MƐ̀KÌKÌÌ MƐ ƁƐKƐ̀NÌ-FÌTOM 28:2 - Bafia Nouveau Testament

² Ɓumɓɛ ɓi kìrìŋ kiǹ ɓɛ ghaɓkà ɓìsi rì geesɛ̀n lɛɛ̀gwey; yɛ̀ɛ bwey ì sɛngà, kìfɛɓ ki ki kìki lɛɛ̀gwey, ɓɛ ghɛŋzɛ̀ngà coo kikaŋì ki ɗuu, ɓɛ reŋì ɓìsi lɛ, ti kɛǹ kì woògh ɓìsiìcèm.

MƐ̀KÌKÌÌ MƐ ƁƐKƐ̀NÌ-FÌTOM 28:2 ပူးပေါင်းရင်းမြစ်များ

MATYOO 10:42

Ǹkalii mìni ɓi saaɗ lɛ ŋwaànɛ à rì ɓiì faà kìbog ki ɓi ɓɔɓti ɓɛ nsoò gìras ì mɛ̀nig mɛ kèeŋkèeŋ ɓi ɗii ɗi lɛ ǹ-yilàg wɛm̀ àa mɛ̀m ɓi mɛlèɓ mii.

ZYAŊ 18:18

Ɓɛ̀kìì-ɓìsay rì ɓɛ̀ɓèŋì naà-Bɛ̀ll ɓɛ rɛrɛ̀lìghà wɔɔ, di ɓɛɛ̀ wowog ɗuu ɗi ɓɛ ghɛŋzɛ̀ngà lɛ kìfɛɓ ki ɓaghà ɓiì kìkii. Pyɛɛri à rɛrɛ̀lìghà ǹɗaŋ ri ɓɔ, à wowòg girig ɗuu.

MƐ̀KÌKÌÌ MƐ ƁƐKƐ̀NÌ-FÌTOM 27:3

Yɛ̀ɛ tì rɛlìghà a Sidɔŋ ɓi duri tana fɔɔnnɛ Zyulyus ànɛ à ɓeŋɓèŋgà Pol rì syeesyee à ǹɗem, à gherɛ̀ngà lɛ Pol a kɛǹ ki ghɛɛ̀ mɛ̀ghan mii, mɛɛ fa nyi ɓyom ɓi ɓi kaàkààrɛ̀ngà nyi.

MƐ̀KÌKÌÌ MƐ ƁƐKƐ̀NÌ-FÌTOM 28:3

Pol à raɓkà ǹkun wu tìcaàgh lɛ a foŋ̀ ɓi ɗuu, nni kìgòm ki faŋìghày ɓi ǹkun wu tiwon wìn yɛ̀ɛ ɗuu ɗi komgày kɔ, ki fyuŋ Pol ɓi càg.

MƐ̀KÌKÌÌ MƐ ƁƐKƐ̀NÌ-FÌTOM 28:4

Yɛ̀ɛ ɓumɓɛ ɓi kìrìŋ ki riɓày kiǹ ɓɛ ghɛngà di nyoo ìnɛ̀n ì fyufyuŋii Pol fɔlɔɔ ɓi càg, nni ɓɛ tumɛ̀ngà rìkpaakpàà lɛ: Ki ri lɔŋ saaɗ lɛ ŋwaànɛ à rì ǹwolì-ɓum. Ɓisuulɛ, rìren ɗi ɓiɓan ɗi Bɛ̀ll ɗi ghɛɛ lɛ, kɛ̀ɛ ɓati ɓi cɛɓ, nsoò yɛ̀ɛ à ghɛɓiì rìwu ɓi rìɓày.

RÒMƐŊ 1:14

Ɓisuulɛ ǹɗì rì ǹtɛ̀g wulɛ nkɛǹ a ɓum ɓɛ̀cèm, a ɓɛ̀roɓɛ ɓɛ yii cɛɓ rì a ɓɛ̀roɓɛ ɓɛ ka yi ɓi cɛɓ, a ɓɛ̀yiì-ɓìɓan, rì a ɓumɓɛ ɓɛ yii ɓi com.

