MƐ̀KÌKÌÌ MƐ ƁƐKƐ̀NÌ-FÌTOM 20:35 - Bafia Nouveau Testament

³⁵ Mɛ̀ɛ ǹɗèsii mìni bee yicèm lɛ, cààmɛ̀n ki ɓi sasay fɔlɔɔ, kɛɛ̀ki ɓì rì ɓiì ghɛɓsii ɓɛ̀roɓɛ ɓɛ yin ɗi ìtèɗ, ɓì ki yiti jɛ̀ɛ̀ ìnɛ Kan à kalìghà ɓi ŋwɔm wii lɛ: Rì ŋwaànɛ à faa, rì ŋwaànɛ ɓɛ faa com roànɛ à faa yɛɛ ti à ɓiisàg kì woògh kìrɔɔ.

MƐ̀KÌKÌÌ MƐ ƁƐKƐ̀NÌ-FÌTOM 20:35 ပူးပေါင်းရင်းမြစ်များ

MATYOO 10:8

Wɔ̀ɔ̀ziina ɓɛ̀roroɓ, ɓì ghèèghèmzì ɓìloŋ, ɓì kì lɛ ɓɛ̀kukwiy ɓɛɛ ɓa ti lɛ syeesyee ɓi nyoo yàà, ɓi ki nànaɓ ɓiɓeɓtàg ɓi mɛghày; Yɛ̀ɛ ɓì làagh ɓi itèɗ wiǹ, ghɛɓsiina girig ɓum, kɛ̀ ɓi tɔg ɓɔ com.

MƐ̀KÌKÌÌ MƐ ƁƐKƐ̀NÌ-FÌTOM 20:20

Ɓì yii lɛ, ǹnyamgà ɓi mini kìɓan kidɛŋ ki ki ri lɛ, ki ghɛɓsì mìni, kɛ̀ɛ ǹki risi mini rìkpaakpàà, ɗì rìrèèrèsàg ɗi ɓiɓan ɓi Bɛ̀ll ɓi gwìy ì ɓum, nsoò lɛ a ɓɛ̀mɛɛ ɓin.

MƐ̀KÌKÌÌ MƐ ƁƐKƐ̀NÌ-FÌTOM 20:27

Ɓisuulɛ, ǹkpàkàkà mìni dwìɗ i Bɛ̀ll bimiɗ, kɛ̀ɛ nnyam mini nsoò maa kìɓan adɛŋ.

MƐ̀KÌKÌÌ MƐ ƁƐKƐ̀NÌ-FÌTOM 20:34

Mìniìɓomiɗ ɓì yii lɛ, ǹsasàlà rì ɓyàg ɓyɛm̀ ɓi, lɛ ǹtanɛn ɓyom ɓi ti ghɛɓ miì lɛ rì mɛ̀, rì ɓumɓɛ ǹkɛ̀ɛ̀kɛ̀ɛ̀ghà rì ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 20:36

Yɛ̀ɛ à lègsìghà ɓìtòkì ɓiǹ fɔɔnnɛ à ɓakà mɛ̀ɗu ɓi zi, à ɓɔ̀ŋzì Bɛ̀ll ǹɗaŋ rì ɓɔ.

RÒMƐŊ 15:1

Ɓìsi ɓɛ tì rì rì ìtèɗ ɓi rìgherɛ̀n tì ghɛ̀ɛ̀sɛɛ kì ghɛɓsii ɓɛroɓɛ ɓɛ ri kɛ̀ɛ̀ ìtèɗ, lɛ ɓɛ̀ kɛɛ̀ càrɛn ɓi-ɓwɛɗ waa; tyɛ̀ ki kaa lɛ ti ki ɓìɓan ɓi ɓyɛɛ puɓsi ɓìsi nɗem.

1 KƆ̀RƐ̀ŊTYƐŊ 9:12

I ɓum ɓɛdɛŋ ɓɛ ri rì ìtèɗ wulɛ ɓɛ ɓoŋɓòŋ ɓìrɔɔ ɓidɛŋ a lɔ̀ŋkin, ɓìsi yaa ghɛ̀ɛ̀sɛɛ lɛ ti ɓiìsɛn kìkìi fɔlɔɔ, kìɓan kifog, ɓìsii tɔkà ɓi kiɓan ki tì ɓaghà rì ìtèɗ wulɛ ti tɔg; ɓìsiì ceecenɛ̀n lɔŋ mɛtɔɓ mɛ̀cèm lɛ tyɛ̀ ki naŋ kiɓan kidɛŋ ki ki ri lɛ ki nyug Syeesyee à Ɓɔlɛ à Kiris.

