MƐ̀KÌKÌÌ MƐ ƁƐKƐ̀NÌ-FÌTOM 20:21 - Bafia Nouveau Testament

²¹ Ǹɗerèŋìghà lɛ, rì Ɓɛ̀yudɛ̀n rì Gìrɛg lɛ ɓɛɛ lɔɔ̀ghrɛn mɛ̀rem, ɓɛ gherɛ̀n Bɛ̀ll, ɓɛ ki tyweeyi Yeesus à Kan wìs.

MƐ̀KÌKÌÌ MƐ ƁƐKƐ̀NÌ-FÌTOM 20:21 ပူးပေါင်းရင်းမြစ်များ

MATYOO 3:2

À kpaakpààghà ɓum lɛ: Lɔ̀ɔ̀ghrɛɛna mɛ̀rem lɛ kìlɔ̀ŋ ki aɗyoo ki ti jàŋbog.

MATYOO 4:17

Ɓi cààmɛ̀n kiǹ innɛ Yeesus à tumɛ̀ngà rìkpaakpàà ɗi ɓìɓan ɓi Bɛ̀ll, à kakàlì ɓum lɛ: Lɔ̀ɔ̀ghrɛɛna mɛ̀rem, lɛ kìlɔ̀ŋ ki aɗyoo ki ti jàŋbog.

MARIKUS 1:15

À kpaakpààghà ɓum lɛ: Cààmɛ̀n ki ghɛ̀ɛ̀sɛɛ, kìlɔ̀ŋ ki Bɛ̀ll ki mɛ tyɛ̀ɛ̀tɛn yi; lɔ̀ɔ̀ghrɛɛna mɛ̀rem, ɓi gherɛn Syeesyee à Ɓɔlɛ.

MARIKUS 6:12

Nni ɓɛ̀yilàg ɓɛ kɛngà, ɓɛ tum rìkpaa ɗi ɓum lɛ ɓɛɛ lɔɔ̀ghrɛn mɛ̀rem.

LUKAS 13:3

Ki yin fɔlɔɔ. Ǹkpaa mìni lɛ, i ɓì lɔ̀ɔ̀ghrɛɛ ɓi mɛrem, ɓì ɓiì cuù ɓɛ̀sɛ̀ɛ̀ ɓɛ̀cèm lɔŋ yɛ̀ɛ ɓumɓɛ̀n.

LUKAS 13:5

Ki yin fɔlɔɔ. Ǹkpaa mìni lɛ, i ɓì lɔ̀ɔ̀ghrɛɛ ɓi mɛrem, ɓì ɓiì cuù ɓɛ̀sɛ̀ɛ̀ ɓɛ̀cèm lɔŋ yɛ̀ɛ ɓumɓɛ̀n.

LUKAS 15:10

Ǹkalii mìni lɛ, kìnyàà ki ri girig fɔlɔɔ ɓi nyìinyìm à ɓumɓɛ titom ɓɛ Bɛ̀ll, ɓisuu ǹkìì-kìɓe bog ànɛ à lɔ̀ɔ̀ghrɛɛ ǹɗem.

LUKAS 15:7

Ǹkalii mìni lɛ, kìnyàà ki ɓiì ɓaà girig fɔlɔɔ aɗyòò, di ǹkìì-kìɓe bogtɛ̀n à lɔ̀ɔ̀ghrɛɛ ǹɗem, ki cee ki ki ri ɓisuu ɓum mɛ̀tin mɛnin rì ǹtɛ̀ɗ rì taànìn, ɓɛ ɓɛ ri lɛ saaɗ, ɓɛ ki ghɛɓsii ɓi com lɛ ɓɛɛ lɔɔ̀ghrɛn tì mɛ̀rem.

LUKAS 16:28

A kɛǹ ɓɔ kìwogsii ɓiɓan ɓi, di ɓɛ̀ kɛɛ̀ yù girig ɓi jàŋ i rìkɛŋ ìnɛ mɛ̀ ǹɗi miì ìnɛ.

LUKAS 24:47

Fɔlɔɔ nnɛ à tumɛ̀n a Yorisalɛm, à kpaŋ ɓi ɓìlɔ̀ŋ ɓìcèm ɓɛ ri ɓiì kpaakpaa kiɓan ki lɛ ɓum ɓɛɛ lɔɔ̀ghrɛn mɛ̀rem di Bɛ̀ll a cenɛn ɓìɓe ɓyaa ɓi ɗii ɗìì.

