MƐ̀KÌKÌÌ MƐ ƁƐKƐ̀NÌ-FÌTOM 27:1 - Bafia Nouveau Testament

¹ Yɛ̀ɛ ɓɛ rengà lɛ tì ghɛ̀ɛ̀sɛɛ kì kɛ̀ɛ a Italii ɓi fìtimà, nni ɓɛ tekà lɛ rì Pol, rì ɓum ɓɛdɛŋ, ɓɛ fa ɓɔ rì ǹkɔmɛ̀n-ɓɛ̀sujàà àsàg ànɛ ɓi kìtuu ki ɓɛsujàà ki ɓɛ nɗegì lɛ, ɓɛ̀sujàà ɓɛ Kaaza ànɛ a Italii ɗii lɛ: Zyulyus.

MƐ̀KÌKÌÌ MƐ ƁƐKƐ̀NÌ-FÌTOM 27:1 ပူးပေါင်းရင်းမြစ်များ

MATYOO 27:54

Yɛ̀ɛ ǹkɔ̀mɛ̀n ɓɛ̀sujàà, rì ɓumɓɛ à ɓaghà ɓiì ɓèŋɓeŋi Yeesus rì ɓɔ ɓɛ ghɛngà di zi i nyɛ̀ŋɗɛɛ, ɓɛghɛɛdi ɓìɓan ɓimbog ɓi ɓi kilɛ̀ngà ɓiǹ, nni ɓɛ risìghà lɛɛ̀gwey, ɓɛ kpaa lɛ: Yeesus àa ǹɗì Man à Bɛ̀ll a tààkaà.

LUKAS 23:47

Yɛ̀ɛ ǹkɔ̀mɛ̀n-ɓɛ̀sujàà à ghɛngà com ki ki kilɛ̀ngà kiǹ, nni à faghà Bɛ̀ll rìkem, à kpaa lɛ: Ŋwaànɛ àa nɗì lɔŋ saaɗ à mum a tààkaà.

LUKAS 7:2

Muu Ròmɛŋ àdɛŋ ànɛ à ɓaghà ǹkɔ̀mɛ̀n-ɓɛ̀sujàà, à ɓaghà rì ǹkìì-kìsay anɛ à keesìghà lɛɛ̀gwey; nni ǹkìì-kìsay anɛ̀n à roròɓkà, di à ti ɓiì kɔ̀ɔkɔɔ̀sì.

MƐ̀KÌKÌÌ MƐ ƁƐKƐ̀NÌ-FÌTOM 10:1

Ŋwaàdɛŋ à ɓaghà a Sezare ɗii lɛ Kɔrinɛy, à kɔ̀mɛ̀ngà ɓɛ̀sujàà mɛ̀tin mɛtaǹ ɓi ǹɗaŋ wu ɓɛsujàà wu a Italii.

MƐ̀KÌKÌÌ MƐ ƁƐKƐ̀NÌ-FÌTOM 10:22

Nni ɓɛ ɓakà nyi lɛ: Tì yùu yì fɛ lɛ ǹkɔ̀mɛ̀n ɓɛ̀sujàà ànɛ lɛ Kɔrinɛy yɛɛ romiì ɓìsi a lɔ̀ŋkɔɔ, àncèm à rì saaɗ à mum ànɛ à ti à risàg Bɛ̀ll, à ki rì tì ŋwaànɛ Ɓɛ̀yudɛ̀n ɓɛ̀cèm ɓɛɛ̀ Sɛsɛ̀g; ŋwaà-fìtom a Bɛ̀ll àa ǹkpaa nyi lɛ a regiì wɔ̀ a mɛɛ mii, a wog jɛ̀ɛ̀ ìnɛ ù rì lɛ ù kpaa nyi.

MƐ̀KÌKÌÌ MƐ ƁƐKƐ̀NÌ-FÌTOM 16:10

Ajɛ̀m ì ɓìdɛ̀ndɛm ɓi Pol ɓiǹ, nnɛ tì ghàskà kì kaà bee ìnɛ lɛ ti kɛǹ a Masedwan, lɛ tì konàkà kì ghɛɛ̀ lɛ Bɛ̀ll yɛɛ regii ɓìsi lɛ, ti kɛǹ kì kalii Syeesyee à Ɓɔlɛ wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 18:2

A tuusɛ̀ngà wɔɔ ri muu Ɓɛ̀yudɛ̀n àdɛŋ ɗii lɛ Akilas; ŋwaànɛ̀n à yalɛ̀ngà ɓi kìlànà ki zi ki lɛ Pɔŋ. A pɛ̀sɛ̀ngày a Italii ɓɛɛ̀ Pirisilya à giy, ɓisuulɛ rìfòm ɗi lɛ Kiloodɛ ɗi rengà lɛ Ɓɛ̀yudɛ̀n ɓɛ̀cèm ɓɛ a Rom ɓɛɛ pɛsɛn wɔɔ. Fɔɔnnɛ Pol à ràrɛ̀ngà rì ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 19:21

Ajɛ̀m ì ɓìɓan ɓiǹ, Pol à ɓekà lɛ a kɛǹ a Yorisalɛm, à ghɛ̀ɛ̀sɛ̀ngà kì syàa zi ì Masedwan rì zi ì Akayi, fɔɔnnɛ à kpaaghà lɛ: Ki ghɛɛ̀sɛɛ lɛ i m̀ɓaa wɔɔ, ǹkɛ̀n girig kì ghɛɛ̀ Rom.

MƐ̀KÌKÌÌ MƐ ƁƐKƐ̀NÌ-FÌTOM 21:32

Ŋwaànɛ̀n à ghàs kì terì ɓɛ̀kɔ̀mɛ̀n ɓɛ̀sujàà ɓɛsàg, rì ɓɛ̀sujàà ɓɛdɛŋ à kɛ̀n mɛ̀ree ɓi jàŋ inɛ gwìy ì ɓaghà. Yɛ̀ɛ ɓum ɓɛ ghɛngày ǹkɔ̀mɛ̀n ɓɛ̀sujàà àgwey ǹɗaŋ ɗì ɓɛ̀sujàà ɓɛdɛŋ, ɓɛ càɗ Pol, ɓɛ̀ kɛɛ̀ ɓogti nyi.

MƐ̀KÌKÌÌ MƐ ƁƐKƐ̀NÌ-FÌTOM 22:26

Yɛ̀ɛ ǹkɔ̀mɛ̀n ɓɛ̀sujàà àsàg ànɛn à wokà fɔlɔɔ, nni à kɛ̀ngà yɛ̀ɛ ǹkɔ̀mɛ̀n àgwey lɛ a kpaa nyi lɛ: Ù yii com ki u kɔ̀nkɔn lɛ u ki? Ŋwaànɛnii à rì muu Ròmɛŋ.

MƐ̀KÌKÌÌ MƐ ƁƐKƐ̀NÌ-FÌTOM 23:11

Yɛ̀ɛ ìru wu fingà, Kan à rèsɛ̀n Pol à kpaa nyi lɛ: Pol, kɔ̀ɔ càrɛn! Lɔŋ yɛ̀ɛ wɔ̀ɔ ǹlòmi kìtɛɛtɛn ɓi kìɓan ki ki seesee mɛ̀ a Yorisalɛm, nnɛ ù ghɛ̀ɛ̀sɛɛ tì kì lòmì aà Rom.

MƐ̀KÌKÌÌ MƐ ƁƐKƐ̀NÌ-FÌTOM 23:17

Fɔɔnnɛ Pol à reŋìghà kìbog ki ɓi ɓɛ̀kɔ̀mɛ̀n ɓɛ̀sujàà, à kpaa nyi lɛ: Kɛ̀na kì foŋì dɛlì ìnɛ yɛ̀ɛ ǹkɔ̀mɛ̀n ɓɛ̀sujàà àgwey lɛ, à rì rì kìɓan ki lɛ a kpaà nyi.

MƐ̀KÌKÌÌ MƐ ƁƐKƐ̀NÌ-FÌTOM 24:23

Nni à reɓsìghà ǹkɔ̀mɛ̀n ɓɛ̀sùjàà àsàg lɛ, a pɛɛ̀zi Pol ɓi naà-zày, ɓɛ̀ kɛɛ̀ ɓiisɛn nyi kìɓèŋɓeŋi, ɓɛ kɛɛ̀ ki règ ɓum ɓii lɛ ɓɛɛ ghɛɛ̀ghɛ̀ɓsì nyi.

