MƐ̀KÌKÌÌ MƐ ƁƐKƐ̀NÌ-FÌTOM 28:23 - Bafia Nouveau Testament

²³ Fɔɔnnɛ ɓɛ faghà nyi ǹkàg wulɛ ɓɛɛ ghɛnɛn, nni ɓɛ yughày kìtuu lɛ ɓɛɛ ghɛǹ nyi a mɛɛ mii. Ɓi ɓìtòkì ɓii, Pol à kalìghà ɓɔ kìɓan ki ki taataa kìlɔ̀ŋ ki Bɛ̀ll, à ki kaakaa bee lɛ rì ɓi ɓìdɔ̀gsɛna ɓi Moyis, rì ɓi ɓɛ̀kpaŋzì-ɓìɓan, lɛ a ki lɛ ɓɛ̀ kɛɛ̀ teeti nyoey ɓi kìɓan ki Yeesus. A tòkàkà rì ɓɔ fɔlɔɔ à tumɛ̀n sariwa à kpaŋ cɛŋkò.

MƐ̀KÌKÌÌ MƐ ƁƐKƐ̀NÌ-FÌTOM 28:23 ပူးပေါင်းရင်းမြစ်များ

MARIKUS 4:34

Àa ǹti kɛ̀ɛ tòòghrɛn ri ɓum kɛ̀ɛ̀ dàɗkì, kìɓan kifog àa ǹti à kìlàg lɛ, i àa rɔ̀ɓ ri ɓɛ̀yilàg ɓii ɓɔ rì ɓɔ, à tɛɛ̀zì ɓɔ ɓìɓan ɓìcèm ɓi ɓi dàɗkì yiǹ.

LUKAS 16:28

A kɛǹ ɓɔ kìwogsii ɓiɓan ɓi, di ɓɛ̀ kɛɛ̀ yù girig ɓi jàŋ i rìkɛŋ ìnɛ mɛ̀ ǹɗi miì ìnɛ.

LUKAS 24:44

Nni à kpaaghà ɓɔ lɛ: Ɓì ghɛɛ kìɓan ki ǹkpaaghà mìni di ǹkaka rì mìni lɛ: Ki ghɛɛ̀sɛɛ lɛ ɓìɓan ɓìcèm ɓi ɓi ri ɓì kànɛn ɓisu wɛ̀m ɓi ɓɛ̀kaàtà ɓɛ Moyis rì ɓɛ ɓɛkpaŋzì-ɓìɓan, rì ɓi ɓɛ̀sam ɓyɛɛ kilɛn?

ZYAŊ 4:34

Yeesus à kpaa ɓɔ lɛ: Ɓìɗilàg ɓyɛm̀ ɓi ri lɛ nki rìkɔ̀n ɗi roànɛ à romgày mɛ̀, ǹki lègsi kisay ki à faghà mɛ̀.

MƐ̀KÌKÌÌ MƐ ƁƐKƐ̀NÌ-FÌTOM 1:3

Ajɛ̀m ì rìwu ɗii, à rèsɛ̀ngà ɓɔ, à ki rèsi ɓɔ ɓìrèmzɛnà lɛɛ̀gwey ɓi lɛ ɓɛɛ yi lɛ à rì cem; à rèsɛ̀ngà a lɔ̀ŋkaa, mɛ̀ru mɛ̀tin mɛɓɛɛ̀, à kakàlì ɓɔ ɓìɓan ɓi ɓi seesee kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 18:28

lɛ àa ǹti à ciìzàg Ɓɛ̀yudɛ̀n lɛ kɔɔ̀kɔɔ̀ di ɓɛɛ̀ ǹyoonyolɛ̀n ɓi gwìy. À rèrèsì ɓɔ, di a ɓaaɓaàzì rì kaàtà à Bɛ̀ll lɛ, Yeesus à rì Kiris.

MƐ̀KÌKÌÌ MƐ ƁƐKƐ̀NÌ-FÌTOM 18:4

Gòn yi Saɓàt yìcèm, Pol àa ǹtòòghraagh ɓi naà-bɔ̀nzɛ̀n lɛ à kaakààghà bee lɛ a syoŋ̀ lɛ rì Ɓɛ̀yudɛ̀n rì Gìrɛg.

