MƐ̀KÌKÌÌ MƐ ƁƐKƐ̀NÌ-FÌTOM 28:8 - Bafia Nouveau Testament

⁸ Seŋi Puɓilyus à ɓaghà ǹnɔ̀nɔŋiyɛn ɓi zi, lɛ à ɓaghà rì bàɓ-bàɓ ɓi nyoo, ɗùm ɗi bwaɓ ɗi ki kìki nyi. Nni Pol à ɗiŋìghà ɓi naa yɛ̀ɛ tààta ànɛ̀n, à ɓɔ̀ŋzì Bɛ̀ll, à saghì nyi ɓyàg ɓi nyoo, à wɔ̀ɔ̀zì nyi.

MƐ̀KÌKÌÌ MƐ ƁƐKƐ̀NÌ-FÌTOM 28:8 ပူးပေါင်းရင်းမြစ်များ

MATYOO 10:1

Nni Yeesus à reŋìghà ɓɛ̀yilàg ɓii ǹtɛ̀ɗ rì ɓɛɓɛɛ̀, à fa ɓɔ ìtèɗ wu ɓɛɛ kiki lɛ, ɓɛ nanàɓ ɓìɓeɓtàg ɓi mɛghay, ɓɛ wɔɔ̀wɔ̀ɔ̀zì tìroɓ rì ɓìlɛm mɛ̀kuu mɛ̀cèm.

MATYOO 10:8

Wɔ̀ɔ̀ziina ɓɛ̀roroɓ, ɓì ghèèghèmzì ɓìloŋ, ɓì kì lɛ ɓɛ̀kukwiy ɓɛɛ ɓa ti lɛ syeesyee ɓi nyoo yàà, ɓi ki nànaɓ ɓiɓeɓtàg ɓi mɛghày; Yɛ̀ɛ ɓì làagh ɓi itèɗ wiǹ, ghɛɓsiina girig ɓum, kɛ̀ ɓi tɔg ɓɔ com.

MATYOO 12:13

Yeesus à kpaa min ŋwaànɛ à ɓaghà rì kìɓɔmà ki càg lɛ: Nàma càg. Ŋwaànɛ̀n à nàm; càg kii kiǹ ki sugtì lɛ syeesyee yɛ̀ɛ kim̀bog.

MATYOO 9:18

Yɛ̀ɛ Yeesus à ɓaghà di a ka tòtog fɔlɔɔ ri ɓɔ, nni rìfòm ɗi Ɓɛ̀yudɛ̀n ɗiɗɛŋ ɗi yughày ɗi ɓag nyi mɛ̀ɗu asu, ɗi kpaa lɛ: Gɔ̀n yɛ̀m ì wii yì lɔŋ ɓigomìnɛ, nni yu, u saagh yɔ̀ ɓyàg ɓi nyoo di yɛ̀ɛ ghemɓɛn.

MARIKUS 16:18

Ɓɛ ɓiì ɓanì nyoo rì ɓyàg, ɓɛ ki nɔ nsoò ìrɔ̀g, com kɛ̀ kɛɛ̀ kì ɓɔ; ɓɛ ri ɓiì saghii ɓɛroroɓ ɓyàg ɓi nyoo, ɓɛ̀roroɓ ɓɛ wɔngì.

MARIKUS 5:23

A ki ɓɔ̀ŋzag nyi, à sììrɛ̀n ɓi bɔ̀ŋzɛ̀n ìnɛn, à kpaakpàà lɛ: Maa ŋwɔɓti wɛ̀m à giɓ a kɔ̀ɔkɔɔ̀sì, nni yu, u saagh nyi ɓyàg ɓi nyoo, di fɔɔnnɛ à wɔǹ, à ki ɓa ti ri cɛɓ.

MARIKUS 6:5

Fɔɔnnɛ à kìghà ɓi dàm wɔɔ nsoò bog, i ki cee ɓi lɛ, gàɓ ì ɓɛ̀roroɓ ìnɛ a wɔ̀ɔ̀zìghà di à saghii ɓɔ ɓyàg ɓi nyòò.

