MƐ̀KÌKÌÌ MƐ ƁƐKƐ̀NÌ-FÌTOM 22:30 - Bafia Nouveau Testament

³⁰ Ɓi duri tana, yɛ̀ɛ ǹkɔ̀mɛ̀n ɓɛ̀sujàà àgwey à kɔ̀nkɔ̀ngà lɛ, a konag kì yiì kìɓan ki Ɓɛ̀yudɛ̀n ɓɛ sɔmɛ̀ngà Pol miì nni à kpaaghà lɛ ɓɛɛ fumi nyi bɛn, à ki tɔg ɓɛpìrɛɛtìrɛ̀ ɓɛgwey rì ɓumɓɛ ɓi Sànèdìrɛŋ lɛ ɓɛɛ taŋzɛn, fɔɔnnɛ à yùghày rì Pol à rɛsì ɓɔ nyi asu.

MƐ̀KÌKÌÌ MƐ ƁƐKƐ̀NÌ-FÌTOM 22:30 ပူးပေါင်းရင်းမြစ်များ

MATYOO 10:17

Konaaghna rì ɓum ɓisuulɛ, ɓɛ ri ɓiì kɛ̀ɛ ri mìni ɓi naa yi ɓɛyɔ̀m, ɓɛ ki ɓog mini kìtòn ɓi naa yaa yi bɔ̀ŋzɛ̀n.

MATYOO 27:2

Ɓɛ ɓaghà lɛ, ɓɛ mɛ kàŋ nyi bɛn, ɓɛ kɛǹ ɗì nyi yɛ̀ɛ gɔmìnà ànɛ lɛ Pilat.

MATYOO 5:22

Kìɓan kifog mɛ̀ ǹkalii mìni lɛ: ŋwaànɛ à rì ɓiì woògh bim ri geni, à ghɛ̀ɛ̀sɛɛ lɛ ɓɛ yɔm̀ nyi. Ŋwaànɛ à sɛmi geni lɛ kìdùŋdùŋ à ghɛ̀ɛ̀sɛɛ lɛ ɓɛ yɔm nyi ɓi sànèdìrɛŋ. Roànɛ à ɓiì reŋii geni lɛ kìyèg, à ghɛ̀ɛ̀sɛɛ kì kɛ̀ɛ ɓi ɗuu ɗi fiɗyàɓ fikɔ̀ɔ̀.

MƐ̀KÌKÌÌ MƐ ƁƐKƐ̀NÌ-FÌTOM 21:11

Yɛ̀ɛ à yughà ɓìsi kìtanɛɛ a teɗ kànɗa à Pol, à kàgì lɛ rì mɛ̀kòò mii, rì ɓyàg ɓii, à ki kpaa lɛ: Kìtɛntɛ̀ɛ̀n ki Nghay kɛɛ̀ kpaaghi lɛ: Ɓì ghɛɛ? Fɛlɛ nnɛ Ɓɛ̀yudɛ̀n ɓɛ ri ɓiì kàŋi ŋwaànɛ à rì rì kànɗa ànɛ, ɓɛ ki teɗ nyi, ɓɛ fa nyi ɓi ɓyàg ɓi ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 21:33

Fɔɔnnɛ ǹkɔ̀mɛ̀n ɓɛ̀sujàà àgwey à tyòŋdɛ̀ngày à ɓan Pol, ɓɛ kaŋ̀ nyi bɛn ɗi mɛ̀sɛ̀ŋi, à tɔg min ɓum lɛ, ŋwaàbe yɛɛ rì lɛ, cɛ kɛɛ̀ ki à kìi?

MƐ̀KÌKÌÌ MƐ ƁƐKƐ̀NÌ-FÌTOM 22:5

Ǹlàmì ɓɛ̀pìrɛɛtìrɛ̀ àgwey rì ɓɛ̀sɛ̀ɛ̀mɛn ɓɛ Ɓɛ̀yudɛ̀n ɓɛ ri mɛ̀ ɓɛ̀wusìnɛ̀ɗ lɛ, ɓɛ faghà kɔm̀ mɛ̀ ɓɛ̀kaàtà ɓisuu ɓɛgherɛ̀n ɓɛ a Damas. Nni ǹkɛ̀ngà wɔɔ lɛ, ǹsug yì rì ɓɛ̀roɓɛ ǹtanɛɛ, a Yorisalɛm, ɓɛ̀kàgakɛn ɓi ɓìsɔŋ di ɓɛɛ pɔnɔ̀si ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 23:1

Pol à pɛ̀ɛ̀zìghà mis rì ɓumɓɛ ɓi Sànèdìrɛŋ à kpaa lɛ: Ɓɔɔsoŋ̀, à kpaŋ gɛɛ̀nɛ, ǹɗem wu yin mɛ rì mɛ̀riighrikì nsoò lɛsàg, ɓi rìba ɗi lɛ rì mɛ̀ rì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 23:15

