MƐ̀KÌKÌÌ MƐ ƁƐKƐ̀NÌ-FÌTOM 24:14 - Bafia Nouveau Testament

¹⁴ Kìɓan ki mɛ̀ ǹ-yii ki ri lɛ, nkìki Bɛ̀ll à ɓɛ̀seŋi ɓis kisay ɓi bee inɛ ɓɔɔ̀ rereŋi lɛ rìgherɛ̀n ɗi nyɔ̀n. Ǹgherɛɛ ɓìɓan ɓìcèm ɓi ɓi ri ɓi kaàtà à ɓìdɔ̀gsɛna ɓis, rì ɓi ɓɛ̀kpaŋzì-ɓìɓan ɓɛ kangà;

MƐ̀KÌKÌÌ MƐ ƁƐKƐ̀NÌ-FÌTOM 24:14 ပူးပေါင်းရင်းမြစ်များ

MATYOO 10:32

Fɔlɔɔ nnɛ ŋwaànɛ à gherɛɛ mɛ̀ ɓi gwìy ì ɓum, mɛ̀ ngherɛɛ gɛ girig nyi ɓi mis mɛ Tààta wɛ̀m ànɛ à rì aɗyòò.

MATYOO 22:40

Ɓi kìɓɛ̀ɛ̀ ki ɓidɔ̀gsɛna kiǹ, nnɛ rìrèsàg ɗi Moyis ɗìcèm, rì mɛ ɓɛkpaŋzì-ɓìɓan, mɛ sasaghii.

MATYOO 7:12

Com kìcèm ki ɓi kɔ̀ngi lɛ di ɓum ɓaa kìi mìni, mìni girig, kìlaaghna ɓɔ kɔ, lɛ fɔlɔɔ nnɛ rìrèsàg ɗi ɓiɗɔ̀gsɛna ɓi Moyis rì ɗi ɓɛkpaŋzì-ɓìɓan ɗi ri.

LUKAS 1:70

Lɔŋ yɛ̀ɛ à kpaaghà ɓi ŋwɔm wu ɓɛkpaŋzì-ɓìɓan ɓii ɓɛ ɓi mɛ̀ru mɛ ajɛ̀m, ɓɛ ɓɛ ɓaghà ɓɛ̀tɛnɛn.

LUKAS 16:16

Rìrèsì ɗi ɓidɔ̀gsɛna ɓi Moyis rì ɗi ɓɛkpaŋzì-ɓìɓan ɗi kighà kìsay à kpaŋ yɛ̀ɛ Zyaŋ Bàɓtis à yùghà. Nni à tumɛ̀n ɓi cààmɛ̀n kiǹ, à kpaŋ ɓigomìnɛ, Syeesyee à Ɓɔlɛ à kìlɔ̀ŋ ki Bɛ̀ll a kaakalɛ̀n a ɓum ɓɛ̀cèm, fɔɔnnɛ mum bimiɗ a kaakaa lɛ a ɗiŋi ɓi kìlɔ̀ŋ kiǹ ɓi-tèɗ.

LUKAS 16:29

Abiraham à ɓàg lɛ: Ɓɛ̀goni ɓɛ ri lɛ, ɓɔ rì ɓìdɔ̀gsɛna ɓi Moyis, ɓɔ rì ɓɛ̀kaàtà ɓɛ ɓɛkpaŋzì-ɓiɓan, ɓɛ ghɛɛ̀sɛɛ kì woògh ɓìɓan ɓi ɓɛɛ̀ kpaakpàà.

LUKAS 24:27

Nni à konàkà ɓɔ kì rèsii ɓiɓan ɓìcèm ɓi ɓi ɓaghà ɓì kànɛn ɓisu wìì, à tumɛ̀n ɓi ɓɛ̀kaàtà ɓɛ Moyis à kpaŋ ɓi ɓɛ ɓɛkpaŋzì-ɓìɓan ɓɛ̀cèm.