MARIKUS 7:32

Ɓɛ yughày nyi rì lɔlɔg adɛŋ ànɛ à yighà ɓi ritòòghrɛ̀n, ɓɛ ɓɔŋzàg nyi lɛ a saagh ŋwaànɛ̀n ɓyàg ɓi nyòò.

LUKAS 13:13

Fɔɔnnɛ à saghìghà min nyi ɓyàg ɓi nyòò, giɓ anɛ̀n à sugtì kì rɛlii lɛsaaɗ lɔŋ a-kɔ̀ɔ̀, à ghagsɛ̀n ɗì rìɓɔgsì ɗi Bɛ̀ll.

LUKAS 4:40

Di ŋwos a mɛ nɔ̀ŋì, ɓum ɓɛ̀cèm ɓɛ ɓɛ ɓaghà rì ɓɛ̀roroɓ mɛ̀kuu mɛ̀kuu, ɓɛ yughày nyi rì ɓɔ, fɔɔnnɛ à sasàghìghà ɓɔ ɓyàg ɓi nyoo, a wɔ̀ɔ̀wɔ̀ɔ̀zì ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 28:7

Rìfòm ɗi ɓi kìrìŋ ki riɓày kiǹ ɗi ɓaghà wɔɔ ri fyòomà jàŋbog; rìfòm diǹ ɗi ɓaghà ɗii lɛ Puɓilyus; ɗi ghaɓkà ɓìsi a mɛɛ mii lɛ syeesyee, tì lay wɔɔ mɛru mɛraa.

MƐ̀KÌKÌÌ MƐ ƁƐKƐ̀NÌ-FÌTOM 28:9

Ajɛ̀m ìnɛn nnɛ ɓɛ̀roroɓ ɓɛdɛŋ ɓɛ ɓi kìrìŋ ki riɓày ɓɛ yughày, à wɔ̀ɔ̀zì girig ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 9:40

Nni Pyɛɛri à kpaŋzìghà min ɓum ɓɛ̀cèm ɓidan, à ɓag mɛ̀ɗu ɓi zi, à ɓɔ̀ŋzàg Bɛ̀ll, ajɛ̀m ìnɛn à lɔ̀ɔ̀ghrɛ̀n min ɓi ɓɛg à kìloŋ à kpaa lɛ: Taɓita wɔ̀, pɛ̀sɛn aɗyoo! Nni à ŋwàɗkà min mis à ghɛn Pyɛɛri, à pɛ̀sɛ̀n kìkɔ̀ɔ̀kɔ̀ɔ̀.

1 KƆ̀RƐ̀ŊTYƐŊ 12:28

Nni Bɛ̀ll à rɛsàkà ɓum ɓi kìseŋi kii fɛlɛ̀: Asu ɓɛ̀kɛ̀nì-fìtom, ɓɛ̀kpaŋzì-ɓìɓan ɓɛ ɓɔ̀ɓ, ɓɛ̀rèsàg ɓɛ yuiy ɓi nɗɛli wu kiraa, ajɛ̀m ìnɛn, rìfa ɗi lɛ ɓum ɓɛɛ kiki dàm ɗi nɔɔ̀tì, mɛ̀faà mɛ yɛ̀ɛ mɛ riwɔ̀ɔ̀wɔ̀ɔ̀zì ɗi ɓɛ̀roroɓ, rì rìghɛɛghɛ̀ɓsì ɗi ɓum ɓɛ nyìinyìg, rì ɗìyi ɗi rilàmì, rì rìtòtòg ɗi ɓitòkì mɛ̀kuu mɛ̀kuu.

1 KƆ̀RƐ̀ŊTYƐŊ 12:9

M̀bobog à Ǹghay ànɛ̀n à fa roàdɛŋ rìgherɛ̀n, à fa roàmbog ìtèɗ wu wɔ̀ɔwɔɔ̀zìyɛ̀n ɓɛ̀roroɓ.