MƐ̀KÌKÌÌ MƐ ƁƐKƐ̀NÌ-FÌTOM 22:4 - Bafia Nouveau Testament

⁴ Ǹɗùùɗùùsìghà ɓumɓɛ ɓɛ nɔɔ̀nɔ̀ɔ̀tìghà bee ì Kan, wɛ̀y à kpaŋ yɛ̀ɛ ǹwowòlà ɓɛ̀ro ɓɛdɛŋ, ǹki ɓanɓan lɛ, rì ɓɛ̀yiɓ rì ɓɛ̀baŋì ǹfogì ɓɔ ɓi ɓìsɔŋ, ǹki pìki ɓɔ ɓi naà-zày.

MƐ̀KÌKÌÌ MƐ ƁƐKƐ̀NÌ-FÌTOM 22:4 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 16:17

Nni ì tumɛ̀ngà ɓìsi rìnɔ̀ɔ̀nɔ̀ɔ̀tì lɛ, rì ɓìsi rì Pol, di yɛ̀ɛ kpaakpaa jɛ̀ɛ̀ aɗyoo lɛ: Ɓumɓɛ ɓɛ ri ɓɛ̀kìì-ɓìsay ɓɛ Bɛ̀ll ànɛ à teŋmɛɛ à cee, ɓɛɛ̀ kakali mini ɓìɓan ɓi ɓi ri lɛ ɓi fa mìni cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 18:26

Nni Apolos à tumɛ̀ngà rìtòtòg ɓi naà-bɔ̀ŋzɛ̀n kɛ̀ɛ̀ ìris, yɛ̀ɛ Pirisilya rì Akilas ɓɛ wokà ɓìtòkì ɓii, nni ɓɛ tekà nyi, ɓɛ konàg nyi kì tɛɛ̀zaagh bee inɛ yɛ̀ɛ Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 19:23

Ɓi cààmɛ̀n kiǹ, ɓɛ ɓigtìghà coo kiyoòyòò ɓi kìɓan ki ki seesee bee ì Kan.

MƐ̀KÌKÌÌ MƐ ƁƐKƐ̀NÌ-FÌTOM 19:9

Nni yɛ̀ɛ ɓɛ̀ro ɓɛdɛŋ ɓɛ ɓaghà mɛ̀rem mɛ̀tèɗkakɛn ɓɛ̀ kɛɛ̀ kɔ̀n lɛ di ɓaa gherɛɛ, ɓɛ ki feefengì bee ì Kan ɓi mɛ̀reè mɛ ɓum, fɔɔnnɛ Pol à pɛ̀sɛ̀ngà ɓi nyìinyìm wàà, à teɗ ɓɛ̀yilàg à kɛ̀n ɗì ɓɔ jàŋ ìdɛŋ, à kuùkùrɛ̀n ɗì ɓɔ ɓɛ̀ŋwos ɓɛ̀cèm ɓi naà-sùkurì ì Tiranus.

MƐ̀KÌKÌÌ MƐ ƁƐKƐ̀NÌ-FÌTOM 24:14

Kìɓan ki mɛ̀ ǹ-yii ki ri lɛ, nkìki Bɛ̀ll à ɓɛ̀seŋi ɓis kisay ɓi bee inɛ ɓɔɔ̀ rereŋi lɛ rìgherɛ̀n ɗi nyɔ̀n. Ǹgherɛɛ ɓìɓan ɓìcèm ɓi ɓi ri ɓi kaàtà à ɓìdɔ̀gsɛna ɓis, rì ɓi ɓɛ̀kpaŋzì-ɓìɓan ɓɛ kangà;

MƐ̀KÌKÌÌ MƐ ƁƐKƐ̀NÌ-FÌTOM 7:58

Ɓɛ kɛǹ ɗì nyi fìràɓ ɗi bàn, ɓɛ tumɛ̀n nyi rìrogì ɗi gɔ̀g lɛ ɓɛɛ wey nyi. Ɓɛ̀wusìnɛ̀ɗ ɓɛ ɓi kìɓan kiǹ ɓɛ reɓsɛ̀ngà ɓìlàà ɓyaa ri dɛlìì mum ìdɛŋ ɗii lɛ Sol.

MƐ̀KÌKÌÌ MƐ ƁƐKƐ̀NÌ-FÌTOM 9:21

Ɓum ɓɛ̀cèm ɓɛ ɓɛ wowòkà di a kpaakpaa fɔlɔɔ, ɓɛ Kuuràkà, ɓɛ tɔtɔ̀g lɛ: Àa ŋwaànɛ yɛɛ ǹ-yeèyèèsì ɓum ɓɛ̀cèm ɓɛ ɓɛɛ kpɔŋkpɔŋ ɗii ɗi Yeesus a Yorisalɛm? Àncèm aà n-yuyuu yì ɓi fɛ rì fèg ànɛ lɛ, a ɓangi bɔ, a fogi ɓɔ ɓi ɓìsɔŋ, di a kɛǹ ɗì ɓɔ a ɓɛ̀pìrɛɛtìrɛ̀ ɓɛgwey?

1 KƆ̀RƐ̀ŊTYƐŊ 15:9

ɓisuulɛ ǹɗì ŋwaà siitòn ɓi nɗaŋ wu ɓɛ̀kɛ̀nì-fìtom; ǹghɛ̀ɛ̀sɛɛ ɓi lɛ ɓɛ reŋì mɛ̀ lɛ ǹkɛ̀nì-fìtom ɓisuulɛ ǹ-yeesìghà kìseŋi ki ɓɔn ɓɛ Bɛ̀ll.

GÀLAT 1:13

Ɓì yii cɛɓ ki ǹghɛghɛ̀ɓkà abɛ̀y di ǹkaka ɓi rìgherɛ̀n ɗi Ɓɛ̀yudɛ̀n? Lɔŋ yɛ̀ɛ ǹ-yeeyèèsìghà Kìseŋi ki ɓɛgherɛ̀n Bɛ̀ll rì rìgɛn, rì yɛ̀ɛ ǹkaakààghà lɛ ntiìsi kɔ.

FÌLÌPYƐŊ 3:6

Bi ɓɛg anɛ a coo rifalɛ̀n ɗi ɓi rìgherɛ̀n ɗis, ǹɗì ŋwaànɛ à yeèyèèsìghà kìseŋi ki Kiris. Ɓi ɓɛg ànɛ a rìɓa ɗi saaɗ yɛ̀ɛ ɓìdɔ̀gsɛna ɓyɛɛ̀ kpaakpàà, com ki ŋwaà rì lɛ à kpaa à ràɗ rì mɛ̀, ki yin.

2 PYƐƐRI 2:2

Kìgwey ki ɓum ki ri ɓɔ ɓiì nɔ̀ɔ̀tii ɓi kìɓeɓtàg kaa ki cɛɓ, fɔɔnnɛ ɓum ɓɛ ri ɓiì feefengì bee ì saaɗ lɛ rìkì ɗyaa.