MƐ̀KÌKÌÌ MƐ ƁƐKƐ̀NÌ-FÌTOM 24:16 - Bafia Nouveau Testament

¹⁶ Kìɓan kin kɛɛ̀ki mɛ̀ girig ntèeteèsì nyoo ɓyààmɛ̀n ɓìcèm lɛ, ǹɗem wɛ̀m wɛɛ ɓa kɛ̀ɛ̀ bɛ̀lɛn ɓi mis mɛ Bɛ̀ll, rì ɓi mis mɛ ɓum.

MƐ̀KÌKÌÌ MƐ ƁƐKƐ̀NÌ-FÌTOM 24:16 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 23:1

Pol à pɛ̀ɛ̀zìghà mis rì ɓumɓɛ ɓi Sànèdìrɛŋ à kpaa lɛ: Ɓɔɔsoŋ̀, à kpaŋ gɛɛ̀nɛ, ǹɗem wu yin mɛ rì mɛ̀riighrikì nsoò lɛsàg, ɓi rìba ɗi lɛ rì mɛ̀ rì Bɛ̀ll.

RÒMƐŊ 2:15

Ɓi rìkì ɗiǹ, ɓɛ resii yɛɛ lɔɔ lɛ ɓìdɔ̀gsɛna ɓi ri ɓɔ ɓìkànɛn ɓi nɗem; fɔlɔɔ nnɛ ǹɗem waa wu ɓi ɗùm wɛɛ̀ rèresi girig kìɓan kiǹ. Mɛ̀yitì maa mɛ kikì lɛ, ɗi ɗi yii mɛ fa ɓɔ zɔɔ, ɗi ɗi yii, mɛ kamɛ̀n rì ɓɔ.

RÒMƐŊ 9:1

Nkpaakpaa saaɗ ɓi Kiris ǹki pwàa ɓi; rì ǹghɛɓsɛn wu Kitɛntɛ̀ɛ̀n ki Nghay, ǹɗem wɛ̀m wu ri mɛ̀ wusìnɛ̀ɗ lɛ ki ri saaɗ fɔlɔɔ.

1 KƆ̀RƐ̀ŊTYƐŊ 10:32

Kɛ̀ ɓi ɓa gɔ̀g ìnɛ ì rì lɛ ì kɛ̀ɓtì nsoò muu Ɓɛ̀yudɛ̀n nsoò muu Gìrɛg nsoò kìseŋi ki Bɛ̀ll fìɓàg.

1 KƆ̀RƐ̀ŊTYƐŊ 4:4

lɛ ǹ-yin ɗi bɛ̀lɛn ɓi nɗem. Kìɓan kifog àa fɔlɔɔ yɛɛ kii lɛ mɓa lɛ sɛɛghi sɛɛghi, ǹ-yɔ̀mì mɛ̀ à rì lɛ Kan.

2 KƆ̀RƐ̀ŊTYƐŊ 1:12

Lɛ kìɓan ki ɓìsii ri lɛ tì teɗ rìkem miì ki ri lɛ: ǹɗem wis wɛɛ̀ rèresi ɓisi lɛ tɛntɛ̀ɛ̀n lɛ: rìkɛ̀ɛ̀kɛ̀ɛ̀ ɗis ɗi ɓi ziinɛ, à ɓiisɛ̀n ɓi ɓɛg ànɛ a lɔ̀ŋkin, ɗi ri ɗì tɛnɛn, ɗi ɓa tì lɛ saaɗ, kɛ̀ɛ̀ mɛ̀ghèy. Rìɓa ɗìn ɗi fuu yì yɛ̀ɛ Bɛ̀ll, lɛ geesɛ̀n ì Bɛ̀ll yɛɛ̀ kɛ̀ɛkɛɛ̀sì ɓìsi, àa ɗyomzɛ̀n ɗi ɓum.

2 KƆ̀RƐ̀ŊTYƐŊ 4:2

Ɓìsiì ɓengà ɓìɓan ɓi ntoòrìɗ ɓi ɓyɛɛ̀ kìikilɛ̀n a rìnyam; cɛɓ ki ti ghɛghɛɓ ki yin ɗi mɛ̀ghèy, fɔɔnnɛ tì ki yin ɓiì lɔ̀ɔghlɔgtì jɛ̀ɛ̀ ì Bɛ̀ll. Wɔ̀lɛ rìrèsì ɗi ti rèresi saaɗ ɗyɛɛ̀ɗi ti kaakaa bee inɛ ɓum ɓɛ̀cèm ɓɛɛ tyweeyi ɓìsi ɓi mis mɛ Bɛ̀ll.

TÈSÀLÒNÌSYƐŊ 2:10

Ɓì rì ɓɛ̀wusìnɛ̀ɗ ɓis, nsoò Bɛ̀ll à rì girig wusìnɛ̀ɗ lɛ cɛɓ ki tì ghɛɓkà rì mìni ɓɛ ɓì rì ɓɛ̀gherɛ̀n ki ɓaghà kìtɛnɛn, kɔ tì lɛ saaɗ, kɛ̀ɛ̀ kìɓan kifenɛn miì.

TIMOTE 1:19

ù ɓèŋ rìgherɛ̀n rì syeesyee à ǹɗem. Syeesyee à ǹɗem ànɛ̀n, ɓum ɓɛdɛŋ ɓɛ mɛ naŋ nyi, rìgherɛ̀n ɗyaa ɗi ɓɛǹ mɛ̀nig yɛ̀ɛ ɓumɓɛ rìɓày à teri.

