MƐ̀KÌKÌÌ MƐ ƁƐKƐ̀NÌ-FÌTOM 21:11 - Bafia Nouveau Testament

¹¹ Yɛ̀ɛ à yughà ɓìsi kìtanɛɛ a teɗ kànɗa à Pol, à kàgì lɛ rì mɛ̀kòò mii, rì ɓyàg ɓii, à ki kpaa lɛ: Kìtɛntɛ̀ɛ̀n ki Nghay kɛɛ̀ kpaaghi lɛ: Ɓì ghɛɛ? Fɛlɛ nnɛ Ɓɛ̀yudɛ̀n ɓɛ ri ɓiì kàŋi ŋwaànɛ à rì rì kànɗa ànɛ, ɓɛ ki teɗ nyi, ɓɛ fa nyi ɓi ɓyàg ɓi ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 21:11 ပူးပေါင်းရင်းမြစ်များ

ZYAŊ 18:1

Yɛ̀ɛ Yeesus à kpaaghà ɓìɓan ɓiǹ, nni à pɛ̀sɛ̀ngà rì ɓɛ̀yilàg ɓii, ɓɛ kɛǹ cɛcɛɗ ki maa ǹsyòm ànɛ lɛ Sedirɔŋ. Ɓɛ ɗiŋì rì ɓɛ̀yilàg ɓii ɓi dɛm idɛŋ ìnɛ ì ɓaghà wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 13:2

Ŋwos adɛŋ ànɛ ɓɛ ɓaghà ɓi rìɓɔgsì ɗi ɗii ɗi Kan, ɓɛ ki cèli ɓiɗilàg ɓi ŋwos àncèm ànɛn, Kìtɛntɛ̀ɛ̀n ki Nghay ki kpaaghà ɓɔ lɛ! Pisiina mɛ̀ ɓum ɓɛ lɛ rì Ɓarinaɓas, rì Sol, lɛ ɓɛɛ ki kìsay ki ǹɗegìghà ɓɔ lɛ ɓɛɛ ki.

MƐ̀KÌKÌÌ MƐ ƁƐKƐ̀NÌ-FÌTOM 16:6

Yɛ̀ɛ Kìtɛntɛ̀ɛ̀n ki Nghay kì rekà ɓɔ lɛ, ɓɛ̀ kɛɛ̀ ghagsi jɛ̀ɛ̀ ì Bɛ̀ll ɓi kìden ki zi ki a Azii fɔɔnnɛ ɓɛ ghaghìghà bàn ì Firizii, rì zi ì Ɓɛ̀gàlat rì mɛ̀kòò.

MƐ̀KÌKÌÌ MƐ ƁƐKƐ̀NÌ-FÌTOM 20:23

Kìɓan kifog, ǹ-yii lɛ ɓi bàn bimiɗ ìnɛ ǹkpaŋi wɔɔ, Kìtɛntɛ̀ɛ̀n ki Nghay ki ti ki resàg mɛ̀ lɛ, rì naà-zày, rì ǹkulɛ̀n ɓyɛɛ̀ ɓoŋɓoŋ mɛ wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 21:33

Fɔɔnnɛ ǹkɔ̀mɛ̀n ɓɛ̀sujàà àgwey à tyòŋdɛ̀ngày à ɓan Pol, ɓɛ kaŋ̀ nyi bɛn ɗi mɛ̀sɛ̀ŋi, à tɔg min ɓum lɛ, ŋwaàbe yɛɛ rì lɛ, cɛ kɛɛ̀ ki à kìi?

MƐ̀KÌKÌÌ MƐ ƁƐKƐ̀NÌ-FÌTOM 21:4

Tì kɔrìghà wɔɔ mɛru taàɓɛ̀ɛ̀, lɛ tì tanɛ̀ngà ɓɛ̀gherɛ̀n wɔɔ, Kìtɛntɛ̀ɛ̀n ki Nghay ki tinì bɛ̀gherɛ̀n lɛ ɓɛɛ kpaà Pol lɛ, kɛ̀ɛ ɓɔg a Yorisalɛm.

