MƐ̀KÌKÌÌ MƐ ƁƐKƐ̀NÌ-FÌTOM 2:46 - Bafia Nouveau Testament

⁴⁶ Cààmɛ̀n kìcèm ɓɛ ǹti ɓɛ taŋzàg ɓi naà-Bɛ̀ll ŋwos bimiɗ, ɓɛ ɗiɗì ɓìɗilàg ɓyaa ǹɗaŋ ɓi naa yaa ɓɛ ɗiɗì ɓyɔ rì kìnyàà, rì ǹɗem wu risɛɛ̀dɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 2:46 ပူးပေါင်းရင်းမြစ်များ

MATYOO 6:22

Ɗis ɗyɛɛ ri lamɓà ànɛ ɓi nyoo ì mum; i ɗis ɗyɔɔ ɗi ri lɛ syeesyee, nyoo yɔ̀ɔ̀ bimiɗ ì ɓa lɛ kperèèŋ;

LUKAS 11:41

Com ki ɓyàa ghɛ̀ɛ̀sɛɛ kì kìi ki ri lɛ, ɓi fa ɓɛ̀soghàsogha ɓyom rì nɗem wu syeesyee, fɔɔnnɛ ɓyom ɓìcèm ɓi ɓiì ɓaà ɓìtɛnɛn ɓisu wìn.

LUKAS 24:30

Nni yɛ̀ɛ à kɔ̀rìghà ɓi ɓìɗilàg ǹɗaŋ ri ɓɔ, fɔɔnnɛ à tekà bìrɛs, à fa Bɛ̀ll ɓìtògsɛ̀n, à ɓɛg yɔ̀ à fa ɓɔ.

LUKAS 24:53

Ɓɛ ɓaghà lɔŋ ɓi naà-Bɛ̀ll ɓyààmɛ̀n ɓìcèm, ɓɛ fafà Bɛ̀ll rìkem.

MƐ̀KÌKÌÌ MƐ ƁƐKƐ̀NÌ-FÌTOM 16:34

Ajɛ̀m ìnɛn nnɛ m̀ɓèŋì-naà-zày à tekà lɛ rì Pol rì Silas, à ɓɔg rì ɓɔ a mɛɛ mii, à fa ɓɔ ɓyom ɓiɗiyɛn, ŋwaànɛ̀n rì naa yìì i ɓum, ɓɛ wokà kìrɔɔ lɛɛ̀gwey, yɛ̀ɛ ɓɛ gherɛ̀ngà Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 2:42

Ɓɛ siìrɛ̀ngà ɓi rìwowòg ɗi rirèsàg ɗi ɓɛkɛ̀nì-fìtom, rì ɓi cɛɓ ki rigeni, rì ɓi rìcusàg ɗi bìrɛs, rì ɓi bɔ̀ŋzɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 20:7

Ɓi ŋwos a ǹtonto ànɛ ɓi rìtumɛ̀n ɗi sɔnɗì nnɛ tì ɓaghà ɓɛ̀taŋzɛn lɛ ti teɗ ɓìɗilàg ɓi Bɛ̀ll. Pol nyii ghɛɛ̀sɛ̀ngà kì ghaghii ɓi duri tana, nni à tòkàkà rì ɓɛ̀gherɛ̀n, à ki ràɓsi ɓitòkì à kpaŋ nyìinyìm à-ru.

MƐ̀KÌKÌÌ MƐ ƁƐKƐ̀NÌ-FÌTOM 3:1

Pyɛɛri ɓɛɛ̀ Zyaŋ ɓɛ ɓɔ̀ɓɔ̀kà a naà-Bɛ̀ll ɓi cààmɛ̀n à bɔ̀ŋzɛ̀n ì mɛ̀kɛ̀ɛ̀ mɛraa à ŋwos ǹkɛ̀nɛn.

MƐ̀KÌKÌÌ MƐ ƁƐKƐ̀NÌ-FÌTOM 5:21

Yɛ̀ɛ ɓɛ wokà fɔlɔɔ, nni ɓɛ pongà ɓi naà-Bɛ̀ll ɓɛ tumɛ̀n ɓum ɗì rèrèsì ɗi ɓiɓan ɓiǹ. Fɔɔnnɛ ǹkɔ̀mɛ̀n ɓɛ̀pìrɛɛtìrɛ̀ ɓɛgwey, rì ǹɗaŋ wii wu ɓum ɓɛ yughày, ɓɛ reŋɗɛ̀n ǹtaŋzɛn wu Ɓɛ̀yudɛ̀n wu lɛ Sànèdìrɛŋ, rì ɓɛ̀sɛ̀ɛ̀mɛn ɓɛ̀cèm ɓɛ a Isirayɛl, ɓɛ rom min ɓɛ̀sujàà lɛ ɓɛɛ kɛǹ yì kì terì ɓɛ̀kɛ̀nì-fìtom ɓi naà-zày.

MƐ̀KÌKÌÌ MƐ ƁƐKƐ̀NÌ-FÌTOM 5:42

Nni fɔɔnnɛ ɓɛ fɔlà ɓi rirèsì, ɗì rìghagsì ɗi Syeesyee à Ɓɔlɛ à Yeesus Kiris ɓi naà-Bɛ̀ll, ɗì ɓi ɓɛ̀naa ɓaa ɓɛŋwos ɓɛ̀cèm.

RÒMƐŊ 12:8

Roànɛ Bɛ̀ll à faghà lɛ a teètèèsì ɓɛ̀geni nyoo rì deɓ à ghɛ̀ɛ̀sɛɛ kì sììrɛɛ ɓi rìkìkì ɗi fɔlɔɔ; roànɛ a kàakàɓsì ìkum wii, à ghɛ̀ɛ̀sɛɛ kì kìi kiɓan kiǹ kɛ̀ɛ̀ ǹkàŋɗɛ̀n; roànɛ a kɛ̀ɛkɛɛ̀sì ǹɗaŋ à ghɛ̀ɛ̀sɛɛ wɔ kì kɛ̀ɛ̀sii ri tìkɛɗ; roànɛ a ghɛɛghɛɓsì ɓum ɓɛ nyìighnyìg à ghɛ̀ɛ̀sɛɛ kì kìi kiɓan kiǹ rì kìnyàà.

1 KƆ̀RƐ̀ŊTYƐŊ 10:16

Ɓeŋ à ɓɛ̀mààgh ànɛ tì ti tì falàg Bɛ̀ll ɓìtògsɛ̀n lɛ nyi, à ti kɛ̀ɛ kì nya lɛ ti ɓa ɓɛ̀ràrɛn ɗi bwaɓ yi Kiris? Bìrɛs ìnɛ tì ti tì ɓɛkì, ì ti yɛ̀ kɛɛ̀ kì nya lɛ ti ɓa ɓɛ̀ràrɛn ɗi nyoo ì Kiris?

2 KƆ̀RƐ̀ŊTYƐŊ 1:12

Lɛ kìɓan ki ɓìsii ri lɛ tì teɗ rìkem miì ki ri lɛ: ǹɗem wis wɛɛ̀ rèresi ɓisi lɛ tɛntɛ̀ɛ̀n lɛ: rìkɛ̀ɛ̀kɛ̀ɛ̀ ɗis ɗi ɓi ziinɛ, à ɓiisɛ̀n ɓi ɓɛg ànɛ a lɔ̀ŋkin, ɗi ri ɗì tɛnɛn, ɗi ɓa tì lɛ saaɗ, kɛ̀ɛ̀ mɛ̀ghèy. Rìɓa ɗìn ɗi fuu yì yɛ̀ɛ Bɛ̀ll, lɛ geesɛ̀n ì Bɛ̀ll yɛɛ̀ kɛ̀ɛkɛɛ̀sì ɓìsi, àa ɗyomzɛ̀n ɗi ɓum.

2 KƆ̀RƐ̀ŊTYƐŊ 11:3

Nsoò fɔlɔɔ, ǹɗì rì mɛ̀riighrikì lɛ, fɛlɛ yɛ̀ɛ nyoo ì yègsìghà Ɛɛvɛ rì ɗyomzɛ̀n ɗi ì ɓaghày rì ɗyɔ, mɛ̀yitì min mɛ̀ kɛɛ̀ ɓa lɛ mɛ ɓuùsɛ̀n ɓi lèg ànɛ lɛ ɓi rini lɛ rì rìsɛɛ̀dì ɗi mìniìɓɔmiɗ ɓi zi, rì rìtɛn, lɛ ɓyɛɛ̀ɓi ɓì ghɛ̀ɛ̀sɛɛ kì ɓaà rì ɓyɔ, ɓi ɓɛg ànɛ yɛ̀ɛ Kiris.

EFÈZYƐŊ 6:5

Mìni ɓɛ̀kpàn, kìina ɓɛ̀masà ɓin ɓɛ ɓi mɛ̀mùù mɛ̀wog, ɓì nìgì ɓɔ, ɓì fafà ɓɔ bɔgsɛ̀n, rì syeesyee à nɗem lɔŋ yɛ̀ɛ Kiris innɛ ɓi kìki kisay.

KÒLÒSYƐŊ 3:22

Mìni ɓɛ̀kìì-ɓìsay, kìina ɓɛ̀masà ɓin ɓɛ ɓi mɛ̀mùù mɛ̀wog ɓi ɓìɓan ɓìcèm, kɛ̀ ɓi kì lɔŋ ɓɔ mɛ̀wog cààmɛ̀n ki ɓɛɛ̀ seesee mini kɔ rì kɔ, yɛ̀ɛ ɓɛɛ̀ kali lɛ, ɓum ɓɛɛ̀ɓɛ ɓi kɔ̀nkɔn lɛ ɓi puɓsi ǹɗem, kìɓan kifog kìina ɓɔ mɛ̀wog rì nɗem wu sɛɛghi sɛɛghi ɓisuu bɔgsɛ̀n ìnɛ ɓì rì rì yɔ̀ ɓi san ànɛ yɛ̀ɛ Kan.