MƐ̀KÌKÌÌ MƐ ƁƐKƐ̀NÌ-FÌTOM 20:24 - Bafia Nouveau Testament

²⁴ Mɛ̀ m̀ɓiisɛɛ gì ɓi ki foŋì ǹto ɓi cɛɓ kɛ̀m ki mɛ̀ɛmìɗ, com ki nfɔmfɔ̀m ki ri lɛ, nkɛnkɛn asu rì rìkɛ̀ɛ̀ ɗyɛm̀ yɛ̀ɛ ki ghɛɛ̀sɛɛ, ǹki kì kisay ki Kan Yeesus à faghà mɛ̀, kɛɛ ri lɛ, ǹghagsi Syeesyee à Ɓɔlɛ à geesɛ̀n ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 20:24 ပူးပေါင်းရင်းမြစ်များ

LUKAS 16:28

A kɛǹ ɓɔ kìwogsii ɓiɓan ɓi, di ɓɛ̀ kɛɛ̀ yù girig ɓi jàŋ i rìkɛŋ ìnɛ mɛ̀ ǹɗi miì ìnɛ.

ZYAŊ 15:27

Mìni girig, ɓì ri tɛɛzi ɓum kìɓan kɛm̀ ɓisuulɛ, rì mɛ̀ rì mìni, tì rì ǹɗaŋ, à tumɛ̀n a rìtumɛ̀n.

ZYAŊ 17:4

Mɛ̀ɛ ǹkemzii wɔ̀ ɓi ziinɛ, ǹlègsì kìsay ki ù faghà mɛ̀ lɛ nki.

MƐ̀KÌKÌÌ MƐ ƁƐKƐ̀NÌ-FÌTOM 1:17

Zyudas àa nɗì kìbog ki ɓi ǹɗaŋ wis, àa nki rì rì gàɓ ɓi kìsay ki tì rì rì kɔ.

MƐ̀KÌKÌÌ MƐ ƁƐKƐ̀NÌ-FÌTOM 11:23

Nni yɛ̀ɛ à kpagà wɔɔ, à ghɛn yɛ̀ɛ geesɛ̀n ì Bɛ̀ll ì rèsɛ̀ngà a ɓɛ̀gherɛ̀n ɓɛǹ, à nyààrɛ̀n, à ki toni ɓɔ lɛ: Sììrɛɛna lɔŋ ɓi Kan Yeesus, rì mɛ̀rem min mɛcèm.

MƐ̀KÌKÌÌ MƐ ƁƐKƐ̀NÌ-FÌTOM 13:25

Yɛ̀ɛ Zyaŋ à ɓaghà di à ti ɓiì lègsii kìsay kii, nni à kpaaghà lɛ, àa mɛ̀ yɛɛ rì roànɛ ɓi ɓoŋɓòŋ, kìɓan kifog, ŋwaàdɛŋ à rìì mɛ̀ ajɛ̀m, nnyɛɛ ri rìkuu ɗi mum ɗi mɛ̀ ǹkpaŋi ɓi ɓi ǹkoŋ wulɛ, ǹfùmì ǹɗig wii wu gòò.

MƐ̀KÌKÌÌ MƐ ƁƐKƐ̀NÌ-FÌTOM 14:3

Pol ɓɛɛ̀ Ɓarinaɓas ɓɛ finɛ̀ngà a Ikonyɔm lɛɛ̀gwey, ɓɛ ɓaghà rì coo ǹtyweeyi ri Kan ɓi ɓìɓan ɓi ɓɛ kpaakpààghà, fɔɔnnɛ à fafàghà ɓɔ ìtèɗ wulɛ, ɓɛɛ, kiki lɛ rì dàm, rì ɓɛ̀koŋnyoo ɓɛ ɓiɓan, à kì fɔlɔɔ lɛ a siìrag ɓìɓan ɓi ɓɛ kpaakpààghà ɓi komkòm geesɛ̀n yìì.