MƐ̀KÌKÌÌ MƐ ƁƐKƐ̀NÌ-FÌTOM 22:25

Yɛ̀ɛ ɓɛ mɛɛ̀ kuɓsìghà Pol lɛ ɓɛɛ ɓog nyi kìtòn, nni à tɔkà ǹkɔ̀mɛ̀n ɓɛ̀sujàà àsàg lɛ: Ɓì rì lɛ ɓì ɓog muu Ròmɛŋ di ɓɛ ka yɔ̀mzi ɓi nyi?

MƐ̀KÌKÌÌ MƐ ƁƐKƐ̀NÌ-FÌTOM 24:27

Yɛ̀ɛ bèg yi ghaghìghà yiɓɛɛ̀, nni ɓɛ romgày gɔmìnà àdɛŋ ɗii lɛ Pɔrisyus-Fɛstus ɓi-kɔ̀ɔ̀ wu Felis. Yɛ̀ɛ Felis à kɔ̀nkɔ̀ngà lɛ a puɓsi Ɓɛ̀yudɛ̀n ǹɗem, nni à càɗkà Pol ɓi naà-zày.

MƐ̀KÌKÌÌ MƐ ƁƐKƐ̀NÌ-FÌTOM 26:29

Pol à ɓàg lɛ: Nsoò ki kilɛɛ ɓi fɔlɔɔ ɓigomìnɛ, rìkɔ̀n ɗyɛm̀ ɗi ri lɛ, nsoò gɛ fin, Bɛ̀ll a gherɛn lɛ rì wɔ̀, rì ɓum ɓɛ̀cèm ɓɛ ɓɛɛ̀ wowog ɓitòkì ɓyɛm̀ gɛɛ̀nɛ, ɓi ɓa ɓɛ̀gherɛ̀n yɛ̀ɛ mɛ̀, kìɓan kifog kɛ̀ ɓi ɓa ri ɓɛn yi mɛ̀ ǹɗì yi rì yɔ.

MƐ̀KÌKÌÌ MƐ ƁƐKƐ̀NÌ-FÌTOM 28:17

Ajɛ̀m ì mɛ̀ru mɛ̀ra, Pol à lààghràkà ɓɛ̀sɛ̀ɛ̀mɛn ɓɛ Ɓɛ̀yudɛ̀n. Yɛ̀ɛ ɓɛ taŋzɛ̀ngà, nni Pol à kpaaghà ɓɔ lɛ: Ɓɔɔsoŋ̀, ǹkìi ɓi ɓumɓɛ ɓi kìlɔ̀ŋ kis kiɓan kiɓeɓtɛn, kɛ̀ɛ nki yogsi ɓìsyɔ̀ɔ̀ ɓi ɓɛseŋi ɓis. Nsoò fɔlɔɔ, ɓɛ ɓangà mɛ̀ a Yorisalɛm, ɓɛ kaàɓ mɛ̀ rì Ɓɛ̀ròmɛŋ.

MƐ̀KÌKÌÌ MƐ ƁƐKƐ̀NÌ-FÌTOM 28:20

Kìɓan kiǹ kɛɛ̀ki mɛ̀ɛ ntɔɔgh lɛ di màa ghɛɛ mìni, ǹkalì mìni lɛ bɛn yi ǹɗì yi rì yɔ, yi ri ɓisuu ǹtyweeyi wu Isirayɛl a rì rì wɔ.

MƐ̀KÌKÌÌ MƐ ƁƐKƐ̀NÌ-FÌTOM 28:25

Nni yɛ̀ɛ ɓɛ pɛsɛ̀ngà rìsug, di ɓɛ mɛ rɔ̀ɓ kɛ̀ ɓɛɛ̀ wooghrɛn jɛ̀ɛ̀, com ki Pol à kpaatìghà ɓɔ ki ɓaghà lɛ: Kìtɛntɛ̀ɛ̀n ki Nghay ki kpaghà lɔŋ saaɗ yɛ̀ɛ ki kalìghà rì ɓɛ̀seŋi ɓin ɓi ŋwɔm wu ǹkpaŋzì-ɓìɓan Ezayii lɛ:

MƐ̀KÌKÌÌ MƐ ƁƐKƐ̀NÌ-FÌTOM 8:29

Fɔɔnnɛ Kìtɛntɛ̀ɛ̀n ki Nghay ki kalìghà Filiɓ lɛ: Pìgha mɛ̀kòò, ù tanɛn calig kinii.

MƐ̀KÌKÌÌ MƐ ƁƐKƐ̀NÌ-FÌTOM 9:16

Mɛ̀ɛmiɗ ǹɗì nyi ɓiì rèsii mɛtɔɓ mɛ̀cèm mɛ à ɓiì woògh ɓisu wɛ̀m.

EFÈZYƐŊ 3:1

Kìɓan kiǹ kɛɛ̀ki mɛ̀ Pol ànɛ ǹɗì kìmbùŋ ki Yeesus Kiris ɓisuu win mìni ɓɛ ɓì yin Ɓɛ̀yudɛ̀n mɓɔ̀ɔɓɔŋzì Bɛ̀ll.

EFÈZYƐŊ 4:1

Fɔɔnnɛ mɛ̀ ànɛ ǹɗì kìmbùŋ lɛ ǹsàsay Kan, ǹkpaa mìni lɛ, ghɛɓina rìkuu ɗi cɛɓ ɗi ɗi ghɛɛ̀sɛɛ rì ǹɗeèghreŋi wu wu kpagà a lɔ̀ŋkin,

EFÈZYƐŊ 6:20

Syeesyee à Ɓɔlɛ ànɛ̀n innɛ mɛ̀ ǹɗì ɓi fìtom fi miì, ǹki ɓa ɓi naà-zày lɛ nyi; nni ɓɔ̀ŋzaaghna lɛ nkakali Ɓɔlɛ ànɛ̀n lɛ cààcàà yɛ̀ɛ ǹghɛ̀ɛ̀sɛɛ kì kpaakpaa.

TIMOTE 4:1

Ǹghay a kpaaghi lɛ tɛntɛ̀ɛ̀n lɛ, ɓi mɛ̀ru mɛ siitòn, ɓum ɓɛɗɛŋ ɓɛ naŋigɛ rìgherɛ̀n, ɓɛ nɔɔ̀tì mɛ̀ghay mɛ mɓɔ̀ŋɗɛ̀n rì dɔgtɛ̀n yi ɓiɓeɓtàg ɓi mɛghay;

2 TIMOTE 2:9

Syeesyee à Ɓɔlɛ ànɛ̀n nnɛ nwowog mɛtɔɓ miì à kpaŋ ɓi lèg ànɛ lɛ ɓɛɛ kaŋ̀ mɛ̀ bɛn lɔŋ yɛ̀ɛ ǹwolì-ɓum, kìɓan kifog jɛ̀ɛ̀ ì Bɛ̀ll yɔ̀ɔ̀ yin nkàŋɛn bɛn.

EBIREEGH 10:34

Ɓì kàɓɓɛ̀ngà mɛ̀tɔɓ mɛ ɓimbùŋ, ɓì ki woki kirɔɔ cààmɛ̀n kìcèm ki ɓɛ nti ɓɛ ɓatàg mìni ɓyom, ɓisuulɛ ɓì yighà lɛ ɓì ɓaghà rì ɓyom ɓi ɓi cee ɓiǹ lɛ, ɓyɔɔ ri ɓi ɓi ri cààmɛ̀n kìcèm.

EBIREEGH 3:7

Kìɓan kiǹ kɛɛ̀ki, i ɓì woogh jɛ̀ɛ̀ yìì gɛɛ̀nɛ fɛlɛ yɛ̀ɛ Kìtɛntɛ̀ɛ̀n ki Nghay ki ti ki kalàg,

1 PYƐƐRI 1:12

Bɛ̀ll à rèsìghà ɓɔ lɛ kìɓan ki ɓɛ kpaakpààghà kiǹ ki ɓaghà ɓi ɓisu waa wu ɓɔmiɗ, ki ɓaghà lɔŋ ɓisu win, rì tì lɛ ɓɔɔ ɓaghà lɔŋ ɓɛ̀kìì-ɓìsay ɓɛ ɓi ɓìɓan ɓiǹ. Ɓigomìnɛ, ɓumɓɛ ɓɛ kpaaghà mìni Syeesyee à Ɓɔlɛ rì Kìtɛntɛ̀ɛ̀n ki Nghay ki ɓɛ romgày aɗyoo, ɓɛ wogsìghà mìni ɓìɓan ɓiǹ, nsoò ɓum ɓɛ titom ɓɔmiɗ, ɓɛ ri rì zày ìnɛ lɛ di ɓaa ghɛɛ ɓyɔ̀.