MƐ̀KÌKÌÌ MƐ ƁƐKƐ̀NÌ-FÌTOM 26:20 - Bafia Nouveau Testament

²⁰ Wɔ̀lɛ ǹka lokà kìkalii ɓumɓɛ a Damas ɓìɓan ɓi Bɛ̀ll, ǹkalì girig ɓumɓɛ a Yorisalɛm rì ɓɛ ɓi zi ì Zyude bimiɗ, à kpagì lɛ rì ɓumɓɛ ɓi ɓìlɔ̀ŋ ɓizɛy miì; ǹkpaakpààghà ɓɔ lɛ, ɓɛɛ lɔɔ̀ghrɛn mɛ̀rem, ɓɛɛ gherɛn Bɛ̀ll ɓɛ ki kì ɓiɓan ɓi ɓyɛɛ resi lɛ, cɛɓ kaa ki ti kìlɔ̀gtɛn.

MƐ̀KÌKÌÌ MƐ ƁƐKƐ̀NÌ-FÌTOM 26:20 ပူးပေါင်းရင်းမြစ်များ

MATYOO 3:2

À kpaakpààghà ɓum lɛ: Lɔ̀ɔ̀ghrɛɛna mɛ̀rem lɛ kìlɔ̀ŋ ki aɗyoo ki ti jàŋbog.

MATYOO 3:8

Kikiina min ɓiɓan ɓi ɓyɛɛ resi lɛ ɓì mɛ lɔ̀ɔ̀ghrɛn mɛrèm.

MATYOO 4:17

Ɓi cààmɛ̀n kiǹ innɛ Yeesus à tumɛ̀ngà rìkpaakpàà ɗi ɓìɓan ɓi Bɛ̀ll, à kakàlì ɓum lɛ: Lɔ̀ɔ̀ghrɛɛna mɛ̀rem, lɛ kìlɔ̀ŋ ki aɗyoo ki ti jàŋbog.

MATYOO 9:13

Kɛ̀ɛna kì yilaagh azi anɛ ɓi jɛ̀ɛ̀ ìnɛ: Ǹkeesii ǹɗem wu nyìighnyìg à cee ɓìfùna ɓi ɓìtuwe. Lɛ, ǹ-yùghà ɓi ki reŋii ɓumɓɛ ɓɛ ri lɛ saaɗ, ǹ-yùghà lɔŋ ki reŋii ɓɛ̀kìì-kìɓe.

MARIKUS 6:12

Nni ɓɛ̀yilàg ɓɛ kɛngà, ɓɛ tum rìkpaa ɗi ɓum lɛ ɓɛɛ lɔɔ̀ghrɛn mɛ̀rem.

LUKAS 1:16

A ɓiì kìi lɛ, ɓɔn ɓɛ Isirayɛl lɛɛ̀gwey ɓɛɛ sugtiì yɛ̀ɛ Kan Bɛ̀ll wàà.

LUKAS 13:3

Ki yin fɔlɔɔ. Ǹkpaa mìni lɛ, i ɓì lɔ̀ɔ̀ghrɛɛ ɓi mɛrem, ɓì ɓiì cuù ɓɛ̀sɛ̀ɛ̀ ɓɛ̀cèm lɔŋ yɛ̀ɛ ɓumɓɛ̀n.

LUKAS 13:5

Ki yin fɔlɔɔ. Ǹkpaa mìni lɛ, i ɓì lɔ̀ɔ̀ghrɛɛ ɓi mɛrem, ɓì ɓiì cuù ɓɛ̀sɛ̀ɛ̀ ɓɛ̀cèm lɔŋ yɛ̀ɛ ɓumɓɛ̀n.

LUKAS 15:10

Ǹkalii mìni lɛ, kìnyàà ki ri girig fɔlɔɔ ɓi nyìinyìm à ɓumɓɛ titom ɓɛ Bɛ̀ll, ɓisuu ǹkìì-kìɓe bog ànɛ à lɔ̀ɔ̀ghrɛɛ ǹɗem.

LUKAS 15:7

Ǹkalii mìni lɛ, kìnyàà ki ɓiì ɓaà girig fɔlɔɔ aɗyòò, di ǹkìì-kìɓe bogtɛ̀n à lɔ̀ɔ̀ghrɛɛ ǹɗem, ki cee ki ki ri ɓisuu ɓum mɛ̀tin mɛnin rì ǹtɛ̀ɗ rì taànìn, ɓɛ ɓɛ ri lɛ saaɗ, ɓɛ ki ghɛɓsii ɓi com lɛ ɓɛɛ lɔɔ̀ghrɛn tì mɛ̀rem.

MƐ̀KÌKÌÌ MƐ ƁƐKƐ̀NÌ-FÌTOM 11:18

Yɛ̀ɛ ɓɛ wokà ɓitòkì ɓiǹ, nnɛ ɓɛ kɔrìghà lɛ fyòoog, ɓɛ tumɛ̀n ɗìkemzì ɗi Bɛ̀ll di ɓɛɛ̀ kpaakpaa lɛ: Bɛ̀ll à mɛ nɛm girig ɓumɓɛ ɓi mɛ̀kuu mɛm̀bog bee inɛ lɛ, ɓɛɛ lɔɔ̀ghrɛn mɛ̀rem, di ɓɛɛ ɓa rì cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 15:19

Fɔlɔɔ nnɛ mɛ̀ ǹghɛɛ lɛ, tyɛ̀ ki rììsi ɓum ɓɛ zɛy ɓɛ ɓɛ lɔɔ̀ghrɛɛ mɛ̀rem, ɓɛ gherɛ̀n Bɛ̀ll ǹtɛ̀g ɓi nyoo.

MƐ̀KÌKÌÌ MƐ ƁƐKƐ̀NÌ-FÌTOM 17:30

Fɔɔnnɛ Bɛ̀ll à foŋi ɓi ǹto rì ɓyààmɛ̀n ɓi ɓum ɓɛ ɓaghà ɓiǹ ɓi rìɗim, wɔ̀lɛ ɓi gɛɛ̀nɛ, a rereŋi ɓum ɓɛ̀cèm nsoò ɓɛ fe, nsoò ɓɛ fe, lɛ ɓɛɛ lɔɔghrɛn mɛ̀rem.

MƐ̀KÌKÌÌ MƐ ƁƐKƐ̀NÌ-FÌTOM 2:38

Pyɛɛri à ɓàg ɓɔ lɛ: Lɔ̀ɔ̀ghrɛɛna mɛ̀rem, mum ǹcèm ànɛ ɓi mìni à ki ɓàɓtɛn ɓi ɗii ɗi Yeesus Kiris fɔɔnnɛ Bɛ̀ll a cenɛn ɓìɓe ɓin, à ki fa mini Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 20:21

Ǹɗerèŋìghà lɛ, rì Ɓɛ̀yudɛ̀n rì Gìrɛg lɛ ɓɛɛ lɔɔ̀ghrɛn mɛ̀rem, ɓɛ gherɛ̀n Bɛ̀ll, ɓɛ ki tyweeyi Yeesus à Kan wìs.

MƐ̀KÌKÌÌ MƐ ƁƐKƐ̀NÌ-FÌTOM 26:17

Ǹɗì ɓiì kàmɛɛ ri wɔ̀ ɓi nyìinyìm à Ɓɛ̀yudɛ̀n rì ɓi nyìinyìm à ɓìlɔ̀ŋ ɓizɛy ɓi ǹɗomi wɔ̀ wɔɔ, lɛ u ŋwàɗ ɓyɔ mis,

MƐ̀KÌKÌÌ MƐ ƁƐKƐ̀NÌ-FÌTOM 26:19

Rìfòm Agiripa, fɔlɔɔ nnɛ ǹkìghà ɓi ɓɛ̀lɔg ɓi kìɓan ki ki resɛ̀ngày mɛ̀ kiǹ aɗyòò.

MƐ̀KÌKÌÌ MƐ ƁƐKƐ̀NÌ-FÌTOM 3:19

Nni lɔ̀ɔ̀ghrɛɛna min mɛrem, ɓi sugtiì yɛ̀ɛ Bɛ̀ll, di fɔɔnnɛ a tiìsi ɓìɓe ɓin.

MƐ̀KÌKÌÌ MƐ ƁƐKƐ̀NÌ-FÌTOM 9:15

Nsoò fɔlɔɔ, Kan à kpaatìghà Ananyas lɛ: Kɛ̀na lɔŋ ɓisuulɛ, Sol à rì mɛ̀ fɛlɛ yɛ̀ɛ com ki kisay ki ǹsɔnɛɛ. À rì ɓiì rèresii ɗii ɗyɛ̀m ɓi ɓìlɔ̀ŋ ɓi ɓɛ yii ɓi mɛ wɔɔ, rì a mɛ̀fòm, rì ɓi nyìinyìm à ɓɔn ɓɛ Isirayɛl.

MƐ̀KÌKÌÌ MƐ ƁƐKƐ̀NÌ-FÌTOM 9:35

Yɛ̀ɛ ɓum ɓɛ̀cèm ɓɛ a Lida, rì ɓɛ ɓi-reɓ wu lɛ Sarɔn ɓɛ ghɛngà ŋwaànɛ̀n, nni ɓɛ gherɛ̀ngà Kan.

RÒMƐŊ 2:4

Gìn wɔ̀ɔ sɛɛsɛɛ̀tì lɛ rì coo kìrɔɔ-ǹɗem à Bɛ̀ll rì kìɓìɓi kii ki nɗem, rì kìpuɓì-ǹɗem wìì? Ù yii ɓi lɛ kìrɔɔ-ǹɗem à Bɛ̀ll à ghɛ̀sɛɛ wɔ̀ kì tinii lɛ u lɔɔ̀ghrɛn ǹɗem?

2 KƆ̀RƐ̀ŊTYƐŊ 3:16

Wɔ̀lɛ i mum à lɔ̀ɔ̀ghrɛɛ yì yɛ̀ɛ Kan, kìlàà kiǹ ki pɛsɛ̀n.

2 KƆ̀RƐ̀ŊTYƐŊ 7:10

Lɛ bim inɛ mum à woogh yɛ̀ɛ kɛɛ̀ kɔ̀ngi Bɛ̀ll, ì ti ì kìlàg com ki lɛ mum a lɔɔ̀ghrɛn nɗem, kìɓan kiǹ ki ɓa ɓisuu gòri yìì; foo, mum à yin lɛ à lemgì; wɔ̀lɛ rìkuu ɗi bim ɗi ɗi ri ɓi ziinɛ ɗi ti ɗi syogìì rìwu.

EFÈZYƐŊ 4:17

Kìɓan ki mɛ̀ ǹkalii, ǹki sììrɛn ɓi ɗii ɗi Kan kɛɛ̀ki lɛ: Kɛ̀ ɓi ghɛɓti yɛ̀ɛ ɓum ɓɛ zɛy ɓɛ ɓɛ yin ɓɛgherɛ̀n, ɓɔ yɛɛ ti ɓɛ nɔɔ̀tàg ɓɔɔ momzɛ̀n ɓaa ɓɛ kɛ̀ɛ̀ ìsu.

TÈSÀLÒNÌSYƐŊ 1:9

Ɓum ɓɛɛ̀ kpaakpaa righàɓ ɗi ɓì ghàɓkà ɓìsi yɛ̀ɛ tì kpagà a lɔ̀ŋkin rì yɛ̀ɛ ɓì càɗkàkày ɓìnùn, ɓì lɔ̀ɔ̀ghrɛ̀n yɛ̀ɛ Bɛ̀ll lɛ ɓi ɓɔgsi nyi, lɛ nnyɛɛ ri kɔɔ̀kɔɔ̀ à Bɛ̀ll ànɛ a rì cem,

ÀPÒKÀLIƁSƐ̀ 16:11

ɓɛ ki feefengì Bɛ̀ll ànɛ aɗyoo ɓisuu rikɛŋ ɗi ɓɛ wowòkà rì ɓisuu ɓiɓɛɛ̀ ɓyaa, kìɓan kifog ɓɛ̀ kɛɛ̀ ki lɔ̀ɔ̀ghrɛn mɛrem lɛ ɓɛɛ caɗ ɓìɓeɓtàg ɓyaa ɓi mɛkìkìì.

ÀPÒKÀLIƁSƐ̀ 2:21

Ǹfaghà nyi cààmɛ̀n ki lɛ a lɔɔghrɛn ǹɗem, kìɓan kifog à kɔ̀ni ɓi lɛ di àa lɔ̀ɔ̀ghrɛɛ nɗem lɛ a caɗ ɓìɓan ɓi tifin ɓi a kìkì.

ÀPÒKÀLIƁSƐ̀ 2:5

Yiti min jàŋ inɛ wɔ̀ɔ nkpìi, u lɔgti rìkì, ù tumɛn rìkìkì ɗi ɓiɓan ɓi ù kìkìghà ǹtonto, kɛ̀ɛ̀ fɔlɔɔ di ǹɗì ɓiì yùu a lɔ̀ŋkɔɔ, m̀pisì kìrɛsì ki lamɓà wɔ̀ɔ̀ jàŋ inɛ ki ri, di ù ɓèni kìcenɗɛɛ.

ÀPÒKÀLIƁSƐ̀ 3:3

Yiti min ɓiɓan ɓi Bɛ̀ll ɓi ù tekà rì ɓi ù wokà, ɓèŋa ɓyɔ ù ki lɔ̀ɔ̀ghrɛn nɗem; i ù kɔ̀rii ɓi cem, di ǹɗì wɔ̀ ɓiì yùu ki sìri kɔ̀ɔ ki yi ŋwos anɛ ǹɗì ɓiì yùu.