MƐ̀KÌKÌÌ MƐ ƁƐKƐ̀NÌ-FÌTOM 20:7 - Bafia Nouveau Testament

⁷ Ɓi ŋwos a ǹtonto ànɛ ɓi rìtumɛ̀n ɗi sɔnɗì nnɛ tì ɓaghà ɓɛ̀taŋzɛn lɛ ti teɗ ɓìɗilàg ɓi Bɛ̀ll. Pol nyii ghɛɛ̀sɛ̀ngà kì ghaghii ɓi duri tana, nni à tòkàkà rì ɓɛ̀gherɛ̀n, à ki ràɓsi ɓitòkì à kpaŋ nyìinyìm à-ru.

MƐ̀KÌKÌÌ MƐ ƁƐKƐ̀NÌ-FÌTOM 20:7 ပူးပေါင်းရင်းမြစ်များ

MARIKUS 16:9

Yɛ̀ɛ Yeesus à ghèmɓɛ̀ngà ŋwosì sɔnɗì sariwa, à lokà kì rèsɛɛ Marii Madelɛn. Marii ànɛ̀n nnɛ Yeesus à pisìghà ɓìɓeɓtàg ɓi mɛghay taàɓɛ̀ɛ̀ ɓi nyoo.

LUKAS 22:19

Fɔɔnnɛ à tekà bìrɛs, à fa Bɛ̀ll ɓìtògsɛ̀n, à ɓɛg yɔ̀, à fa ɓɛ̀yilàg à kpaa lɛ: Nyoo yɛ̀m yɛ̀ɛ ri lɛ; yɛ̀ɛ ri ǹfayɛn ɓisu wìn, kìlaaghna kìɓan ki, ɓì yitàg mɛ̀.

LUKAS 24:35

Fɔɔnnɛ ɓɔɔ kpaaghà ɓɔ kìɓan ki kaa kìi ɓɔ ɓi bee inɛ a Emayus, rì yɛ̀ɛ ɓaa rèmii Yeesus di à mɛ ɓɛg bìrɛs.

ZYAŊ 20:1

Ŋwosi sɔnɗì sariwa, Marii Madelɛn à pongà a zɔ̀ŋ rì tìrììriì, à ghɛn lɛ, gɔ̀g ìnɛ ì ɓaghà ɓi ŋwɔm wu zɔ̀ŋ ì ti m̀pisiyɛn.

ZYAŊ 20:19

Cɛŋkò ki ŋwosi sɔnɗì nyimiɗ anɛ̀n, mɛ̀suunaa mɛ ɓi naa ìnɛ ɓɛ̀yilàg ɓɛ ɓaghà wɔɔ ɓɛtaŋzɛn, mɛ ɓaghà mɛ̀rogakɛn lɛ, ɓɛ rirìsìghà Ɓɛ̀yudɛ̀n. Nni Yeesus à yùghà, à rɛlì ɓi nyìinyìm wàà, à kpaa ɓɔ lɛ: Fyòoog a ɓa rì mìni.

ZYAŊ 20:26

Ajɛ̀m ì mɛ̀ru taàraa, ɓɛ̀yilàg ɓɛ Yeesus ɓɛ ɓatìghà ɓɛ̀taŋzɛn ɓi naa, Tomas à ɓaghà wɔɔ ri ɓɔ. Mɛ̀suunaa mɛ ɓaghà mɛ̀rogakɛn, nni Yeesus à yùghày, à rɛlì ɓɔ ɓi nyìinyìm, à kpaa ɓɔ lɛ: Fyòoog a ɓa rì mìni.

MƐ̀KÌKÌÌ MƐ ƁƐKƐ̀NÌ-FÌTOM 16:10

Ajɛ̀m ì ɓìdɛ̀ndɛm ɓi Pol ɓiǹ, nnɛ tì ghàskà kì kaà bee ìnɛ lɛ ti kɛǹ a Masedwan, lɛ tì konàkà kì ghɛɛ̀ lɛ Bɛ̀ll yɛɛ regii ɓìsi lɛ, ti kɛǹ kì kalii Syeesyee à Ɓɔlɛ wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 2:42

Ɓɛ siìrɛ̀ngà ɓi rìwowòg ɗi rirèsàg ɗi ɓɛkɛ̀nì-fìtom, rì ɓi cɛɓ ki rigeni, rì ɓi rìcusàg ɗi bìrɛs, rì ɓi bɔ̀ŋzɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 2:46

Cààmɛ̀n kìcèm ɓɛ ǹti ɓɛ taŋzàg ɓi naà-Bɛ̀ll ŋwos bimiɗ, ɓɛ ɗiɗì ɓìɗilàg ɓyaa ǹɗaŋ ɓi naa yaa ɓɛ ɗiɗì ɓyɔ rì kìnyàà, rì ǹɗem wu risɛɛ̀dɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 20:11

Nni à sugtìghà kìɓɔɔ̀gh, à ɓɛg bìrɛs à ɗi ajɛ̀m ìnɛn nnɛ à kɛ̀ɛ̀dìtìghà lɔŋ ri ɓìtòkì ɓii asu, duri ì ràm ì tan, fɔɔnnɛ à ki ghaghìghà min.

