MƐ̀KÌKÌÌ MƐ ƁƐKƐ̀NÌ-FÌTOM 23:6 - Bafia Nouveau Testament

⁶ Yɛ̀ɛ Pol à yighà lɛ ɓumɓɛ̀n ɓɛ ri mɛ̀raŋ mɛɓɛɛ̀ lɛ, rì Ɓɛ̀fàrìzyɛŋ rì Ɓɛ̀sàdùsyɛŋ, fɔɔnnɛ à kpaaghà jɛ̀ɛ̀ aɗyoo ɓi nyìinyìm wàà lɛ: Ɓɔɔsoŋ̀, mɛ̀ ǹɗì Fàrìzyɛŋ, man à Fàrìzyɛŋ nni ɓɛɛ̀ sɔmag mɛ ɓisuulɛ, ǹɗì rì ǹtyweeyi lɛ ɓìloŋ ɓi ri ɓiì ghèmɓɛɛ.

MƐ̀KÌKÌÌ MƐ ƁƐKƐ̀NÌ-FÌTOM 23:6 ပူးပေါင်းရင်းမြစ်များ

MATYOO 10:16

Nni mɛ̀ ǹɗomi lɔŋ mini yɛ̀ɛ ɓɔni jɔ̀ɔ̀ ɓi nyìinyìm à ɓìmonɗo, fɔɔnnɛ ɓaana rì ɗyomzɛ̀n yɛ̀ɛ nyoo, ɓì ki ɓa ri mɛ̀rem mɛ tɛ̀tɛ̀rɛ̀ɛ̀ yɛ̀ɛ ɓɛ̀kuùkuù.

MATYOO 22:23

Ŋwos ancèm ànɛn, Ɓɛ̀sàdùsyɛŋ ɓɛ ɓɛɛ kpaaghi lɛ, com kidɛŋ ki yin lɛ, rìghèmɓɛ̀n ɗi ɓilòŋ, ɓɛ yughày Yeesus a nyoo, ɓɛ tɔg nyi lɛ:

MATYOO 3:7

Yɛ̀ɛ Zyaŋ à ghɛngà di Ɓɛ̀fàrìzyɛŋ ri Ɓɛ̀sàdùsyɛŋ lɛɛ̀gwey ɓɛɛ̀ yùyuiy a lɔ̀ŋkii lɛ ɓɛɛ ɓaɓti ɓɔ, nni à kpaaghà ɓɔ lɛ: Mini ɓumɓɛ ɓɛ pisɛɛ ɓìgòm ɓɛ! Ghɛn yɛɛ reɓi mìni lɛ ɓi ghɛŋi rìbaŋì ɗi Bɛ̀ll ɗi ɗi tiì?

MƐ̀KÌKÌÌ MƐ ƁƐKƐ̀NÌ-FÌTOM 22:3

Ǹɗì muu Ɓɛ̀yudɛ̀n, ǹ-yalɛ̀ngà a Tarisi ɓi kìlànà ki zi ki a Silisii. Kìɓan kifog, fɛ ɓi bàn ìnɛ nnɛ ǹtɔɔ, ǹki yilag ɓisyɔ̀ɔ̀ ɓi ɓɛseŋi ɓis yɛ̀ɛ ki ghɛɛ̀sɛɛ, a mɛ̀kòò mɛ Gamalyɛl; m̀ɓaghà girig ǹfalɛn ɗi Bɛ̀ll lɔŋ fɛlɛ yɛ̀ɛ mìni girig ɓì rì ɓɛ̀falɛn ɓɛsɛ̀ɛ̀ ɓɛ̀cèm gɛɛ̀nɛ.

MƐ̀KÌKÌÌ MƐ ƁƐKƐ̀NÌ-FÌTOM 22:30

Ɓi duri tana, yɛ̀ɛ ǹkɔ̀mɛ̀n ɓɛ̀sujàà àgwey à kɔ̀nkɔ̀ngà lɛ, a konag kì yiì kìɓan ki Ɓɛ̀yudɛ̀n ɓɛ sɔmɛ̀ngà Pol miì nni à kpaaghà lɛ ɓɛɛ fumi nyi bɛn, à ki tɔg ɓɛpìrɛɛtìrɛ̀ ɓɛgwey rì ɓumɓɛ ɓi Sànèdìrɛŋ lɛ ɓɛɛ taŋzɛn, fɔɔnnɛ à yùghày rì Pol à rɛsì ɓɔ nyi asu.

MƐ̀KÌKÌÌ MƐ ƁƐKƐ̀NÌ-FÌTOM 22:5

Ǹlàmì ɓɛ̀pìrɛɛtìrɛ̀ àgwey rì ɓɛ̀sɛ̀ɛ̀mɛn ɓɛ Ɓɛ̀yudɛ̀n ɓɛ ri mɛ̀ ɓɛ̀wusìnɛ̀ɗ lɛ, ɓɛ faghà kɔm̀ mɛ̀ ɓɛ̀kaàtà ɓisuu ɓɛgherɛ̀n ɓɛ a Damas. Nni ǹkɛ̀ngà wɔɔ lɛ, ǹsug yì rì ɓɛ̀roɓɛ ǹtanɛɛ, a Yorisalɛm, ɓɛ̀kàgakɛn ɓi ɓìsɔŋ di ɓɛɛ pɔnɔ̀si ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 23:1