LUKAS 24:44

Nni à kpaaghà ɓɔ lɛ: Ɓì ghɛɛ kìɓan ki ǹkpaaghà mìni di ǹkaka rì mìni lɛ: Ki ghɛɛ̀sɛɛ lɛ ɓìɓan ɓìcèm ɓi ɓi ri ɓì kànɛn ɓisu wɛ̀m ɓi ɓɛ̀kaàtà ɓɛ Moyis rì ɓɛ ɓɛkpaŋzì-ɓìɓan, rì ɓi ɓɛ̀sam ɓyɛɛ kilɛn?

ZYAŊ 1:45

Fɔɔnnɛ Filiɓ à tuusɛ̀ngà rì Natanayɛl, à kpaa nyi lɛ: Tyàa ghɛɛ ŋwaànɛ kìɓan kii ki ri kìkànɛn ɓi kaàtà à ɓìdɔ̀gsɛna ɓi Moyis rì ɓi ɓɛ̀kaàtà ɓɛ ɓɛkpaŋzì-ɓìɓan, nnyɛɛ ri Yeesus à man à Yoosɛɓ ànɛ a Naazarɛt.

MƐ̀KÌKÌÌ MƐ ƁƐKƐ̀NÌ-FÌTOM 10:43

Yeesus ànɛ̀n nnɛ ɓɛ̀kpaŋzì-ɓìɓan ɓɛ̀cèm ɓɛ ɓugà yɛ̀ɛ ɓɛ kpaakpààghà lɛ: Ɓì ɗii ɗii nnɛ Bɛ̀ll à rì ɓiì cenɛɛ mum ǹcèm ànɛ à gherɛɛ nyi ɓìɓe.

MƐ̀KÌKÌÌ MƐ ƁƐKƐ̀NÌ-FÌTOM 13:15

Yɛ̀ɛ ɓɛ lègsìghà ki ɓàli kaàtà à Bɛ̀ll, ɓi kaàtà à ɓìdɔ̀gsɛna ɓi Moyis rì ɓi à ɓɛ̀kpaŋzì-ɓìɓan, nni ɓɛ̀làmì naà-bɔ̀ŋzɛ̀n ɓɛ romgà mum lɛ a kali ɓɛ̀-Pol lɛ: Bɔɔsoŋ! ì ɓì rì rì deɓ yidɛŋ yi ɓì rì lɛ ɓì fa ɓum, tòòghrɛɛna ɓigominɛ.

MƐ̀KÌKÌÌ MƐ ƁƐKƐ̀NÌ-FÌTOM 15:5

Ajɛ̀m ìnɛn nnɛ ɓum ɓɛdɛŋ ɓɛ ɓi ǹɗaŋ wu Ɓɛ̀fàrìzyɛŋ ɓɛ ɓɛ ɓaghà ɓɛ̀kìristɛ̀n, ɓɛ pɛsɛ̀ngà aɗyoo, ɓɛ kpaa lɛ: Ɓumɓɛ ɓɛ yin Ɓɛ̀yudɛ̀n ɓɛ ghɛɛ̀sɛɛ kì kɛ̀raagh, ɓɛ kì kàŋ ɓɔ lɛ ɓɛɛ ɓeŋ ɓìdɔ̀gsɛna ɓi Moyis.

MƐ̀KÌKÌÌ MƐ ƁƐKƐ̀NÌ-FÌTOM 19:23

Ɓi cààmɛ̀n kiǹ, ɓɛ ɓigtìghà coo kiyoòyòò ɓi kìɓan ki ki seesee bee ì Kan.

MƐ̀KÌKÌÌ MƐ ƁƐKƐ̀NÌ-FÌTOM 19:9

Nni yɛ̀ɛ ɓɛ̀ro ɓɛdɛŋ ɓɛ ɓaghà mɛ̀rem mɛ̀tèɗkakɛn ɓɛ̀ kɛɛ̀ kɔ̀n lɛ di ɓaa gherɛɛ, ɓɛ ki feefengì bee ì Kan ɓi mɛ̀reè mɛ ɓum, fɔɔnnɛ Pol à pɛ̀sɛ̀ngà ɓi nyìinyìm wàà, à teɗ ɓɛ̀yilàg à kɛ̀n ɗì ɓɔ jàŋ ìdɛŋ, à kuùkùrɛ̀n ɗì ɓɔ ɓɛ̀ŋwos ɓɛ̀cèm ɓi naà-sùkurì ì Tiranus.

MƐ̀KÌKÌÌ MƐ ƁƐKƐ̀NÌ-FÌTOM 22:14

Nni Ananyas à kpaaghà mɛ̀ lɛ: Bɛ̀ll à ɓɛ̀seŋi ɓis à lokà wɔ̀ kì ɓɔ̀ni lɛ, u yi rìkɔ̀n ɗii, ù ghɛn m̀bobog à mum ànɛ à rì lɛ saaɗ ù ki wog jɛ̀ɛ̀ ìnɛ ì kpaŋiì ɓi ŋwɔm wìì;

MƐ̀KÌKÌÌ MƐ ƁƐKƐ̀NÌ-FÌTOM 24:22

Fɔɔnnɛ Felis ànɛ à konàkà kì yiì kìɓan ki ɓi dɔgtɛ̀n ìnɛn, à pɛ̀ɛ̀zìghà kìɓan rijɛ̀m à kpaa ɓɔ lɛ: Ǹɗì ɓiì yɔ̀mi kiɓan kin di ǹkɔ̀mɛ̀n ɓɛ̀sujàà àgwey ànɛ lɛ Lizyas à mɛ kpaŋ fɛ.

MƐ̀KÌKÌÌ MƐ ƁƐKƐ̀NÌ-FÌTOM 24:5

Tìi ǹghɛɛ lɛ ŋwaànɛ à rì fìɓàg, a ɓiighɓigtì kìyoòyòò ɓi nyìinyìm à Ɓɛ̀yudɛ̀n ɓi Zi bimiɗ. Nnyɛɛ ki rìtì rìfòm ɗi righerɛ̀n ɗi nyɔn ɗi ɓumɓɛ a Nazarɛt.

MƐ̀KÌKÌÌ MƐ ƁƐKƐ̀NÌ-FÌTOM 25:8

Pol à yɔ̀myɔ̀mgà lɛ: Ǹsɛ̀rii ɓi kiɓan kidɛŋ ki rarɛ̀n ɗì ɓìdɔ̀gsɛna ɓi Ɓɛ̀yudɛ̀n nsoò lɛ rì naà-Bɛ̀ll, nsoò rì Kaaza.

MƐ̀KÌKÌÌ MƐ ƁƐKƐ̀NÌ-FÌTOM 26:22

Wɔ̀lɛ, rìɓèŋ ɗi Bɛ̀ll a ɓèŋɓeŋ mɛ, ɗyɛɛ kiì lɛ, m̀ɓaɓa ɓi cɛɓ à kpaŋ gɛɛ̀nɛ, fɔɔnnɛ ǹɗì fɛlɛ yɛ̀ɛ wusìnɛ̀ɗ ànɛ a kakali lɛ, rì ɓɔɓti, rì ɓɛ̀sɛ̀ɛ̀mɛn, ɓiɓan ɓii, kɛ̀ɛ ǹki sagti kiɓan kidɛŋ ɓi ɓìɓan ɓi ɓɛ̀kpaŋzì-ɓìɓan rì Moyis ɓɛ kpaaghà lɛ, ɓi ri ɓiì kìlɛɛ,

MƐ̀KÌKÌÌ MƐ ƁƐKƐ̀NÌ-FÌTOM 26:27

Rìfòm Agiripa, ù gherɛɛ nya ɓìɓan ɓi ɓɛ̀kpaŋzì-ɓìɓan ɓɛ kpaaghà? Mɛ̀ ǹ-yii lɛ, ù ghɛrɛɛ ɓyɔ̀.

MƐ̀KÌKÌÌ MƐ ƁƐKƐ̀NÌ-FÌTOM 26:4

Ɓɛ̀yudɛ̀n ɓɛ̀cèm ɓɛ yii cɛɓ kɛ̀m, à tumɛ̀n di ǹkaka maa ŋwɔɓti, yɛ̀ɛ ǹghɛghɛɓi a Yorisalɛm ɓi kìlɔ̀ŋ kɛm̀.