RÒMƐŊ 14:1

Ghàɓkiina ŋwaànɛ à rì lɛ kpɔ̀gkpɔ̀g ɓi rìgherɛ̀n, kɛ̀ ɓi nyolɛn ri nyi ɓi mom̀zɛ̀n mɛ à rì rì mɔ ɓi kìɓan ki righerɛ̀n.

RÒMƐŊ 14:3

Fɔɔnnɛ ŋwaànɛ a ɗiɗi ɓyom ɓìcèm à ghɛ̀ɛ̀sɛɛ ɓi lɛ à sɛɛtì roànɛ à yin ɓiì ɗiɗii, roànɛ à ki yin ɓiì ɗiɗii ɓyom lɛ ɓus ɓùs ɓus à ghɛ̀ɛ̀sɛɛ ɓi lɛ à sɛɛtì ŋwaànɛ a ɗiɗi ɓyom ɓìcèm ɓisuulɛ Bɛ̀ll à ghàɓkà ŋwaànɛ a ɗiɗi ɓyom ànɛ̀n.

RÒMƐŊ 2:27

Ŋwaànɛ yin nkɛ̀rɛn, kìɓan kifog à ɓèŋɓèŋ mɛ̀siŋdɛn mɛ ɓi ɓìdɔ̀gsɛna, à ɓiì renì kìɓan ki wàànɛ u sɛɛsɛɛ̀tì ɓìdɔ̀gsɛna nsoò yɛ̀ɛ ù rì rì kaàtà à ɓìdɔ̀gsɛna, ù ki ɓa nkɛ̀rɛn.

1 KƆ̀RƐ̀ŊTYƐŊ 14:11

Nni fɔlɔɔ yɛɛ ri min lɛ, i màa rɔ̀ɓ kɛ̀ɛ nwog kitòkì ki ɓɛɛ̀ tòtog mɛ miì, ǹɗì ɓiì ɓaà kìgbɔ̀mgbɔ̀m ɓi mis mɛ ŋwaànɛ a tòtog ri mɛ̀, nyii ɓa girig kìgbɔ̀mgbɔ̀m ɓi mis mɛ̀m.

2 KƆ̀RƐ̀ŊTYƐŊ 11:27

M̀mɛ kì ɓisay ɓi ɓi teèsɛɛ, ǹki tulɛn ɗi ɓìtèetèɗ ɓi mɛfèèghrɛn, m̀mɛ kì lɛ, ǹkɔ̀rì ɓɛ̀saalo, ǹwog com ki lɛ zày, rì ki lɛ kìnɔli, ɓyààmɛ̀n ɓidɛŋ mɓa ǹtiniyɛn lɛ ǹcèlì ɓìɗilàg, ǹki wog com ki lɛ kìfɛɓ, kìtòn zɛy à pyèn mɛ̀ mis.

KÒLÒSYƐŊ 3:11

Foo ǹlànag wu yiìdi ɓi nyìinyìm ànɛ lɛ, rì muu Gìrɛg, rì muu Ɓɛ̀yudɛ̀n, nsoò lɛ rì ŋwaànɛ à rì ǹkɛ̀rɛn, rì roànɛ à yin nkɛ̀rɛn, ǹkèn a mum, rì muu Sit, nsoò lɛ rì ǹkpàn rì ŋwaànɛ à yin ǹkpàn, lɔŋ Kiris yɛɛ ri com kìcèm ɓi ɓum ɓɛ̀cèm.

EBIREEGH 13:2

Kɛ̀ ɓi ɗimzɛn kiɓan ki lɛ ɓi ghaɓki ɓɛ̀kèn lɛ syeesyee; ɓisuulɛ ɓum ɓɛdɛŋ ɓɛ laasìghà ɓum ɓɛ titom ɓɛ̀ kɛɛ̀ yi ɓi kìsyɔ̀ɔ̀ kiǹ.