MƐ̀KÌKÌÌ MƐ ƁƐKƐ̀NÌ-FÌTOM 28:15 - Bafia Nouveau Testament

¹⁵ Yɛ̀ɛ ɓɛ̀geni ɓis ɓɛ righerɛ̀n ɓɛ a Rom ɓɛ wokà lɛ tì kpaŋi, ɓɛ yughà ɓìsi kì ɓoŋì a fyèè fi Apiyus, rì ɓi jàŋ inɛ ì ɓaghà ɗii lɛ: Naa yi ɓɛ̀kèn yiraa. Yɛ̀ɛ Pol à ghɛngà ɓɔ, à tògsàg Bɛ̀ll, nyoo yìì i tèèsɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 28:15 ပူးပေါင်းရင်းမြစ်များ

ZYAŊ 12:13

Fɔɔnnɛ ɓɛ tekà maŋ mɛ mɛtɛn ɓɛ kpaŋ lɛ ɓɛɛ kɛǹ nyi kìɓoŋì. Ɓɛ kpaakpàà jɛ̀ɛ̀ aɗyoo lɛ: Ozana! Bɛ̀ll a maŋ rìfòm ɗi Isirayɛl, roànɛ a yùu yì ɓi ɗii ɗi Kan.

MƐ̀KÌKÌÌ MƐ ƁƐKƐ̀NÌ-FÌTOM 1:15

Ŋwos adɛŋ, ɓi mɛ̀ru mɛ̀n, ɓɛ̀gherɛ̀n ɓɛ ɓaghà ɓɛ̀ taŋzɛn nunùg ɓum mɛ̀tin taàfog; nni Pyɛɛri à pɛ̀sɛ̀ngà aɗyoo ɓi nyìinyìm wàà, à kpaa lɛ:

MƐ̀KÌKÌÌ MƐ ƁƐKƐ̀NÌ-FÌTOM 10:23

Nni Pyɛɛri à kpaaghà ɓɔ lɛ ɓɛɛ ɗiŋi ɓi naa, à reɓ ɓɔ jàŋ inɛ ɓɛɛ lày; ɓi duri tana nnɛ ɓɛ pɛsɛ̀ngà ǹɗaŋ rì ɓumɓɛ̀n, ɓɛ kɛǹ. Ɓɛ̀gèni ɓii ɓɛ righerɛ̀n ɓɛdɛŋ ɓɛ a Zyope ɓɛ kɛǹgà nyi kì foŋì.

MƐ̀KÌKÌÌ MƐ ƁƐKƐ̀NÌ-FÌTOM 10:25

Yɛ̀ɛ Pyɛɛri à kpagà wɔɔ, Kɔrinɛy à kɛ̀n nyi ki ghàɓi, à kpi nyi à mɛ̀kòò lɛ a fa nyi bɔgsɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 11:1

Ɓɛ̀kɛ̀nì-fìtom rì ɓɛ̀geni ɓaa ɓɛ righerɛ̀n ɓɛ ɓɛ kɔkɔ̀rìghà a Zyude ɓɛ wokà lɛ, ɓumɓɛ ɓi mɛ̀kuu mɛm̀bog ɓɛ ǹghàɓi girig jɛ̀ɛ̀ ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 11:12

Nni Nghay à Bɛ̀ll à kpaaghà mɛ̀ lɛ: Sugtɛn ɗì ɓɔ, kɔɔ̀ foŋ tikàna. Ɓɛ̀geni ɓɛ̀m ɓɛ ɓɛ ri ɓɛ, ɓɛ kɛǹ mɛ̀ kìfoŋì a Sezare, tì ɗiŋì ɓi naa ì Kɔrinɛy.

MƐ̀KÌKÌÌ MƐ ƁƐKƐ̀NÌ-FÌTOM 12:17

Pyɛɛri à maasì ɓɔ rì càg, à ki kali ɓɔ yɛ̀ɛ Kan à kpaŋzi yì nyi ɓi naà-zày, à kpaa tì ɓɔ lɛ, kaliina Zyag rì ɓɛ̀geni ɓis ɓɛmbog kìɓan ki, fɔɔnnɛ à kpagà, à kɛ̀n jàŋ idɛŋ.

