MƐ̀KÌKÌÌ MƐ ƁƐKƐ̀NÌ-FÌTOM 21:27 - Bafia Nouveau Testament

²⁷ Di ɓɛ ti lɛ ɓɛɛ lɔgsi mɛ̀ru taàɓɛ̀ɛ̀ ɓi zòghɛ̀n yàà, nni Ɓɛ̀yudɛ̀n ɓɛ a Azii ɓɛ ghɛngà Pol ɓi naà-Bɛ̀ll, ɓɛ toosàg ɓum ɓɛ kilɔ̀ŋ, ɓɛ ɓan Pol

MƐ̀KÌKÌÌ MƐ ƁƐKƐ̀NÌ-FÌTOM 21:27 ပူးပေါင်းရင်းမြစ်များ

LUKAS 21:12

Wɔ̀lɛ di ɓìɓan ɓiǹ ɓìcèm ɓi ka ghɛnɛn ɓi, ɓɛ ri mìni ɓiì ɓangii, ɓɛ ki mìni mɛ̀tɔɓ; ɓɛ ri mìni ɓiì faà rì ɓɛ̀rɛlì-asu ɓɛ ɓi naa yi bɔ̀ŋzɛ̀n lɛ ɓɛɛ yɔm̀ mìni, ɓɛ ki pìg mini ɓi naà-zày; ɓɛ ɓiì kɛ̀ɛ ri mìni a ɓɛ̀làmì rì a ɓɛ̀gɔmìnà ɓisu wɛ̀m.

MƐ̀KÌKÌÌ MƐ ƁƐKƐ̀NÌ-FÌTOM 13:50

Kìɓan kifog, Ɓɛ̀yudɛ̀n ɓɛ toosìghà lɛ, rì ɓìtèetèɗ ɓi ɓɛ̀yiɓ ɓi ɓi falɛ̀ngà ɓi rìgherɛ̀n rì gìni-ɓum yi ɓi bàn ìnɛn lɛ ɓɛɛ ɓigti paàzì rì ɓɛ̀-Pol ɓɛɛ̀ Ɓarinaɓas; fɔɔnnɛ ɓɛ kpagà ɓɔ rìbaŋì, ɓɛ ki nàɓ ɓɔ ɓi kìlɔ̀ŋ kaa.

MƐ̀KÌKÌÌ MƐ ƁƐKƐ̀NÌ-FÌTOM 14:19

Ɓɛ̀yudɛ̀n ɓɛdɛŋ ɓɛ pɛsɛ̀ngày a Aŋtyos ànɛ a Pisidii rì a Ikonyɔm, ɓɛ syoŋ gwìy ì ɓum ɓi gàm yàà, ɓɛ rogì Pol gɔ̀g ɓɛ syòŋ nyi, ɓɛ kɛǹ nyi kì naŋì ɓi nwɔŋì wu bàn lɛ ɓɛ fefèkà lɛ à mɛ wu.

MƐ̀KÌKÌÌ MƐ ƁƐKƐ̀NÌ-FÌTOM 14:2

Kìɓan kifog, ɓɛ ɓɛ ɓengà dɔgtɛ̀n ì Pol, ɓɛ toosìghà ɓum ɓɛ zɛy lɛ ɓɛɛ ɓa rì ɓìɓeɓtàg ɓi mɛyitì ɓi ɓɛg ànɛ a ɓɛ̀geni ɓis ɓɛ righerɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 14:5

Nni yɛ̀ɛ ɓumɓɛ zɛy, rì Ɓɛ̀yudɛ̀n, rì ɓɛ̀làmì ɓaa ɓɛ peèghpègsɛ̀ngà lɛ ɓɛɛ ki ɓɔ ǹtɔɓ, ɓɛ rogì ɓɔ gɔ̀g,

MƐ̀KÌKÌÌ MƐ ƁƐKƐ̀NÌ-FÌTOM 16:6

Yɛ̀ɛ Kìtɛntɛ̀ɛ̀n ki Nghay kì rekà ɓɔ lɛ, ɓɛ̀ kɛɛ̀ ghagsi jɛ̀ɛ̀ ì Bɛ̀ll ɓi kìden ki zi ki a Azii fɔɔnnɛ ɓɛ ghaghìghà bàn ì Firizii, rì zi ì Ɓɛ̀gàlat rì mɛ̀kòò.

MƐ̀KÌKÌÌ MƐ ƁƐKƐ̀NÌ-FÌTOM 17:13

Wɔ̀lɛ yɛ̀ɛ Ɓɛ̀yudɛ̀n ɓɛ a Tesalonika ɓɛ wokà lɛ Pol à titì ɓiì ghaaghagsì jɛ̀ɛ̀ ì Bɛ̀ll a Bere, nni ɓɛ yughày wɔɔ lɛ, ɓɛɛ ɓuùsi jàŋ, ɓɛ ki kì kiyoòyòò ɓi nyìinyìm à ɓum ɓɛ kilɔ̀ŋ.

MƐ̀KÌKÌÌ MƐ ƁƐKƐ̀NÌ-FÌTOM 18:12

Ɓi mɛ̀ru mɛ Galyɔŋ à ɓaghà gɔmìnà ànɛ ɓi kìlànà ki zi ki lɛ Akayi, Ɓɛ̀yudɛ̀n ɓɛ wɔrɛ̀ngà ɓɔɔ̀cèm, ɓɛ ɓigtì paàzì rì Pol ɓɛ kɛǹ ɗì nyi ɓi naà-ɓɛ̀yɔ̀m.

MƐ̀KÌKÌÌ MƐ ƁƐKƐ̀NÌ-FÌTOM 2:9

À tumɛ̀n lɛ ɓɛ̀-Paritɛ, ɓɛ̀-Mɛɛɗɛ, ɓɛ̀-Elamit, ɓumɓɛ a Mɛzopotamii, ri ɓɛ a Zyude rì ɓɛ a Kapados, rì ɓɛ a Pɔŋ, rì ɓɛ a Azii,

MƐ̀KÌKÌÌ MƐ ƁƐKƐ̀NÌ-FÌTOM 20:19

Mɛ̀ɛ nkìi Kan kìsay kɛ̀ɛ m̀ɓɔgsɛn mɛ̀ɛmiɗ nsoò lɛsàg, rì misì ɓi mɛ̀tam ɓi nyìinyìm à mɛ̀tɔɓ mɛ mɛ̀ɛ nghɛɛ lɛ ɓìtɔ̀kɔ̀ ɓi Ɓɛ̀yudɛ̀n ɓɛ ntɔɔ̀tɔ̀kɛ̀n mɛ̀.

MƐ̀KÌKÌÌ MƐ ƁƐKƐ̀NÌ-FÌTOM 24:11

Ù rì lɛ ù tɔg rì ɓum ɓɛdɛŋ ǹkòo ki mɛ cee mɛru ntɛ̀ɗ rì mɛɓɛɛ̀, yɛ̀ɛ mɛ̀ɛ mɓɔɔgh a Yorisalɛm lɛ mɓɔgsi Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 24:18

Nni fɔɔnnɛ ɓɛ ntanɛɛ mɛ̀ ɓi naà-Bɛ̀ll di ǹti ɓiì lègsii zòghɛ̀n yɛ̀m, nsoò cììba ki ɓum, nsoò kìyoòyòò, com ɗì com ki n-yìn.

MƐ̀KÌKÌÌ MƐ ƁƐKƐ̀NÌ-FÌTOM 26:21

Kìɓan kiǹ kɛɛ̀ki Ɓɛ̀yudɛ̀n ɓɛ mɓani mɛ̀ miì ɓi naà-Bɛ̀ll, ɓɛ kɔǹ lɛ di ɓaa woli mɛ̀.

MƐ̀KÌKÌÌ MƐ ƁƐKƐ̀NÌ-FÌTOM 4:3

Fɔɔnnɛ ɓɛ ɓangà ɓɔ ɓɛ pig ɓɔ ɓi naà-zày lɛ ɓɛɛ kɔri wɔɔ à kpaŋ ɓi duri-tana, lɛ cɛŋkò ki ɓaghà di ki ti.

MƐ̀KÌKÌÌ MƐ ƁƐKƐ̀NÌ-FÌTOM 5:18

Ɓɛ ɓangì ɓɔ, ɓɛ pig ɓɔ ɓi naà-zày.

MƐ̀KÌKÌÌ MƐ ƁƐKƐ̀NÌ-FÌTOM 6:12

Ɓɛ kighà lɛ ɓum ɓɛ kilɔ̀ŋ, rì ɓɛ̀sɛ̀ɛ̀mɛn, rì ɓɛ̀rèsàg-ɓìdɔ̀gsɛna, ɓɛɛ wog bim, ɓɛ yu ɓɛ sɛn ɓi Ityɛn, ɓɛ kɛǹ ɗì nyi a Sànèdìrɛŋ.

MƐ̀KÌKÌÌ MƐ ƁƐKƐ̀NÌ-FÌTOM 6:9

Fɔɔnnɛ gàɓ ì ɓum ìdɛŋ ìnɛ ɓi naà-bɔ̀ŋzɛ̀n, ìnɛ ì ɓaghà naa ì ɓumɓɛ ɓɛ ka ɓaghà ɓɛ̀kpàn, ɓɛ nyoònyòlɛ̀ngà rì Ityɛn, ɓumɓɛ̀n ɓɛ ɓaghà Ɓɛ̀yudɛ̀n ɓɛ ɓi ɓìlɔ̀ŋ ɓi lɛ: rì Sirɛn rì Alɛgsaŋdirii, rì ɓumɓɛ a Silisii, rì ɓɛ a Azii.

2 KƆ̀RƐ̀ŊTYƐŊ 11:26

Mɛ̀ɛ nkɛ̀ɛ̀kɛɛ cààmɛ̀n kìcèm, rì mɛ̀kòò ǹtutùlɛ̀n rì ɓɛ̀koŋnyoo ɓɛ ɓi don yi ɓɛ rìɓày, rì ɓɛ̀koŋnyoo ɓɛ ɓɛ̀fàràfara, rì ɓɛ̀koŋnyoo ɓɛ ɓɛ riì mɛ̀ a ɓɛ̀geni ɓɛ̀m ɓɛ Ɓɛ̀yudɛ̀n, rì ɓɛ ɓɛ riì mɛ̀ a ɓumɓɛ ɓɛ yin Ɓɛ̀yudɛ̀n, rì ɓɛ̀koŋnyoo ɓɛ ɓi bàn, rì ɓɛ ɓireɓ, rì ɓɛ ɓi rìɓày à kìkòn; ǹtulɛ̀n rì ɓɛ̀koŋnyoo ɓi nyìinyìm à ɓumɓɛ ɓɛɛ̀ ɓɔ̀ŋɓɔŋ lɛ ɓɛ ri ɓɔɔseŋi ɓis ɓɛ righerɛ̀n.

TÈSÀLÒNÌSYƐŊ 2:16

Ɓɛ ti ɓɛ rekì ɓìsi lɛ tyɛ̀ ki ghagsi jɛ̀ɛ̀ ì Bɛ̀ll a ɓumɓɛ ɓɛ yin Ɓɛ̀yudɛ̀n lɛ ɓɛɛ ɓa rì cɛɓ. Rìkì ɗiǹ ɗyɛɛ̀ɗi ɓɛɛ̀ kɛ̀nkɛn beèbɛ̀y ɓɛ teètègsì kìɓe kaa cààmɛ̀n kìcèm rì ɗyɔ̀; wɔ̀lɛ rìbaŋì ɗi Bɛ̀ll ɗi mɛ syɔn ɓɔ kìkòmi.