MƐ̀KÌKÌÌ MƐ ƁƐKƐ̀NÌ-FÌTOM 3:14 - Bafia Nouveau Testament

¹⁴ Ɓìi nɗoòzɛɛ roànɛ àa nɗì ǹtɛnɛn à ki ɓa ti lɛ saaɗ, ɓi tɔg Pilat lɛ a caɗ roànɛ àa nɗì ǹwolì-ɓum.

MƐ̀KÌKÌÌ MƐ ƁƐKƐ̀NÌ-FÌTOM 3:14 ပူးပေါင်းရင်းမြစ်များ

MATYOO 27:20

Ɓɛ̀pìrɛɛtìrɛ̀ ɓɛgwey rì ɓɛ̀sɛ̀ɛ̀mɛn ɓɛ toosìghà gɛmum ànɛ à ɓaghà wɔɔ lɛ ɓɛɛ tɔg Pilat lɛ a caɗ Ɓaraɓas, Yeesus ìnnɛ ɓɛɛ wey.

MARIKUS 1:24

Fɔɔnnɛ ŋwaànɛ̀n à syangà jɛ̀ɛ̀ aɗyoo lɛ: Ki rì wɔ̀ la ri ɓìsi, Yeesus ànɛ a Naazarɛt! wàa yùu yì fɛ lɛ u cuùsi ɓìsi? Mɛ̀ ǹkonaagh ki yiì rìkuu ɗi mum ɗi ù rì; wɔ̀ yɛɛ ri roànɛ à rì ǹtɛnɛn, lɛ Bɛ̀ll yɛɛ romiì wɔ̀.

MARIKUS 15:11

Wɔ̀lɛ ɓɛ̀pìrɛɛtìrɛ̀ ɓɛgwey ɓɛ toosìghà gɛ mum ànɛ̀n lɛ ɓɛɛ tɔg Pilat lɛ, Ɓaraɓas nnɛ a caɗ.

MARIKUS 15:7

Fɔɔnnɛ ŋwaàdɛŋ lɛ Ɓaraɓas, à ɓaghà ɓi naà-zày, nɗaŋ rì ɓum ɓɛdɛŋ lɛ ɓɛ wolà mum di ɓɛ ɓigtii wɛ̀y ri kìlàmì.

LUKAS 1:35

Ŋwaàfìtom a pɛ̀ɛ̀zì nyi lɛ: Kìtɛntɛ̀ɛ̀n ki Nghay ki rì ɓiì yùu a lɔ̀ŋkɔɔ, fɔlɔɔ nnɛ ìteɗ wu Bɛ̀ll ànɛ à teŋmɛɛ kɛ̀ɛ̀ vèg wu rì wɔ̀ ɓiì ɓyɔɔ. Fɔlɔɔ nnɛ ɓɛ ri regi kìtɛntɛ̀ɛ̀n ki Man ki ù ɓiì yalì lɛ: Man à Bɛ̀ll.

LUKAS 23:25

Fɔɔnnɛ à càɗkà ŋwaànɛ à ɓaghà ɓi naà-zày ɓisuu kiɓan ki wɛ̀y, rì ki lɛ à wolà mum, lɛ nyi nnɛ ɓɛ tɔkà lɛ ɓɛɛ caɗ; wɔ̀lɛ à fa ɓɔ Yeesus lɛ ɓɛɛ ki rì nyi yɛ̀ɛ ɓɛ kɔnì.

ZYAŊ 16:10

Mɛ ɓa zɛ̀ɗ ɓi kìɓan ki saaɗ ɓisuulɛ, mɛ̀ ǹkɛ̀ɛ yɛ̀ɛ Tààta, ɓyàa ghɛɛ̀di ɓi mɛ.

ZYAŊ 18:40

Fɔɔnnɛ ɓɛ tumɛ̀ngà tì rìkpaa jɛ̀ɛ̀ aɗyoo lɛ: Èe èe àa nyi, lɔŋ Ɓaraɓas innɛ u caɗ. Kɔlɛ Ɓaraɓas à ɓaghà zyaàzyaa.

MƐ̀KÌKÌÌ MƐ ƁƐKƐ̀NÌ-FÌTOM 13:28

Nsoò yɛ̀ɛ ɓɛ ghɛngà ɓi ǹto wu kiɓan wu ɓɛɛ wey nyi miì, ɓɛ tɔkà Pilat lɛ a kali ɓɛɛ wey Yeesus.

MƐ̀KÌKÌÌ MƐ ƁƐKƐ̀NÌ-FÌTOM 2:27

Lɛ, wàa rini ɓi ǹghay wɛ̀m a ǹyɔ̀ɛ̀y ìsuùcèm, kɔ̀ɔ ki gherɛn lɛ ǹkìì-kìsay wɔɔ̀ ànɛ àrì ǹtɛnɛn a ɓwɛy ɓi zɔ̀ŋ.

