MƐ̀KÌKÌÌ MƐ ƁƐKƐ̀NÌ-FÌTOM 3:15 - Bafia Nouveau Testament

¹⁵ Ɓìi kìi lɛ ɓɛɛ wey ŋwaànɛ à làmii cɛɓ, nyi nnɛ Bɛ̀ll àa ǹghèmzii yì a ɓìloŋ; tìrì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 3:15 ပူးပေါင်းရင်းမြစ်များ

LUKAS 24:48

Ɓì rì ɓɛ̀wusìnɛ̀ɗ ɓɛ ɓi kìɓan kiǹ.

ZYAŊ 1:4

Cɛɓ ki ɓaghà ɓi Jɛ̀ɛ̀ ìnɛn, cɛɓ kìn ki ki fafa ɓum kìtɛɛtɛn.

ZYAŊ 10:28

Ǹti ǹfalàg yɔ cɛɓ ki fiɗyàɓ fikɔ̀ɔ̀, yàa wu ɓi nsoò ŋwos bog, mum à ki yin lɛ à ɓàtɛ̀n yɔ ɓi càg kɛm̀.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

ZYAŊ 17:2

Fɛlɛ yɛ̀ɛ ù faghà nyi ìtèɗ wu lɛ a lami ɓum ɓɛ̀cèm, à fa ɓɛ̀sɛ̀ɛ̀ ɓɛ̀cèm ɓɛ ù faghà nyi cɛɓ ki fiɗyàɓ fikɔ̀ɔ̀.

ZYAŊ 4:10

Fɔɔnnɛ Yeesus à ɓàkà giɓ anɛ̀n lɛ: I wàa yii rìfa ɗi Bɛ̀ll, ù ki yi roànɛ à lɔni wɔ̀ mɛ̀nig mɛ nɔyɛn, di wɔ̀ yaa rì lɛ, ù lɔn nyi mɛ̀nig mɛ noyɛn, di àa ki faa wɔ̀ mɛ̀nig mɛ cɛɓ.

ZYAŊ 4:14

Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

ZYAŊ 5:26

Lɛ fɛlɛ yɛ̀ɛ Seŋi à rì rì ìtèɗ wu fayɛn cɛɓ, fɔɔnnɛ à kìghà lɛ, Man a ɓa girig rì ìtèɗ wu fayɛn cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 1:22

à tumɛ̀n lɔŋ yɛ̀ɛ Zyaŋ à ɓàɓtìghà nyi à kpaŋ yɛ̀ɛ àa m̀pɛsɛɛ ɓi nyìinyìm wìs a ɓɔg aɗyoo, kìbog ki ɓi ɓɔ kɛɛ ɓasɛn ɗì ɓìsi lɛ kɛɛ ɓa wusìnɛ̀ɗ ɓi rìghèmɓɛ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 2:24

Wɔ̀lɛ Bɛ̀ll àa ǹghèmzii nyi, à fùmì nyi bɛn yi riwù, lɛ ki n-yin lɛ ki kilɛ̀n lɛ, rìwu ɗyɛɛ ghaatɛn yì rì nyi.

MƐ̀KÌKÌÌ MƐ ƁƐKƐ̀NÌ-FÌTOM 2:32

Yeesus ànɛ̀n nnɛ Bɛ̀ll àa ǹghèmzii, ɓìsiìcèm tì rì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 4:2

Nni ɓɛ wokà bim yɛ̀ɛ ɓɛ tanɛ̀ngà lɛ ɓɛ̀-Pyɛɛri ɓɛɛ̀ rèresi ɓum ɓìɓan ɓi Bɛ̀ll, ɓɛ ɓuŋɓùŋ kìɓan ki rìghèmɓɛ̀n ɗi Yeesus, ɗì rìghèmɓɛ̀n ɗi ɓiloŋ.

MƐ̀KÌKÌÌ MƐ ƁƐKƐ̀NÌ-FÌTOM 5:31

Nyi nnɛ Bɛ̀ll àa m̀pɛ̀sii aɗyoo, rì weèlem wìì, lɛ a ɓa lɛ, nyi rìfòm, nyi ǹghɛɓsì-ɓum ànɛ à rì ɓiì nɛmì Isirayɛl bee ìnɛ lɛ ɓɛɛ lɔɔ̀ghrɛn mɛ̀rem di Bɛ̀ll a cenɛn ɓɔ ɓìɓe ɓyaa.