MƐ̀KÌKÌÌ MƐ ƁƐKƐ̀NÌ-FÌTOM 26:6

I ǹki rɛrɛlii gɛɛ̀nɛ ɓi ɓɛ̀yɔ̀m, ki ri ɓisuu ntyweeyi wu ɓi ǹkàg wu Bɛ̀ll à faghà ɓɛ̀seŋi ɓis.

MƐ̀KÌKÌÌ MƐ ƁƐKƐ̀NÌ-FÌTOM 28:22

Ɓìsiì kɔ̀nkɔn lɛ ti wog ɓi ŋwɔm wɔɔ com ki wɔ̀ɔ fèfèg, ɓisuulɛ tì yii lɛ bee inɛ̀n, ɓum ɓɛɛ̀ ɗùùɗuu ri yɔ̀ jàŋbimiɗ.

MƐ̀KÌKÌÌ MƐ ƁƐKƐ̀NÌ-FÌTOM 28:23

Fɔɔnnɛ ɓɛ faghà nyi ǹkàg wulɛ ɓɛɛ ghɛnɛn, nni ɓɛ yughày kìtuu lɛ ɓɛɛ ghɛǹ nyi a mɛɛ mii. Ɓi ɓìtòkì ɓii, Pol à kalìghà ɓɔ kìɓan ki ki taataa kìlɔ̀ŋ ki Bɛ̀ll, à ki kaakaa bee lɛ rì ɓi ɓìdɔ̀gsɛna ɓi Moyis, rì ɓi ɓɛ̀kpaŋzì-ɓìɓan, lɛ a ki lɛ ɓɛ̀ kɛɛ̀ teeti nyoey ɓi kìɓan ki Yeesus. A tòkàkà rì ɓɔ fɔlɔɔ à tumɛ̀n sariwa à kpaŋ cɛŋkò.

MƐ̀KÌKÌÌ MƐ ƁƐKƐ̀NÌ-FÌTOM 3:13

Bɛ̀ll à Abiraham, Bɛ̀ll à Isag, Bɛ̀ll à Yakɔɓ, Bɛ̀ll à ɓɛ̀seŋi ɓis yɛɛ faa ǹkìì-kìsay wiì ànɛ lɛ Yeesus rìkem. Yeesus ànɛn nnɛ ɓìi nkàɓi, ɓi ki roòzɛn nyi ɓi mis mɛ Pilat ànɛ àa m̀mɛɛ̀ kì lɛ di àa càri nyi.

MƐ̀KÌKÌÌ MƐ ƁƐKƐ̀NÌ-FÌTOM 5:30

Bɛ̀ll à ɓɛ̀seŋi ɓìs àa ǹghèmzii Yeesus ànɛ ɓìi ǹwoli di ɓi kpani ɓi kɔrɔs.

MƐ̀KÌKÌÌ MƐ ƁƐKƐ̀NÌ-FÌTOM 7:32

Mɛ̀ yɛɛ rì Bɛ̀ll à ɓɛ̀seŋi ɓɔɔ, Bɛ̀ll à Abiraham, Bɛ̀ll à Isag, Bɛ̀ll à Yakɔɓ, nni Moyis à risìghà, kɛ̀ɛ ghɛɛsi ti rìseesèè wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 9:2

à tɔg nyi ɓɛ̀kaàtà ɓɛ ɓɛ faa nyi Ìtèɗ wulɛ, a kɛǹ a Damas, i à tanɛɛ ɓum ɓi naa yi bɔ̀ŋzɛ̀n, nsoò, ɓɛ̀yiɓ nsoò ɓɛ̀baŋì ɓɛ ɓɛɛ̀ nɔ̀ɔnɔɔ̀tì bee i Kan, a ɓangiì ɓɔ a ki sug yi rì ɓɔ a Yorisalɛm ɓɛ̀kàgakɛn.