ZYAŊ 20:31

Kìɓan kifog, gàɓ ìnɛ ì rì ǹkànɛn lɛ di ɓi gherɛn lɛ Yeesus à rì Kiris, Man à Bɛ̀ll, rì tì lɛ, i ɓì gherɛɛ, ɓì ɓa rì cɛɓ lɛ nyi.

ZYAŊ 3:36

Nni mum ǹcèm ànɛ à gherɛɛ Man, à rì rì cɛɓ ki fiɗyàɓ fikɔ̀ɔ̀; ŋwaànɛ à woogh ɓi nyi, àa ghɛn ɓi cɛɓ, kìɓan kifog, rìbaŋì ɗi Bɛ̀ll ɗi kaka nyi ɓi nyòò.

MƐ̀KÌKÌÌ MƐ ƁƐKƐ̀NÌ-FÌTOM 10:43

Yeesus ànɛ̀n nnɛ ɓɛ̀kpaŋzì-ɓìɓan ɓɛ̀cèm ɓɛ ɓugà yɛ̀ɛ ɓɛ kpaakpààghà lɛ: Ɓì ɗii ɗii nnɛ Bɛ̀ll à rì ɓiì cenɛɛ mum ǹcèm ànɛ à gherɛɛ nyi ɓìɓe.

MƐ̀KÌKÌÌ MƐ ƁƐKƐ̀NÌ-FÌTOM 11:18

Yɛ̀ɛ ɓɛ wokà ɓitòkì ɓiǹ, nnɛ ɓɛ kɔrìghà lɛ fyòoog, ɓɛ tumɛ̀n ɗìkemzì ɗi Bɛ̀ll di ɓɛɛ̀ kpaakpaa lɛ: Bɛ̀ll à mɛ nɛm girig ɓumɓɛ ɓi mɛ̀kuu mɛm̀bog bee inɛ lɛ, ɓɛɛ lɔɔ̀ghrɛn mɛ̀rem, di ɓɛɛ ɓa rì cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 16:31

Ɓɛ ɓaàg nyi lɛ: Gherɛn Kan Yeesus, fɔɔnnɛ ù rì ɓiì ghɛɛ̀ cɛɓ lɛ rì wɔ̀, rì naa yɔ̀ɔ̀ ì ɓum.

MƐ̀KÌKÌÌ MƐ ƁƐKƐ̀NÌ-FÌTOM 17:30

Fɔɔnnɛ Bɛ̀ll à foŋi ɓi ǹto rì ɓyààmɛ̀n ɓi ɓum ɓɛ ɓaghà ɓiǹ ɓi rìɗim, wɔ̀lɛ ɓi gɛɛ̀nɛ, a rereŋi ɓum ɓɛ̀cèm nsoò ɓɛ fe, nsoò ɓɛ fe, lɛ ɓɛɛ lɔɔghrɛn mɛ̀rem.

MƐ̀KÌKÌÌ MƐ ƁƐKƐ̀NÌ-FÌTOM 19:17

Ɓɛ̀yudɛ̀n ɓɛ̀cèm rì Gìrɛg bimiɗ ɓɛ ɓɛ ghɛghɛ̀ɓkà a Efɛɛzɛ, ɓɛ wokà kìɓan kiǹ, ìris wu ɓan ɓɔ ɓɛ̀sɛ̀ɛ̀ ɓɛ̀cèm, fɔɔnnɛ ɓɛ keèkèmzìghà ɗii ɗi Kan Yeesus.

MƐ̀KÌKÌÌ MƐ ƁƐKƐ̀NÌ-FÌTOM 2:38

Pyɛɛri à ɓàg ɓɔ lɛ: Lɔ̀ɔ̀ghrɛɛna mɛ̀rem, mum ǹcèm ànɛ ɓi mìni à ki ɓàɓtɛn ɓi ɗii ɗi Yeesus Kiris fɔɔnnɛ Bɛ̀ll a cenɛn ɓìɓe ɓin, à ki fa mini Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 2:40

Fɔɔnnɛ Pyɛɛri à rèrèsìghà ɓɔ saaɗ, à ki rereɓ ɓɔ rì jɛ̀ɛ̀ yidɛŋ yi à kpaatìghà ɓɔ nwèe: Pɛ̀sɛɛnas̀ lɛfyɛ̀ɗ ɓi nyìinyìm à ɓumɓɛ ɓɛ ri ɓi rìɗim ɓi ɗùm.