MƐ̀KÌKÌÌ MƐ ƁƐKƐ̀NÌ-FÌTOM 15:7

Di ɓaa nyolɛn lɛɛ̀gwey, nni Pyɛɛri à pɛ̀sɛ̀ngà aɗyoo, à kpaa ɓɔ lɛ: Ɓɔɔsoŋ̀! Ɓì yii lɛ Bɛ̀ll à ɓɔ̀ngà mɛ̀ ɓi nyìinyìm wìn lɔŋ a rìtumɛ̀n lɛ, nkali Syeesyee à Ɓɔlɛ a ɓum ɓɛ ɓɛ yin Ɓɛ̀yudɛ̀n, lɛ i ɓɛ woogh Syeesyee à Ɓɔlɛ ànɛ̀n, ɓɛɛ gherɛn Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 18:5

Wɔ̀lɛ yɛ̀ɛ Silas rì Timote ɓɛ kpagà a Kɔrɛŋt di ɓɛ pɛsɛɛ yì a Masedwan, Pol à nagà ɓɔɔ ɓisay ɓimbog, à rɔ̀ɓ lɔŋ lɛ a kpaàkpaa ɓum ɓìɓan ɓi Bɛ̀ll, à kakàlì Ɓɛ̀yudɛ̀n à ki sììrɛn lɛ, Yeesus yɛɛ ri Kiris.

MƐ̀KÌKÌÌ MƐ ƁƐKƐ̀NÌ-FÌTOM 20:21

Ǹɗerèŋìghà lɛ, rì Ɓɛ̀yudɛ̀n rì Gìrɛg lɛ ɓɛɛ lɔɔ̀ghrɛn mɛ̀rem, ɓɛ gherɛ̀n Bɛ̀ll, ɓɛ ki tyweeyi Yeesus à Kan wìs.

MƐ̀KÌKÌÌ MƐ ƁƐKƐ̀NÌ-FÌTOM 20:23

Kìɓan kifog, ǹ-yii lɛ ɓi bàn bimiɗ ìnɛ ǹkpaŋi wɔɔ, Kìtɛntɛ̀ɛ̀n ki Nghay ki ti ki resàg mɛ̀ lɛ, rì naà-zày, rì ǹkulɛ̀n ɓyɛɛ̀ ɓoŋɓoŋ mɛ wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 20:32

Nni ɓi cààmɛ̀n ki, ǹɗeɓsɛɛ mìni rì Bɛ̀ll ǹki reɓsɛnti mìni rì ɓɔlɛ à geesɛ̀n yìì; ɓɔlɛ ànɛ̀n yɛɛ ri lɛ, à kì lɛ ɓi ɓa rì ìtèɗ, à ki fati mini ɓyom ɓi à nyamgà ɓisuu ɓumɓɛ ɓɛ ri ɓɛŋkii.

MƐ̀KÌKÌÌ MƐ ƁƐKƐ̀NÌ-FÌTOM 21:13

Nni Pol à ɓàkà ɓɔ lɛ: Cɛ kɛɛ̀ki ɓi ɗiighɗigsì mɛ̀ ǹɗem miì ɗì mɛ̀kɛɛ̀gh? Àa bɛn yɔ̀riyɔ̀ yɛɛ yi m̀ɓoŋɓòŋ, ǹɗì gì m̀pègsɛn lɛ nwu a Yorisalɛm ɓi ɗii ɗi Kan Yeesus.

MƐ̀KÌKÌÌ MƐ ƁƐKƐ̀NÌ-FÌTOM 22:21

Nni Kan à kpaaghà min mɛ lɛ: Kɛ̀na ɓisuulɛ, ǹɗì wɔ̀ ɓiì romi fìràɓ, ɓi ɓìlɔ̀ŋ ɓi ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 9:15

Nsoò fɔlɔɔ, Kan à kpaatìghà Ananyas lɛ: Kɛ̀na lɔŋ ɓisuulɛ, Sol à rì mɛ̀ fɛlɛ yɛ̀ɛ com ki kisay ki ǹsɔnɛɛ. À rì ɓiì rèresii ɗii ɗyɛ̀m ɓi ɓìlɔ̀ŋ ɓi ɓɛ yii ɓi mɛ wɔɔ, rì a mɛ̀fòm, rì ɓi nyìinyìm à ɓɔn ɓɛ Isirayɛl.

RÒMƐŊ 11:6

À ɓɔ̀ngà ɓɔ lɛ geesɛ̀n yìì, àa lɛ mɛ̀kìkìì maa, i kɛɛ ɓa lɛ mɛ̀kìkìì maa, di geesɛ̀n ì Bɛ̀ll ì yin kɔɔ̀kɔɔ̀ à geesɛ̀n.

RÒMƐŊ 4:4

Kɔlɛ mɛ̀lèɓ mɛ ŋwaànɛ à kìi kìsay mɛ yin lɛ ɓɛ kpaa lɛ geesɛ̀n yɛɛ̀nɛ ɓɛ kii nyi; mɛ ri lɔŋ mɛlèɓ mɛ à ghɛ̀ɛ̀sɛɛ kì terì.

1 KƆ̀RƐ̀ŊTYƐŊ 15:58

Fɔlɔɔ nnɛ mìni ɓɔɔseŋi ɓɛ̀m ɓɛ nɗem, sììrɛɛna kɛ̀ ɓi kpig, ɓì tɔɔtɔ̀ɔ̀ ntɔɔtɔyɛn ɓi kìsay ki Kan, ɓì ki yi lɛ, kìsay ki ɓi kìki nyi kaa wu ɓi zɛy.

2 KƆ̀RƐ̀ŊTYƐŊ 12:10

Kìɓan kiǹ kɛɛ̀ki ǹti ǹwokì kìrɔɔ ɓi rìɓa ɗyɛ̀m ɗi kɛ̀ɛ̀ ìtèɗ, rì tìsɛm ti ɓɛ ti ɓɛ sɛmgàg mɛ̀, rì ɓɛ̀ǹkàŋɗɛ̀n ɓɛ ɓɛ ti ɓɛ kagì mɛ̀, rì ǹ-yeesɛ̀n ànɛ ɓɛ ti ɓɛ yeesàg mɛ̀, rì ɓìɓan ɓi iris ɓi ǹti ǹtulàg rì ɓyɔ ɓisuu Kiris, ɓisuulɛ cààmɛ̀n ki ǹɗì kɛ̀ɛ̀ ìtèɗ, kɛɛ̀ki ǹki tèèsɛɛ miǹ.

2 KƆ̀RƐ̀ŊTYƐŊ 4:1

Bɛ̀ll yɛɛ faghà ɓìsi kìsay ki ɓi kìpuɓì-nɗem wìì, fɔlɔɔ nnɛ mùm mis mɛ yin miì lɛ mɛ fɔy.

2 KƆ̀RƐ̀ŊTYƐŊ 4:12

Fɔlɔɔ nnɛ rìwu ɗyɛɛ̀ kìki kisay ɓi ɓìsi, cɛɓ kɔɔ kikì kìsay ɓi mìni.

2 KƆ̀RƐ̀ŊTYƐŊ 5:8

Ìtèɗ wu ri ɓìsi wu ronɛn ɓi mɛ̀rem lɛ pisa, fɔɔnnɛ tì rì lɛ tì ɓiìsɛ̀n kì ghɛɛ̀ kìrɔɔ lɛ ti caɗ nyoo ìnɛ tì rì ìnɛ rì yɔ̀, ti kɛǹ kì kɔ̀rii jàŋbog rì Kan.

2 KƆ̀RƐ̀ŊTYƐŊ 7:4

Lɛ ǹɗì rì ntyweeyi ri mìni lɛɛ̀gwey ǹki ɓa ri ɓɛ̀azi ɓɛ ǹɗì lɛ ǹsaàsànɛ̀n mìni miì rì ɓum; ɓi mɛ̀tɔɓ mɛ̀cèm mɛ ti wowòg, ǹɗem wɛ̀m wu ri lɛ fwɛɛy lɛɛ̀gwey, kìnyàà ki ceeghì mɛ̀.

GÀLAT 1:1

Mɛ̀ Pol ànɛ ǹɗì ǹkɛ̀nì-fìtom a Yeesus Kiris, àa lɛ rìkɔ̀n ɗi ɓum, nsoò lɛ rìkì ɗi bimiɗ à mum, ǹɗì lɔŋ fɔlɔɔ lɛ Yeesus Kiris, rì Bɛ̀ll Seŋi ànɛ à ghèmzìghà nyi a ɓìloŋ, mɛ̀ yɛɛ kaniì kaàtà ànɛ,

EFÈZYƐŊ 1:6

lɛ a nyaàsì rìkem ɗi geesɛ̀n yìì inɛ à kìghà ɓìsi ɓi Man wiì à nɗem.

