɛ̀gwey à rì ɓiì ɓììtii ti kìrèsɛɛ ɓi gɛ̀n i kìɓɛ̀ɛ̀ kɛ̀ɛ̀ kìɓe a ɓumɓɛ ɓɛɛ̀ ɓoŋɓoŋ nyi lɛ a kweɗ ɓɔ.

ÀPÒKÀLIƁSƐ̀ 1:7

Ghɛɛna à rìì ɓi ɓìkwìɗ, ɓum ɓɛ̀cèm ɓɛ ri nyi ɓiì ghɛɛ̀, nsoò ɓɛ̀roɓɛ ɓɛ tuɓkà nyi bèn. Fɔɔnnɛ mɛ̀kuu mɛ ɓum mɛ̀cèm mɛ ɓi ziinɛ mɛ ri seeghkɛɛ gɛ ɓisu wii. Ɛ̀ɛ̀ ki ɓaa gɛ fɔlɔɔ. Ààmɛ̀n.