MƐ̀KÌKÌÌ MƐ ƁƐKƐ̀NÌ-FÌTOM 20:23

Kìɓan kifog, ǹ-yii lɛ ɓi bàn bimiɗ ìnɛ ǹkpaŋi wɔɔ, Kìtɛntɛ̀ɛ̀n ki Nghay ki ti ki resàg mɛ̀ lɛ, rì naà-zày, rì ǹkulɛ̀n ɓyɛɛ̀ ɓoŋɓoŋ mɛ wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 20:24

Mɛ̀ m̀ɓiisɛɛ gì ɓi ki foŋì ǹto ɓi cɛɓ kɛ̀m ki mɛ̀ɛmìɗ, com ki nfɔmfɔ̀m ki ri lɛ, nkɛnkɛn asu rì rìkɛ̀ɛ̀ ɗyɛm̀ yɛ̀ɛ ki ghɛɛ̀sɛɛ, ǹki kì kisay ki Kan Yeesus à faghà mɛ̀, kɛɛ ri lɛ, ǹghagsi Syeesyee à Ɓɔlɛ à geesɛ̀n ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 24:24

Yɛ̀ɛ̀ ɓɔɔ mɛru ɓɛ ghaghìghà, Felis à yùy ɓɛɛ̀ giy anɛ lɛ Durusil, ànɛ à ɓaghà gɔ̀n ì Ɓɛ̀yudɛ̀n, nni à kpaaghà lɛ ɓɛɛ regiì nyi Pol. Nni Pol à kpaaghà nyi kìɓan ki ki seesee ǹtyweeyi wu ɓi Kiris Yeesus.

MƐ̀KÌKÌÌ MƐ ƁƐKƐ̀NÌ-FÌTOM 26:18

di ɓyɛɛ pɛsɛn yì ɓi birìm, ɓyɛɛ yu ɓi kìtɛɛtɛn, ɓi leg yì ɓi rìlàmì ɗi Satàn, ɓi yuiy yɛ̀ɛ Bɛ̀ll, fɔɔnnɛ ɓɛ ri ɓiì kìi lɛ, i ɓɛ mɛ gherɛn mɛ, Bɛ̀ll à cenɛ̀n ɓɔ ɓìbe ɓyaa, à ki fa ɓɔ ìkɔ̀ɔ̀ ɓi ǹɗaŋ wu ɓum ɓii.

MƐ̀KÌKÌÌ MƐ ƁƐKƐ̀NÌ-FÌTOM 26:20

Wɔ̀lɛ ǹka lokà kìkalii ɓumɓɛ a Damas ɓìɓan ɓi Bɛ̀ll, ǹkalì girig ɓumɓɛ a Yorisalɛm rì ɓɛ ɓi zi ì Zyude bimiɗ, à kpagì lɛ rì ɓumɓɛ ɓi ɓìlɔ̀ŋ ɓizɛy miì; ǹkpaakpààghà ɓɔ lɛ, ɓɛɛ lɔɔ̀ghrɛn mɛ̀rem, ɓɛɛ gherɛn Bɛ̀ll ɓɛ ki kì ɓiɓan ɓi ɓyɛɛ resi lɛ, cɛɓ kaa ki ti kìlɔ̀gtɛn.

MƐ̀KÌKÌÌ MƐ ƁƐKƐ̀NÌ-FÌTOM 28:23

Fɔɔnnɛ ɓɛ faghà nyi ǹkàg wulɛ ɓɛɛ ghɛnɛn, nni ɓɛ yughày kìtuu lɛ ɓɛɛ ghɛǹ nyi a mɛɛ mii. Ɓi ɓìtòkì ɓii, Pol à kalìghà ɓɔ kìɓan ki ki taataa kìlɔ̀ŋ ki Bɛ̀ll, à ki kaakaa bee lɛ rì ɓi ɓìdɔ̀gsɛna ɓi Moyis, rì ɓi ɓɛ̀kpaŋzì-ɓìɓan, lɛ a ki lɛ ɓɛ̀ kɛɛ̀ teeti nyoey ɓi kìɓan ki Yeesus. A tòkàkà rì ɓɔ fɔlɔɔ à tumɛ̀n sariwa à kpaŋ cɛŋkò.

MƐ̀KÌKÌÌ MƐ ƁƐKƐ̀NÌ-FÌTOM 3:19

Nni lɔ̀ɔ̀ghrɛɛna min mɛrem, ɓi sugtiì yɛ̀ɛ Bɛ̀ll, di fɔɔnnɛ a tiìsi ɓìɓe ɓin.

