MƐ̀KÌKÌÌ MƐ ƁƐKƐ̀NÌ-FÌTOM 20:28 - Bafia Nouveau Testament

²⁸ Fɔɔnnɛ, ɓèŋina mìniìɓɔmiɗ, ɓì ki ɓèŋ di kituu ki jɔ̀ɔ̀ yi Bɛ̀ll, yi Kìtɛntɛ̀ɛ̀n ki Nghay ki rɛsìghà mìni lɛ ɓi ɓeŋ̀ɓeŋ. Mɛniina kìseŋi ki Bɛ̀ll lɛ syeesyee, lɛ à làkà kɔ rì bwaɓ yii.

MƐ̀KÌKÌÌ MƐ ƁƐKƐ̀NÌ-FÌTOM 20:28 ပူးပေါင်းရင်းမြစ်များ

MATYOO 16:18

Nni mɛ̀ ǹkalii wɔ̀ lɛ, ù rì gɔ̀g, nni mɛ̀ m̀ɓiì toŋì kìseŋi kɛ̀m ɓi gɔ̀g ìnɛ̀n aɗyòò. Fɔɔnnɛ ìtèɗ wu riwù waa ɓa ɓi ri bee ì ǹkìyɛn com ɗì kìseŋi kìn.

MATYOO 2:6

Wɔ̀ Bɛtilɛhɛm, ɓi kìden ki zi ki a Zyuda, ù yin loo maa bàn à zɛy rì zɛy ɓi nyìinyìm à bàn yi a Zyuda, lɛ a lɔ̀ŋkɔɔ ìnnɛ rìfòm ɗi ɗi ɓiì kɛ̀ɛ̀sii kilɔ̀ŋ kɛm̀ ki lɛ Isirayɛl, ɗi ɓiì kpaŋìì.

MARIKUS 13:9

Konaaghna rì mìniìɓɔmiɗ lɛ ɓum ɓɛ ri ɓiì kɛ̀ɛ ri mìni ɓi ɓìkpanà ɓi ɓɛyɔ̀m, ɓɛ ki ɓog mini kìtòn ɓi naa yi bɔ̀ŋzɛ̀n. Ɓì ɓiì rɛlii ɓɛyɔ̀m ɓi mis mɛ ɓɛ̀gɔmìnà rì ɓi mis mɛ mɛfòm, ɓisuu kiɓan kɛm̀ lɛ ɓi resi ɓɔ saaɗ ànɛ miì.

LUKAS 12:32

Maa kìtuu à jɔ̀ɔ̀ ànɛ, kɔ̀ɔ risi com, lɛ ki kɔngà Tààta wìn lɛ, a fa mìni kìlɔ̀ŋ kii.

LUKAS 21:34

Ɓì konàg rì mìniì ɓɔmiɗ, lɛ ɓìsɛ̀nɛ̀ rì ɓìzɛ̀ŋ ɓi mɛrɔ̀g rì rìcɛɛ̀cɛ̀ɛ̀rɛ̀n ɗi nɗem ɓyɛ̀ kɛɛ̀ fa mɛrem min ìɓwɛɗ; di ŋwos anɛ̀n à ri sìɗ mini ǹsìrɛn.

MƐ̀KÌKÌÌ MƐ ƁƐKƐ̀NÌ-FÌTOM 13:2

Ŋwos adɛŋ ànɛ ɓɛ ɓaghà ɓi rìɓɔgsì ɗi ɗii ɗi Kan, ɓɛ ki cèli ɓiɗilàg ɓi ŋwos àncèm ànɛn, Kìtɛntɛ̀ɛ̀n ki Nghay ki kpaaghà ɓɔ lɛ! Pisiina mɛ̀ ɓum ɓɛ lɛ rì Ɓarinaɓas, rì Sol, lɛ ɓɛɛ ki kìsay ki ǹɗegìghà ɓɔ lɛ ɓɛɛ ki.

