MƐ̀KÌKÌÌ MƐ ƁƐKƐ̀NÌ-FÌTOM 28:26 - Bafia Nouveau Testament

²⁶ Kɛ̀na u kpaà kìlɔ̀ŋ kiǹ lɛ: Ɓì ɓiì ɓaà lɛ ɓì soo woogh lɛ syeesyee kɛ̀ ɓi yì, ɓì ri ki seesèè lɛ syeesyee kɛ̀ ɓi ghɛn

MƐ̀KÌKÌÌ MƐ ƁƐKƐ̀NÌ-FÌTOM 28:26 ပူးပေါင်းရင်းမြစ်များ

MARIKUS 4:12

lɛ kɛɛ ɓa lɛ, nsoò ɓaa seesèè lɛ tɛntɛ̀ɛ̀n, ɓɛ̀ kɛɛ̀ ghɛn, ɓɛ ri ki wog lɛ syeesyee, ɓɛ̀ kɛɛ̀ yi, lɛ di ɓɛ̀ kɛɛ̀ ki ɓa lɛ ɓɛ lɔɔ̀ghrɛ̀n mɛ̀rem, Bɛ̀ll à ki cenɛn ɓɔ ɓìɓe ɓyaa.

LUKAS 24:25

Fɔɔnnɛ Yeesus à kpaaghà min ɓɔ lɛ: Mìni ɓum ɓɛ kɛ̀ɛ̀ ɗyomzɛ̀n, ɓɛ mɛ̀rem mɛ ti mɛ̀ kɛɛ̀ fyaŋzi ki gherɛɛ ɓiɓan ɓi ɓɛ̀kpaŋzì-ɓìɓan ɓɛ kpaaghà,

LUKAS 24:45

Fɔɔnnɛ Yeesus à nɛmgà min ɗyomzɛ̀n ɗyaa, lɛ ɓɛɛ wog ɓìɓan ɓi ɓi ri ɓì kànɛn ɓi kaàtà à Bɛ̀ll.

LUKAS 8:10

Nni Yeesus à ɓakà ɓɔ lɛ: Ɓi ɓɛg wìn, Bɛ̀ll à mɛ rèsi mini ɓìɓan ɓi ɓi kìlɔ̀ŋ kii, ɓi ɓi ɓaghà di ɓi kaka a rìnyam, wɔ̀lɛ ɓi ɓɛg ànɛ a ɓum ɓɛmbog, ɓìɓan ɓi ɓi ri ɓɔ yɛ̀ɛ dàɗkì lɛ di ɓɛɛ ɓa lɛ, ɓaa soo seesèè, ɓɛ̀ kɛɛ̀ ghɛn, ɓaa soo ki wowòg, ɓɛ̀ kɛɛ̀ yi.

MƐ̀KÌKÌÌ MƐ ƁƐKƐ̀NÌ-FÌTOM 28:25

Nni yɛ̀ɛ ɓɛ pɛsɛ̀ngà rìsug, di ɓɛ mɛ rɔ̀ɓ kɛ̀ ɓɛɛ̀ wooghrɛn jɛ̀ɛ̀, com ki Pol à kpaatìghà ɓɔ ki ɓaghà lɛ: Kìtɛntɛ̀ɛ̀n ki Nghay ki kpaghà lɔŋ saaɗ yɛ̀ɛ ki kalìghà rì ɓɛ̀seŋi ɓin ɓi ŋwɔm wu ǹkpaŋzì-ɓìɓan Ezayii lɛ: