MƐ̀KÌKÌÌ MƐ ƁƐKƐ̀NÌ-FÌTOM 20:29 - Bafia Nouveau Testament

²⁹ Mɛ̀ ǹ-yii lɔŋ lɛ ɓum ɓɛdɛŋ ɓɛ ɓɛ rì yɛ̀ɛ ɓìmonɗo, ɓɛ ri ɓiì ɗiŋii ɓi nyìinyìm wìn ajɛ̀m yɛ̀m, ɓumɓɛ̀n ɓaa kèŋi ɓi kituu ki jɔ̀ɔ̀.

MƐ̀KÌKÌÌ MƐ ƁƐKƐ̀NÌ-FÌTOM 20:29 ပူးပေါင်းရင်းမြစ်များ

MATYOO 10:16

Nni mɛ̀ ǹɗomi lɔŋ mini yɛ̀ɛ ɓɔni jɔ̀ɔ̀ ɓi nyìinyìm à ɓìmonɗo, fɔɔnnɛ ɓaana rì ɗyomzɛ̀n yɛ̀ɛ nyoo, ɓì ki ɓa ri mɛ̀rem mɛ tɛ̀tɛ̀rɛ̀ɛ̀ yɛ̀ɛ ɓɛ̀kuùkuù.

MATYOO 7:15

Konaaghna rì ɓɛ̀kpaŋzì-ɓìɓan ɓɛ ɓɛ ri ɓɛ̀pwààpwaà; ɓɛ ti ɓɛ yulàg mìni a nyoo ɓɛ̀pàmɓɛn gòò ì jɔ̀ɔ̀, wɔ̀lɛ wɔɔ ɓiɗùm, ɓɛ ɓa ɓìmonɗo ɓi ɓaaɓanɛ̀n.

LUKAS 10:3

Kɛ̀ɛna, ǹɗomi mìni fɛlɛ yɛ̀ɛ ɓɔn ɓɛ jɔ̀ɔ̀ ɓi nyìinyìm à ɓìmonɗo.

LUKAS 12:32

Maa kìtuu à jɔ̀ɔ̀ ànɛ, kɔ̀ɔ risi com, lɛ ki kɔngà Tààta wìn lɛ, a fa mìni kìlɔ̀ŋ kii.

ZYAŊ 10:12

Wɔ̀lɛ ŋwaànɛ a ɓèŋɓeŋ jɔ̀ɔ̀ lɛ ɓɛɛ leɓ nyi, kɛ̀ɛ ki ɓa mɓèŋì-jɔ̀ɔ̀, jɔ̀ɔ̀ yɛ̀ kɛɛ̀ ki ɓa lɛ yiŋkii, à ti à kìlàg lɛ, i à ghɛɛ ǹgɔn, à rinì jɔ̀ɔ̀, à làn. Ǹgɔn à yù kì ɓangii jɔ̀ɔ̀, à san yɔ.

ZYAŊ 21:15

Ɓɛ ɓaghà lɛ, ɓɛ mɛ ɗi, Yeesus à kpaa Simɔn Pyɛɛri lɛ: Simɔn, man à Zyonas, ù keesii nya mɛ̀ ù cee lèg ànɛ ɓɛ̀roɓɛ ɓɛ keesii mɛ̀? Simɔn à ɓàg lɛ: Ɛ̀ɛ̀, Kan, ù yii lɛ ǹkeesii wɔ̀. Yeesus à kpaa nyi lɛ: Ɓèŋa jɔ̀ɔ̀ yɛm̀.

MƐ̀KÌKÌÌ MƐ ƁƐKƐ̀NÌ-FÌTOM 20:28

Fɔɔnnɛ, ɓèŋina mìniìɓɔmiɗ, ɓì ki ɓèŋ di kituu ki jɔ̀ɔ̀ yi Bɛ̀ll, yi Kìtɛntɛ̀ɛ̀n ki Nghay ki rɛsìghà mìni lɛ ɓi ɓeŋ̀ɓeŋ. Mɛniina kìseŋi ki Bɛ̀ll lɛ syeesyee, lɛ à làkà kɔ rì bwaɓ yii.

1 PYƐƐRI 5:2

lɛ mɛniina kìtuu ki jɔ̀ɔ̀ ki Bɛ̀ll ki ɓɛ reɓsɛ̀ngà rì mìni; kɛ̀ kɛɛ̀ ɓa yɛ̀ɛ ǹkàŋɗɛ̀n, mɛniina yɔ rì syeesyee à rìkɔ̀n yɛ̀ɛ kɛɛ̀ kɔ̀ngi Bɛ̀ll, kɛ̀ ɓi kì kisay kiǹ rì ǹɗem wulɛ ɓi fɔǹ mɔ̀ɔ̀ni, kììna lɔŋ kɔ rì syeesyee à nɗem.

2 PYƐƐRI 2:1

Ɓɛ̀kpaŋzì-ɓìɓan ɓɛ ɓɛpwàà ɓɛ ɓaghà abɛ̀y ɓi kìlɔ̀ŋ, fɔlɔɔ nnɛ ɓɛ̀pwààpwaà ɓɛ ɓɛrèsàg ɓìdɔ̀gsɛna ɓɛ ri ɓiì ɓaà girig ɓi nyìinyìm wìn; ɓɛ ri ɓiì ɗiŋzii yi ɓìɓeɓtàg ɓi dɔgtɛ̀n ɓi ɓi rìɗyaŋ lɛ ɗyɔ̀ɔ̀ŋ, ɓɛ ki roòzɛn masà ànɛ à kwèɗkà ɓɔ, fɔlɔɔ a kì lɛ ɓɔmiɗ ɓɛɛ syoŋ yì cuu ki kɛ̀ kɛɛ̀ lɛ̀mziì ɓi nyoo yàà.

ZYUUDƐ 1:18

Ɓɛ kpaaghà mìni lɛ: Ɓi mɛ̀ru mɛ siitòn, ɓum ɓɛdɛŋ ɓɛ ɓaa gɛ, ɓɛ wɔwɛ̀y mìni, ɓɛ ki ghɛghɛɓ ɓi kìɓe lɔŋ yɛ̀ɛ ǹɗem waa wɛɛ̀ kɔ̀nkɔ̀n.