MƐ̀KÌKÌÌ MƐ ƁƐKƐ̀NÌ-FÌTOM 26:18 - Bafia Nouveau Testament

¹⁸ di ɓyɛɛ pɛsɛn yì ɓi birìm, ɓyɛɛ yu ɓi kìtɛɛtɛn, ɓi leg yì ɓi rìlàmì ɗi Satàn, ɓi yuiy yɛ̀ɛ Bɛ̀ll, fɔɔnnɛ ɓɛ ri ɓiì kìi lɛ, i ɓɛ mɛ gherɛn mɛ, Bɛ̀ll à cenɛ̀n ɓɔ ɓìbe ɓyaa, à ki fa ɓɔ ìkɔ̀ɔ̀ ɓi ǹɗaŋ wu ɓum ɓii.

MƐ̀KÌKÌÌ MƐ ƁƐKƐ̀NÌ-FÌTOM 26:18 ပူးပေါင်းရင်းမြစ်များ

MATYOO 4:10

Nni Yeesus à ɓàkà nyi lɛ: Satàn, pɛ̀sɛn mɛ̀ ɓi mis! Lɛ ki ri kì kànɛn lɛ: Ù ghɛ̀ɛ̀sɛɛ kì ɓɔgsii Kan Bɛ̀ll wɔ̀ɔ̀, lɔŋ nyi cɛ̀ncii nnɛ ù kì kìsay.

MATYOO 4:16

Kìlɔ̀ŋ ki ki ɓaghà kìkɔ̀kɔriyɛn ɓi birìm, ki ǹghɛɛ coo kitɛɛtɛ̀n; fɔɔnnɛ kìtɛɛtɛn ki ǹlòmi a ɓɛ̀roɓɛ ɓɛ ǹɗì ɓi kìlɔ̀ŋ ki ɓi birìm ì rìwu ɓi ɗùm.

LUKAS 1:77

ù ki kì lɛ ɓumɓɛ ɓi kìlɔ̀ŋ kii ɓɛɛ yi lɛ Bɛ̀ll à kòri ɓɔ, lɛ à mɛ cenɛn ɓɔ ɓìɓe ɓyaa.

LUKAS 1:79

lɛ kɛɛ kpeŋzi ɓumɓɛ ɓɛ ri ɓi birìm, rì ɓi kìfìì ki riwù, ki kɛɛ̀sì ɓìsi ɓi bee ì cɛɓ ki fyòoog.

LUKAS 2:32

À rì kìtɛɛtɛn ki kii ɓiì kìi lɛ ɓìlɔ̀ŋ ɓi ɓi ziinɛ ɓyɛ yi wɔ̀, ki ki fa Isirayɛl à kìlɔ̀ŋ kɔɔ rikem.

LUKAS 24:45

Fɔɔnnɛ Yeesus à nɛmgà min ɗyomzɛ̀n ɗyaa, lɛ ɓɛɛ wog ɓìɓan ɓi ɓi ri ɓì kànɛn ɓi kaàtà à Bɛ̀ll.

LUKAS 24:47

Fɔlɔɔ nnɛ à tumɛ̀n a Yorisalɛm, à kpaŋ ɓi ɓìlɔ̀ŋ ɓìcèm ɓɛ ri ɓiì kpaakpaa kiɓan ki lɛ ɓum ɓɛɛ lɔɔ̀ghrɛn mɛ̀rem di Bɛ̀ll a cenɛn ɓìɓe ɓyaa ɓi ɗii ɗìì.

LUKAS 4:18

Nghay à Kan à rì ɓi mɛ̀ ɓisuulɛ à ɓɔngà mɛ̀ à siŋì mɛ̀ mɔ̀ɔ lɛ ǹkakàlì ɓɛ̀yɛɓàyɛɓa Syeesyee à Ɓɔlɛ, à rom mɛ̀ lɛ, nghagsi ɓum ɓɛ naà-zày lɛ: ɓɛ ɓiì kpagii naà-zày; à rom dì mɛ̀ lɛ, ǹkpaà ɓɛ̀ɗyaŋɗyàŋ lɛ ɓɛ ri ɓiì ghɛnɛɛ ti; ɓumɓɛ ɓɛ̀ro ɓum ɓɛɛ̀ kìki mɛtɔɓ m̀pisì ɓɔ ɓi mɛ̀tɔɓ,

ZYAŊ 17:17

Kìya lɛ rì saaɗ wɔ̀ɔ̀, ɓɛɛ ɓa ɓum ɓɔɔ; ɓìɓan ɓyɔɔ ɓi ri saaɗ.

ZYAŊ 3:19

Bɛ̀lɛn i rì ǹto lɛ: Kìtɛɛtɛn ki yughày ɓi ziinɛ, ɓum ɓɛ ki keesi birìm à cee kìtɛɛtɛn kìn, lɛ mɛ̀kìkìì maa mɛ ɓaghà mɛ̀ɓeɓtɛn.

ZYAŊ 4:10

Fɔɔnnɛ Yeesus à ɓàkà giɓ anɛ̀n lɛ: I wàa yii rìfa ɗi Bɛ̀ll, ù ki yi roànɛ à lɔni wɔ̀ mɛ̀nig mɛ nɔyɛn, di wɔ̀ yaa rì lɛ, ù lɔn nyi mɛ̀nig mɛ noyɛn, di àa ki faa wɔ̀ mɛ̀nig mɛ cɛɓ.

ZYAŊ 4:14

Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

ZYAŊ 8:12

Yeesus à tòòghrɛ̀ngà tì rì ɓɔ à kpaa lɛ: Mɛ̀ ǹɗì kìtɛɛtɛn ki ɓi ziinɛ; ŋwaànɛ à nɔ̀ɔ̀tii mɛ̀, àa kɛ̀ɛ̀ghi ɓi ɓi birìm, à rì lɔŋ ɓiì ɓaà rì kìtɛɛtɛn ki cɛɓ.

ZYAŊ 9:39

Yeesus à kalì min nyi lɛ: Ǹ-yùghà ɓi ziinɛ lɛ rìren ɗi ɓìɓan ɗyɛɛ ghɛnɛn lèg ànɛ lɛ, ɓumɓɛ ɓɛ ri rì tìɗyaŋ ɓɛɛ ghɛnɛn, ɓɛ̀roɓɛ ɓɛɛ̀ ghɛɛghɛnɛ̀n ɓɛ ɗiŋì tìɗyaŋ.

ZYAŊ 9:5

Cààmɛ̀n ki ǹkaka ɓi ziinɛ, ǹɗì kìtɛɛtɛn ki ɓi ziinɛ.

MƐ̀KÌKÌÌ MƐ ƁƐKƐ̀NÌ-FÌTOM 10:43

Yeesus ànɛ̀n nnɛ ɓɛ̀kpaŋzì-ɓìɓan ɓɛ̀cèm ɓɛ ɓugà yɛ̀ɛ ɓɛ kpaakpààghà lɛ: Ɓì ɗii ɗii nnɛ Bɛ̀ll à rì ɓiì cenɛɛ mum ǹcèm ànɛ à gherɛɛ nyi ɓìɓe.

MƐ̀KÌKÌÌ MƐ ƁƐKƐ̀NÌ-FÌTOM 13:47

Ɓisuulɛ, Kan a kalag ɓisi lɛ: Ǹɗɛsìghà wɔ̀ lɛ, ù ɓa fɛlɛ yɛ̀ɛ kìtɛɛtɛn ɓi nyìinyìm à ɓìlɔ̀ŋ ɓimbog ù ki sààti cɛɓ ɓi zi bimiɗ.

MƐ̀KÌKÌÌ MƐ ƁƐKƐ̀NÌ-FÌTOM 15:9

àa ǹɗèsii ɓi ǹɗèè ɓi nyìinyìm ànɛ lɛ rì ɓìsi rì ɓɔ, àa ǹtɛɛ̀zii ɓɔ mɛ̀rem lɛ rìgherɛ̀n ɗi ɓɛ ǹgherɛɛ nyi.

MƐ̀KÌKÌÌ MƐ ƁƐKƐ̀NÌ-FÌTOM 2:38

Pyɛɛri à ɓàg ɓɔ lɛ: Lɔ̀ɔ̀ghrɛɛna mɛ̀rem, mum ǹcèm ànɛ ɓi mìni à ki ɓàɓtɛn ɓi ɗii ɗi Yeesus Kiris fɔɔnnɛ Bɛ̀ll a cenɛn ɓìɓe ɓin, à ki fa mini Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 20:21

Ǹɗerèŋìghà lɛ, rì Ɓɛ̀yudɛ̀n rì Gìrɛg lɛ ɓɛɛ lɔɔ̀ghrɛn mɛ̀rem, ɓɛ gherɛ̀n Bɛ̀ll, ɓɛ ki tyweeyi Yeesus à Kan wìs.

MƐ̀KÌKÌÌ MƐ ƁƐKƐ̀NÌ-FÌTOM 20:32

Nni ɓi cààmɛ̀n ki, ǹɗeɓsɛɛ mìni rì Bɛ̀ll ǹki reɓsɛnti mìni rì ɓɔlɛ à geesɛ̀n yìì; ɓɔlɛ ànɛ̀n yɛɛ ri lɛ, à kì lɛ ɓi ɓa rì ìtèɗ, à ki fati mini ɓyom ɓi à nyamgà ɓisuu ɓumɓɛ ɓɛ ri ɓɛŋkii.

MƐ̀KÌKÌÌ MƐ ƁƐKƐ̀NÌ-FÌTOM 26:19

Rìfòm Agiripa, fɔlɔɔ nnɛ ǹkìghà ɓi ɓɛ̀lɔg ɓi kìɓan ki ki resɛ̀ngày mɛ̀ kiǹ aɗyòò.

MƐ̀KÌKÌÌ MƐ ƁƐKƐ̀NÌ-FÌTOM 26:23

ɓyɛɛ ri lɛ: Kiris à ghɛ̀ɛ̀sɛ̀ngà kìwiì, à ki ɓa ŋwaà ǹtonto ànɛ a ghemɓɛn yì a ɓìloŋ, à lòm kìtɛɛtɛn ɓi kìlɔ̀ŋ kis rì ɓi ɓìlɔ̀ŋ ɓimbog lɛ ɓyɛɛ yi lɛ ɓi ri ɓiì ɓaà rì cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 3:19

Nni lɔ̀ɔ̀ghrɛɛna min mɛrem, ɓi sugtiì yɛ̀ɛ Bɛ̀ll, di fɔɔnnɛ a tiìsi ɓìɓe ɓin.

MƐ̀KÌKÌÌ MƐ ƁƐKƐ̀NÌ-FÌTOM 5:31

Nyi nnɛ Bɛ̀ll àa m̀pɛ̀sii aɗyoo, rì weèlem wìì, lɛ a ɓa lɛ, nyi rìfòm, nyi ǹghɛɓsì-ɓum ànɛ à rì ɓiì nɛmì Isirayɛl bee ìnɛ lɛ ɓɛɛ lɔɔ̀ghrɛn mɛ̀rem di Bɛ̀ll a cenɛn ɓɔ ɓìɓe ɓyaa.

RÒMƐŊ 8:17

I tì rì ɓɔn ɓii, tì rì girig rì gàɓ ɓi ɓìrɔɔ ɓi Bɛ̀ll, à kàkà ɓum ɓii; tì ki rì ɓɛ̀roɓɛ ɓɛ ri ɓiì kàɓɓɛɛ ɓirɔɔ ɓìn rì Kiris, lɛ, i ti wowog mɛtɔɓ ǹɗaŋ ɗi nyi, tì ɓiì ɓaà girig rì gàɓ ɓi rìkem ɗìì.

1 KƆ̀RƐ̀ŊTYƐŊ 1:2

Tì kàni kìseŋi ki Bɛ̀ll ki ki ri a Kɔrɛŋt, rì ɓumɓɛ ɓɛ ri ɓɛ̀tɛnɛn ɓi Yeesus Kiris ɓi ɗùm ɓɔ yɛɛ ri ɓɛ̀reŋiyɛn lɛ ɓɛɛ ɓa ɓɛ̀gherɛ̀n, rì ɓum ɓɛ̀cèm ɓɛ ɓɛɛ̀ rereŋi ɗii ɗi Kan wìs Yeesus Kiris ɓaa soo rì fe, lɛ Yeesus à rì Kan wàà, nyi tì Kan wìs.

1 KƆ̀RƐ̀ŊTYƐŊ 1:30

Wɔ̀lɛ Bɛ̀ll à ràɗkà mìni rì Yeesus Kiris à ki kì lɛ Kiris a ɓa ɗyomzɛ̀n ɗis, fɔɔnnɛ tì ti ɓum ɓɛ saaɗ ɓi mis mii lɛ Kiris; tì ti ɓi nɗɛli wulɛ ti ghɛɓ cɛɓ ki tɛnɛn, tì ki ɓa ɓumɓɛ ɓɛ ti ɓɛ̀kòrɛn ɓi kìɓe.

2 KƆ̀RƐ̀ŊTYƐŊ 4:4

Ɓi san ànɛ a ɓumɓɛ ɓɛ ti ɓɛ ɓengì kìgherɛɛ, bɛ̀ll ì ziinɛ ì mɛ dùŋzag ɓɔ mɛ̀rem lɛ ɓɛ̀ kɛɛ̀ ghɛn yɛ̀ɛ Syeesyee à Ɓɔlɛ à rìkem ɗi Kiris a lònlòm; Kiris ànɛ à rì kìfèèghrɛnà ki Bɛ̀ll kɔmiɗ.

2 KƆ̀RƐ̀ŊTYƐŊ 4:6

Ɓisuulɛ Bɛ̀ll ànɛ à kpaaghà lɛ kìtɛɛtɛn kɛɛ lom ɓi birìm, nnyɛɛ lomgà kìtɛɛtɛn ɓi mɛ̀rem mis, lɛ a ki lɛ rìyi ɗi ɓum ɓɛ ri lɛ ɓɛ yi rìkem ɗi Bɛ̀ll ɗi ɗyɛɛ̀ lònlom ɓi-su wu Kiris ɗyɛɛ ghɛnɛ̀n.

2 KƆ̀RƐ̀ŊTYƐŊ 6:14

Kɛ̀ ɓi ɓasɛn ɗi ɓumɓɛ ɓɛ yin ɓɛgherɛ̀n lɛ ɓi foŋɗɛn mìniìɓɔmiɗ ɓi kìɓèg ki ki ghɛɛ̀sɛɛ ɓi ri mìni. Cɛ kɛɛ ri lɛ ki raɗ lɛ rì saaɗ rì kìtɛ̀ŋtɛ̀ŋ? Nsoò lɛ cɛ kɛɛ ri lɛ ki raɗ lɛ rì kìtɛɛtɛn rì birìm?

GÀLAT 2:20

Ǹwughà ɓi Kɔrɔs ǹɗaŋ ɗi Kiris, fɔɔnnɛ àa mɛ̀ yɛɛ̀ ghɛghɛɓti, lɔŋ Kiris yɛɛ̀ ghɛghɛɓ ɓi mɛ̀; cɛɓ ki nghɛghɛɓ gɛɛ̀nɛ yɛ̀ɛ mum, nghɛghɛɓ kɔ ɓi rìgherɛ̀n ɗi ǹgherɛɛ Man à Bɛ̀ll ànɛ à keesìghà mɛ̀, à ki fa cɛɓ kii ɓisu wɛ̀m.

GÀLAT 3:14

Ki kilɛ̀ngà fɔlɔɔ lɛ di ɓɛ̀mààgh ɓɛ Bɛ̀ll à kàkà Abiraham ɓɛɛ kom̀ ɓumɓɛ ɓɛ yin Ɓɛ̀yudɛ̀n lɛ Yeesus Kiris, rì tì lɛ, di ɓìsii teɗ Ǹghay ànɛ Bɛ̀ll à kàkà lɛ rìgherɛ̀n.

GÀLAT 3:2

Ɓàghina mɛ̀ ǹtɔɔ̀tɔɔgh wu; Bɛ̀ll à faghà mìni Nghay wìì ɓisuulɛ ɓì ɓègà ɓìdɔ̀gsɛna gìn ɓisuulɛ ɓì kìghà lɛ, ɓì wog, ɓì ki gherɛn Syeesyee à Ɓɔlɛ?

EFÈZYƐŊ 1:11

Ɓi rìɓa ɗis ɗi tì rì ɓi Kiris, tì mɛ teɗ gàɓ yìs i cɛɓ lɛ Bɛ̀ll à lokà ɓìsi kì ɓɔ̀ni lɔŋ yɛ̀ɛ rìyitì ɗii ɗi ɓaghà. Bɛ̀ll a kìlag ɓiɓan lɔŋ yɛ̀ɛ ǹɗem wii wu kɔnì.

EFÈZYƐŊ 1:14

Nghay ànɛ̀n yɛɛ̀ kìki lɛ, tyɛ̀ ki ɓa ri nyoey ɓi kìrɔɔ ki Bɛ̀ll à nyamgà ɓisuu ɓum ɓii, à ki kì lɛ ti yi syeesyee à rìyi lɛ, tì rì ɓiì terì ɓyom ɓi syeesyee ɓi à nyamgà ɓiǹ, di gòri yìs i mɛ ron. Tì rì ɓumɓɛ Bɛ̀ll à tekà ɓisuulɛ ti nyaànyààsì rìkem ɗii.

EFÈZYƐŊ 1:18

À lòm mìni kìtɛɛtɛn ɓi mɛ̀rem, lɛ ɓi yi rìkuu ɗi dyàɓɛn ɗi à reŋìghà mìni lɛ ɓi ɓa rì ɗyɔ, ɓì ki yi lèg ànɛ yɛ̀ɛ ɓyom ɓi syeesyee ɓi à nyamgà ɓisuu ɓɛgherɛ̀n ɓi ri ɓì tèghɛn.

EFÈZYƐŊ 1:7

Ɓi Man ànɛ̀n, tì ti ɓɛ̀kòrɛn ri bwaɓ yii, ɓìɓe ɓis ɓi ɓa ɓìcàrɛn lɔŋ lɛ coo itègh wu geesɛ̀n ì Bɛ̀ll,

EFÈZYƐŊ 2:8

Ɓisuulɛ ɓì rì ɓɛ̀kòrɛn lɛ geesɛ̀n ì Bɛ̀ll, ɓi bee ì rìgherɛ̀n ɗi ɓì gherɛɛ nyi; ki kilɛɛ ɓi fɔlɔɔ lɛ rìkì ɗin, ki ri lɔŋ rifa ɗi Bɛ̀ll.

EFÈZYƐŊ 4:18

Ɗyomzɛ̀n ɗyaa ɗi ri ɗì sigtɛn birìm, fɔɔnnɛ ɓɛ yin ri gàɓ ɓi cɛɓ ki Bɛ̀ll lɛ kɛ̀ɛ̀ rìyi wàà, rì rìɓa ɗi mɛ̀rem maa mɛ ri mɛ̀ tèrɛn.

EFÈZYƐŊ 5:11

Kɛ̀ ɓi ɓasɛn ri ɓumɓɛ ɓɛɛ̀ kìki ɓiɓan ɓi birìm, ɓi ɓi ghɛɓsii ɓi com. Lɔŋ ɓì ghɛ̀ɛ̀sɛɛ kì kpàkii ɓyɔ ɓi kìtɛɛtɛn;

EFÈZYƐŊ 5:14

Kìɓan kiǹ kɛɛ̀ki ki ri kì kaliyɛn lɛ: Wɔ̀ ŋwaànɛ u lalày, ghèmɓɛn ɓi fìlo pɛ̀sɛn yì aɗyoo ɓi nyìinyìm à ɓìloŋ, di Kiris a lom̀ wɔ̀ kìtɛɛtɛn.

EFÈZYƐŊ 5:8

Ɓisuulɛ ɓì ɓaghà ɓumɓɛ ɓi birìm abɛ̀y, nni ɓigomìnɛ, ɓì ti kìtɛɛtɛn ɓi Kan ɓi ɗùm. Nni ghɛɓina min yɛ̀ɛ ɓɔn ɓɛ ɓi kìtɛɛtɛn.

EFÈZYƐŊ 6:12

Ɓisuulɛ àa ɓumɓɛ ɓɛ ri rì bwaɓ ɓɛɛ̀ɓɛ ti ɗùùɗuu ri ɓɔ; ti ɗùùɗuu lɔŋ ri mɛ̀tèɗ mɛ ɓiɓeɓtàg ɓi mɛghay ɓi ɓi ri ɓi ɗyoo ɓi ɗùm, ɓi ɓyɛɛ̀ làlàmì, ɓi ɓa rì ìtèɗ; ti ɗùùɗuu girig rì ɓumɓɛ ɓɛɛ̀ làlami ziì ì birìm ìnɛ.

2 TIMOTE 2:26

fɔɔnnɛ ɓɛɛ sugtiì ɓi ɓɔmiɗ, ɓɛ ki sɔtɛn yi ɓi fìram fi Satàn a wɔɔsìghà ɓɔ miì lɛ ɓɛɛ kiki lɔŋ rìkɔ̀n ɗii.

EBIREEGH 10:10

Ɓisuulɛ Yeesus Kiris à roòzìghà rìkɔ̀n ɗi Bɛ̀ll, fɔɔnnɛ ɓìsii ti rì zòghɛ̀n ìnɛ ɓi ɓìɓe ɓis lɛ rìfa ɗi à faghà nyoo yìì gɛ̀n bog ɓi gɛ̀n yicèm.

EBIREEGH 10:14

Fɔlɔɔ nnɛ ɓi rìfa ɗìfog, à mɛ kì lɛ ɓɛ̀roɓɛ ɓɛ ri ɓɛ̀tɛɛ̀ziyɛn ɓɛɛ ɓa lɛ syeesyee ìsuùcèm kɛ̀ɛ̀ com ki ɓɛ ri lɛ ɓɛ fen a lɔ̀ŋkaa.

EBIREEGH 11:6

Wɔ̀lɛ i mum àrì kɛ̀ɛ̀ rìgherɛ̀n, à yin lɛ à rɔɔ Bɛ̀ll; ŋwaànɛ à tyɛ̀ɛ̀tɛɛ Bɛ̀ll jàŋbog, à ghɛ̀ɛ̀sɛɛ kì gherɛɛ lɛ Bɛ̀ll à rì wɔɔ, à ki gherɛn ti lɛ Bɛ̀ll à ti à lèɓkì ɓumɓɛ ɓɛ ti ɓɛ kaaghì nyi.

EBIREEGH 9:15

Kìɓan kiǹ kɛɛ̀ki Kiris à rɛrɛlii ɓi nyìinyìm ànɛ ɓi bee i nyɔn ìnɛ lɛ, rì ɓum rì Bɛ̀ll, lɛ di ɓumɓɛ Bɛ̀ll à mɛ reŋi ɓɛɛ teɗ ɓìrɔɔ ɓi fiɗyàɓ fikɔ̀ɔ̀, ɓi à kàkà ɓumɓɛ abɛ̀y; ɓɛ ri ɓyɔ ɓiì terì lɛ rìwu ɗi mum bog ɗyɛɛ mɛ kwèɗ ɓum ɓi ɓìɓe ɓìcèm ɓi ɓɛ kighà di ɓɛ kaka ɓi fìɗyàɓ fi bee.

ZYAG 2:5

Mìni ɓɛ̀geni ɓɛ̀m ɓɛ nɗem wooghna! Bɛ̀ll à ɓɔ̀ngà ɓɛ̀soghàsogha ɓɛ ɓi ziinɛ lɛ ɓɛɛ ɓa ɓɛ̀guŋgum ɓi rìgherɛ̀n ɓɛ ki ɓa ri gàɓ ɓi kìlɔ̀ŋ kii ki à kàkà ɓumɓɛ ɓɛ ti ɓɛ keesàg nyi.

1 PYƐƐRI 1:4

ɓisuu mɛwus mɛ mɛ yin lɛ mɛ ɓwɛy, mɛ̀ kɛɛ̀ teɗ tifin nsoò lɛ mɛ womdàg; mɛ̀wus mɛǹ mɛɛ ri mɛ̀ nyamɛn aɗyoo ɓisu wìn,

1 PYƐƐRI 2:25

Ɓisuulɛ ɓì ɓaghà fɛlɛ yɛ̀ɛ jɔ̀ɔ̀ yi yɛɛ dèŋdèŋ kɛ̀ɛ̀ m̀ɓèŋì, wɔ̀lɛ ɓigomìnɛ, ɓì mɛ sugti yɛ̀ɛ mɓèŋì-jɔ̀ɔ̀ ànɛ a ɓèŋɓeŋ mɛghay min.

1 PYƐƐRI 2:9

Wɔ̀lɛ ɓi ɓɛg wìn, mìnii ri boo ì mum ìnɛ ì rì m̀ɓɔ̀nɛn, ǹɗaŋ wu ɓɛpìrɛɛtìrɛ̀ ɓɛ rifòm, kìlɔ̀ŋ ki ki ri ki Bɛ̀ll, ki ɓumɓɛ Bɛ̀ll à tekà ɓisu wiì lɛ ɓɛɛ laàlàmɓɛ̀n ɓɛ̀gɛn ɓɛ mɛkìkìì ɓɛ roànɛ à reŋìghày mìni lɛ ɓi pɛsɛn yì ɓi birìm, ɓi yu ɓi kìtɛɛtɛn kii ki ki ri kìɓan ki kuughrakɛn;

1 ZYAŊ 1:9

Wɔ̀lɛ i tì gherɛɛ ɓìɓe ɓis ɓi mis mɛ Bɛ̀ll, tì rì lɛ tì ɓa rì ǹtyweeyi ri nyi lɛ, rìkì ɗii ɗi ri yɛ̀ɛ saaɗ a kɔ̀nkɔ̀n; à ɓiì cenɛɛ ɓisi ɓìɓe, à ki sòò mɛnànì mis mɛcèm.

1 ZYAŊ 2:12

Ɓɔn ɓɛm, ǹkàni mìni ɓisuulɛ ɓìɓe ɓin ɓi ti ɓì càrɛn ɓi ɗii ɗìì.

1 ZYAŊ 3:8

Ŋwaànɛ a kɛ̀nkɛn asu à kìkì kìɓe, à rì ŋwaà Satàn, lɛ Satàn a maà kìkì kìɓe, à tumɛ̀n a rìtumɛ̀n. Man à Bɛ̀ll à yùghày lɛ, a yogsi mɛ̀kìkìì mɛ Satàn.

1 ZYAŊ 5:19

Tì yii lɛ tì rì ɓum ɓɛ Bɛ̀ll, rì tì lɛ ziinɛ bimiɗ ì rì ɓi rìlàmì ɗi ghèghey à mum.

ZYUUDƐ 1:1

Mɛ̀ Zyuudɛ ànɛ ǹɗì ǹkìì-kìsay a Yeesus Kiris, ǹki ɓa geni Zyag, mɛ̀ yɛɛ kaniì ɓumɓɛ Bɛ̀ll à reŋìghà kaàtà ànɛ. Ɓumɓɛ̀n Bɛ̀ll Seŋi a keesag ɓɔ, Yeesus Kiris, à ki ɓègi ɓɔ.

ÀPÒKÀLIƁSƐ̀ 21:27

Com ki ki ri rì tìfin kaa ɗiŋi ɓi wɔɔ, nsoò ŋwaànɛ à ti à kìlàg ɓìɓan ɓi ɓeɓtɛn ɓi mis mɛ Bɛ̀ll, rì ɓɛ̀pwàà, lɔŋ ɓumɓɛ mii maa mɛ ri mɛ̀kànɛn ɓi kaàtà à cɛɓ à Man à jɔ̀ɔ̀ ɓɔ rì ɓɔ, ɓɛɛ ri ɗiŋi ɓi bàn ìnɛn.