EFÈZYƐŊ 3:13

Fɔɔnnɛ ǹkpaa mìni lɛ: mɛ̀tɔɓ mɛ nwowog ɓisu win mɛ̀ kɛɛ̀ fa mini ìɓwɛɗ; mɛ̀tɔɓ mɛ̀n mɛ ri ɓisuu rikem ɗin.

FÌLÌPYƐŊ 2:17

Wɔ̀lɛ nsoò bwaɓ yɛm̀ yaa ki kpaŋì ɓi sìg à com ki ɓɛ funɛɛ Bɛ̀ll, lɛ yɛɛ ɓɔɓtɛn ɓi rìfa ɗi rìgherɛ̀n ɗin ɗyɛɛ̀ ɓɔɔɓɔgsì Bɛ̀ll rì ɗyɔ, fɔlɔɔ a fa lɔŋ mɛ kìnyàà, ǹki nyààrɛn ǹɗaŋ ri mìni ɓɛ̀sɛ̀ɛ̀ ɓɛ̀cèm.

FÌLÌPYƐŊ 2:30

Ɓisuulɛ, àa m̀mɛɛ̀ wu lɛ kìsay ki Kiris, àa mmɛ̀ɛ ɗimzi cɛɓ kii, lɛ a yu mɛ̀ rì ǹghɛɓsɛn wu ɓìi n-yin lɛ ɓì yù rì wɔ mìniìɓɔmiɗ.

KÒLÒSYƐŊ 1:24

Ǹɗì rì kìnyàà ɓi cààmɛ̀n ki, ɓi mɛ̀tɔɓ mɛ nwowog ɓisu win, fɔɔnnɛ com ki kɛɛ̀ kaakaàrɛ̀n ɓi mɛ̀tɔɓ mɛ Kiris, mɛ̀ɛ nɗàaratɛ̀n kɔ kì woògh ɓi nyoo yɛ̀m ɓisuu nyoo yìì ìnɛ ì rì kìseŋi kii.

TÈSÀLÒNÌSYƐŊ 2:2

Di tì ka kpaŋ ɓi a lɔ̀ŋkin, tì ghɛngà mɛ̀tɔɓ, ɓum ɓɛ ki yeesi ɓisi a Filiɓ lɔŋ yɛ̀ɛ ɓì yii, wɔ̀lɛ Bɛ̀ll à faghà ɓìsi ìtèɗ wulɛ ti ghagsi mìni Syeesyee à Ɓɔlɛ wìì nsoò yɛ̀ɛ ki ɓaghà bimiɗ à wɛ̀y.

TÈSÀLÒNÌSYƐŊ 3:3

lɛ di mum kɛ̀ɛ càrɛn lɛ mɛ̀fèèghrɛn mɛ mɛ ri ɓigomìnɛ mɛɛ ɓigti nyi, ɓisuulɛ mìniìɓɔmiɗ ɓì yii lɛ mɛ̀fèèghrɛn mɛǹ mɛ ɓaghà mɛ̀pègsɛn ɓisu wis.

2 TIMOTE 1:12

Ɓisu wìn miì nnɛ nwowog mɛtɔɓ yɛ̀ɛ mɛ, wɔ̀lɛ ki faa ɓi mɛ ntoòrìɗ ɓisuulɛ ǹ-yii roànɛ ǹgherɛ̀ngà; ǹɗem wɛ̀m wùcèm wu yii saaɗ wu ki gherɛn lɛ à rì rì ìtèɗ wulɛ à ɓèŋ com ki à tɛfɛ̀ngà rì mɛ̀, à kpaŋ ŋwos anɛ̀n.

2 TIMOTE 3:11

ù yii lɛ rì ǹ-yeesɛ̀n ànɛ ntuutulɛ̀n rì nyi, rì mɛ̀tɔɓ mɛ ǹwowoogh; rìkuu ɗi ntɔɓ aɗi ɗyɛɛ̀ɗi ǹɗɔ̀ɓi lɛ ǹghɛɛ ɓi a Aŋtyos rì Ikonyɔm rì a Listirɛ? Rìkuu ɗi ǹ-yeesɛ̀n aɗi ɗyɛɛ̀ɗi ǹɗɔ̀ɓi lɛ ǹtulɛɛ ɓi ri ɗyɔ, ǹki sìisiìrì nɗem? Wɔ̀lɛ Kan à ghɛɓsìghà mɛ̀ ɓi mɛ̀tɔɓ mɛ̀n mɛ̀cèm.