MƐ̀KÌKÌÌ MƐ ƁƐKƐ̀NÌ-FÌTOM 19:8

Nni Pol à ɗiŋìghà ɓi naà-bɔ̀ŋzɛ̀n, à tòòghrɛ̀n wɔɔ lɛ tɛntɛ̀ɛ̀n, à kurɛ̀ngà rì ɓɔ ɓɛ̀ŋwii ɓɛraa ɓi ɓìɓan ɓi ɓi seesee kìlɔ̀ŋ ki Bɛ̀ll, à kaakàà bee inɛ a ki lɛ ɓumɓɛ ɓɛ wowòkà ɓìtòkì ɓii, ɓɛɛ gherɛn ɓìɓan ɓi à kpaakpààghà.

MƐ̀KÌKÌÌ MƐ ƁƐKƐ̀NÌ-FÌTOM 23:11

Yɛ̀ɛ ìru wu fingà, Kan à rèsɛ̀n Pol à kpaa nyi lɛ: Pol, kɔ̀ɔ càrɛn! Lɔŋ yɛ̀ɛ wɔ̀ɔ ǹlòmi kìtɛɛtɛn ɓi kìɓan ki ki seesee mɛ̀ a Yorisalɛm, nnɛ ù ghɛ̀ɛ̀sɛɛ tì kì lòmì aà Rom.

MƐ̀KÌKÌÌ MƐ ƁƐKƐ̀NÌ-FÌTOM 24:14

Kìɓan ki mɛ̀ ǹ-yii ki ri lɛ, nkìki Bɛ̀ll à ɓɛ̀seŋi ɓis kisay ɓi bee inɛ ɓɔɔ̀ rereŋi lɛ rìgherɛ̀n ɗi nyɔ̀n. Ǹgherɛɛ ɓìɓan ɓìcèm ɓi ɓi ri ɓi kaàtà à ɓìdɔ̀gsɛna ɓis, rì ɓi ɓɛ̀kpaŋzì-ɓìɓan ɓɛ kangà;

MƐ̀KÌKÌÌ MƐ ƁƐKƐ̀NÌ-FÌTOM 26:6

I ǹki rɛrɛlii gɛɛ̀nɛ ɓi ɓɛ̀yɔ̀m, ki ri ɓisuu ntyweeyi wu ɓi ǹkàg wu Bɛ̀ll à faghà ɓɛ̀seŋi ɓis.

MƐ̀KÌKÌÌ MƐ ƁƐKƐ̀NÌ-FÌTOM 28:31

A lààlàmɓɛ̀n kìlɔ̀ŋ ki Bɛ̀ll, à ki rèresi ɓum ɓìɓan ɓi ɓi seesee Kan Yeesus Kiris lèg bimiɗ ànɛ ki ɓaghà lɛ ki kɔ̀n nyi, kɛ̀ɛ̀ ntɔɓ.

MƐ̀KÌKÌÌ MƐ ƁƐKƐ̀NÌ-FÌTOM 8:35

Nni Filiɓ à pɛ̀sìghày min kitòkì ɓi jàŋ inɛ ŋwaànɛ̀n à ɓàlà, à kpaŋ yɛ̀ɛ à konàkà nyi kìtɛɛ̀zii Syeesyee à Ɓɔlɛ à Yeesus.

FILEMƆŊ 1:2

rì geni wìs a giɓ anɛ lɛ Apya, rì reŋkàŋ wìs anɛ lɛ Arisip ànɛ ti ɗùùɗuu nɗaŋ ɗi nyi, rì Kìseŋi ki Kiris ki ki ti ki taŋzàg ɓi naa yɔ̀ɔ̀.

FILEMƆŊ 1:22

Ǹkpaatii wɔ̀ lɛ u pegsɛn mɛ̀ kìden ki naa ɓisuulɛ ǹɗì rì dyàɓɛn lɛ bɔ̀ŋzɛ̀n yin yi ri ɓiì kìi lɛ ɓɛɛ pɛɛ̀ziì mɛ̀ a lɔ̀ŋkin.