RÒMƐŊ 1:9

Bɛ̀ll ànɛ nkìki kisay ɓi nghay wɛ̀m ɓi rìghaàghàgsì ɗi Syeesyee à Ɓɔlɛ à Man wiì, à rì mɛ̀ wusìnɛ̀ɗ lɛ ǹti mɓùgì mìni ɓyààmɛ̀n ɓìcèm,

RÒMƐŊ 3:21

Wɔ̀lɛ ɓigomìnɛ, Bɛ̀ll à mɛ rèsi ɓisi lannɛ à ti à kìlàg lɛ ti ɓa lɛ saaɗ ɓi mis mii, kɛ̀ɛ̀ ɓìdɔ̀gsɛna; kaàtà à ɓìdɔ̀gsɛna rì ɓɛ̀kpaŋzì-ɓìɓan ɓɛ ɓugà kìɓan kiǹ;

1 KƆ̀RƐ̀ŊTYƐŊ 11:19

Ki ghɛɛ̀sɛɛ kɔmiɗ lɛ mɛ̀lànag mɛɛ ɓa ɓi nyìinyìm wìn, lɛ di ɓumɓɛ ɓi nɗaŋ win ɓɛ ɓɛ ri ɓɛ̀ sììrɛn ɓɛɛ yilɛn.

GÀLAT 5:20

rìɓɔgsì ɗi ɓinùn, majìg, bènà, momɓɛ̀n, m̀mììghrɛ̀n, rìbiìbìmɓɛ̀n, tìkaŋ ti mɛkɔ̀ɔ̀, ǹlànag rì ǹɗèè wu nɗem.

2 TIMOTE 1:3

Ǹfaa Bɛ̀ll ànɛ nkìki kisay ɓitògsɛ̀n; kìsay kiǹ, ki ri rìkɛ̀n ɗi beèbɛ̀y ɗì kìsay ki ɓɛ̀seŋi ɓɛ̀m ɓɛ ɓɛsɛ̀ɛ̀ ɓɛ kighà nyi; nkìki kɔ rì nɗem wu sɛɛghi sɛɛghi, fɔlɔɔ nnɛ ǹfɔli ɓi wɔ rìɓùŋ yɛ̀ɛ ìru yɛ̀ɛ ŋwos ɓi bɔ̀ŋzɛ̀n yɛm̀;

Kaàtà ànɛ Pol à kàngà TIT 3:10

I ŋwaàdɛŋ à yùu rì kìɓùùsì ki lɛ gasɛ̀n yɛ̀ɛ kpi ɓi nyìinyìm à ɓɛ̀gherɛ̀n, rɔ̀gsɛn nyi gɛ̀n yiɓɛɛ̀, ajɛ̀m ìnɛn, foŋa nyi ɓi nwɔŋì.

1 PYƐƐRI 1:11

Ɓɛ siìrɛ̀ngà lɛ ɓɛɛ yi lɛ rì zìŋɛn, rì ɓìɓan ɓi ɓi koŋkomi ɓìɓan ɓi Ǹghay à Kiris ànɛ à ɓaghà ɓi ɓɔ à rerèɓkà ɓɔ abɛ̀y; à rèsìghà mɛ̀tɔɓ mɛ Kiris à ghɛ̀ɛ̀sɛ̀ngà kìwoògh, rì rìkem ɗi ɗi ghɛɛ̀sɛ̀ngà kì ɓɔ̀ɓiì mɛ̀tɔɓ mɛ̀n.

ÀPÒKÀLIƁSƐ̀ 19:10

Nni ǹkpìghà nyi a mɛ̀kòò lɛ mɓɔgsi nyi kìɓan kifog, à kpaa mɛ̀ lɛ: Kɔ̀ɔ fèèghrɛn ki kìi com kidɛŋ fɔlɔɔ; mɛ̀ ǹɗì lɛ mɛ̀ reŋkàŋ wɔ̀ɔ̀ a kìsay, ǹki ɓa ti reŋkàŋ à ɓɛ̀goni ɓɛ ɓɛ tekà ɓìɓan ɓi Yeesus à tɛɛ̀zìghà. Bɛ̀ll innɛ ɓɔgsi, lɛ ɓìɓan ɓi Yeesus à rèsìghà ɓyɛɛ ri ǹghay ànɛ à ti à rèsàg ɓɛ̀kpaŋzì-ɓìɓan, com ki ɓɛɛ kpaà.