MƐ̀KÌKÌÌ MƐ ƁƐKƐ̀NÌ-FÌTOM 22:14

Nni Ananyas à kpaaghà mɛ̀ lɛ: Bɛ̀ll à ɓɛ̀seŋi ɓis à lokà wɔ̀ kì ɓɔ̀ni lɛ, u yi rìkɔ̀n ɗii, ù ghɛn m̀bobog à mum ànɛ à rì lɛ saaɗ ù ki wog jɛ̀ɛ̀ ìnɛ ì kpaŋiì ɓi ŋwɔm wìì;

MƐ̀KÌKÌÌ MƐ ƁƐKƐ̀NÌ-FÌTOM 4:27

Ɓi saaɗ, ɗì Eroodɛ rì Pɔŋs-Pilat ɓɛ mɓasɛɛ rì ɓɛ̀kèn, ri mɛ̀kuu mɛ a Isirayɛl ɓi ban ìnɛ, lɛ ɓɛɛ ɗuù rì Yeesus ànɛ à rì ǹkìì-kìsay wɔɔ̀ à ǹtɛnɛn ànɛ ù rɛsìghà.

MƐ̀KÌKÌÌ MƐ ƁƐKƐ̀NÌ-FÌTOM 5:28

à kpaa lɛ: Mɛ̀ɛ ǹti tìi ǹɗɔ̀gsɛɛ mìni syeesyee à rìrɔ̀gsɛ̀n lɛ, kɛ̀ ɓi rèsi ti mum ɗii dìn? Nni ghɛɛna com ki ɓì kìi, ɓì sààtii rìrèsì ɗiǹ ɓi bàn ì Yorisalɛm bimiɗ, ɓi kì kɔ̀n yɛ̀ɛ di ɓyàa saghii ɓìsi rìwu ɗi ŋwaànɛ̀n ɓi ǹto.

MƐ̀KÌKÌÌ MƐ ƁƐKƐ̀NÌ-FÌTOM 7:52

Ǹkpaŋzì-ɓìɓan abe nnɛ ɓɛ̀seŋi ɓin ɓɛ rɔɓkà lɛ ɓɛ tɔɓi ɓì? Ɓɛ cuusìghà kɔm̀ ɓɛ̀roɓɛ ɓɛ woòwògsìghà ɓum rìyù ɗi m̀bobog à mum ànɛ à rì lɛ saaɗ. Nni ɓigomìnɛ, ŋwaàncèm ànɛn innɛ ɓì mɛ kì lɛ, ɓì tɔ̀kɛ̀n, ɓi ki wey.

2 KƆ̀RƐ̀ŊTYƐŊ 5:21

Roànɛ à kìghà ɓi kiɓe nsoò ŋwos bog, Bɛ̀ll à ghaasìghà nyi kìɓe ɓisu wis, lɛ di ti ghɛn kìrɔɔ ɓi kìsay ki Bɛ̀ll à kìghà lɛ ti ɓa ɓum ɓɛ saaɗ ɓi mis mìì.

ZYAG 5:6

Ɓì rengà lɛ ɓɛɛ yeesi ɓumɓɛ ɓɛ ɓaghà kɛ̀ɛ̀ kìɓan, ɓì ki wey ɓɔ, ɓɔɔ kɔrì ɓɛ kɛɛ̀ ram ɓyàg lɛ ɓɛɛ ɗuù rì mìni.

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.

1 ZYAŊ 2:1

Ɓɔn ɓɛm, ǹkàni mìni kìɓan ki lɛ, di kɛ̀ ɓi kì kiɓe; wɔ̀lɛ i ki kpaŋi lɛ wààdɛŋ ù kìi kìɓe, tì rì rì ŋwaànɛ a kamɛn ɗì ɓìsi jàŋbog rì Tààta, nnyɛɛ ri Yeesus Kiris ànɛ à rì saaɗ à mum.

ÀPÒKÀLIƁSƐ̀ 3:7

Kàna ŋwaà-fìtom anɛ ɓi Kìseŋi ki a Filadɛlfii lɛ: Roànɛ à rì lɛ nyi ǹtɛnɛn, nyi lɛ saaɗ, ànɛ à ki ɓanɓani fìɗìɓà fi Davit, nyi yɛɛ ri lɛ, i à ŋwàri, ŋwaàdɛŋ à yin lɛ à sìm, i à ki sìmi, ŋwaàdɛŋ kɛ̀ɛ ŋwàɗ, a kpaaghi lɛ: