MƐ̀KÌKÌÌ MƐ ƁƐKƐ̀NÌ-FÌTOM 25:25 - Bafia Nouveau Testament

²⁵ Wɔ̀lɛ ɓi mɛ̀, mɛ̀ɛ nghɛɛ ɓi kiɓan kiɓeɓtɛn ki à kìi ki ɓɛ ri lɛ ɓɛ wey nyi miì, nni yɛ̀ɛ nyimiɗ yɛɛ ntɔɔgh lɛ kìɓan kii kɛɛ ghaàgh yɛ̀ɛ Kaaza, nni mɛ̀ɛ nkpaa lɛ, ǹɗi nyi ɓiì romì wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 25:25 ပူးပေါင်းရင်းမြစ်များ

LUKAS 23:14

À kpaa ɓɔ lɛ: Ɓyàa yùu mɛ̀ rì ŋwaànɛ rì ǹkpaà lɛ a tootoòsì ɓum ɓɛ kilɔ̀ŋ lɛ ɓɛ̀ kɛɛ̀ wog rilàmì. Nni màa tɔkii nyi mɛ̀tɔɔ̀ghtɔɔgh ɓi mis min, kɛ̀ɛ ǹghɛn nsoò kìɓan kifog ki à kìi ɓi mɛ̀to mɛ ɓiɓan mɛ ɓyàa sɔmɛɛ nyi miì.

LUKAS 23:4

Nni Pilat à kpaaghà ɓɛ̀pìrɛɛtìrɛ̀ ɓɛgwey lɛ: Ǹghɛɛ ɓi kiɓan ki ɓeɓtɛn ki ŋwaànɛ à kìi.

ZYAŊ 18:38

Nni Pilat à tɔkà nyi lɛ: Saaɗ innɛ cɛ? Yɛ̀ɛ à kpaaghà fɔlɔɔ, nni à kpaŋdìghà, à kɛ̀n jàŋ inɛ Ɓɛ̀yudɛ̀n ɓɛ ɓaghà, à kpaa ɓɔ lɛ: Mɛ̀ ǹghɛɛ ɓi kiɓan ki ɓeɓtɛn ki ŋwaànɛ à kìi.

MƐ̀KÌKÌÌ MƐ ƁƐKƐ̀NÌ-FÌTOM 23:29

Ɓi ɓɛg wɛ̀m, mɛ̀ nghɛɛ lɛ, ɓɛɛ̀ sɔmag nyi ɓisuu ɓiɓan ɓi ɓi seesee ɓìdɔ̀gsɛna ɓyaa. Kìɓan kifog, à kìi ɓi bimiɗ à kìɓan anɛ ɓɛ ri lɛ ɓɛ wey nyi miì, nsoò lɛ ɓɛ pig nyi ɓi naà-zày.

MƐ̀KÌKÌÌ MƐ ƁƐKƐ̀NÌ-FÌTOM 23:9

Yɛ̀ɛ kìyoòyòò ki kɛnkɛ̀ngà lɔŋ asu rì ìtèɗ, nni ɓɛ̀rèsàg-ɓìdɔ̀gsɛna ɓɛdɛŋ ɓɛ ɓi ǹɗaŋ wu Ɓɛ̀fàrìzyɛŋ ɓɛ pɛ̀sɛ̀ngà aɗyoo, ɓɛ rɛli ɓi kìɓan kiǹ rì ìtèɗ, ɓɛ kpaa lɛ: Ɓìsii ghɛɛ ɓi kiɓan ki ŋwaànɛ à kìi, ɓaà yi ɓi ǹghay wudɛŋ nsoò lɛ ŋwaà-fìtom adɛŋ yɛɛ ǹɗì lɛ à tòòghrɛ̀n rì nyi.

MƐ̀KÌKÌÌ MƐ ƁƐKƐ̀NÌ-FÌTOM 25:26

Wɔ̀lɛ ǹka yin ɗi bimiɗ à kìɓan anɛ ǹɗì lɛ ǹkàn Kaaza ɓi kìɓan ki ǹwaànɛ, fɔlɔɔ nnɛ ǹɗɛsii nyi fɛ ɓi mis min, a ɓiisɛ̀n ɓi mis mɔɔ, wɔ̀ rìfòm Agiripa lɛ i tyàa mɔ̀ɔmɔmgì kìɓan kii, fɔɔnnɛ mɛ̀ ǹ-yi cɛ kɛɛ̀ki ǹɗì lɛ ǹkàn Kaaza;

MƐ̀KÌKÌÌ MƐ ƁƐKƐ̀NÌ-FÌTOM 26:31

ɓɛ kɛǹ dwìɗ ɓɛ kpaakpàà wɔɔ ɓɔ rì ɓɔ lɛ: Ŋwaànɛ à kìi ɓi kiɓan ki ɓɛ ri lɛ ɓɛ wey nyi miì, nsoò lɛ ɓɛ foŋ nyi ɓi naà-zày.

MƐ̀KÌKÌÌ MƐ ƁƐKƐ̀NÌ-FÌTOM 27:1

Yɛ̀ɛ ɓɛ rengà lɛ tì ghɛ̀ɛ̀sɛɛ kì kɛ̀ɛ a Italii ɓi fìtimà, nni ɓɛ tekà lɛ rì Pol, rì ɓum ɓɛdɛŋ, ɓɛ fa ɓɔ rì ǹkɔmɛ̀n-ɓɛ̀sujàà àsàg ànɛ ɓi kìtuu ki ɓɛsujàà ki ɓɛ nɗegì lɛ, ɓɛ̀sujàà ɓɛ Kaaza ànɛ a Italii ɗii lɛ: Zyulyus.

MƐ̀KÌKÌÌ MƐ ƁƐKƐ̀NÌ-FÌTOM 28:18

Yɛ̀ɛ Ɓɛ̀ròmɛŋ ɓɛ tɔkàkà mɛ̀ mɛ̀tɔɔ̀tɔɔgh ɓɛ̀ kɛɛ̀ ghɛn kiɓan kiɓeɓtɛn kì ǹkìi, ki ki ghɛɛ̀sɛɛ rì ǹwolɛ̀n, fɔɔnnɛ ɓɛ mɛɛ̀ kìghà lɛ, ɓɛɛ caɗ mɛ̀,