MƐ̀KÌKÌÌ MƐ ƁƐKƐ̀NÌ-FÌTOM 21:5

Di tyàa ghagsi mɛru taàɓɛ̀ɛ̀, nnɛ tì rùɓtɛ̀ngà tì rì rìkɛ̀ɛ̀. Fɔɔnnɛ ɓɛ kɛngà ɓìsi kìfɔŋì ɓɛ̀sɛ̀ɛ̀ ɓɛ̀cèm lɛ rì ɓɛ̀yiɓ ɓaa, rì ɓɔn ɓaa, ɓɛ ceesì ɓìsi ǹdèè wu bàn. Nni tì ɓakà mɛ̀ɗu ɓi zi, tì ɓɔ̀ŋzì Bɛ̀ll ɓi bèn ì rìɓày.

MƐ̀KÌKÌÌ MƐ ƁƐKƐ̀NÌ-FÌTOM 28:14

Tì tanɛ̀ngà ɓɛ̀geni ɓis ɓɛ righerɛ̀n wɔɔ ɓi jàŋ inɛ̀n, ɓɛ tɔg ɓìsi lɛ ti lay mɛ̀ru taàɓɛ̀ɛ̀ a lɔ̀ŋkaa, fɔɔnnɛ tì ki kɛ̀ngà a Rom.

RÒMƐŊ 15:24

ɓisuulɛ ǹɗì rì dyàɓɛn lɛ ǹɗi ghɛn mini ɓi rìkɛ̀nkɛ̀n, ɓì ki ghɛɓsi mɛ lɛ nkpaŋ wɔɔ di m̀mɛ ka wog gàɓ ì kìnyàà ɓi cààmɛ̀n ki nɗi ghagsi a lɔ̀ŋkin.

2 KƆ̀RƐ̀ŊTYƐŊ 2:14

Rìkem ɗyɛɛ ɓa rì Bɛ̀ll ànɛ à ti à kɛ̀ɛ̀sàg ɓìsi cààmɛ̀n kìcèm ɓi rìcee, lɛ Kiris, à ki fa ɓisi kìsay ki sàasaàtìyɛ̀n kìnùbe ki ɓi rìyi ɗi ɓɛ ghɛɛ̀sɛɛ Nyi kì yiì.

GÀLAT 4:14

Fìroɓ fi m̀ɓaghà rì fyɔ ɓi nyoo fi ɓaghà ɓìtèetèɗ ɓi mɛfèèghrɛn ɓisu win, nsoò fɔlɔɔ, ɓì sɛɛtìghà ɓi mɛ, rìɓa ɗyɛ̀m ɗyɛ̀ kɛɛ̀ kì mini tìmin, wɔ̀lɛ ɓì ghàɓkà mɛ̀ fɛlɛ yɛ̀ɛ ŋwaà-fìtom a Bɛ̀ll, nsoò lɛ yɛ̀ɛ Yeesus Kiris nyimiɗ.

TÈSÀLÒNÌSYƐŊ 3:7

Ɓɔɔsoŋ̀, fɔɔnnɛ ɓìi nfaa ɓìsi ìtèɗ ɓi nyoo rì rìgherɛ̀n ɗin, ɓi nyìinyìm à mɛ̀tɔɓ rì mɛ̀fèèghrɛn mɛcèm mɛ tì rì rì mɔ.

EBIREEGH 13:3

Ɓì yitàg ɓìmbùŋ yɛ̀ɛ ɓɛɛ̀ kali lɛ ɓì rì ɓi naà-zày ǹɗaŋ ri ɓɔ; ɓì yitàg girig ɓɛ̀roɓɛ ɓum ɓɛɛ̀ tɔtɔ̀ɓ, ɓisuulɛ mìni girig ɓì rì rì nyoo.