MƐ̀KÌKÌÌ MƐ ƁƐKƐ̀NÌ-FÌTOM 8:25

Yɛ̀ɛ ɓɛ̀-Pyɛɛri ɓɛɛ̀ Zyaŋ ɓɛ ɓaghà di ɓaa rèsag ɓum ɓìɓan ɓi ɓɔɔ yighà, ɓi rarɛ̀n rì Yeesus, ɓɛ ki kali ti ɓɔ Syeesyee à Ɓɔlɛ à Kan, fɔɔnnɛ ɓɛ Sugtìghà a Yorisalɛm di ɓɛɛ̀ kakali ɓumɓɛ ɓi ɓìlɔ̀ŋ ɓi a Samari Syeesyee à Ɓɔlɛ.

RÒMƐŊ 1:14

Ɓisuulɛ ǹɗì rì ǹtɛ̀g wulɛ nkɛǹ a ɓum ɓɛ̀cèm, a ɓɛ̀roɓɛ ɓɛ yii cɛɓ rì a ɓɛ̀roɓɛ ɓɛ ka yi ɓi cɛɓ, a ɓɛ̀yiì-ɓìɓan, rì a ɓumɓɛ ɓɛ yii ɓi com.

RÒMƐŊ 1:16

Ɓisuulɛ, ǹ-yin lɛ ǹwog ǹtoòrìɗ ɓi rìghagsì ɗi Syeesyee à Ɓɔlɛ, lɛ à rì ìtèɗ wu Bɛ̀ll wu wɛɛ̀ ghɛɛghɛɓsì ɓum ɓɛ̀cèm ɓɛ ɓɛ gherɛɛ, à tumɛ̀n lɛ Ɓɛ̀yudɛ̀n à kpaŋ lɛ ɓumɓɛ ɓɛ yin Ɓɛ̀yudɛ̀n.

RÒMƐŊ 10:9

I ù pinii ŋwɔm wɔɔ ɓi nyìinyìm à ɓum, ù kpaa lɛ Yeesus à rì Kan, ù ki gherɛn ɓi nɗem wɔɔ lɛ Bɛ̀ll à ghèmzìghà nyi a ɓìloŋ, ù ɓiì ɓaà rì cɛɓ.

RÒMƐŊ 2:4

Gìn wɔ̀ɔ sɛɛsɛɛ̀tì lɛ rì coo kìrɔɔ-ǹɗem à Bɛ̀ll rì kìɓìɓi kii ki nɗem, rì kìpuɓì-ǹɗem wìì? Ù yii ɓi lɛ kìrɔɔ-ǹɗem à Bɛ̀ll à ghɛ̀sɛɛ wɔ̀ kì tinii lɛ u lɔɔ̀ghrɛn ǹɗem?

RÒMƐŊ 4:24

Ki ri girig kìkànɛn ɓisu wis; ɓìsi ɓɛ rìgherɛ̀n ɗis ɗi ɓiì ki lɛ Bɛ̀ll a ghɛǹ ɓìsi lɛ ɓum ɓɛ saaɗ, lɛ rìgherɛ̀n ɗi tì gherɛɛ roànɛ à ghèmzìghày a ɓìloŋ Kan wìs Yeesus.

RÒMƐŊ 5:1

Yɛ̀ɛ tì ti min ɓumɓɛ ɓɛ ri lɛ saaɗ ɓi mis mɛ Bɛ̀ll lɛ rìgherɛ̀n, tì yiìdi ɓi paàzì rì Bɛ̀ll lɛ Kan wìs Yeesus Kiris.

1 KƆ̀RƐ̀ŊTYƐŊ 1:22

Ɓɛ̀yudɛ̀n ɓɛɛ̀ tɔtɔg dàm yi ɓiɓan, Gìrɛg yɔ̀ɔ̀ tɔtɔ̀g ɗyomzɛ̀n.

2 KƆ̀RƐ̀ŊTYƐŊ 7:10

Lɛ bim inɛ mum à woogh yɛ̀ɛ kɛɛ̀ kɔ̀ngi Bɛ̀ll, ì ti ì kìlàg com ki lɛ mum a lɔɔ̀ghrɛn nɗem, kìɓan kiǹ ki ɓa ɓisuu gòri yìì; foo, mum à yin lɛ à lemgì; wɔ̀lɛ rìkuu ɗi bim ɗi ɗi ri ɓi ziinɛ ɗi ti ɗi syogìì rìwu.

