MƐ̀KÌKÌÌ MƐ ƁƐKƐ̀NÌ-FÌTOM 23:10 - Bafia Nouveau Testament

¹⁰ Yɛ̀ɛ kìɓan ki ɓaghà di ki mɛ ɓàŋ, ǹkɔ̀mɛ̀n ɓɛ̀sujàà àgwey a risì lɛ ɓɛ ri ɓiì ki pàkii Pol nsoò m̀pàkakɛn fɔɔnnɛ à romgày ɓɛ̀sujàà lɛ ɓɛɛ yu nyi kì terì ɓi nyìinyìm a ɓumɓɛ̀n, ɓɛɛ pɛɛ̀zi nyi ɓi gari.

MƐ̀KÌKÌÌ MƐ ƁƐKƐ̀NÌ-FÌTOM 23:10 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 21:37

Ɓi cààmɛ̀n ki ɓɛ mɛɛ̀ ɗiŋzìghà Pol ɓi gari kɛɛ̀ki à tɔkà ǹkɔ̀mɛ̀n ɓɛ̀sujàà àgwey lɛ: Ǹɗì nya lɛ m̀pɔ̀s maa jɛ̀ɛ̀? Nni roànɛ̀n à pɛ̀ɛ̀zìghà nyi lɛ: Ù yii kɔmiɗ rìgìrɛg?

MƐ̀KÌKÌÌ MƐ ƁƐKƐ̀NÌ-FÌTOM 22:24

Nni ǹkɔ̀mɛ̀n ɓɛ̀sujàà à kpaaghà lɛ ɓɛɛ ɗiŋzi Pol ɓi gari, ɓɛ ki ɓog nyi kìtòn lɛ a kpaà cɛ kɛɛ kiì lɛ ɓumɓɛ̀n ɓɛɛ wog bim fɔlɔɔ ri nyi, ɓɛ syansyàn ɓi lèg ànɛn.

MƐ̀KÌKÌÌ MƐ ƁƐKƐ̀NÌ-FÌTOM 23:16

Yɛ̀ɛ mancɛɛ Pol àdɛŋ à wokà dwìɗ inɛ̀n, nni à kɛ̀ngà jàŋ inɛ ɓɛ lɔkà Pol, à wogsì nyi yɔ̀.

MƐ̀KÌKÌÌ MƐ ƁƐKƐ̀NÌ-FÌTOM 23:27

Ɓɛ̀yudɛ̀n ɓɛ mɓani ŋwaànɛ ǹɗomiì wɔ̀ ànɛ, ɓɛ ǹki ti lɛ ɓɛɛ wes̀ nyi, nni mɛ̀ɛ ǹkɛ̀ɛ rì ɓɛ̀sujàà, m̀ɓàtɛ̀n nyi ɓi ɓyàg ɓyaa, di m̀mɛ wog lɛ, à rì muu Ròmɛŋ.

MƐ̀KÌKÌÌ MƐ ƁƐKƐ̀NÌ-FÌTOM 23:28

Nni yɛ̀ɛ mɛ̀ɛ ǹɗì rì zày ìnɛ lɛ, di màa yii kìɓan ki àa nkìi ɓɔ, nni mɛ̀ɛ ǹgherɛɛ lɛ ɓɛɛ yɔmzi nyi ɓi ǹtaŋ̀zɛn waa wulɛ Sànèdìrɛŋ.

MƐ̀KÌKÌÌ MƐ ƁƐKƐ̀NÌ-FÌTOM 23:32

Ɓi duri tana, ɓɛ̀sujàà ɓɛ ɓɛ ɓaghà ɓi zi ɓɛ caɗkà ɓɛ̀roɓɛ ɓi zòm yi kimbɛ̀rɛ̀ lɛ ɓɛɛ ghaàgh rì nyi beèbɛ̀y, ɓɔɔ sugtìì rì jɛ̀m ɓi jàŋ inɛ ɓɛ ka lɔkà Pol.

MƐ̀KÌKÌÌ MƐ ƁƐKƐ̀NÌ-FÌTOM 24:7

Kìɓan kifog, ǹkɔ̀mɛ̀n ɓɛ̀sujàà àgwey ànɛ lɛ Lizyas, àa n-yùu yì rì coo kigùg, à ɓàtɛ̀n nyi ɓi ɓyàg ɓis,

2 KƆ̀RƐ̀ŊTYƐŊ 11:26

Mɛ̀ɛ nkɛ̀ɛ̀kɛɛ cààmɛ̀n kìcèm, rì mɛ̀kòò ǹtutùlɛ̀n rì ɓɛ̀koŋnyoo ɓɛ ɓi don yi ɓɛ rìɓày, rì ɓɛ̀koŋnyoo ɓɛ ɓɛ̀fàràfara, rì ɓɛ̀koŋnyoo ɓɛ ɓɛ riì mɛ̀ a ɓɛ̀geni ɓɛ̀m ɓɛ Ɓɛ̀yudɛ̀n, rì ɓɛ ɓɛ riì mɛ̀ a ɓumɓɛ ɓɛ yin Ɓɛ̀yudɛ̀n, rì ɓɛ̀koŋnyoo ɓɛ ɓi bàn, rì ɓɛ ɓireɓ, rì ɓɛ ɓi rìɓày à kìkòn; ǹtulɛ̀n rì ɓɛ̀koŋnyoo ɓi nyìinyìm à ɓumɓɛ ɓɛɛ̀ ɓɔ̀ŋɓɔŋ lɛ ɓɛ ri ɓɔɔseŋi ɓis ɓɛ righerɛ̀n.

ZYAG 1:19

Mìni ɓɛ̀geni ɓɛ̀m ɓɛ nɗem, ɓì ghɛ̀ɛ̀sɛɛ kì yiì fɔlɔɔ. Fɔlɔɔ nnɛ mum bimiɗ à ghɛ̀ɛ̀sɛɛ kì ɓaà lɛ fyɛ̀ɗ lɛ a wog, kɛ̀ɛ fyaŋzi ki tòòghrɛɛ, kɛ̀ɛ ki fyaŋzag ki woògh bim,

ZYAG 3:14

Wɔ̀lɛ i ɓì rì rì m̀mììghrɛ̀n à m̀ɓeɓtɛn, rì nɗem wu yàaka, kɛ̀ ɓi saasanɛ̀n, nsoò lɛ ɓì kìkì ɓɛ̀pwàà ɓɛ ɓɛ wuɓsɛɛ ɓi saaɗ.