MƐ̀KÌKÌÌ MƐ ƁƐKƐ̀NÌ-FÌTOM 2:42 - Bafia Nouveau Testament

⁴² Ɓɛ siìrɛ̀ngà ɓi rìwowòg ɗi rirèsàg ɗi ɓɛkɛ̀nì-fìtom, rì ɓi cɛɓ ki rigeni, rì ɓi rìcusàg ɗi bìrɛs, rì ɓi bɔ̀ŋzɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 2:42 ပူးပေါင်းရင်းမြစ်များ

LUKAS 24:30

Nni yɛ̀ɛ à kɔ̀rìghà ɓi ɓìɗilàg ǹɗaŋ ri ɓɔ, fɔɔnnɛ à tekà bìrɛs, à fa Bɛ̀ll ɓìtògsɛ̀n, à ɓɛg yɔ̀ à fa ɓɔ.

LUKAS 24:35

Fɔɔnnɛ ɓɔɔ kpaaghà ɓɔ kìɓan ki kaa kìi ɓɔ ɓi bee inɛ a Emayus, rì yɛ̀ɛ ɓaa rèmii Yeesus di à mɛ ɓɛg bìrɛs.

MƐ̀KÌKÌÌ MƐ ƁƐKƐ̀NÌ-FÌTOM 1:14

Ɓɛ ǹti ɓɛ taŋzàg ɓɔɔ̀cèm lɔŋ nɗem wùfog lɛ ɓɛɛ ɓɔŋzag Bɛ̀ll, ǹɗaŋ ri ɓɛ̀yiɓ, rì Marii à jɛɛ Yeesus, rì ɓɛ̀geni ɓɛ Yeesus.

MƐ̀KÌKÌÌ MƐ ƁƐKƐ̀NÌ-FÌTOM 11:23

Nni yɛ̀ɛ à kpagà wɔɔ, à ghɛn yɛ̀ɛ geesɛ̀n ì Bɛ̀ll ì rèsɛ̀ngà a ɓɛ̀gherɛ̀n ɓɛǹ, à nyààrɛ̀n, à ki toni ɓɔ lɛ: Sììrɛɛna lɔŋ ɓi Kan Yeesus, rì mɛ̀rem min mɛcèm.

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 2:46

Cààmɛ̀n kìcèm ɓɛ ǹti ɓɛ taŋzàg ɓi naà-Bɛ̀ll ŋwos bimiɗ, ɓɛ ɗiɗì ɓìɗilàg ɓyaa ǹɗaŋ ɓi naa yaa ɓɛ ɗiɗì ɓyɔ rì kìnyàà, rì ǹɗem wu risɛɛ̀dɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 20:11

Nni à sugtìghà kìɓɔɔ̀gh, à ɓɛg bìrɛs à ɗi ajɛ̀m ìnɛn nnɛ à kɛ̀ɛ̀dìtìghà lɔŋ ri ɓìtòkì ɓii asu, duri ì ràm ì tan, fɔɔnnɛ à ki ghaghìghà min.

MƐ̀KÌKÌÌ MƐ ƁƐKƐ̀NÌ-FÌTOM 20:7

Ɓi ŋwos a ǹtonto ànɛ ɓi rìtumɛ̀n ɗi sɔnɗì nnɛ tì ɓaghà ɓɛ̀taŋzɛn lɛ ti teɗ ɓìɗilàg ɓi Bɛ̀ll. Pol nyii ghɛɛ̀sɛ̀ngà kì ghaghii ɓi duri tana, nni à tòkàkà rì ɓɛ̀gherɛ̀n, à ki ràɓsi ɓitòkì à kpaŋ nyìinyìm à-ru.

MƐ̀KÌKÌÌ MƐ ƁƐKƐ̀NÌ-FÌTOM 4:23

Yɛ̀ɛ ɓɛ caɗkày ɓɛ̀-Pyɛɛri ɓɛɛ̀ Zyaŋ, ɓɛ kɛngà kì tanɛɛ ɓɛgeni ɓaa, ɓɛ kali ɓɔ ɓìɓan ɓi ɓɛ̀pìrɛɛtìrɛ̀ ɓɛgwey rì ɓɛ̀sɛ̀ɛ̀mɛn ɓɛ ɓi kìlɔ̀ŋ ɓɛ rɔgsɛ̀ngà ɓɔ lɛ, ɓɛ̀ kɛɛ̀ kì ti.