1 KƆ̀RƐ̀ŊTYƐŊ 15:45

Kìɓan kiǹ kɛɛ̀ki ki ri miì kìkànɛn lɛ: Mum à ǹtonto ànɛ lɛ Adam à ghalà com ki kɛɛ̀ ghɛghɛ̀ɓ; Adam à siitòn à ti nghay wu wɛɛ̀ fafa cɛɓ.

EFÈZYƐŊ 1:20

Wɛɛ̀wu à kìghà kìsay ri wɔ, yɛ̀ɛ à ghèmzìghày Kiris a ɓìloŋ, à kɔ̀ɔ̀sì nyi ɓi weèlem wìì ɓi ɗyoo ɓi ɗùm.

EBIREEGH 12:2

Tì seesèè lɔŋ Yeesus ànɛ rìgherɛ̀n ɗis ɗi sasaghii nto ɓi nyi, à tumɛ̀n a rìtumɛ̀n à kpaŋ a rìsugtɛ̀n. Yeesus ànɛ̀n yɛɛ cenɛ̀ngà rìwu ɗi ɓi Kɔrɔs, kɛ̀ɛ tɔg com rì ntoòrìɗ wu à wokà, lɛ à seesèèghà kìrɔɔ ki ki ɓoŋɓòŋgà nyi; ɓi gomìnɛ, à kɔ̀kɔrii ɓi weèlem à ìkɔ̀ɔ̀ wu rilàmì wu Bɛ̀ll.

EBIREEGH 2:10

Ɓisuulɛ Bɛ̀ll ànɛ à kìghà ɓyom ɓìcèm, ànɛ à ki rì rì ɓyom ɓìcèm, nnyɛɛ̀ ki kìghà lɛ ɓɔn lɛɛ̀gwey ɓɛɛ teɗ gàɓ ɓi rìkem ɗii, ɓi bee ì rìkɛŋ, a ki lɛ Yeesus ànɛ à rì ǹto wu gòri yàà, a kpaŋ ɓi nɗɛli wu, kɛ̀ɛ ɓa ri kìɓan ki fenɛn a lɔ̀ŋkii.

EBIREEGH 5:9

fɔɔnnɛ à ɓaghà lɛ à mɛ teŋzi nyi ɓi nɗɛli wu kɛ̀ɛ ɓa ti ri kìɓan ki ɓɛ fen a lɔ̀ŋkii, nni à ghalà ǹfaà ɓum ɓɛ̀cèm ɓɛ ɓɛ woogh nyi, gòri ì fiɗyàɓ fikɔ̀ɔ̀,

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.

ÀPÒKÀLIƁSƐ̀ 21:6

Nni à kpaghà mɛ̀ lɛ ki leègh. Ǹɗì Alfà rì Òmegà, rìtumɛ̀n ɗì rìsugtɛ̀n. Ŋwaànɛ a wowog kinɔli, nnɛ ǹɗì ɓiì faà ǹsim à mɛ̀nig mɛ cɛɓ zɛy rì zɛy, kɛ̀ɛ kòòsɛn.

ÀPÒKÀLIƁSƐ̀ 22:1

Fɔɔnnɛ ŋwaà-fìtom a rèsìghà mɛ̀ rìɓày à mɛ̀nig mɛ cɛɓ, ànɛ à ɓaghà lɛ saŋì-saŋì yɛ̀ɛ kìpɛsà ki ŋwii; rìɓày ànɛn à kpaŋkpàŋgày ɓi-kɔ̀ɔ̀ wu rilàmì wu Bɛ̀ll rì wu Man à jɔ̀ɔ̀.

ÀPÒKÀLIƁSƐ̀ 22:17

Ǹghay rì gurà ɓyɛɛ̀ kpaakpaa lɛ: Yuiy. Ŋwaànɛ à woogh kìɓan kiǹ à kpaa girig lɛ yuiy. Ŋwaànɛ a wowog kinɔli, à ghɛ̀ɛ̀sɛɛ kì yùu, ŋwaànɛ à kɔ̀ni, à teɗ mɛ̀nig mɛ cɛɓ zɛy, kɛ̀ɛ kòòsɛn.