TIMOTE 1:5

Rìsyɔn ɗi ɓi kìɓan ki ǹtɔɔgh wɔ̀ kiǹ ɗi ri lɛ, ǹkɔ̀nɛ̀n ànɛ à rìì ɓi nɗem wu wu ri wù tɛnɛn, rì ɓi nɗem wu wu ri lɛ sɛɛghisɛɛghi, rì ɓi rìgherɛ̀n ɗi kɛ̀ɛ̀ tìfyèèrɛnà.

TIMOTE 3:9

ɓɛ ghɛɛ̀sɛɛ kì ɓèŋì ɓiɓan ɓi ɓi ri ɓìnyamɛn ɓi rìgherɛ̀n rì nɗem wu wu ri wùtɛnɛn.

2 TIMOTE 1:3

Ǹfaa Bɛ̀ll ànɛ nkìki kisay ɓitògsɛ̀n; kìsay kiǹ, ki ri rìkɛ̀n ɗi beèbɛ̀y ɗì kìsay ki ɓɛ̀seŋi ɓɛ̀m ɓɛ ɓɛsɛ̀ɛ̀ ɓɛ kighà nyi; nkìki kɔ rì nɗem wu sɛɛghi sɛɛghi, fɔlɔɔ nnɛ ǹfɔli ɓi wɔ rìɓùŋ yɛ̀ɛ ìru yɛ̀ɛ ŋwos ɓi bɔ̀ŋzɛ̀n yɛm̀;

Kaàtà ànɛ Pol à kàngà TIT 1:15

Com kìcèm ki ri kì tɛnɛn ɓisuu ɓumɓɛ ɓɛ ri ɓɛ̀tɛnɛn, wɔ̀lɛ com kidɛŋ ki yin ki tɛnɛn ɓisuu ɓumɓɛ ɓɛ ri lɛ tɔɔtɔɓki, ɓɛ̀ kɛɛ̀ ɓa ɓɛgherɛ̀n, ɓisuulɛ ɗyomzɛ̀n rì nɗem waa, ɓi ri lɛ tɔɔtɔɓki.

EBIREEGH 10:22

Ti tyòŋdɛɛna min Bɛ̀ll jàŋbog rì ǹɗem wu wu ri lɛ sɛɛghi sɛɛghi, rì rìgherɛ̀n ɗi ɗi ri ɗìronɛn, ǹɗem wù tɛnɛn ɓi ɓɛg ànɛ a ɓìɓan ɓi ɓi ri lɛ ɓi fa wɔ̀ bɛ̀lɛn, nyoo ì ɓa ǹwùɓsiyɛn ɓi mɛ̀nig mɛ mɛ ri mɛ̀ tɛnɛn.

EBIREEGH 13:18

Ɓì ɓɔ̀ŋzàg ɓisu wis, lɛ tì konaagh kì yiì lɛ mɛ̀rem mis mɛ ri lɛ sɛɛghi sɛɛghi, rì rìkɔ̀n ɗi lɛ ti ghɛghɛɓ ɓi ɓɛ̀saaɗ ɓi ɓìɓan ɓìcèm.

EBIREEGH 9:14

bɔ̀ɓ yaŋ min ɗi bwaɓ yi Kiris ànɛ à falɛ̀ngà nyimiɗ ri Bɛ̀ll, kɛ̀ɛ̀ fìfin, ɓi Nghay ànɛ à ri fìɗyàɓ fikɔ̀ɔ̀. Bwaɓ yii yi ri ɓiì tɛɛ̀zii mɛrem mis ɓi ɓɛg ànɛ a ɓìɓan ɓi ɓi ri kɛ̀ɛ̀ gɛɓsɛ̀n, lɛ ti ki Bɛ̀ll ànɛ à rì cem kisay.

1 PYƐƐRI 2:19

ɓisuulɛ ki ri mààgh di mum à cenɛɛ mɛ̀tɔɓ mɛ ɓɛɛ̀ kìki nyi ɓi mɛ̀ɓèe lɛ a ki Bɛ̀ll mɛ̀wog.

1 PYƐƐRI 3:16

Kìɓan kifog kìina fɔlɔɔ ri ǹɗem wu tɛ̀tɛ̀rɛ̀ɛ̀, rì bɔgsɛ̀n; ǹɗem win wu ɓa wù tɛnɛn ɓi lèg ànɛ lɛ jàŋ inɛ ɓɛɛ̀ tòtog mini kìɓe, ɓumɓɛ ɓɛɛ̀ feefengì syeesyee wìn a rìghɛɓ ɓi Kiris ɓi ɗùm ɓɛɛ wog ǹtoòrìɗ.

1 PYƐƐRI 3:21

Mɛ̀nig mɛǹ mɛ ɓaghà kìfèèghrɛnà ki bàɓtis ìnɛ yɛɛ̀ ghɛɛghɛɓsì mìni ɓigomìnɛ, bàɓtis ìnɛ̀n ì yin ɓiì sòòsoo tifin ti ɓi nyoo, kìɓan kifog ì rì rìfalɛ̀n ɗi mum à falɛɛ yɛ̀ɛ Bɛ̀ll rì syeesyee à nɗem. A ghɛɛghɛɓsì mìni lɛ rìghèmɓɛ̀n ɗi Yeesus Kiris à ghèmɓɛ̀ngà,