2 KƆ̀RƐ̀ŊTYƐŊ 11:12

Ǹɗì ɓiì kɛ̀nkɛni asu ɗì rìkìkì ɗi nkìki ɗi, lɛ di m̀pisi ɓìɓan ɓìcèm ɓi ɓum ɓɛdɛŋ ɓɛ ri lɛ ɓɛ ɓanɛ̀n miì, lɛ ɓɛɛ̀ kaakalɛ̀n lɛ ɓɔɔ̀ kìki girig kìsay ki ɓìsiì kìkì. Ɓum ɓɛdɛŋ ɓɛɛ̀ kaakaa com ki ɓɛɛ ɓanɛn miì lɛ ɓɛɛ ki fɔlɔɔ.

2 KƆ̀RƐ̀ŊTYƐŊ 11:9

nni nsoò yɛ̀ɛ kìsoghà ki ɓangà mɛ̀ cààmɛ̀n ki m̀ɓaghà foo a lɔ̀ŋkin, ǹtɛ̀g wɛm̀ wu syɔngà ɓi wààdɛŋ ɓi nto. Ɓisuulɛ ɓɔɔseŋi ɓis ɓɛ ɓi rìgherɛ̀n ɓɛ ɓɛ pɛsɛ̀ngày a Masedwan, ɓɛ faghà mɛ̀ com kìcèm ki ki kaarɛ̀ngà mɛ̀; ǹlɛkà bee bimiɗ lɛ kɛ̀ɛ mɓa ntɛ̀g wu wɛɛ yɔŋi mìni ɓi nyoo, fɔɔnnɛ ǹɗì ɓiì ki lɛlɛɛgh kiɓan kiǹ.

2 KƆ̀RƐ̀ŊTYƐŊ 12:13

Kìɓan aɗi kɛɛ rɔɓkà kɛ̀ kɛɛ̀ kìlɛn a lɔ̀ŋkin lèg ànɛ yɛ̀ɛ kɛɛ̀ kìikilɛ̀n ɓi ɓìseŋi ɓi Kiris ɓimbog? I ki cee ɓi nya lɛ kìɓan ki lɛ ǹtɛ̀g wɛm̀ wu syɔngà ɓi mìni ɓi nto! Nni mìnii cenɛɛna mɛ̀ rìkì ɗiǹ lɛ ɗi ri zɛ̀ɗ.

2 KƆ̀RƐ̀ŊTYƐŊ 8:9

Lɛ ɓì yii nɗem wu geesɛ̀n wu Kan wìs Yeesus Kiris; nyi ànɛ à ɓaghà rì ìkum, à ghaasìghà nyimiɗ soghàsogha lɛ di a kumzi mìni rì kìsoghà kii.

EFÈZYƐŊ 4:28

Ŋwaànɛ àa nti à fyaasàg ɓyom, à lèg ɓi wii, kìɓan kifog, a teki ntɔɓ lɛ a say rì ɓyàg ɓii yɛ̀ɛ ki ghɛɛ̀sɛɛ, fɔɔnnɛ a ɓa rì com ki à rì lɛ à ghɛɓsì soghàsogha ri kɔ̀.

TÈSÀLÒNÌSYƐŊ 4:11

Ɓì foŋ ǹɗem ɓi kìɓan ki lɛ ɓi ghɛ̀ɓ lɛ fyòoog, ɓì kìkì ɓìɓan ɓin ɓi mìniìɓɔmìɗ, ɓì ki sasay ri ɓyàg ɓin lɔŋ yɛ̀ɛ tì siŋdɛ̀ngà mìni;

TÈSÀLÒNÌSYƐŊ 5:14

Ɓɔɔsoŋ̀! tì ɓɔ̀ŋzaagh mìni lɛ, ɓi rɔgsɛn ɓumɓɛ ɓɛɛ̀ ghɛghɛɓ ɓi kìɓùùsì, ɓì cààsì ɓɛ̀riris nyoo, ɓì lènlèm ɓɛroɓɛ ɓɛ yin ɗi ìtèɗ, ɓì yi rìnìɗ ɗi ǹɗem rì ɓum ɓɛ̀cèm.

EBIREEGH 13:16

Kɛ̀ ɓi ɗimzɛn rikì ɗi kirɔɔ rì rìghɛɛ̀ghɛ̀ɓsɛ̀n ɗi ɓi nyìinyìm wìn, lɛ rìkì ɗiǹ ɗyɛɛ ti ɗi rɔɔghì Bɛ̀ll, ɗi ɓa ɓi bàlì ì ɓyom ɓi ɓì faa nyi.

EBIREEGH 13:3

Ɓì yitàg ɓìmbùŋ yɛ̀ɛ ɓɛɛ̀ kali lɛ ɓì rì ɓi naà-zày ǹɗaŋ ri ɓɔ; ɓì yitàg girig ɓɛ̀roɓɛ ɓum ɓɛɛ̀ tɔtɔ̀ɓ, ɓisuulɛ mìni girig ɓì rì rì nyoo.

3 ZYAŊ 1:7

Lɛ ɓisuu kisay ki Kiris nnɛ ɓɛ roŋìghà bee ɓɛ̀ kɛɛ̀ teɗ nghɛɓsɛn wudɛŋ a ɓumɓɛ ɓɛ yin ɓɛgherɛ̀n.