MƐ̀KÌKÌÌ MƐ ƁƐKƐ̀NÌ-FÌTOM 20:31

Fɔɔnnɛ ɓaana cem, ɓì ki yiti lɛ, ǹɗeɓi mìni bèg yiraa, yɛ̀ɛ ìru yɛ̀ɛ ŋwos kɛ̀ɛ nfɔɛy, rì misì ɓi mɛ̀tam.

MƐ̀KÌKÌÌ MƐ ƁƐKƐ̀NÌ-FÌTOM 20:5

Ɓumɓɛ̀n ɓɛ lokà kì kɛ̀ɛ asu, ɓɛ Kɛǹ ɓìsi kì ɓoŋì a Tirowas.

MƐ̀KÌKÌÌ MƐ ƁƐKƐ̀NÌ-FÌTOM 20:9

Nni dɛlì ì mum ìdɛŋ ɗii lɛ Etig ìnɛ ì kɔ̀kɔ̀rìghà ɓi wonɗò ì ghaghìghà rì fìlo lɛ kɔɔ̀kɔɔ̀ di Pol a ka ràaraɓsì lɔŋ ɓitòkì ɓii, yɛ̀ɛ fìlo fi teri nyi fɔlɔɔ, nni à kɔ̀sɛ̀ngày ɓi dɛg ì kìraa, à kpì azi; yɛ̀ɛ ɓɛ mɛɛ̀ pɛ̀sìghà nyi, ɓɛ ghɛn lɛ, à mɛ wu.

MƐ̀KÌKÌÌ MƐ ƁƐKƐ̀NÌ-FÌTOM 28:23

Fɔɔnnɛ ɓɛ faghà nyi ǹkàg wulɛ ɓɛɛ ghɛnɛn, nni ɓɛ yughày kìtuu lɛ ɓɛɛ ghɛǹ nyi a mɛɛ mii. Ɓi ɓìtòkì ɓii, Pol à kalìghà ɓɔ kìɓan ki ki taataa kìlɔ̀ŋ ki Bɛ̀ll, à ki kaakaa bee lɛ rì ɓi ɓìdɔ̀gsɛna ɓi Moyis, rì ɓi ɓɛ̀kpaŋzì-ɓìɓan, lɛ a ki lɛ ɓɛ̀ kɛɛ̀ teeti nyoey ɓi kìɓan ki Yeesus. A tòkàkà rì ɓɔ fɔlɔɔ à tumɛ̀n sariwa à kpaŋ cɛŋkò.

1 KƆ̀RƐ̀ŊTYƐŊ 10:16

Ɓeŋ à ɓɛ̀mààgh ànɛ tì ti tì falàg Bɛ̀ll ɓìtògsɛ̀n lɛ nyi, à ti kɛ̀ɛ kì nya lɛ ti ɓa ɓɛ̀ràrɛn ɗi bwaɓ yi Kiris? Bìrɛs ìnɛ tì ti tì ɓɛkì, ì ti yɛ̀ kɛɛ̀ kì nya lɛ ti ɓa ɓɛ̀ràrɛn ɗi nyoo ì Kiris?

1 KƆ̀RƐ̀ŊTYƐŊ 15:10

Lɛ geesɛ̀n ì Bɛ̀ll, nnɛ ǹɗì com ki ǹɗì, nni geesɛ̀n yìì ɓi ɓɛg wɛ̀m ì wughà ɓi zɛy, ǹsalà gì kɔm̀ ǹcee ɓɔ ɓɛ̀sɛ̀ɛ̀ ɓɛ̀cèm, wɔ̀lɛ, àa mɛ̀ɛmiɗ yɛɛ salà, lɔŋ geesɛ̀n ì Bɛ̀ll ìnɛ ì rì rì mɛ̀, yɛ̀ɛ kighà kìsay.

1 KƆ̀RƐ̀ŊTYƐŊ 16:2

Mum ǹcèm ànɛ ɓi mìni, à ghɛ̀ɛ̀sɛɛ kì pyerì gàɓ ì com ìnɛ à rì lɛ à pyeɗ a mɛɛ mii lɔŋ yɛ̀ɛ ìtèɗ wii wu ri, ŋwosi Sɔnɗì bimiɗ, lɛ kɛ̀ɛ ɓoŋ lɛ, ɓɛɛ tumɛn ɓɛ̀syɔ̀ɔ̀ di màa kpaŋ.

2 TIMOTE 4:2

lɛ u kakali jɛ̀ɛ̀ ì Bɛ̀ll, ù sììrɛ̀n miì ɓyààmɛ̀n ɓìcèm, lɛ rì ɓi syeesyee rì ɓi ɓeɓtɛn; kìya lɛ ɓum ɓɛɛ gherɛn, fwààdag ɓum, ù rerèɓ ɓɔ, ù yi rìnìɗ ɗi nɗem, ù ki rèeresàg ɓɔ.

ÀPÒKÀLIƁSƐ̀ 1:10

Ǹghay à sɛngà ɓi mɛ̀ ŋwosi Kan fɔɔnnɛ ǹwokà coo jɛ̀ɛ̀ mɛ̀ ajɛ̀m lɔŋ yɛ̀ɛ gom ì ɗyam ɗi ɓɛɛ̀ rɔŋɗɔ̀ŋ,