MƐ̀KÌKÌÌ MƐ ƁƐKƐ̀NÌ-FÌTOM 14:23

Nni ɓɛ rɛsàkà ɓɛ̀sɛ̀ɛ̀mɛn ɓi naa yi Bɛ̀ll yìcèm yi wɔɔ. Fɔɔnnɛ ɓɛ ɓaghà lɛ, i ɓaa cèli ɓiɗilàg, ɓɛ ɓɔŋzì Bɛ̀ll, ɓɛ reɓsɛ̀n min ɓɔ rì Kan ànɛ ɓumɓɛ̀n ɓɛ saghìghà ǹtyweeyi waa ɓi nyi.

MƐ̀KÌKÌÌ MƐ ƁƐKƐ̀NÌ-FÌTOM 20:17

Pol à pɛ̀sìghà ɓum a Milɛ, à rom lɛ ɓɛɛ regiì nyi ɓɛ̀sɛ̀ɛ̀mɛn ɓɛ kiseŋì ɓɛ ɓi kìseŋi ki a Efɛɛzɛ.

MƐ̀KÌKÌÌ MƐ ƁƐKƐ̀NÌ-FÌTOM 20:29

Mɛ̀ ǹ-yii lɔŋ lɛ ɓum ɓɛdɛŋ ɓɛ ɓɛ rì yɛ̀ɛ ɓìmonɗo, ɓɛ ri ɓiì ɗiŋii ɓi nyìinyìm wìn ajɛ̀m yɛ̀m, ɓumɓɛ̀n ɓaa kèŋi ɓi kituu ki jɔ̀ɔ̀.

RÒMƐŊ 16:16

Tòotògsɛɛna mìni rì mìni, di ɓi lɔ̀ɔlɔ̀rɛ̀n ɓi nkɔ̀nɛ̀n à rìgeni. Ɓìseŋi ɓìcèm ɓi ɓi Kiris ɓi tɔkii yì mìni.

1 KƆ̀RƐ̀ŊTYƐŊ 1:2

Tì kàni kìseŋi ki Bɛ̀ll ki ki ri a Kɔrɛŋt, rì ɓumɓɛ ɓɛ ri ɓɛ̀tɛnɛn ɓi Yeesus Kiris ɓi ɗùm ɓɔ yɛɛ ri ɓɛ̀reŋiyɛn lɛ ɓɛɛ ɓa ɓɛ̀gherɛ̀n, rì ɓum ɓɛ̀cèm ɓɛ ɓɛɛ̀ rereŋi ɗii ɗi Kan wìs Yeesus Kiris ɓaa soo rì fe, lɛ Yeesus à rì Kan wàà, nyi tì Kan wìs.

1 KƆ̀RƐ̀ŊTYƐŊ 10:32

Kɛ̀ ɓi ɓa gɔ̀g ìnɛ ì rì lɛ ì kɛ̀ɓtì nsoò muu Ɓɛ̀yudɛ̀n nsoò muu Gìrɛg nsoò kìseŋi ki Bɛ̀ll fìɓàg.

1 KƆ̀RƐ̀ŊTYƐŊ 11:22

Ɓì yin gi ri mɛɛ mɛ ɓì rì lɛ ɓì kì lɛ, ɓì ɗi, ɓì nɔ wɔɔ? Gìn kìseŋi ki Bɛ̀ll kɛɛ̀ki ɓi sɛɛsɛɛ̀tì, ɓì ki kɔ̀nkɔn lɛ ɓi woòwògsì ɓumɓɛ ɓɛ ri kɛ̀ɛ̀ com ǹtoòrìɗ? Nni cɛ kɛɛ̀ki nkpaa min mini! Ǹghɛ̀ɛ̀sɛɛ nya lɛ nsɛg mìni? Àg! Mɛ̀ ǹ-yin lɛ ǹsɛg mìni ɓi kìɓan kiǹ.

1 KƆ̀RƐ̀ŊTYƐŊ 15:9

ɓisuulɛ ǹɗì ŋwaà siitòn ɓi nɗaŋ wu ɓɛ̀kɛ̀nì-fìtom; ǹghɛ̀ɛ̀sɛɛ ɓi lɛ ɓɛ reŋì mɛ̀ lɛ ǹkɛ̀nì-fìtom ɓisuulɛ ǹ-yeesìghà kìseŋi ki ɓɔn ɓɛ Bɛ̀ll.

1 KƆ̀RƐ̀ŊTYƐŊ 6:20

Ɓisuulɛ ɓɛ kweɗkà mìni dùne ǹkɛŋɛn yɛ̀ɛ mɛ̀nɔ̀ɓɔ̀; fɔɔnnɛ ɓì ghɛ̀ɛ̀sɛɛ kì kemzii Bɛ̀ll lɛ rì nyoo yin, rì ǹghay win lɛ ɓi ri ɓyom ɓi Bɛ̀ll.

GÀLAT 1:13

Ɓì yii cɛɓ ki ǹghɛghɛ̀ɓkà abɛ̀y di ǹkaka ɓi rìgherɛ̀n ɗi Ɓɛ̀yudɛ̀n? Lɔŋ yɛ̀ɛ ǹ-yeeyèèsìghà Kìseŋi ki ɓɛgherɛ̀n Bɛ̀ll rì rìgɛn, rì yɛ̀ɛ ǹkaakààghà lɛ ntiìsi kɔ.

EFÈZYƐŊ 1:14

Nghay ànɛ̀n yɛɛ̀ kìki lɛ, tyɛ̀ ki ɓa ri nyoey ɓi kìrɔɔ ki Bɛ̀ll à nyamgà ɓisuu ɓum ɓii, à ki kì lɛ ti yi syeesyee à rìyi lɛ, tì rì ɓiì terì ɓyom ɓi syeesyee ɓi à nyamgà ɓiǹ, di gòri yìs i mɛ ron. Tì rì ɓumɓɛ Bɛ̀ll à tekà ɓisuulɛ ti nyaànyààsì rìkem ɗii.

EFÈZYƐŊ 1:7

Ɓi Man ànɛ̀n, tì ti ɓɛ̀kòrɛn ri bwaɓ yii, ɓìɓe ɓis ɓi ɓa ɓìcàrɛn lɔŋ lɛ coo itègh wu geesɛ̀n ì Bɛ̀ll,

EFÈZYƐŊ 4:11

Nnyɛɛ faghà ɓɛ̀ro ɓɛdɛŋ lɛ ɓɛɛ ɓa ɓɛ̀kɛ̀nì-fìtom, ɓɛ̀ro ɓɛmbog ɓɛ̀kpaŋzì-ɓìɓan, ɓɛmbog ɓɛ̀kalì-Syeesyee à Ɓɔlɛ, ɓɛmbog ɓɛ̀pàstɛɛ̀rì nsoò lɛ ɓɛ̀rèsàg.

FÌLÌPYƐŊ 1:1

Ɓìsi ɓɛ̀kìì-ɓìsay ɓɛ Yeesus Kiris lɛ rì Pol, rì Timote, tì kàni ɓum ɓɛ Bɛ̀ll ɓɛ̀ ɓi Yeesus Kiris ɓɛ̀cèm ɓɛ ɓi bàn ì Filiɓ, rì ɓɛ̀kɛ̀ɛ̀sì ɓaa rì ɓɛ̀dyaakìrɛ̀.

KÒLÒSYƐŊ 1:14

ànɛ tì rì ɓɛ̀kòrɛn lɛ nyi, ɓìɓe ɓis ɓi ki ɓa ɓi cenɛn.

KÒLÒSYƐŊ 4:17

Kaliina Arisip lɛ: Ù konàg rì kìsay ki Kan à faghà wɔ̀, tèèsi nyoo lɛ u konag kɔ kì kìi.