2 TIMOTE 4:17

Lɔŋ Kan yɛɛ ǹɗì mɛ̀ jàŋbog, à ki fa mɛ ìtèɗ, lɛ nghagsi jɛ̀ɛ̀ ì Bɛ̀ll lɛ kɔɔ̀kɔɔ̀, yɛ̀ɛ woòghrɛn ɓi mɛ̀ree mɛ ɓum ɓɛ̀cèm ɓɛ ɓɛ yin Ɓɛ̀yudɛ̀n fɔɔnnɛ ɓɛ nɗùnɛɛ mɛ̀ ɓi ŋwɔm wu kimonɗo.

Kaàtà ànɛ Pol à kàngà TIT 1:3

Yɛ̀ɛ cààmɛ̀n ki ki ɓaghà kìsiŋdɛn ki kpagà, à kìghà lɛ jɛ̀ɛ̀ yìì yɛ̀ɛ yilɛn ɓi kìɓan ki à faghà mɛ̀ lɛ nlaàlamɓɛ̀n yɛ̀ɛ rìkalì ɗi Bɛ̀ll ànɛ à rì ǹghɛɓsì wìs ɗi ri.

Kaàtà ànɛ Pol à kàngà TIT 2:11

Ɓisuulɛ geesɛ̀n ì Bɛ̀ll ìnɛ ì rì ǹsim à cɛɓ ɓisuu ɓum ɓɛ̀cèm, ì mɛ rèsɛ̀n,

EBIREEGH 10:34

Ɓì kàɓɓɛ̀ngà mɛ̀tɔɓ mɛ ɓimbùŋ, ɓì ki woki kirɔɔ cààmɛ̀n kìcèm ki ɓɛ nti ɓɛ ɓatàg mìni ɓyom, ɓisuulɛ ɓì yighà lɛ ɓì ɓaghà rì ɓyom ɓi ɓi cee ɓiǹ lɛ, ɓyɔɔ ri ɓi ɓi ri cààmɛ̀n kìcèm.

1 PYƐƐRI 5:12

Ǹkàniì mìni ɓɔɔ jɛ̀ɛ̀ ɓɛ rì Silvɛŋ ànɛ à rì geni wìs a ǹtyweeyi lɛ nfa mìni deɓ, ǹki tɛɛ̀zi mini kì rèsii lɛ fɔlɔɔ nnɛ kɔɔ̀kɔɔ̀ à geesɛ̀n ì Bɛ̀ll, ànɛ ɓì rì miì ɓɛ̀sììrɛn lɛ tiŋtiŋ, à rì.

1 ZYAŊ 3:16

Rìyi ɗi tì yii com ki lɛ ǹkɔ̀nɛ̀n ɗyɛɛ̀ɗi lɛ, Yeesus Kiris à faghà cɛɓ kii ɓisu wis; fɔɔnnɛ ɓìsi girig, tì ghɛ̀ɛ̀sɛɛ kì faà cɛɓ kis ɓisuu ɓɛgeni ɓis.

ÀPÒKÀLIƁSƐ̀ 12:11

Ɓɛ mɛ yag nyi ɓi wɛ̀y lɛ bwaɓ yi Man à jɔ̀ɔ̀, rì jɛ̀ɛ̀ ìnɛ ɓɛ nɗèresii saaɗ ànɛ miì; ɓɛ nki keesii ɓi ɓyɛɓ ɓyaa à kpaŋ lèg ànɛ lɛ ɓɛɛ risi rìwu.

ÀPÒKÀLIƁSƐ̀ 6:11

Fɔɔnnɛ ɓɛ falàkà ɓɔ ɓɛ̀kàɓà ɓɛ puɓ ɓɛ tɔg ɓɔ lɛ ɓɛɛ ka ɓoŋdi ti lɛ tɛ̀tɛ̀rɛ̀ɛ̀ maa cààmɛ̀n lɛsàg à kpaŋ yɛ̀ɛ bàlì ì ɓɛ̀reŋkàŋ ɓaa ɓɛ kisay rì ɓɛ̀geni ɓaa ɓɛ ɓum ɓɛ ghɛɛ̀sɛɛ girig kì cuusii fɛlɛ yɛ̀ɛ ɓɛ cuusìghà ɓɔ, yɛ̀ɛ raɗ.