MƐ̀KÌKÌÌ MƐ ƁƐKƐ̀NÌ-FÌTOM 25:12

Yɛ̀ɛ Fɛstus à tɔkà ɗyomzɛ̀n ɗì ɓumɓɛ ɓɛ nɗeɓkì nyi, nni à ɓàkà min Pol lɛ: Yɛ̀ɛ ù ghagsii kìɓan kɔɔ yɛ̀ɛ Kaaza, ù rì ɓiì kɛ̀ɛ a lɔ̀ŋkii.

MƐ̀KÌKÌÌ MƐ ƁƐKƐ̀NÌ-FÌTOM 25:25

Wɔ̀lɛ ɓi mɛ̀, mɛ̀ɛ nghɛɛ ɓi kiɓan kiɓeɓtɛn ki à kìi ki ɓɛ ri lɛ ɓɛ wey nyi miì, nni yɛ̀ɛ nyimiɗ yɛɛ ntɔɔgh lɛ kìɓan kii kɛɛ ghaàgh yɛ̀ɛ Kaaza, nni mɛ̀ɛ nkpaa lɛ, ǹɗi nyi ɓiì romì wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 27:11

Kìɓan kifog, ǹkɔ̀mɛ̀n-ɓɛ̀sujàà à ɓiisɛ̀ngà kì tyweeyii rikpaa ɗi ɓumɓɛ lɛ, rì ǹkɔ̀mɛ̀n-fìtimà, rì m̀pusì-fìtimà, à cee ɓìɓan ɓi Pol à kpaaghà.

MƐ̀KÌKÌÌ MƐ ƁƐKƐ̀NÌ-FÌTOM 27:43

Kìɓan kifog yɛ̀ɛ ǹkɔ̀mɛ̀n-ɓɛ̀sujàà à kɔ̀nkɔ̀ngà lɛ a ghɛɓsi Pol, nni à rèkà ɓɛ̀sujàà ɓɛǹ lɛ ɓɛ̀ kɛɛ̀ kì fɔlɔɔ. Fɔɔnnɛ à reɓsìghà min ɓɛroɓɛ ɓɛ yighà kìwɔg lɛ, ɓɛɛ log kì kpìi ɓi rìɓày ɓɛɛ wɔg ɓɛɛ kpaŋ̀ a cɛɗ.

MƐ̀KÌKÌÌ MƐ ƁƐKƐ̀NÌ-FÌTOM 27:6

Wɔɔnnɛ ǹkɔ̀mɛ̀n-ɓɛ̀sujàà à ghɛngà fìtimà fidɛŋ fi a Alɛgsaŋdirii, fi fi kɛnkɛ̀ngà a Italii, à ɓɔgsì ɓìsi miì.

MƐ̀KÌKÌÌ MƐ ƁƐKƐ̀NÌ-FÌTOM 28:1

Yɛ̀ɛ tì ghɛɓkàkà fɔlɔɔ lɛ soghàsogha, nni ɓɛ kalìghà ɓìsi lɛ, kìrìŋ ki riɓày kiǹ ki ɓaghà ɗii lɛ Maltɛ.

MƐ̀KÌKÌÌ MƐ ƁƐKƐ̀NÌ-FÌTOM 28:16

Yɛ̀ɛ tì kpagà a Rom, ǹkɔ̀mɛ̀n ɓɛ̀sujàà à sɛdɛ̀ngà ɓimbùŋ rì ǹkɔ̀mɛ̀n àgwey, wɔ̀lɛ ɓɛ caɗ Pol lɛ a kɔri cɛ̀ncii, rì sujàà ànɛ à ɓèŋɓèŋgà nyi.

EBIREEGH 13:24

Ɓìtògsàg ɓɛ̀rɛlì asu ɓiǹ, rì ɓɛ̀gherɛ̀n ɓɛ̀cèm; ɓɛ̀roɓɛ a Italii ɓɛ togsaaghi mìni.