MƐ̀KÌKÌÌ MƐ ƁƐKƐ̀NÌ-FÌTOM 4:31

Yɛ̀ɛ ɓɛ legsìghà bɔ̀ŋzɛ̀n yàà inɛ̀n, mɛɛ mɛ ɓɛ ɓaghà wɔɔ ɓɛtaŋzɛn mɛ nyɛŋɗɛ̀ngà, fɔɔnnɛ ɓɛ̀sɛ̀ɛ̀ ɓɛ̀cèm ɓɛ rongà rì Kìtɛntɛ̀ɛ̀n ki Nghay, ɓɛ ki ghaaghagsì Ɓɔlɛ à Bɛ̀ll rì ntyweeyi ɓi ǹɗem.

MƐ̀KÌKÌÌ MƐ ƁƐKƐ̀NÌ-FÌTOM 6:4

Fɔɔnnɛ ɓìsii ri ɓiì kɛ̀ɛ asu, tì sììrɛ̀n ɓi bɔ̀ŋzɛ̀n, rì ɓi rìghagsì ɗi jɛ̀ɛ̀ ì Bɛ̀ll.

RÒMƐŊ 12:12

Ɓì ghɛ̀ɛ̀sɛɛ kì nyàànyaa ɓi dyàɓɛn inɛ ɓì rì rì yɔ̀, ɓì nìɗ ǹɗem cààmɛ̀n ki ɓì tulɛɛ ri mɛ̀tɔɓ, ɓì ki sììrɛn bi bɔ̀ŋzɛ̀n.

1 KƆ̀RƐ̀ŊTYƐŊ 10:21

Ɓì yin lɛ ɓì kì lɛ: di ɓi nɔ ɓeŋ à Kan, di ɓi nɔ ɓeŋ à ɓìɓeɓtàg ɓi mɛghay fɔɔnnɛ ɓì yin lɛ ɓì kì lɛ: ɓì ɗi ɓi teɓèrè à Kan, ɓì ɗi ɓi teɓèrè à ɓìɓeɓtàg ɓi mɛghay.

1 KƆ̀RƐ̀ŊTYƐŊ 11:2

Ǹsɛɛgh mìni yɛ̀ɛ ɓi yiiyitàg mɛ̀ ɓyààmɛ̀n ɓìcèm, rì yɛ̀ɛ ɓi ɓèŋɓeŋ deɓ yɛm̀ lɔŋ yɛ̀ɛ mɛ̀ ǹfaghà mìni yɔ.

1 KƆ̀RƐ̀ŊTYƐŊ 14:6

Nni ɓigomìnɛ, ɓɔɔsoŋ̀ gɛɓsɛ̀n aɗi yɛɛ̀nɛ ǹɗì lɛ mɓay mìni rì yɔ̀, di ǹ-yùu mìni kìtòtoogh ɓìkènekènè ɓi ɓitòkì jàŋ inɛ màa ghɛ̀ɛ̀sɛɛ lɛ ǹ-yùy mìni rì kìɓan ki Ǹghay à rèsii, nsoò lɛ rìyi ɗidɛŋ, nsoò lɛ kìɓan ki Bɛ̀ll à rèsii mɛ̀ lɛ nkpaŋzi, nsoò lɛ bimiɗ à rìrèsàg àdɛŋ?

GÀLAT 1:6

Ǹkuuraagh lɛ ɓì ghàsi kì lɔ̀ghii jɛ̀m rì roànɛ à reŋìghà mìni ɓi geesɛ̀n ì Kiris, ɓì nɔ̀ɔ̀tì Syeesyee à Ɓɔlɛ àdɛŋ.

EFÈZYƐŊ 2:20

Ɓì rì kìtoŋ ki ki ri kìyàghɛn yi ɓi kìsay ki ɓɛkɛ̀nì-fìtom, rì ki ɓɛkpaŋzì-ɓìɓan; Yeesus Kiris nyimiɗ a ɓa gɔ̀g ìnɛ ì ɓanɓani ntɔn à naa.