TIMOTE 3:1

Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀ ì rì lɛ, i kɛɛ̀ kɔ̀nkɔn mum lɛ a ɓa ŋwaànɛ a kɛɛ̀si Kìseŋi, di ŋwaànɛ̀n miì a kɔ̀nkɔn syeesyee à kìsaay.

TIMOTE 3:2

Nni ki ghɛɛ̀sɛɛ lɛ, ǹkɛ̀ɛ̀sì-kìseŋi a ɓa ŋwaànɛ à yin ɗi kìɓan ki ɓum ɓɛ ri lɛ ɓɛ cɛɛ̀cɛ̀mdɛ̀n. À ɓa giɓ bog, kɛ̀ɛ keesi ɓinɔɔ̀nɔɔ̀, à ɓa ŋwaà ɗyomzɛ̀n, à yi rìghɛɓ rì ɓum, à ɓègì ɓɛ̀kèn a mɛɛ mii lɛ syeesyee, à ki ɓa ŋwaànɛ à rì lɛ à yi rìrèsàg ɗi ɓum ɓìɓan.

TIMOTE 3:5

Ɓisuulɛ i mum à yii ɓi rikɛ̀ɛ̀sì ɗi naa yìì i ɓum lannɛ à rì lɛ à yi rìfiɓì ɗi Kìseŋi ki Bɛ̀ll?

TIMOTE 4:14

Kɔ̀ɔ sɛɛti rifa ɗi Nghay ɗi ù rì ri ɗyɔ, ɗi ù tekà ɓi rìkpaa ɗi ɓɛ̀kpaŋzì-ɓìɓan, ɓɛ kpaaghà, ɓɛ̀sɛ̀ɛ̀mɛn ɓɛ Kiseŋi ɓɛ saghì wɔ̀ ɓyàg ɓi nyòò.

TIMOTE 4:16

Ù konàg lɛ rì wɛ̀ɛmiɗ, rì ɓìɓan ɓi u rèresi ɓum, ù ki sììrɛn miì rì ìtèɗ; ɓisuulɛ i u kìki fɔlɔɔ, ù ɓiì ghɛɓsii lɛ rì wɛ̀ɛmiɗ, rì ɓumɓɛ ɓɛɛ̀ wowog rikpaa ɗyɔɔ.

TIMOTE 5:17

Ɓɛ̀sɛ̀ɛ̀mɛn ɓɛ Kiseŋi ɓɛ ɓɛɛ̀ kɛ̀ɛkɛɛ̀sì ɓìɓan lɛ syeesyee, à ɓiisɛ̀n ɓɛ̀roɓɛ ɓɛɛ̀ teetekì ǹtɔɓ lɛ ɓɛɛ kakali ɓìɓan ɓi Bɛ̀ll ɓɛ ki rèresi ɓyɔ, ɓɛ ghɛɛ̀sɛɛ rì ǹyaasɛ̀n ànɛ à cee à ɓɛ̀ro ɓɛmbog gɛ̀n yiɓɛɛ̀.

Kaàtà ànɛ Pol à kàngà TIT 1:7

Lɛ ki ghɛɛ̀sɛɛ lɛ ǹkɛ̀ɛ̀sì-kìseŋi a ɓa kɛ̀ɛ̀ tìcɔrɔɓ fɛlɛ yɛ̀ɛ m̀ɓèŋì ɓyom ɓi Bɛ̀ll; à ghɛ̀ɛ̀sɛɛ ɓi ki ɓaà rì kalɛn kɛ̀ɛ ɓa ŋwaà bim, kɛ̀ɛ ɓa kinɔɔ̀ mɛ̀rɔ̀g, kɛ̀ɛ ɓa ri ɓìgùg, kɛ̀ɛ ɓa ri kìsyɔ̀ɔ̀ ki lɛ a fɔngi mɔ̀ɔ̀ni ɓi kìcòò.