Nni ɓigomìnɛ, rì mìni rì ɓumɓɛ ɓi Sànèdìrɛŋ, tɔɔghna ǹkɔ̀mɛ̀n ɓɛ̀sujàà àgwey lɛ a yuiy mìni rì Pol, ɓi pwaà lɛ ɓi kɔ̀nkɔn lɛ, ɓi konag kì fiɓii kiɓan kii lɛ syeesyee. Ɓi ɓɛg wìs, tì ti ɓɛ̀pègsɛn lɛ ti wey nyi di à ka kpaŋ ɓi a lɔ̀ŋkin.

MƐ̀KÌKÌÌ MƐ ƁƐKƐ̀NÌ-FÌTOM 23:20

Dɛlì ìnɛn ì ɓàg lɛ: Ɓɛ̀yudɛ̀n ɓɛ mɛ wooghrɛn jɛ̀ɛ̀ lɛ ɓɛɛ yu wɔ̀ kì tɔɔ̀gh lɛ ù kɛǹ ɗì Pol a Sànèdìrɛŋ rìduri, ɓɛ ri ɓiì ɓanɛɛ ɓi jɛ̀ɛ̀ ìnɛ lɛ, ɓɔɔ̀ kɔ̀nkɔn lɛ ɓɔɔ konag tì kì fiɓii kiɓan ki anɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 23:28

Nni yɛ̀ɛ mɛ̀ɛ ǹɗì rì zày ìnɛ lɛ, di màa yii kìɓan ki àa nkìi ɓɔ, nni mɛ̀ɛ ǹgherɛɛ lɛ ɓɛɛ yɔmzi nyi ɓi ǹtaŋ̀zɛn waa wulɛ Sànèdìrɛŋ.

MƐ̀KÌKÌÌ MƐ ƁƐKƐ̀NÌ-FÌTOM 23:6

Yɛ̀ɛ Pol à yighà lɛ ɓumɓɛ̀n ɓɛ ri mɛ̀raŋ mɛɓɛɛ̀ lɛ, rì Ɓɛ̀fàrìzyɛŋ rì Ɓɛ̀sàdùsyɛŋ, fɔɔnnɛ à kpaaghà jɛ̀ɛ̀ aɗyoo ɓi nyìinyìm wàà lɛ: Ɓɔɔsoŋ̀, mɛ̀ ǹɗì Fàrìzyɛŋ, man à Fàrìzyɛŋ nni ɓɛɛ̀ sɔmag mɛ ɓisuulɛ, ǹɗì rì ǹtyweeyi lɛ ɓìloŋ ɓi ri ɓiì ghèmɓɛɛ.

MƐ̀KÌKÌÌ MƐ ƁƐKƐ̀NÌ-FÌTOM 26:29

Pol à ɓàg lɛ: Nsoò ki kilɛɛ ɓi fɔlɔɔ ɓigomìnɛ, rìkɔ̀n ɗyɛm̀ ɗi ri lɛ, nsoò gɛ fin, Bɛ̀ll a gherɛn lɛ rì wɔ̀, rì ɓum ɓɛ̀cèm ɓɛ ɓɛɛ̀ wowog ɓitòkì ɓyɛm̀ gɛɛ̀nɛ, ɓi ɓa ɓɛ̀gherɛ̀n yɛ̀ɛ mɛ̀, kìɓan kifog kɛ̀ ɓi ɓa ri ɓɛn yi mɛ̀ ǹɗì yi rì yɔ.

MƐ̀KÌKÌÌ MƐ ƁƐKƐ̀NÌ-FÌTOM 5:21

Yɛ̀ɛ ɓɛ wokà fɔlɔɔ, nni ɓɛ pongà ɓi naà-Bɛ̀ll ɓɛ tumɛ̀n ɓum ɗì rèrèsì ɗi ɓiɓan ɓiǹ. Fɔɔnnɛ ǹkɔ̀mɛ̀n ɓɛ̀pìrɛɛtìrɛ̀ ɓɛgwey, rì ǹɗaŋ wii wu ɓum ɓɛ yughày, ɓɛ reŋɗɛ̀n ǹtaŋzɛn wu Ɓɛ̀yudɛ̀n wu lɛ Sànèdìrɛŋ, rì ɓɛ̀sɛ̀ɛ̀mɛn ɓɛ̀cèm ɓɛ a Isirayɛl, ɓɛ rom min ɓɛ̀sujàà lɛ ɓɛɛ kɛǹ yì kì terì ɓɛ̀kɛ̀nì-fìtom ɓi naà-zày.