Pol à pɛ̀ɛ̀zìghà mis rì ɓumɓɛ ɓi Sànèdìrɛŋ à kpaa lɛ: Ɓɔɔsoŋ̀, à kpaŋ gɛɛ̀nɛ, ǹɗem wu yin mɛ rì mɛ̀riighrikì nsoò lɛsàg, ɓi rìba ɗi lɛ rì mɛ̀ rì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 23:15

Nni ɓigomìnɛ, rì mìni rì ɓumɓɛ ɓi Sànèdìrɛŋ, tɔɔghna ǹkɔ̀mɛ̀n ɓɛ̀sujàà àgwey lɛ a yuiy mìni rì Pol, ɓi pwaà lɛ ɓi kɔ̀nkɔn lɛ, ɓi konag kì fiɓii kiɓan kii lɛ syeesyee. Ɓi ɓɛg wìs, tì ti ɓɛ̀pègsɛn lɛ ti wey nyi di à ka kpaŋ ɓi a lɔ̀ŋkin.

MƐ̀KÌKÌÌ MƐ ƁƐKƐ̀NÌ-FÌTOM 23:20

Dɛlì ìnɛn ì ɓàg lɛ: Ɓɛ̀yudɛ̀n ɓɛ mɛ wooghrɛn jɛ̀ɛ̀ lɛ ɓɛɛ yu wɔ̀ kì tɔɔ̀gh lɛ ù kɛǹ ɗì Pol a Sànèdìrɛŋ rìduri, ɓɛ ri ɓiì ɓanɛɛ ɓi jɛ̀ɛ̀ ìnɛ lɛ, ɓɔɔ̀ kɔ̀nkɔn lɛ ɓɔɔ konag tì kì fiɓii kiɓan ki anɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 23:7

Pol à syɔɔ̀dìghà ɓi jɛ̀ɛ̀ inɛn di kìyoòyòò ki mɛ kpì ɓi nyìinyìm ànɛ lɛ, rì Ɓɛ̀fàrìzyɛŋ rì Ɓɛ̀sàdùsyɛŋ, fɔɔnnɛ ǹtaŋzɛn wu ghasɛ̀ngà gàɓ yiɓɛɛ̀.

MƐ̀KÌKÌÌ MƐ ƁƐKƐ̀NÌ-FÌTOM 24:15

ǹɗi rì dyàɓɛn yɛ̀ɛ Bɛ̀ll, nsoò ɓɔ girig, lɛ ɓumɓɛ ɓɛ ri lɛ saaɗ, nsoò ɓɛ ɓɛ yin lɛ saaɗ, ɓɛ ri ɓiì ghèmɓɛɛ ŋwosi righèmɓɛ̀n ɗi ɓilòŋ.

MƐ̀KÌKÌÌ MƐ ƁƐKƐ̀NÌ-FÌTOM 24:21

I ki cee ɓi lɛ, jɛ̀ɛ̀ ìnɛ mɛ̀ɛ nkalii ɓi nyìinyìm wàà lɛ: M̀mɛ rɛli ɓɛyɔ̀m gɛɛ̀nɛ ɓi mis min lɛ, kìɓan ki righèmɓɛ̀n ɗi ɓiloŋ wa?

MƐ̀KÌKÌÌ MƐ ƁƐKƐ̀NÌ-FÌTOM 28:20

Kìɓan kiǹ kɛɛ̀ki mɛ̀ɛ ntɔɔgh lɛ di màa ghɛɛ mìni, ǹkalì mìni lɛ bɛn yi ǹɗì yi rì yɔ, yi ri ɓisuu ǹtyweeyi wu Isirayɛl a rì rì wɔ.

FÌLÌPYƐŊ 3:5

ànɛ ǹkɛ̀rɛ̀ngà ɓi mɛ̀ru taàraa ànɛ yɛ̀ɛ ǹ-yalɛ̀ngà, mɛ̀ nki rì muu Isirayɛl ɓi rìpwìɗ ɗi Bɛŋzyamɛŋ, kìyalì ki ɓɛ Ebìreegh. Ɓi ɓɛg ànɛ a rìɓèŋ ɗi ɓidɔ̀gsɛna, ǹɗì Fàrìzyɛŋ.

KÒLÒSYƐŊ 1:5

ɓisuu dyàɓɛn yiǹ ìnɛ ì ɓoŋɓoŋi mìni aɗyoo. Dyàɓɛn incèm yɛ̀ɛnɛ jɛ̀ɛ̀ ìnɛ ì rì jɛ̀ɛ̀ ì kɔɔ̀kɔɔ̀ à kìɓan, jɛ̀ɛ̀ ì Syeesyee à Ɓɔlɛ, ì wogsìghà mìni abɛ̀y.

EBIREEGH 6:19

Dyàɓɛn inɛ̀n ìrì ɓìsi yɛ̀ɛ com ki ki lenlemi cɛɓ kis, ki ɓa kì bɛ̀lɛn lɛ kpeg-kpeg, kɔ yɛɛ ɗiŋii ki syaà kìlàà ki ɓi naà-Bɛ̀ll, ki kpaŋzɛ̀n ɓi jàŋ i kìcèlì ìnɛ wɔɔ ɓiɗùm,