GÀLAT 2:16

Nni wɔ̀lɛ tì yii lɛ mum à yin lɛ à ɓa lɛ saaɗ ɓi mis mɛ Bɛ̀ll lɛ yɛ̀ɛ a nɔ̀ɔnɔɔ̀tì ɓìdɔ̀gsɛna ɓi Ɓɛ̀yudɛ̀n, lɔŋ ŋwaànɛ à gherɛɛ Yeesus Kiris nnyɛɛ ri lɛ saaɗ ɓi mis mɛ Bɛ̀ll, fɔɔnnɛ ɓìsi girig tì gherɛ̀ngà Yeesus Kiris lɛ di ti ghɛnɛn ɓi mis mɛ Bɛ̀ll lɛ tì rì lɛ saaɗ lɛ rìgherɛ̀n ɗi tì gherɛɛ Kiris, àa ɓisuulɛ ti nɔ̀ɔnɔɔ̀tì ɓìdɔ̀gsɛna; lɛ rìɓèŋ ɗi ɓidɔ̀gsɛna ɗi yin lɛ ɗi ki lɛ mum a ɓa lɛ saaɗ ɓi mis mɛ Bɛ̀ll.

GÀLAT 2:20

Ǹwughà ɓi Kɔrɔs ǹɗaŋ ɗi Kiris, fɔɔnnɛ àa mɛ̀ yɛɛ̀ ghɛghɛɓti, lɔŋ Kiris yɛɛ̀ ghɛghɛɓ ɓi mɛ̀; cɛɓ ki nghɛghɛɓ gɛɛ̀nɛ yɛ̀ɛ mum, nghɛghɛɓ kɔ ɓi rìgherɛ̀n ɗi ǹgherɛɛ Man à Bɛ̀ll ànɛ à keesìghà mɛ̀, à ki fa cɛɓ kii ɓisu wɛ̀m.

GÀLAT 3:22

Kìɓan kifog kaàtà à Bɛ̀ll a rèsag lɛ, ɓyom ɓìcèm ɓi ri ɓi rìkpàn ɗi kiɓe, lɛ di ǹkàg wu Bɛ̀ll à faghà wɛɛ ron ɓi san ànɛ a ɓɛ̀gherɛ̀n lɛ rìgherɛ̀n ɗi ɓɛ gherɛɛ Yeesus Kiris.

EFÈZYƐŊ 1:15

Kìɓan kiǹ kɛɛ̀ki, yɛ̀ɛ mɛ̀ɛ nwoogh girig di ɓɛɛ̀ sɛsɛg lèg ànɛ ɓì gherɛɛ Kan Yeesus, rì nkɔ̀nɛ̀n ànɛ ɓì rì rì nyi ɓi san à ɓɛ̀gherɛ̀n ɓɛ̀cèm,

KÒLÒSYƐŊ 2:5

Lɛ nsoò màa rì mìni fìràɓ ɓi rìɓa ɗi ɓi mɛ̀mùù, ǹɗem wɛ̀m wu ri lɔŋ foo ri mìni, ǹwowog kirɔɔ yɛ̀ɛ nseesee syeesyee à rìwòŋzàg ɗi ɓiɓan ɓi nyìinyìm wìn, rì yɛ̀ɛ rìgherɛ̀n ɗin ɗi ɓi Kiris, ɗi ri lɛ kpeg-kpeg.

FILEMƆŊ 1:5

lɛ ǹti ǹwowòg di ɓɛɛ̀ kpaakpaa nkɔ̀nɛ̀n, rì ntyweeyi, ɓi u rèresi ɓi san ànɛ yɛ̀ɛ Kan Yeesus rì ɓisuu ɓɛgherɛ̀n ɓɛ̀cèm.

1 ZYAŊ 5:1

Mum bimiɗ ànɛ à gherɛɛ lɛ Yeesus à rì Kiris, à rì ŋwaànɛ à gherɛɛ Bɛ̀ll; nni ŋwaànɛ à keesii seŋi, à ti à keesàg girig ɓɔn ɓɛ seŋi ànɛ̀n à yali.

1 ZYAŊ 5:5

Ghɛn yɛɛ ri lɛ à yag ziinɛ, i ki yin lɛ ŋwaànɛ à gherɛɛ lɛ, Yeesus Kiris à rì Man à Bɛ̀ll.