Kaàtà ànɛ Pol à kàngà TIT 2:14

ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

EBIREEGH 12:15

Ɓì konàg lɛ ŋwaàdɛŋ kɛ̀ɛ ɓa lɛ à rèèghrɛ̀n geesɛ̀n ì Bɛ̀ll, nsoò lɛ gàŋ i ǹlòlolɛn yɛ̀ kɛɛ̀ ròò ǹɗuŋ, lɛ yɛ̀ɛ ɓuùsi jàŋ, ì ki yeesi ɓum lɛɛ̀gwey ri ìrɔ̀g wu yɔ̀.

EBIREEGH 13:17

Kìina ɓumɓɛ ɓɛɛ̀ kɛ̀ɛkɛɛ̀sì mìni mɛ̀wog ɓì fa ɓɔ bɔgsɛ̀n, ɓisuulɛ ɓɛɛ̀ ɓɔmɓɔm kirɔɔ ki ɓi mɛ̀ghay miǹ, lɛ ɓɛ ri ɓàaghgɛ kìɓan ki miì ɓi mis mɛ Bɛ̀ll; kìina lɛ ɓɛɛ kiki kìsay kiǹ ɗì kìnyàà, àa rì bemeg lɛ fɔlɔɔ àa ghɛɓsi ɓi mini bimiɗ à com.

1 PYƐƐRI 2:25

Ɓisuulɛ ɓì ɓaghà fɛlɛ yɛ̀ɛ jɔ̀ɔ̀ yi yɛɛ dèŋdèŋ kɛ̀ɛ̀ m̀ɓèŋì, wɔ̀lɛ ɓigomìnɛ, ɓì mɛ sugti yɛ̀ɛ mɓèŋì-jɔ̀ɔ̀ ànɛ a ɓèŋɓeŋ mɛghay min.

1 PYƐƐRI 2:9

Wɔ̀lɛ ɓi ɓɛg wìn, mìnii ri boo ì mum ìnɛ ì rì m̀ɓɔ̀nɛn, ǹɗaŋ wu ɓɛpìrɛɛtìrɛ̀ ɓɛ rifòm, kìlɔ̀ŋ ki ki ri ki Bɛ̀ll, ki ɓumɓɛ Bɛ̀ll à tekà ɓisu wiì lɛ ɓɛɛ laàlàmɓɛ̀n ɓɛ̀gɛn ɓɛ mɛkìkìì ɓɛ roànɛ à reŋìghày mìni lɛ ɓi pɛsɛn yì ɓi birìm, ɓi yu ɓi kìtɛɛtɛn kii ki ki ri kìɓan ki kuughrakɛn;

1 ZYAŊ 1:7

Kìɓan kifog i ti kɛ̀ɛ̀kɛɛ ɓi kìtɛɛtɛn fɛlɛ yɛ̀ɛ nyimiɗ a rì ɓi kìtɛɛtɛn, di tì rì ɓɛ̀ràrɛn ɓisi mɛ̀to mɛ̀cèm, fɔɔnnɛ bwaɓ yi Man wiì Yeesus yi soò ɓìɓe ɓis ɓìcèm.

ÀPÒKÀLIƁSƐ̀ 5:9

Fɔɔnnɛ ɓɛ kɛkɛ̀ghìghà fyem fi nyɔn di ɓɛɛ̀ kpaakpaa lɛ: Wɔ̀ yɛɛ ghɛɛ̀sɛɛ lɛ ù teɗ kaàtà ànɛ̀n, ù ɓɛkì ɓɛ̀sìtam̀ ɓɛ miì, ɓisuulɛ ɓɛ wolà wɔ̀, ù ki kwèɗ ɓumɓɛ ɓi mɛ̀pwìɗ mɛ̀cèm, ɓìtòkì ɓìcèm, mɛ̀kuu mɛ̀cèm, ɓìlɔ̀ŋ ɓìcèm ɓisuu Bɛ̀ll rì bwaɓ yɔɔ.