EFÈZYƐŊ 6:18

Ɓɔ̀ŋziina Bɛ̀ll cààmɛ̀n kìcèm, ri Nghay, ɓì tɔtɔ̀g nyi ǹghɛɓsɛn ɓi bɔ̀ŋzɛ̀n yin yicèm; ɓaana cem ɓi rìkì ɗiǹ, ɓì ki sììrɛn miì lɛ syeesyee, ɓì ɓɔ̀ŋzàg ɓisuu ɓɛgherɛ̀n ɓɛ̀cèm;

FÌLÌPYƐŊ 1:5

ɓisuu gàɓ ìnɛ ɓì mɛ teɗ ɓi rìsààtì ɗi Syeesyee à Ɓɔlɛ, à tumɛ̀n ŋwos a ǹtonto, à kpaŋ ɓigomìnɛ.

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

KÒLÒSYƐŊ 4:2

Sììrɛɛna ɓi bɔ̀ŋzɛ̀n; ɓì ɓa cem miì ɓi rìfafà ɗi Bɛ̀ll ɓìtògsɛ̀n.

2 TIMOTE 3:14

Wɔ̀ɔ̀ sììrɛn lɛ tiŋtiŋ ɓi kìɓan ki ù yilàkà, kɛɛ̀ki ǹtyweeyi wɔɔ wu ri miì; ù yii ŋwaànɛ ù yilàkà kìɓan kiǹ a lɔ̀ŋkii.

EBIREEGH 10:25

Tyɛ̀ ki lèg rikɛ̀ngì ɗi a mɛ̀taŋzɛn mis yɛ̀ɛ ɓum ɓɛdɛŋ ɓɛ ti ɓɛ kilàg, ti faàfàlɛ̀n lɔŋ ɓìsiìɓɔmiɗ itèɗ, à ɓiisɛ̀n yɛ̀ɛ ɓi seesee lɛ ŋwos a Kan a kɛ̀ɛ̀kɛɛ yi.

EBIREEGH 10:39

Ɓìsii yin ɓɛroɓɛ ɓɛ ti ɓɛ sugtàg rì jɛ̀m lɛ ɓɛɛ ɗyaŋ, ɓìsii ri ɓɛ̀roɓɛ ɓɛ gherɛɛ lɛ ɓɛɛ ghɛɓsi ɓyɛɓ ɓyàà.

1 ZYAŊ 1:3

Kìɓan ki tì kìghà lɛ, tì ghɛn tì ki wog kɛɛ̀ki ti ghaaghagsì girig mìni, lɛ di mìni girig, ɓi ɓa ɓɛ̀ràrɛn ri ɓìsi. Nni ɓìsii ri ɓɛ̀ràrɛn lɛ rì Seŋi, rì Yeesus Kiris à Man wiì.

1 ZYAŊ 1:7

Kìɓan kifog i ti kɛ̀ɛ̀kɛɛ ɓi kìtɛɛtɛn fɛlɛ yɛ̀ɛ nyimiɗ a rì ɓi kìtɛɛtɛn, di tì rì ɓɛ̀ràrɛn ɓisi mɛ̀to mɛ̀cèm, fɔɔnnɛ bwaɓ yi Man wiì Yeesus yi soò ɓìɓe ɓis ɓìcèm.

1 ZYAŊ 2:19

Ɓumɓɛ̀n ɓɛ kpagày ɓi ǹɗaŋ wis kìɓan kifog, ɓɛ ɓaghà ɓi ɓɛɓàlɛn ɓi bàlì yìs i ɓum, lɛ i ɓɛɛ ɓa ɓɛ̀ɓàlɛn ɓi bàlì yìs, di ɓɛ rɔɓkà rì ɓìsi; nni ɓɛ mɛ ghasɛn ɗi ɓìsi lɛ kɛɛ ghɛnɛn lɛ tɛntɛ̀ɛ̀n lɛ, ɓɔɔ̀cèm ɓɛ ɓaghà ɓi ɓi bàlì ì ɓum ɓis.

ZYUUDƐ 1:20

Wɔ̀lɛ mìni ɓum ɓɛm ɓɛ nɗem, faafàlɛɛna mìniìɓɔmiɗ itèɗ ɓi rìgherɛ̀n ɗin ɗi ɗi ri ɗìtɛnɛn lɛ kɔɔ̀kɔɔ̀, ɓì ɓɔ̀ɔ̀ɓɔ̀ŋzì rì ìtèɗ wu Kitɛntɛ̀ɛ̀n ki Nghay.